Wipro: ವಿಪ್ರೋದಿಂದ 2021ರಲ್ಲಿ ಎರಡನೇ ಬಾರಿಗೆ ವೇತನ ಹೆಚ್ಚಳ ಘೋಷಣೆ; ಶೇ 80ಕ್ಕೂ ಹೆಚ್ಚು ಮಂದಿಗೆ ಸೆ. 1ರಿಂದ ಜಾಸ್ತಿ ಸಂಬಳ
ಬೆಂಗಳೂರು ಮೂಲದ ವಿಪ್ರೋ ಕಂಪೆನಿಯಿಂದ ಸೆಪ್ಟೆಂಬರ್ 1ರಿಂದ ಜಾರಿಗೆ ಬರುವಂತೆ ವೇತನ ಹೆಚ್ಚಳದ ಘೋಷಣೆ ಮಾಡಲಾಗಿದೆ. ಶೇ 80ಕ್ಕೂ ಉದ್ಯೋಗಿಗಳಿಗೆ ಇದರ ಅನುಕೂಲ ಆಗಲಿದೆ. ಈ ವರ್ಷದಲ್ಲಿ ಕಂಪೆನಿಯಿಂದ ಆಗುತ್ತಿರುವ ಎರಡನೇ ಹೆಚ್ಚಳ ಇದು.
Updated on:Jun 18, 2021 | 11:49 PM
ಬೆಂಗಳೂರು ಮೂಲದ ವಿಪ್ರೋ ಕಂಪೆನಿಯ ಶೇ 80ಕ್ಕೂ ಹೆಚ್ಚು ಉದ್ಯೋಗಿಗಳಿಗೆ ಸೆಪ್ಟೆಂಬರ್ 1, 2021ರಿಂದ ಅನ್ವಯ ಆಗುವಂತೆ ವೇತನ ಹೆಚ್ಚಳ ಆಗಲಿದೆ. 2021ರಲ್ಲಿ ಆಗುತ್ತಿರುವ ಎರಡನೇ ವೇತನ ಹೆಚ್ಚಳ ಇದು. “ವಿಪ್ರೋ ಕಂಪೆನಿಯಿಂದ ಸೆಪ್ಟೆಂಬರ್ 1, 2021ಕ್ಕೆ ಜಾರಿಯಾಗುವಂತೆ ಮೆರಿಟ್ ಸ್ಯಾಲರಿ ಇನ್ಕ್ರೀಸಸ್ (ಎಂಎಸ್ಐ) ಆರಂಭಿಸಲಾಗುವುದು. ಕಂಪೆನಿಯ ಒಟ್ಟಾರೆ ಉದ್ಯೋಗಿಗಳ ಪೈಕಿ ಶೇ 80ರಷ್ಟಾಗುವ ಇದೇ ಬ್ಯಾಂಡ್ನ ಅರ್ಹರಿಗೆ 2021ರ ಜನವರಿಯಲ್ಲೂ ವೇತನ ಹೆಚ್ಚಿಸಲಾಗಿತ್ತು. ಒಂದೇ ಕ್ಯಾಲೆಂಡರ್ ವರ್ಷದಲ್ಲಿ ಇದು ಎರಡನೇ ವೇತನ ಹೆಚ್ಚಳ,” ಎಂದು ಕಂಪೆನಿಯ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
“ಈ ಹಿಂದೆ ಘೋಷಣೆ ಮಾಡಿದಂತೆ, ಬ್ಯಾಂಡ್ C1 ಮೇಲ್ಪಟ್ಟವರು (ಮ್ಯಾನೇಜರ್ಗಳು ಮತ್ತು ಮೇಲ್ಪಟ್ಟಂತೆ) ಜೂನ್ 1ರಿಂದ ಅನ್ವಯ ಆಗುವಂತೆ ವೇತನ ಹೆಚ್ಚಳವನ್ನು ಪಡೆಯಲಿದ್ದಾರೆ. ಸರಾಸರಿಯಾಗಿ ಹೊರ ದೇಶಗಳಲ್ಲಿ ಕಾರ್ಯ ನಿರ್ವಹಿಸುವವರಿಗೆ ಒಂದಂಕಿಯ ವೇತನ ಹೆಚ್ಚಳ ಆಗಬಹುದಾದರೆ, ದೇಶದಲ್ಲೇ ಕಾರ್ಯ ನಿರ್ವಹಿಸುವವರಿಗೆ ಒಂದಂಕಿಯ ಮಧ್ಯ ಭಾಗದಲ್ಲಿ ಸಂಬಳ ಜಾಸ್ತಿ ಆಗಲಿದೆ. ಉತ್ತಮ ಪರ್ಫಾರ್ಮರ್ಗಳಿಗೆ ಸ್ವಲ್ಪ ಮಟ್ಟಿಗೆ ಹೆಚ್ಚಾದ ಏರಿಕೆಯೇ ಆಗಲಿದೆ,” ಎಂದು ಹೇಳಿಕೆಯಲ್ಲಿ ಸೇರಿಸಲಾಗಿದೆ.
ಅಂದ ಹಾಗೆ, ಟಿಸಿಎಸ್ನಿಂದ ಮೊದಲಿಗೆ ಈ ಹಣಕಾಸು ವರ್ಷದ ಆರಂಭದ ಏಪ್ರಿಲ್ 1, 2021ರಿಂದಲೇ ಹೆಚ್ಚಳವನ್ನು ಘೋಷಣೆ ಮಾಡಲಾಯಿತು. ಗುಣಮಟ್ಟದ ಪ್ರತಿಭೆಗಳ ಹುಡುಕಾಟಕ್ಕೆ ಭಾರೀ ಪರದಾಟ ಪಡುತ್ತಿರುವ ಕಾಲದಲ್ಲಿ ಈ ವೇತನ ಹೆಚ್ಚಳದ ಸುದ್ದಿ ಹೊರಬರುತ್ತಿವೆ. ಇನ್ಫೋಸಿಸ್ನಿಂದ ಇನ್ನೂ ಘೋಷಣೆ ಆಗಬೇಕಿದೆ. FY22ರಲ್ಲಿ ಪ್ರಮುಖ ಐ.ಟಿ. ಕಂಪೆನಿಗಳಿಂದ ಅನುಭವಿಗಳ ಜತೆಗೆ ಒಂದು ಲಕ್ಷದಷ್ಟು ಹೊಸಬರನ್ನು ನೇಮಕ ಮಾಡಿಕೊಳ್ಳಲಾಗುತ್ತದೆ. ಡಿಜಿಟಲ್ ಬದಲಾವಣೆಯ ಕಾರಣಕ್ಕೆ ತಂತ್ರಜ್ಞಾನ ಸೇವೆ ಕ್ಷೇತ್ರದಲ್ಲಿ ಸಂಸ್ಥೆಗಳ ಸಂಖ್ಯೆಯು ವಿಶ್ವದಾದ್ಯಂತ ಜಾಸ್ತಿಯಾಗಿ, ಬೇಡಿಕೆ ಸಹ ಹೆಚ್ಚಾಗಲಿದೆ.
ಇದನ್ನೂ ಓದಿ: Wipro market capitalisation: 3 ಲಕ್ಷ ಕೋಟಿ ರೂ. ಮಾರುಕಟ್ಟೆ ಬಂಡವಾಳ ದಾಖಲಿಸಿದ 14ನೇ ಕಂಪೆನಿ ವಿಪ್ರೋ; ಏನಿದು ಸಾಧನೆ?
ಇದನ್ನೂ ಓದಿ: TCS employees salary hike: FY22ಕ್ಕೆ ಉದ್ಯೋಗಿಗಳ ವೇತನ ಹೆಚ್ಚಳ ಘೋಷಿಸಿದ ಮೊದಲ ಕಂಪೆನಿ ಟಿಸಿಎಸ್
(Bengaluru based Wipro company announced salary hike to 80 percent of employees effective from 2021 September)
Published On - 11:46 pm, Fri, 18 June 21
