Daily Horoscope: ಅಂಗೈ ಹುಣ್ಣಿಗೆ ಕನ್ನಡಿಬೇಕೆ ಎನ್ನುವಂತೆ ಈ ರಾಶಿಯವರಿಗೆ ಅವರ ತಪ್ಪುಗಳೇ ಕಾಣಸಿಗುತ್ತವೆ

ಕೈ ಉಜ್ಜಿಕೊಂಡು ಬೆಳಗ್ಗೆ ಏಳುವಾಗಲಿಂದ ಮತ್ತೆ ಹಾಸಿಗೆಗೆ ಹೋಗುವವರೆಗೂ ದಿನ ಚೆನ್ನಾಗಿರಬೇಕೆಂದರೆ ನಮ್ಮ ರಾಶಿ ಭವಿಷ್ಯ (Horoscope Today) ಚೆನ್ನಾಗಿರಬೇಕು. ಚಂದ್ರ, ಸೂರ್ಯನ ಸಂಚಾರ ಚನ್ನಾಗಿರಬೇಕು. ಹಾಗಾದರೆ 2023 ಫೆಬ್ರವರಿ 28 ಮಂಗಳವಾರ ನಿಮ್ಮ ರಾಶಿ ಫಲ (Nitya Bhavishya) ಹೇಗಿದೆ? ಇಂದು ಯಾವ ರಾಶಿಯವರಿಗೆ ಶುಭ? ನಿಮ್ಮ ರಾಶಿಗೆ ಏನು ಫಲವಿದೆ? ಎಂಬ ನಿಮ್ಮ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ತಿಳಿದುಕೊಳ್ಳಿ.

ನಿತ್ಯಪಂಚಾಂಗ: ಶಾಲಿವಾಹನ ಶಕೆ 1945, ಶುಭಕೃತ್ ಸಂವತ್ಸರ, ಉತ್ತರಾಯಣ, ಶಿಶಿರ ಋತು, ಕುಂಭ ಮಾಸ, ಮಹಾನಕ್ಷತ್ರ: ಶತಭಿಷಾ, ಮಾಸ: ಫಾಲ್ಗುಣ, ಪಕ್ಷ: ಶುಕ್ಲ, ವಾರ: ಮಂಗಳ, ತಿಥಿ: ನವಮಿ, ನಿತ್ಯನಕ್ಷತ್ರ: ಮೃಗಶಿರಾ, ಯೋಗ: ವಿಷ್ಕಂಭ, ಕರಣ: ಬಾಲವ, ಸೂರ್ಯೋದಯ ಬೆಳಗ್ಗೆ 06 ಗಂಟೆ 51 ನಿಮಿಷಕ್ಕೆ, ಸೂರ್ಯಾಸ್ತ ಸಂಜೆ 06 ಗಂಟೆ 39 ನಿಮಿಷಕ್ಕೆ, ರಾಹು ಕಾಲ ಮಧ್ಯಾಹ್ನ 03:42 ರಿಂದ 05:11ರವರೆಗೆ, ಯಮಘಂಡ ಕಾಲ ಬೆಳಗ್ಗೆ 09:48 ರಿಂದ 11:17ರವರೆಗೆ, ಗುಳಿಕ ಕಾಲ ಮಧ್ಯಾಹ್ನ 12:45 ರಿಂದ 02:14ರವರೆಗೆ.

ಮೇಷ: ಸತ್ಕಾರ್ಯದಲ್ಲಿ ಆಸಕ್ತಿಯುಳ್ಳವರಾಗಿದ್ದೀರಿ. ನಿಮ್ಮ ಕಾರ್ಯಕ್ಕೆ ಯಶಸ್ಸು ಸಿಗಬಹುದು. ಅನಾರೋಗ್ಯದಿಂದ ಬಳಲುವ ಸಾಧ್ಯತೆ ಇದೆ. ಕುಟುಂಬದಲ್ಲಿ ಪಿತ್ರಾರ್ಜಿತ ಆಸ್ತಿಯ ಮಾತುಕತೆಯಗಲಿದ್ದು ತಂದೆಗೆ ಚಿಂತೆಯು ಕಾಡಬಹುದಾಗಿದೆ. ಭೂಮಿಯ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಗೊಂದಲಗಳು ಬರಬಹುದು. ಹೆಚ್ಚಿನ ರಿಸ್ಕ್ ನ್ನು ತೆಗದುಕೊಳ್ಳಬೇಕಾಗಬಹುದು. ತಾಯಿಯ ಪ್ರೀತಿಯು ದೊರೆಯುವ ದಿನವಿಂದು. ಕೆಲಸಗಳನ್ನು ಅಚ್ಚುಕಟ್ಟಾಗಿ ಮಾಡಿ ಮುಗಿಸುವಿರಿ. ಬೆಲೆಬಾಳುವ ವಸ್ತುಗಳನ್ನು ಖರೀದಿಸುವಿರಿ. ಬುಧನು ಏಕಾದಶಸ್ಥಾನದಲ್ಲಿದ್ದು ರವಿ ಹಾಗು ಶನಿಯನ್ನು ಕೂಡಿಕೊಂಡಿರುವನು. ಬುದ್ಧಿವಂತಿಕೆಯನ್ನು ಬಳಸಿಕೊಂಡು ಲಾಭ ಪಡೆಯುವಿರಿ.

ವೃಷಭ: ಬಂಧುಗಳೊಡನೆ ಹೆಚ್ಚು ಸಮಯವನ್ನು ಕಳೆಯುವಿರಿ. ಸ್ತ್ರೀಯರಿಂದ ಲಾಭವಾಗಲಿದೆ. ಪರಮಾನ್ನಭೋಜನವನ್ನು ಉಣ್ಣಲಿದ್ದೀರಿ. ಪ್ರಯಾಣವನ್ನು ಮಾಡಲು ಹೋಗಬೇಡಿ.‌ ಅನಾರೋಗ್ಯ ಅಥವಾ ಅನಾಹುತವಾಗುವ ಸಾಧ್ಯತೆ ಇದೆ. ನೀವು ಹೇಳದೇ ಇರುವ ರಹಸ್ಯವನ್ನು ಇಂದು ನಿಮ್ಮಿಂದ ತಿಳಿಯಲಿದೆ. ಯಾರಿಗೂ ಉಪದೇಶವನ್ನು ಕೊಡಲು ಹೋಗಬೇಡಿ.‌ ಅಪಹಾಸ್ಯಕ್ಕೆ ಒಳಗಾಗಬೇಕಾಗಿ ಬರಬಹುದು. ಉನ್ನತವಾದ ಧ್ಯೇಯವೇ ನಿಮ್ಮ ಯಶಸ್ಸಿನ ಮೊದಲು ಮೆಟ್ಟಿಲು ಎನ್ನುವುದನ್ನು ತಿಳಿದಿದ್ದೀರಿ. ಕಲಹಕ್ಕೆ ದಾರಿಯನ್ನು ಮಾಡಿಕೊಡಬೇಡಿ. ಮನೆ ಬಳಕೆಯ ವಸ್ತುಗಳನ್ನು ಖರೀದಿಸಲಿದ್ದೀರಿ. ನಿಮ್ಮ ರಾಶಿಯಲ್ಲಿಯೇ ಕುಜ ಚಂದ್ರನಿರುವ ಕಾರಣ ಮನೋವಿಕಾರವಾಗುವ ಸಾಧ್ಯತೆ ಇದೆ.

ಮಿಥುನ: ಕುಟುಂಬದಲ್ಲಿ ಸೌಖ್ಯವಿರಲಿದೆ. ನೀವಿಂದು ಉದ್ಯೋಗದ ಸ್ಥಳದಲ್ಲಿ ಕಾರ್ಯದ ಒತ್ತಡದಿಂದ ಕಿರಿಕಿರಿಯು ಆಗಬಹುದಾಗಿದೆ. ವಿವಾಹಯೋಗವು ಕೂಡಿಬರಲಿದೆ. ಸ್ಥಾನಬದಲಾವಣೆ ಮಾಡುವ ಸಾಧ್ಯತೆ ಇದೆ. ಸಂಗಾತಿಯಿಂದ ಸಂಪತ್ತನ್ನು ಪಡೆದು ಖರೀದಿಗಳನ್ನು ಮಾಡಲಿದ್ದೀರಿ. ಸ್ನೇಹಿತರು ನಿಮ್ಮ ಸಹಾಯಕ್ಕೆ ಬರಲಿದ್ದಾರೆ. ಧಾರ್ಮಿಕದತ್ತ ನಿಮ್ಮ ಮನಸ್ಸು ಒಲಿಯುವ ಸಾಧ್ಯತೆ ಇದ್ದು. ಅತಿಯಾದ ತಿರುಗಾಟದಿಂದ ಆಯಾಸವಾಗಬಹುದು. ಹೆಚ್ಚು ಕಾಲ ದೇವತೋಪಾಸನೆಯಲ್ಲಿ ಕಾಲವನ್ನು ಕಳೆಯುವಿರಿ. ಆರೋಗ್ಯದ ಮೇಲೆ ಗಮನವಿರಲಿ. ರಾಮನಾಮತಾರಕವನ್ನು ನೂರೆಂಟು ಬಾರಿ ಜಪಿಸಿ.

ಕಟಕ: ಅಂಗೈ ಹುಣ್ಣಿಗೆ ಕನ್ನಡಿಬೇಕೆ ಎನ್ನುವಂತೆ ನಿಮ್ಮ ತಪ್ಪುಗಳೇ ನಿಮಗೆ ಕಾಣಸಿಗುತ್ತವೆ. ಬೆನ್ನಿನಲ್ಲಿ ಆದ ಹುಣ್ಣು ನಿಮಗೆ ನೋವನ್ನು ಕೊಡುವಂತೆ ನಿಮ್ಮದೇ ಮಿತ್ರರು ಶತ್ರುಗಳಾಗಿ ನುಂಗಲೂ ಆಗದ ಉಗುಳಲೂ ಆಗದ ಸ್ಥಿತಿಯನ್ನು ಅನುಭವಿಸುವಿರಿ. ಇನ್ನೊಬ್ಬರನ್ನು ಮೊಸಗೊಳಿಸಲು ಹೋಗಿ ನೀವೇ ಸಮಸ್ಯೆಯಲ್ಲಿ ಸಿಕ್ಕಿಬೀಳುವಿರಿ. ನೀವಿಂದು ಹಿರಿಯರ ಮಾರ್ಗದರ್ಶನದಲ್ಲಿ ಮುಂದುವರಿದರೆ ಉತ್ತಮವಾಗಲಿದೆ. ಆರೋಗ್ಯವನ್ನು ಹೆಚ್ಚಿಸುವ, ಚೆನ್ನಾಗಿಡುವ ಆಹಾರ, ಪಾನೀಯಗಳನ್ನು ಸೇವಿಸಿ. ನಿಧಾನಗತಿಯಲ್ಲಿ ಸಾಗುವ ಕೆಲಸದಿಂದ ಬೇಸರಗೊಳ್ಳುವಿರಿ. ಬೆಳಗ್ಗೆ ಸೂರ್ಯನಿಗೆ ಸಮಸ್ಕಾರ ಮಾಡಿ. ಆರೋಗ್ಯವನ್ನು ದಯಪಾಲಿಸುವನು.

ಸಿಂಹ: ಕೋಪಕ್ಕೆ ನಿಮ್ಮ ಬುದ್ಧಿಯನ್ನು ಕೊಡಬೇಡಿ. ಮಾತುಗಳನ್ನು ಸಾವಧಾನದಿಂದ ಕೇಳುವ ಮನಸ್ಸು ಇರಲಿ. ಮಕ್ಕಳ ಬಗ್ಗೆ ಹೆಚ್ಚು ಕಾಳಜಿಯನ್ನು ಇರಿಸಿಕೊಳ್ಳುವುದು ಉತ್ತಮ. ಅಪರಿಚಿತರು ನಿಮ್ಮ ಸಹಾಯವನ್ನು ಕೇಳಿ ಬರಬಹುದು. ಅಪರಿಚಿತರ ವರ್ತನೆಯಿಂದ ಸಹವಾಸವನ್ನು ಮಾಡಬೇಡಿ. ಸಹಾಯವನ್ನು ಮಾಡಿ ಸಮಯವನ್ನು ವ್ಯರ್ಥಮಾಡಬೇಡಿ. ವೃತ್ತಿಯಿಂದ ನಿಮಗೆ ಬೇಸರವುಂಟಾಗಬಹುದು. ಯಾವುದೇ ನಿರ್ಧಾರಗಳನ್ನು ಇಂತಹ ಸಂದರ್ಭಗಳಲ್ಲಿ ತೆಗೆದುಕೊಳ್ಳಬೇಡಿ. ಹಣವು ಖರ್ಚಾಯಿತೆಂಬ ಆತಂಕ ಬೇಡ. ಉಳಿಸುವ, ಸಂಪಾದಿಸುವ ಮಾರ್ಗದ ಕುರಿತು ಆಲೋಚನೆ ಇರಲಿ. ಶಿವಕವಚವನ್ನು ಪಠಿಸಿ.

ಕನ್ಯಾ: ಸಂಪಾದನೆಗೆ ಅನೇಕ ಮಾರ್ಗಗಳು ನಿಮ್ಮೆದುರು ತೆರೆದುಕೊಳ್ಳಲಿವೆ. ಆಲಸ್ಯವನ್ನು ಇಂದು ಮೈಗೂಡಿಸಿಕೊಂಡಿರುತ್ತೀರಿ. ಫಲವು ಸಿಗುವ ತನಕ ಪ್ರಯತ್ನವನ್ನು ಬಿಡಬೇಡಿ. ವಿದ್ಯಾರ್ಥಿಗಳು ಶಿಕ್ಷಕರಿಂದ ಉಪದೇಶವನ್ನು ಪಡೆಯುವರು. ಸಮಾಜಸೇವೆಗೆ ನಿಮ್ಮನ್ನು ತೊಡಗಿಸಿಕೊಳ್ಳುವ ಹಂಬಲದಲ್ಲಿ ಇರುತ್ತೀರಿ. ಆರೋಗ್ಯದ ವ್ಯತ್ಯಸವನ್ನು ಗಮನಿಸುತ್ತ ವೈದ್ಯರ ಸಲಹೆಯನ್ನು ನಿರಾಕರಿಸದೇ ಹಾಗೆಯೇ ನಡೆದುಕೊಳ್ಳಿ. ಬೆಟ್ಟ ಗುಡ್ಡಗಳನ್ನು ಏರುವ ಸಾಹಸಕ್ಕೆ ಹೋಗಬೇಡಿ. ಬಿದ್ದು ಪೆಟ್ಟು ಮಾಡಿಕೊಳ್ಳಬಹುದು. ಬಹಳ ದಿನಗಳಿಂದ ಇದ್ದ ಆಸೆಯನ್ನು ಇಂದು ಪೂರೈಸಿಕೊಳ್ಳುವಿರಿ. ದ್ವಿತೀಯದಲ್ಲಿರುವ ಕೇತುವು ನಿಮ್ಮ ಮಾತನ್ನು ಕೆಡಿಸುವನು. ಗಣಪತಿಯನ್ನು ಸ್ಮರಿಸಿ.

ತುಲಾ: ನೆಮ್ಮದಿ ಬೇಕೆಂದು ನೀವು ಅದು ಸಿಗುವ ಸ್ಥಳಕ್ಕೆ ಹೋಗುವಿರಿ. ನೌಕರಸ್ಥರು ಇಂದು ಒತ್ತಡಗಳು ಇಲ್ಲದೇ ನಿಶ್ಚಿಂತೆಯಿಂದ ಕೆಲಸವನ್ನು ಮಾಡುವಿರಿ. ವೈದ್ಯರು ರೋಗಿಯ ತಪಾಸಣೆಯಲ್ಲಿ ಜಾಗರೂಕರಾಗಿರಿ. ವಿಶ್ವಾಸಘಾತಕರು ನಿಮ್ಮ ಸುತ್ತಲೇ ಇದ್ದಾರೆ ಎಂದು ಅನ್ನಿಸುತ್ತದೆ. ಸಣ್ಣ ಅನಾಹುತವೂ ನಿಮ್ಮ ವೃತ್ತಿಗೆ ಕಂಟಕವಾದೀತು. ಯಾರ ಮಾತಿಗೂ ಎದುರಾಡದೇ ಒಪ್ಪಿಕೊಳ್ಳಿ. ಸಣ್ಣ ಕಾರಣಕ್ಕೆ ಸ್ನೇಹಿತರೊಡನೆ ಕಲಹವಾಗಿ, ಅದು ದ್ವೇಷಕ್ಕೂ ಕಾರಣವಾಗಲಿದೆ. ನಿಮ್ಮ ಸ್ವಂತ ಆಲೋಚನೆಗಳಿಂದ ಮಾಡಬೇಕಾದುದನ್ನು ಮಾಡಿಕೊಳ್ಳಿ. ಋಣಮುಕ್ತರಾಗಲು ನೀವು ಬಹಳ ಶ್ರಮಪಡಬೇಕಾಗಿದೆ. ಕುಲದೇವರಾದ ಅಮ್ಮನವರ ಸ್ತುತಿ ಮಾಡಿ.

ವೃಶ್ಚಿಕ: ಭೂಮಿಯ ಭಾಗವನ್ನು ಕಳೆದುಕೊಳ್ಳುವ ಸ್ಥಿತಿ ಬರಬಹುದು. ಯಾರ ಬಲವನ್ನೂ ತಪ್ಪಾಗಿ ಗ್ರಹಿಸಿಬೇಡಿ. ರೂಪಕ್ಕೆ ತಕ್ಕಂತೆ ಸ್ವರೂಪವಿರುವುದಿಲ್ಲ ಎನ್ನುವ ಮಾತನ್ನು ನೆನಪಿಸಿಕೊಳ್ಳುತ್ತ ಇರಿ. ನಿಮಗೆ ಸಲ್ಲದ ಮಾತುಗಳು ನಿಮ್ಮೆದುರು ಬರಬಹುದು. ಉದ್ವೇಗದಿಂದ ಏನನ್ನಾದರೂ ಹೇಳಲು ಹೋಗಬೇಡಿ. ನಿಮ್ಮನ್ನು ಅನ್ಯರಂತೆ ಕಂಡಾರು. ಹಿರಿಯ ಜೊತೆ ಕುಳಿತು ಅನುಭವವನ್ನು ಕೇಳಿ‌ ಪಡೆಯಿರಿ. ದಾಂಪತ್ಯದಲ್ಲಿ ಬಿರುಸಿನ ಮಾತುಗಳು ಕೇಳಿಬರಬಹುದು. ದಾಂಪತ್ಯದಲ್ಲಿ ಸುಖಮಯವಾದ ವಾತಾವರಣವಿರಲಿದೆ. ಮಾತನ್ನು ಕೇಳಿಸಿಕೊಳ್ಳುವರ ಜೊತೆ ಮಾತ್ರ ಮಾತನಾಡಿ. ಸಪ್ತಮದ ಕುಜನು ನಮಗೆ ವಿವಾಹಕ್ಕೆ ಅಡ್ಡಿಯಾದಾನು. ಸುಬ್ರಹ್ಮಣ್ಯ ಮಂದಿರಕ್ಕೆ ಹೋಗಿ ನಮಸ್ಕರಿಸಿ.

ಧನು: ಅಧಿಕಾರಿಗಳ ಜೊತೆ ಕಿರಿಕ್ ಮಾಡಿಕೊಳ್ಳಲು ಹೋಗಬೇಡಿ. ಇಂದಿನ ನಿಮ್ಮ ಮಾತುಕತೆಗಳಿಂದ ನೀವಿನ್ನೂ ಬಹಳ ತಿಳಿದುಕೊಳ್ಳಬೇಕು ಎಂದನ್ನಿಸುವುದು. ಸಾಲಬಾಧೆಯಿಂದ ಮುಕ್ತರಾಗಲಿದ್ದೀರಿ. ಎಲ್ಲರೂ ವಿದ್ಯಾವಂತೆ ತೋರಿ ನಿಮಗೇ ನಿಮ್ಮ‌ ಮೇಲೆ ಅಶಿಕ್ಷಿತ ಭಾವನೆ ಬರಲಿದೆ. ಶತ್ರುಗಳೆದುರು ತಲೆ ಎತ್ತಿ ನಿಲ್ಲುವ ಮನಸ್ಸು ಮಾಡುವಿರಿ. ಯಾರದೋ ಸಿಟ್ಟನ್ನು ಮಕ್ಕಳ ಮೇಲೆ ತೀರಿಕೊಂಡು ಪಶ್ಚಾತ್ತಾಪವನ್ನು ಅನುಭವಿಸುವಿರಿ. ನಿಮ್ಮವರೇ ನಿಮಗೆ ಶತ್ರುಗಳಂತೆ ಕಂಡಾರು. ಆರ್ಥಿಕಸ್ಥಿಯು ಸ್ವಲ್ಪ ಏರಿಕೆಯ ಹಂತವನ್ನು ತಲುಪಬಹುದಾಗಿದೆ.

ಮಕರ: ವಿದ್ಯಾಭ್ಯಾಸದಲ್ಲಿ ವಿದ್ಯಾರ್ಥಿಗಳು ಆಸಕ್ತಿಯನ್ನು ತೋರಿಸುವುದಿಲ್ಲ. ನಿಮ್ಮವರೇ ನಿಮಗೆ ವಂಚನೆಯ ಸಂಚನ್ನು ಹಾಕುವರು. ನೀವೇ ಮಾಡಿಕೊಂಡ ತಪ್ಪಿನಿಂದ ನಿಮಗೆ ಬೀಳುವ ಸಾಧ್ಯತೆ ಇದೆ. ಸ್ತ್ರೀಯರಿಂದ ಅಪವಾದ ಬರುವ ಸಾಧ್ಯತೆ ಇದೆ. ಉದ್ಯೋಗದ ನಿಮಿತ್ತ ಹೊಸ ವ್ಯಕ್ತಿಗಳ ಪರಿಚಯವಾಗಲಿದೆ. ಹೊಸ ಕೆಲಸಗಳನ್ನು ಮಾಡುವ ಉತ್ಸಾಹದಲ್ಲಿ ಇರುತ್ತೀರಿ. ನೂತನ ಗೃಹನಿರ್ಮಾಣದ ಕನಸನ್ನು ಕಾಣಲಿದ್ದೀರಿ. ಹೊಸದಾದ ಉದ್ಯೋಗದ ಅನ್ವೇಷಣೆಯನ್ನು ಮಾಡುತ್ತಿರುವವರಿಗೆ ಉದ್ಯೋಗವು ಪ್ರಾಪ್ತವಾಗುವುದು. ಅಪರಿಚರಿಂದ ಧನವು ಸಿಗಲಿದೆ. ಲಕ್ಷ್ಮೀನಾರಾಯಣನ ಸ್ತೋತ್ರವನ್ನು ಮಾಡಿ.

ಕುಂಭ: ಕೃಷಿಕರು ಉತ್ತಮ ಲಾಭವನ್ನು ಪಡೆಯಲಿದ್ದಾರೆ. ಸ್ನೇಹಿತರ ವಿಯೋಗವಾಗುವ ಸಾಧ್ಯತೆ ಇದೆ. ನಿಮ್ಮ ಮಾತುಗಳು ಪ್ರೀತಿಸಿದವರ ಹೃದಯಕ್ಕೆ ನಾಟಿ ಅವರೂ ದೂರಾಗುವರು. ಪ್ರೀತಿಪಾತ್ರರ ಭೇಟಿಯನ್ನು ಮಾಡಲಿದ್ದೀರಿ. ಬೇಸರವನ್ನು ಹೆಚ್ಚು ಮಾಡಿಕೊಳ್ಳುವ ಸನ್ನಿವೇಶವನ್ನು ಎದುರು ಹಾಕಿಳ್ಳಬೇಡಿ. ನಿಮ್ಮ ಸತ್ಕಾರ್ಯವು ನಿಮ್ಮನ್ನು ಕೈ ಬಿಡದು. ಒಳ್ಳೆಯವರ ಸಹವಾಸವನ್ನು ಮಾಡಿದ್ದಕ್ಕೆ ಒಳ್ಳೆಯ ಸ್ಥಿತಿಯು ಬರಲಿದೆ‌. ಸ್ವಂತ ಉದ್ಯೋಗದಲ್ಲಿರುವವರಿಗೆ ಹೊಸ ಯೋಜನೆಗಳು ಸಿಗಲಿವೆ. ಶನಿಯು ನಿಮ್ಮ ಗತಿಯನ್ನು ನಿಯಂತ್ರಿಸುವನು. ಶನಿಸ್ತೋತ್ರವನ್ನು ಮಾಡಿ.

ಮೀನ: ಇಷ್ಟರೊಳಗೇ ಸಿಗಬೇಕಿದ್ದ ಅಧಿಕಾರವು ನಿಮಗೆ ಇಂದು ಸಿಗುವ ಸಾಧ್ಯತೆ ಇದೆ. ಒತ್ತಡದಲ್ಲಿ ಇಂದಿನ ದಿನ ಆರಂಭವಾದರೂ ಮುಕ್ತಾಯಕ್ಕೆ ಪ್ರಶಾಂತಮನಸ್ಕರಾಗಿ ಇರುವಿರಿ. ವಾಹನ ಖರೀದಿಯನ್ನು ಮಾಡಲಿದ್ದೀರಿ. ನೀರಿನ ಉತ್ಪನ್ನದ ವ್ಯಾಪರಿಗಳಿಗೆ ಲಾಭವು ಸಿಗಲಿದೆ. ಸಹೋದರರ ಜೊತೆ ಆತ್ಮೀಯವಾದ ಒಡನಾಟವನ್ನು ಹೊಂದುವಿರಿ. ಅತ್ತೆ ಸೊಸೆ ಕಲಹವು ಅಂತ್ಯಕ್ಕೆ ಬಂದು ನಿಲ್ಲುವುದು.ನಿಮ್ಮ ಪ್ರತಿಭೆಗೆ ತಕ್ಕುದಾದ ಸಮ್ಮಾನವು ಇಂದು ಸಿಗಲಿದೆ. ಹಣವನ್ನು ಉಳಿಸಲು ಬೇಕಾದ ಹೂಡಿಕೆ ಮುಂತಾದ ಯೋಜನೆಗಳನ್ನು ಆರಂಭಿಸುವ ಮನಸ್ಸು ಮಾಡುವಿರಿ. ಹರಿದುಹೋಗುವ ಹಣವನ್ನು ತಡೆದು ನಿಲ್ಲಿಸುವ ಪ್ರಯತ್ನ ಮಾಡಿರಿ.

-ಲೋಹಿತಶರ್ಮಾ, ಇಡುವಾಣಿ