ಇನ್ನು ಯಶವಂತಪುರ-ಶಿವಮೊಗ್ಗ ರೈಲು ಪ್ರಯಾಣಿಕರೂ ವಿಸ್ಟಾಡೋಮ್​ ಕೋಚ್​ನಲ್ಲಿ ಪ್ರಯಾಣಿಸಬಹುದು: ಡಿ.25ರಿಂದಲೇ ಆರಂಭ

ಇನ್ನು ಯಶವಂತಪುರ-ಶಿವಮೊಗ್ಗ ರೈಲು ಪ್ರಯಾಣಿಕರೂ ವಿಸ್ಟಾಡೋಮ್​ ಕೋಚ್​ನಲ್ಲಿ ಪ್ರಯಾಣಿಸಬಹುದು: ಡಿ.25ರಿಂದಲೇ ಆರಂಭ
ವಿಸ್ಟಾಡೋಮ್​ ಕೋಚ್​

ಬೆಂಗಳೂರನಿಂದ ಹೊರಡುವ ಯಶವಂತಪುರ -ಶಿವಮೊಗ್ಗ ಇಂಟರ್​ಸಿಟಿ ಎಕ್ಸ್​ಪ್ರೆಸ್​ನ ಎರಡು ರೈಲುಗಳಿಗೆ ತಾತ್ಕಾಲಿಕವಾಗಿ ಎಸಿ ಇರುವ ವಿಸ್ಟಾಡೋಮ್​ ಕೋಚ್​ ಅಳವಡಿಸಲು ನಿರ್ಧರಿಸಿದೆ.

TV9kannada Web Team

| Edited By: Pavitra Bhat Jigalemane

Dec 24, 2021 | 4:03 PM

ನೈರುತ್ಯ ರೈಲ್ವೆ ಇಲಾಖೆಯು ಪ್ರಯಾಣಿಕರಿಗೆ ಅನುಕೂಲವಾಗುವಂತೆ ಯಶವಂತರಪುರದಿಂದ ಶಿವಮೊಗ್ಗಕ್ಕೆ ತೆರಳುವ ಎರಡು ರೈಲಿಗೆ ಎಸಿ ವಿಸ್ಟಾಡೋಮ್​ ಕೋಚ್​ ಅಳವಡಿಸಲು ನಿರ್ಧರಿಸಿದೆ. ಬೆಂಗಳೂರಿನಿಂದ ಹೊರಡುವ ಯಶವಂತಪುರ -ಶಿವಮೊಗ್ಗ ಇಂಟರ್​ಸಿಟಿ ಎಕ್ಸ್​ಪ್ರೆಸ್​ನ ಎರಡು ರೈಲುಗಳಿಗೆ ತಾತ್ಕಾಲಿಕವಾಗಿ ಎಸಿ ಇರುವ ವಿಸ್ಟಾಡೋಮ್​ ಕೋಚ್​ ಅಳವಡಿಸಲು ನಿರ್ಧರಿಸಿದೆ. ಈ ಕುರಿತು ನೈರುತ್ಯ ರೈಲ್ವೆ ಪ್ರಕಟಣೆ ಹೊರಡಿಸಿದೆ.

16579 ಸಂಖ್ಯೆಯ ಯಶವಂತಪುರದಿಂದ ಶಿವಮೊಗ್ಗಕ್ಕೆ ಹೋಗುವ ರೈಲಿಗೆ ಒಂದು ಎಸಿ ಇರುವ ವಿಸ್ಟಾಡೋಮ್​ ಕೋಚ್​ ಅಳವಡಿಸುತ್ತಿದೆ. ಡಿಸೆಂಬರ್​ 25ರಿಂದ  2022ರ ಮಾರ್ಚ್ 31ರವರೆಗೆ ಈ ವಿಸ್ಟಾಡೋಮ್​ ಕೋಚ್ ಇರುವ ರೈಲು ಯಶವಂತಪುರದಿಂದ ಶಿವಮೊಗ್ಗಕ್ಕೆ ಚಲಿಸಲಿದೆ.

ಅದೇ ರೀತಿ 16580 ಸಂಖ್ಯೆಯ ಒಂದು ವಿಸ್ಟಾಡೋಮ್​ ಕೋಚ್​ ಹೊಂದಿರುವ ರೈಲು ಡಿಸೆಂಬರ್​ 25ರಿಂದ  2022ರ ಮಾರ್ಚ್ 31ರವರೆಗೆ ಶಿವಮೊಗ್ಗದಿಂದ ಯಶವಂತಪುರಕ್ಕೆ ಸಂಚರಿಸಲಿದೆ ಎಂದು ನೈರುತ್ವ ರೈಲ್ವೆ ಇಲಾಖೆ ತಿಳಿಸಿದೆ.

ವಿಸ್ಟಾಡೋಮ್​ ಕೋಚ್ ನಲ್ಲಿ ಸೀಟ್​ಗಳು​ 180 ಡಿಗ್ರಿ ಸುತ್ತಳತೆಯಲ್ಲೂ ತಿರುಗುತ್ತದೆ. ರೈಲಿನಲ್ಲಿ ಕುಳಿತ ಪ್ರಯಾಣಿಕರಿಕೆ ಸುತ್ತಲೂ ಇರುವ ಹಸಿರು ಪರಿಸರ, ವಾತಾವರಣವನ್ನು ಆನಂದಿಸಲು ಅನುಕೂಲವಾಗುವಂತೆ ವ್ಯವಸ್ಥೆ ಇರುತ್ತದೆ. ಪ್ರತೀ ಕೋಚ್​​ 44 ಆಸನಗಳನ್ನು ಹೊಂದಿದ್ದು ವಿಶಾಲವಾದ ಗ್ಲಾಸ್​ನ ಕಿಟಕಿಗಳನ್ನು ಹೊಂದಿರುತ್ತದೆ.

ಈಗಾಗಲೇ ಯಶವಂತಪುರದಿಂದ ಮಂಗಳೂರಿಗೆ ಚಲಿಸುವ ರೈಲಿಗೆ ವಿಸ್ಟಾಡೋಮ್​ ಕೋಚ್​ ಅಳವಡಿಸಲಾಗಿದೆ. ಇದರಿಂದ ಪ್ರಯಾಣಿಕರು  ಸುಂದರ ಪ್ರಕೃತಿಯನ್ನು ಆಸ್ವಾದಿಸುತ್ತಾ ಪ್ರಯಾಣ ಮಾಡಬಹುದಾಗಿದೆ.

ಇದನ್ನೂ ಓದಿ:

ಬೆಂಗಳೂರು: ಹೆಬ್ಬಾಳದ ಮಸೀದಿ ಬಳಿ ಸಿಲಿಂಡರ್ ಸ್ಫೋಟ; ಯಾವುದೇ ಪ್ರಾಣಾಪಾಯವಾಗಿಲ್ಲ- ಘಟನೆಯ ವಿಡಿಯೋ ಇಲ್ಲಿದೆ

Follow us on

Related Stories

Most Read Stories

Click on your DTH Provider to Add TV9 Kannada