Art Of Yoga: ದೇಹ ಮತ್ತು ಮನಸ್ಸಿಗೆ ಸ್ಫೂರ್ತಿ ತುಂಬಿ ಆತ್ಮ ವಿಶ್ವಾಸ ಹೆಚ್ಚಿಸುವ ವೃಕ್ಷಾಸನ

ಯೋಗ (Yoga) ವಿಜ್ಞಾನದಲ್ಲಿ ಭಾರತದ ಮಹಾನ್ ಯೋಗಿಗಳು ಮತ್ತು ಋಷಿಗಳು ರಚಿಸಿದ ಎಲ್ಲಾ ಆಸನಗಳಿಗೆ ಪ್ರಕೃತಿಯು ಸ್ಫೂರ್ತಿಯ ಮೂಲವಾಗಿದೆ. ಮಾನವ, ಪ್ರಾಣಿ, ಪಕ್ಷಿ ಕುಲಗಳಿಗೆ ಪ್ರಕೃತಿಯೇ ಆಧಾರ ಎಂದು ನಂಬಲಾಗಿದೆ. ಬಹುಶಃ ಯೋಗ ವಿಜ್ಞಾನದ ಪ್ರತಿಯೊಂದು ಭಂಗಿಯು ಯಾವುದೇ ಪ್ರಾಣಿ, ಪಕ್ಷಿಗಳನ್ನು ಹೋಲುತ್ತದೆ.

ಯೋಗ ವಿಜ್ಞಾನದ ಅಂತಹ ಒಂದು ಆಸನವೆಂದರೆ ವೃಕ್ಷಾಸನ. ವೃಕ್ಷಾಸನವನ್ನು ಟ್ರೀ ಪೋಸ್ ಎಂದೂ ಕರೆಯಲಾಗುತ್ತದೆ, ವೃಕ್ಷಾಸನವು ಯೋಗದ ಭಂಗಿಯಾಗಿದ್ದು ಅದು ನಿಮ್ಮ ದೇಹಕ್ಕೆ ಸ್ಥಿರತೆ, ಸಮತೋಲನ ಮತ್ತು ತ್ರಾಣವನ್ನು ತರಲು ಸಹಾಯ ಮಾಡುತ್ತದೆ.

ಆದ್ದರಿಂದ ಈ ಲೇಖನದಲ್ಲಿ ವೃಕ್ಷಾಸನ ಎಂದರೇನು, ವೃಕ್ಷಾಸನದ ಪ್ರಯೋಜನಗಳು, ಅದನ್ನು ಮಾಡುವ ಸರಿಯಾದ ವಿಧಾನ, ವಿಧಾನ ಮತ್ತು ಮುನ್ನೆಚ್ಚರಿಕೆಗಳ ಬಗ್ಗೆ ಮಾಹಿತಿಯನ್ನು ಯೋಗ ತಜ್ಞೆ ಕಮಲಾ ಭಾರದ್ವಾಜ್ ನೀಡಿರುವ ಮಾಹಿತಿ ಇಲ್ಲಿದೆ.

ವೃಕ್ಷಾಸನ ಎಂಬುದು ಸಂಸ್ಕೃತ ಪದ. ಇದರ ಅಕ್ಷರಶಃ ಅರ್ಥ ಮರ, ಅಂದರೆ ಮರದಂತಹ ಆಸನ. ವೃಕ್ಷಾಸನದ ನಿಯಮಿತ ಅಭ್ಯಾಸವು ನಿಮ್ಮ ದೇಹವು ಹೊಸ ಪ್ರಜ್ಞೆ ಮತ್ತು ಶಕ್ತಿಯನ್ನು ಪಡೆಯಲು ಸಹಾಯ ಮಾಡುತ್ತದೆ.

ಸಾಮಾನ್ಯವಾಗಿ, ಯೋಗ ಮಾಡುವಾಗ, ನಿಮ್ಮ ಕಣ್ಣುಗಳನ್ನು ಮುಚ್ಚಿ ಮತ್ತು ಶಕ್ತಿಯನ್ನು ಅನುಭವಿಸಲು ಸಲಹೆ ನೀಡಲಾಗುತ್ತದೆ. ಆದರೆ ವೃಕ್ಷಾಸನದ ಸಮಯದಲ್ಲಿ ನಿಮ್ಮ ಕಣ್ಣುಗಳನ್ನು ತೆರೆದಿರುವಂತೆ ಸೂಚಿಸಲಾಗುತ್ತದೆ, ಹಾಗೆಯೇ ಒಂದೇ ಕಡೆ ದೃಷ್ಟಿ ಹಾಯಿಸುವಂತೆ ಹೇಳಲಾಗುತ್ತದೆ. ವೃಕ್ಷಾಸನವು ಹಠ ಯೋಗದ ಆರಂಭಿಕ ಹಂತದ ಭಂಗಿಯಾಗಿದೆ. ಈ ಆಸನವನ್ನು ಮಾಡುವಾಗ, ಒಂದು ಕಾಲಿನ ಮೇಲೆ ಕೇವಲ ಒಂದು ನಿಮಿಷ ನಿಲ್ಲಲು ಸಲಹೆ ನೀಡಲಾಗುತ್ತದೆ. ಇದರ ನಂತರ ಈ ಭಂಗಿಯನ್ನು ಇನ್ನೊಂದು ಕಾಲಿನ ಮೇಲೆ ಮಾಡಬೇಕು. ಈ ಆಸನವನ್ನು ಪ್ರತಿ ಕಾಲಿಗೆ ಕನಿಷ್ಠ 5 ಬಾರಿ ಮಾಡಬೇಕು.

ವೃಕ್ಷಾಸನ ಮಾಡುವ ಬಗೆ

-ಎರಡೂ ಕಾಲುಗಳನ್ನು ಜೋಡಿಸಬೇಕು, ಎರಡೂ ಕೈಗಳು ತೊಡೆಯ ಪಕ್ಕ ನೇರವಾಗಿರಬೇಕು -ಬೆನ್ನು ನೇರವಾಗಿರಬೇಕು, ನೇರವಾಗಿ ನೋಡುತ್ತಿರಬೇಕು, -ಬಲಗಾಲನ್ನು ಎಡ ತೊಡೆಗೆ ನಿಧಾನವಾಗಿ ಸೇರಿಸಬೇಕು -ಬಳಿಕ ಕೈಗಳನ್ನು ಮೇಲಕ್ಕೆ ಎತ್ತರವಾಗಿಸಬೇಕು, ನಮಸ್ಕಾರ ಸ್ಥಿತಿಯಲ್ಲಿರಲಿ, ನಿಮ್ಮ ತೋಳುಗಳು ಕಿವಿಗಳಿಗೆ ತಾಗಬೇಕು, ಮುಖದಲ್ಲಿ ಮಂದಹಾಸ ಇರಬೇಕು, ಯಾವುದಾದರೂ ಒಂದು ವಸ್ತುವನ್ನು ನೋಡುತ್ತಿರಬೇಕು. -ನಿಧಾನವಾಗಿ ಕೈಗಳನ್ನು ನಿಧಾನವಾಗಿ ಕೆಳಗೆ ಇಳಿ ಬಿಡುತ್ತಾ, ಕಾಲನ್ನು ಸಹಜ ಸ್ಥಿತಿಗೆ ತರಬೇಕು.

ಯಾವ್ಯಾವ ತೊಂದರೆಗಳಿಂದ ನೀವು ಪಾರಾಗಬಹುದು ವೃಕ್ಷಾಸನದ ನಿಯಮಿತ ಅಭ್ಯಾಸದಿಂದ, ಕೈಕಾಲು, ತೊಡೆಗಳು, ಕರುಳು, ಪಕ್ಕೆಲುಬುಗಳು ಬಲಗೊಳ್ಳುತ್ತವೆ. ನೀವು ದೇಹವನ್ನು ಸಮತೋಲನಗೊಳಿಸಿದಾಗ, ನೀವು ಮನಸ್ಸನ್ನು ಕೇಂದ್ರೀಕರಿಸಲು ಪ್ರೇರೇಪಿಸುತ್ತದೆ. -ವೃಕ್ಷಾಸನ ಬೆನ್ನುಮೂಳೆಯನ್ನು ಬಲಪಡಿಸುತ್ತದೆ.

– ದೇಹದಲ್ಲಿ ಸ್ಥಿರತೆ ಮತ್ತು ಸಮತೋಲನವನ್ನು ಸೃಷ್ಟಿಸಲು ಸಹಾಯ ಮಾಡುತ್ತದೆ.

– ನರ-ಸ್ನಾಯುಗಳ ನಡುವಿನ ಸಂಪರ್ಕವನ್ನು ಬಲವಾಗಿಸುತ್ತದೆ

– ಪಾದಗಳ ಅಸ್ಥಿರಜ್ಜುಗಳು ಮತ್ತು ಸ್ನಾಯುರಜ್ಜುಗಳನ್ನು ಬಲಪಡಿಸುತ್ತದೆ.

-ಮೊಣಕಾಲುಗಳು ಬಲವಾಗಿರುತ್ತವೆ ಮತ್ತು ಸೊಂಟದ ಕೀಲುಗಳು ಸಡಿಲವಾಗಿರುತ್ತವೆ.

-ಕಣ್ಣುಗಳು, ಒಳ ಕಿವಿ ಮತ್ತು ಭುಜಗಳು ಸಹ ಬಲಗೊಳ್ಳುತ್ತವೆ.

-ಸಿಯಾಟಿಕಾದ ನೋವನ್ನು ನಿವಾರಿಸಲು ಸಹಾಯ ಮಾಡುತ್ತದೆ.

-ವೃಕ್ಷಾಸನವು ಏಕಾಗ್ರತೆಯನ್ನು ಹೆಚ್ಚಿಸುತ್ತದೆ ಮತ್ತು ಮಾನಸಿಕ ಗೊಂದಲಗಳನ್ನು ನಿವಾರಿಸುತ್ತದೆ. ಆರಂಭದಲ್ಲಿ, ನೀವು ವೃಕ್ಷಾಸನವನ್ನು ಮಾಡಲು ಕಷ್ಟವಾಗಬಹುದು. ಏಕೆಂದರೆ ನೀವು ನಿಮ್ಮ ಎಡ ಪಾದವನ್ನು ತೊಡೆಯ ಸಂಧಿಯಲ್ಲಿ ಇರಿಸುವುದು ಕಷ್ಟವಾದರೆ ಮೊಣಕಾಲಿನ ಮೇಲೆ ಖಂಡಿತವಾಗಿಯೂ ಪಾದವನ್ನು ಇರಿಸಬೇಡಿ, ಅದರ ಬದಲು ಗೋಡೆ ಸಹಾಯ ಪಡೆಯಿರಿ.

ಕಮಲಾ ಭಾರಧ್ವಾಜ್ ಕುರಿತು ಮಾಹಿತಿ: ಕಮಲಾ ಭಾರಧ್ವಾಜ್ ಪ್ರಸಿದ್ಧ ಯೋಗ ತಜ್ಞರಾಗಿದ್ದು, ಸತ್ಯವೆನ್ನುವ ಯೋಗ ಕೇಂದ್ರವನ್ನು ಮುನ್ನಡೆಸುತ್ತಿದ್ದಾರೆ. ಯೋಗದಲ್ಲಿ ಎಂಎಸ್​ಸಿ ಮಾಡಿದ್ದು, ಹಾಗೆಯೇ ಯೋಗದಲ್ಲಿಯೇ ಪಿಜಿ ಡಿಪ್ಲೊಮಾ ಓದಿದ್ದಾರೆ. ಅವರು ಜೈನ್​ ಕಾಲೇಜಿನಲ್ಲಿ ಎಂಬಿಎ ಪೂರೈಸಿದ್ದಾರೆ.

ಅವರಿಗೆ 2015ರಲ್ಲಿ ಯೋಗದಲ್ಲಿನ ಸಾಧನೆಗಾಗಿ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ ಲಭಿಸಿದೆ. ಯೋಗ ಕಲಾಸಾಧಕಿ ಪ್ರಶಸ್ತಿಗೂ ಭಾಜನರಾಗಿದ್ದಾರೆ, ಜ್ಯೋತಿಷ ರತ್ನ ಸೇರಿದಂತೆ ಹಲವು ಕೋರ್ಸ್​ಗಳನ್ನು ಮಾಡಿದ್ದಾರೆ. ಯೋಗದ ಕುರಿತು ಹೆಚ್ಚಿನ ಮಾಹಿತಿಗಾಗಿ ಮೊ.ನಂ.9663879672. www.astroyoga.co.in ಭೇಟಿ ನೀಡಿ.

Published On - 3:16 pm, Wed, 15 June 22