ಇತರರನ್ನು ಮೆಚ್ಚಿಸುವ ಅಭ್ಯಾಸ ನಿಮಗಿದೆಯಾ? ಈ ಅಭ್ಯಾಸ ನಿಮ್ಮ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂದು ತಿಳಿದುಕೊಳ್ಳಿ

ಇತರರನ್ನು ಮೆಚ್ಚುವುದರಿಂದ ಅಥವಾ ಇತರರನ್ನು ಸಂತೋಷಪಡಿಸುವುದು ನಿಮಗೆ ಹಲವಾರು ರೀತಿಯಲ್ಲಿ ಅದು ಹಾನಿಯನ್ನು ಉಂಟುಮಾಡಬಹುದು. ಕೆಲವರಿಗೆ ಇತರರಿಂದ ನಾವು ಒಳ್ಳೆಯವರು ಎಂದು ಮೆಚ್ಚುಗೆಯನ್ನು ಗಳಿಸಲು ಇತರರನ್ನು ಸಂತೋಷಪಡಿಸುವ ಅಭ್ಯಾಸ ಇರುತ್ತದೆ. ಇದು ಅಂತಹವರ ಜೀವನದಲ್ಲಿ ಹಲವಾರು ಸಮಸ್ಯೆಗಳಿಗೆ ಕಾರಣವಾಗಬಹುದು. ಜನರನ್ನು ಸಂತೋಷಪಡಿಸುವುದರಿಂದ ನಿಮ್ಮ ಮಾನಸಿಕ ಆರೋಗ್ಯವನ್ನು ಹಾನಿಗೊಳಿಸಬಹುದಾದ ಕೆಲವು ಅಂಶಗಳು ಇಲ್ಲಿವೆ.

ವೈಯಕ್ತಿಕ ಸಂತೋಷದ ಕೊರತೆ:

ಜನರನ್ನು ಸಂತೋಷಪಡಿಸುವವರು ತಮ್ಮ ಬಳಿ ಯಾವುದೇ ವೈಯಕ್ತಿಕ ಗಡಿಗಳನ್ನು ಹೊಂದಿರುವುದಿಲ್ಲ. ಇದು ಅವರು ತನ್ನನ್ನು ಮಿತಿಮೀರಿ ವಿಸ್ತರಿಸಲು ಅಥವಾ ಇತರರು ಅವುಗಳ ಲಾಭವನ್ನು ಪಡೆಯಲು ಅನುವು ಮಾಡಿಕೊಡುತ್ತದೆ. ನಿಮ್ಮ ಸ್ವಂತದಕ್ಕಿಂತ ಇತರ ಜನರ ಅಗತ್ಯಗಳಿಗೆ ನೀವು ಆದ್ಯತೆ ನೀಡಿದಾಗ, ನಿಮ್ಮ ಸ್ವಂತ ಅಗತ್ಯಗಳು ಮತ್ತು ಆಸೆಗಳನ್ನು ನೀವು ನಿರ್ಲಕ್ಷಿಸಬಹುದು. ಇದು ನಂತರ ನಿಮ್ಮಲ್ಲಿ ಅಸಮಾಧಾನ, ಖಿನ್ನತೆಯ ಭಾವನೆಗಳಿಗೆ ಕಾರಣವಾಗಬಹುದು.

ಇದನ್ನೂ ಓದಿ: ನೀವು ಯಾವಾಗಲೂ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಸ್ವಯಂ ಆರೈಕೆಯ ಸಲಹೆಗಳು

ಸತ್ಯಾಸತ್ಯತೆಯ ಕೊರತೆ:

ಇತರರನ್ನು ಸಂತೋಷಪಡಿಸುವವರು ಅಧೀಕೃತವಾಗಿರಲು ಮತ್ತು ಅವರ ನಿಜವಾದ ಅಲೋಚನೆಗಳು ಮತ್ತು ಭಾವನೆಗಳನ್ನು ವ್ಯಕ್ತಪಡಿಸಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ಅವರು ಇತರರನ್ನು ಅದು ಅಸಮಾಧಾನಗೊಳಿಸಬಹುದು ಅಥವಾ ನಿರಾಶೆಗೊಳಿಸಬಹುದು ಎಂದು ಅವರು ಭಯಪಡುತ್ತಾರೆ. ಆದರೆ ಅವರಿಗೆ ತಮ್ಮ ನಿಜವಾದ ಭಾವನೆಯನ್ನು ವ್ಯಕ್ತಪಡಿಸಲು ಆಗುವುದೇ ಇಲ್ಲ.

ಸ್ವಾಭಿಮಾನದ ಕಡಿತ:

ಇತರರನ್ನು ಮೆಚ್ಚಿಸುವ ಭರದಲ್ಲಿ ಕೆಲವೊಂದು ಬಾರಿ ನಿಮ್ಮ ಸ್ವಾಭಿಮಾನವನ್ನು ಕಳೆದುಕೊಳ್ಳಬಹುದು. ನೀವು ಇತರರ ನಿರೀಕ್ಷೆಗಳನ್ನು ಪೂರೈಸಲು ಸಾಧ್ಯವಾಗದಿದ್ದಾಗ ಅಥವಾ ಅವರು ನಿಮ್ಮೊಂದಿಗೆ ಅತೃಪ್ತರಾದಾಗ ನೀವು ನಿಮ್ಮ ಸ್ವಾಭಿಮಾನವನ್ನು ಕಳೆದುಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.

ಅಸಮಾಧಾನದ ಭಾವನೆ:

ಜನರನ್ನು ಸಂತೋಷಪಡಿಸುವವರು ಯಾವಾಗಲೂ ಅಸಮಾಧಾನ ಭಾವನೆಯಿಂದ ಹೋರಾಡಬಹುದು. ಏಕೆಂದರೆ ಅವರು ಮುಖಾಮುಖಿ ಭೇಟಿಯಾವುದನ್ನು ತಪ್ಪಿಸಬಹುದು ಅಥವಾ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ಕಷ್ಟಕರವಾಗಬಹುದು. ಇದು ಬಗೆಹರಿಸಲಾಗದ ಘರ್ಷಣೆಗಳು ಅಥವಾ ಅಸಮಾಧಾನದ ಭಾವನೆಗಳಿಗೆ ಕಾರಣವಾಗುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: