ರೇವಣ್ಣ ಏಕೆ ಈ ಬಾರಿ ಕೇವಲ 2,500 ಮತಗಳಿಂದ ಗೆದ್ದರು: ದೇವೇಗೌಡ ಹೇಳಿದ್ದಿಷ್ಟು
ಹಾಸನ ಜಿಲ್ಲೆಯ ಚನ್ನರಾಯಪಟ್ಟಣದಲ್ಲಿ ಜೆಡಿಎಸ್ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಜೆಡಿಎಸ್ ವರಿಷ್ಠ ಹೆಚ್ಡಿ ದೇವೇಗೌಡ, ಚುನಾವಣೆಯಲ್ಲಿ ರೇವಣ್ಣ ಯಾಕೆ 2,500 ಮತಗಳಿಂದ ಗೆದ್ದರು. ಜಿಲ್ಲೆಯಲ್ಲಿ ಹೈನುಗಾರಿಕೆಗೆ ಸಾವಿರ ಕೋಟಿ ರೂ. ಖರ್ಚು ಮಾಡಿದ್ದಾರೆ. ರೇವಣ್ಣ ತುಂಬಾ ಕೆಲಸ ಮಾಡುತ್ತಾರೆ, ಆದರೆ ಸ್ವಲ್ಪ ಕೋಪ ಜಾಸ್ತಿ ಎಂದು ಹೇಳಿದ್ದಾರೆ.
Updated on: Jan 24, 2024 | 9:42 PM
ಹಾಸನ, ಜನವರಿ 24: ಚುನಾವಣೆಯಲ್ಲಿ ರೇವಣ್ಣ ಯಾಕೆ 2,500 ಮತಗಳಿಂದ ಗೆದ್ದರು. ಜಿಲ್ಲೆಯಲ್ಲಿ ಹೈನುಗಾರಿಕೆಗೆ ಸಾವಿರ ಕೋಟಿ ರೂ. ಖರ್ಚು ಮಾಡಿದ್ದಾರೆ. ರೇವಣ್ಣ ತುಂಬಾ ಕೆಲಸ ಮಾಡುತ್ತಾರೆ, ಆದರೆ ಸ್ವಲ್ಪ ಕೋಪ ಜಾಸ್ತಿ. ಯಾವ ಮಂತ್ರಿಯೂ ರೇವಣ್ಣಗೆ ಸರಿಸಾಟಿಯಾಗಲೂ ಸಾಧ್ಯವಿಲ್ಲ. ಆದರೆ ಮುಂಗೋಪ ಎಂದು ಜೆಡಿಎಸ್ ವರಿಷ್ಠ ಹೆಚ್ಡಿ ದೇವೇಗೌಡ (HD Deve Gowda) ಹೇಳಿದ್ದಾರೆ. ಜಿಲ್ಲೆಯ ಚನ್ನರಾಯಪಟ್ಟಣದಲ್ಲಿ ಜೆಡಿಎಸ್ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಅವರು, ನಿಮ್ಮೆಲ್ಲರ ಮುಂದೆ ನಾನು ತುಂಬಾ ವಿನಯದಿಂದ ಹೇಳುತ್ತೇನೆ. ಎಷ್ಟೇ ಕೆಲಸ ಮಾಡಿದರೂ ಕೋಪ ಇರಬಾರದು. ಮಾತನ್ನು ಸ್ವಲ್ಪ ಮಾರ್ಪಾಡು ಮಾಡಿಕೊಂಡರೆ ತುಂಬಾ ಒಳ್ಳೇದು ಎಂದು ರೇವಣ್ಣಗೆ ಕಿವಿಮಾತು ಹೇಳಿದ್ದಾರೆ.
ನಿನ್ನೆ ನನ್ನ ಲೆಟರ್ ತಗೊಂಡು ಝೋನಲ್ ಆಫೀಸರ್ ಭೇಟಿ ಮಾಡಿ ತಡವಾಗಿ ಬಂದರೂ ನಾನು ಎಲ್ಲಿದ್ದಾರೆ ಅಂತ ಕೇಳಿದೆ. ಹೀಗೆ ತುಂಬಾ ಕೆಲಸ ಮಾಡುತ್ತಾರೆ. ಅವರು ಏನೇನ್ ಮಾಡಿದ್ದಾರೆ ಎನ್ನುವುದನ್ನು ಪಟ್ಟಿ ಮಾಡುವುದಾದರೆ ಬಹುಶಃ ಈ ರಾಜ್ಯದಲ್ಲಿ ಯಾವ ಮಂತ್ರಿಯೂ ಅವರಿಗೆ ಸರಿಸಾಟಿಯಾಗುವುದಿಲ್ಲ ಎಂದು ಹೇಳಿದ್ದಾರೆ.
ಈ ದೇಶ ಉಳಿಯಬೇಕಾದರೆ ಮೋದಿ ಬೇಕು: ಮಾಜಿ ಸಚಿವ ಹೆಚ್.ಡಿ.ರೇವಣ್ಣ
ಜೆಡಿಎಸ್ ಕಾರ್ಯಕರ್ತರ ಸಭೆಯಲ್ಲಿ ಮಾಜಿ ಸಚಿವ ಹೆಚ್.ಡಿ.ರೇವಣ್ಣ ಮಾತನಾಡಿ, ನಾವು ಬದುಕಿರುವವರೆಗೂ ಮುಸ್ಲಿಮರನ್ನು ಕೈಬಿಡಲ್ಲ. ಸಂಕಷ್ಟದ ಕಾಲದಲ್ಲಿ ಮುಸ್ಲಿಮರು ನಮ್ಮ ಕೈಹಿಡಿದಿದ್ದಾರೆ. ಈಗ ಮುಸ್ಲಿಮರಿಗೆ 10 ಸಾವಿರ ಕೋಟಿ ರೂ. ಕೊಡುತ್ತೇವೆ ಅಂತಾರೆ. ಲೋಕಸಭೆ ಚುನಾವಣೆ ಬಳಿಕ ಮುಸ್ಲಿಮರಿಗೆ 10 ರೂ. ಕೊಡಲ್ಲ ಎಂದರು.
ಇದನ್ನೂ ಓದಿ: ಕಾಂಗ್ರೆಸ್ಗೆ ನನ್ನ ಒಂದು ಸಣ್ಣ ತಪ್ಪು ಕಂಡು ಹಿಡಿಯಲು ಆಗಲಿಲ್ಲ: ಜೆಡಿಎಸ್ ವರಿಷ್ಠ ಹೆಚ್ಡಿ ದೇವೇಗೌಡ
ಲೋಕಸಭಾ ಚುನಾವಣೆಯಲ್ಲಿ ನಮಗೆ ಸೀಟ್ ಬೇಕಾಗಿಲ್ಲ. ನರೇಂದ್ರ ಮೋದಿಯನ್ನು ಮತ್ತೆ ಪ್ರಧಾನಮಂತ್ರಿ ಮಾಡಬೇಕು. ಈ ದೇಶ ಉಳಿಯಬೇಕಾದರೆ ಮೋದಿ ಬೇಕು. ದೇವೇಗೌಡರಿಗೆ ಅತಿಹೆಚ್ಚು ಗೌರವ ಕೊಡುವ ಪ್ರಧಾನಿ ಮೋದಿ, ಹಾಸನ ಕ್ಷೇತ್ರದಿಂದ ಯಾರೇ ಸ್ಪರ್ಧಿಸಿದರೂ ಅವರನ್ನು ಗೆಲ್ಲಿಸಿ ಎಂದು ಹೇಳಿದ್ದಾರೆ.
ಅಧಿಕಾರಕ್ಕೆ ಬಂದರೆ ಕ್ವಿಂಟಾಲ್ ಕೊಬ್ಬರಿ 15,000 ರೂ. ಎಂದಿದ್ದರು. ವಿಧಾನಸಭೆ ಚುನಾವಣೆ ಸಂದರ್ಭದಲ್ಲಿ ಈಗಿನ ಡಿಸಿಎಂ ಡಿಕೆ ಶಿವಕುಮಾರ್ ಹೇಳಿದ್ದರು. ಅವರು ಹೇಳಿದ್ದಾರೋ ಇಲ್ವೋ ಚೌಡೇಶ್ವರಿ ಮೇಲೆ ಆಣೆ ಮಾಡಲಿ. ಆಗ ದೇವೇಗೌಡರನ್ನು ಮೋದಿ ಬಳಿಗೆ ಕರೆದೊಯ್ಯೋಣ ಎಂದಿದ್ದೆ. ಅದೇ ರೀತಿ ಮೋದಿ ಬಳಿ ಹೆಚ್ಡಿಡಿ ಕರೆದುಕೊಂಡು ಹೋದೆವು.
ಇದನ್ನೂ ಓದಿ: ಫೆ.8ರಂದು ಸಿಎಂ 2ನೇ ಹಂತದ ಜನಸ್ಪಂದನಾ ಕಾರ್ಯಕ್ರಮ: ಮೆಜೆಸ್ಟಿಕ್ನಿಂದ ವಿಧಾನಸೌಧಕ್ಕೆ ಬಸ್ ಸೌಲಭ್ಯ
3 ದಿನದಲ್ಲಿ ಕ್ಯಾಬಿನೆಟ್ಗೆ ತಂದು ಕೊಬ್ಬರಿ ಬೆಲೆ ಜಾಸ್ತಿ ಮಾಡಿದರು. ಈ ಕ್ವಿಂಟಾಲ್ ಕೊಬ್ಬರಿಗೆ 12 ಸಾವಿರ ರೂ. ಘೋಷಣೆ ಮಾಡಿದರು. ನಿಮಗೆ ರೈತರ ಪರ ಕಾಳಜಿಯಿದ್ದರೆ ಹೆಚ್ಚುವರಿ 3 ಸಾವಿರ ರೂ. ಘೋಷಿಸಿ. ಇಲ್ಲವಾದರೆ ಚುನಾವಣೆ ಗೆಲ್ಲಲು ಸುಳ್ಳು ಹೇಳಿದ್ದೆವು ಅಂತಾ ಹೇಳಿ ಎಂದು ವಾಗ್ದಾಳಿ ಮಾಡಿದ್ದಾರೆ.
ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
