ನಮ್ಮ ಕಾಲದಲ್ಲಿ Drugs ದಂಧೆ ಬಗ್ಗೆ ನಾವು ಕೇಳಿರಲಿಲ್ಲ -ಸಚಿವ BC ಪಾಟೀಲ್

ಮೈಸೂರು: ಸ್ಯಾಂಡಲ್‌ವುಡ್‌ಗೆ ಡ್ರಗ್ಸ್ ಜಾಲದ ನಂಟು ಆರೋಪ ಕೇಸ್​ಗೆ ಸಂಬಂಧಿಸಿ ಮಾಜಿ ನಟ ಹಾಗೂ ಸಚಿವ BC ಪಾಟೀಲ್​ ಪ್ರತಿಕ್ರಿಯಿಸಿದ್ದಾರೆ. ನಾನು ಕೂಡ 20 ವರ್ಷಗಳ ಕಾಲ ಚಿತ್ರರಂಗದಲ್ಲಿ ಇದ್ದೆ. ನಮ್ಮ ಕಾಲದಲ್ಲಿ ಡ್ರಗ್ಸ್ ದಂಧೆ ಬಗ್ಗೆ ನಾವು ಕೇಳಿರಲಿಲ್ಲ ಎಂದು ಮೈಸೂರಿನಲ್ಲಿ ಕೃಷಿ ಖಾತೆ ಸಚಿವ ಬಿ‌‌.ಸಿ‌. ಪಾಟೀಲ್ ಹೇಳಿಕೆ ನೀಡಿದ್ದಾರೆ.

ಈಗ ಈ ವಿಚಾರ ಕೇಳುತ್ತಿದ್ದೇನೆ. ಇದು ದುರದೃಷ್ಟಕರ ಸಂಗತಿ. ಸಿದ್ದರಾಮಯ್ಯನವರು ಹೇಳಿದಂತೆ ಎಲ್ಲ ಕಾಲದಲ್ಲೂ ಈ ರೀತಿ ಇತ್ತು. ಸಿನಿಮಾರಂಗ, ಸೆಲೆಬ್ರಿಟಿಗಳಾಗಿದ್ದಕ್ಕೆ ಡ್ರಗ್ಸ್ ವಿಚಾರಕ್ಕೆ ಮಹತ್ವ ಪಡೆಯುತ್ತಿದೆ.

ನಟ ನಟಿಯರು ಸಮಾಜಕ್ಕೆ ಮಾದರಿಯಾಗಬೇಕು ಸಿನಿಮಾ ರಂಗದವರನ್ನು ಫ್ಯಾ‌ನ್ಸ್ ಅನುಕರಿಸುತ್ತಾರೆ. ಹಾಗಾಗಿ, ನಟ ನಟಿಯರು ಈ ರೀತಿಯ ತಪ್ಪು ಮಾಡಿದರೆ ಅಭಿಮಾನಿಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ನಟ ನಟಿಯರು ಸಮಾಜಕ್ಕೆ ಮಾದರಿಯಾಗಬೇಕು ಎಂದು ಸಚಿವರು ಹೇಳಿದರು.