Hair Care Tips : ದಟ್ಟವಾದ ಹೊಳಪುಳ್ಳ ಕೂದಲು ನಿಮ್ಮದಾಗಬೇಕೇ, ಮೆಂತ್ಯೆ ಕಾಳನ್ನು ಹೀಗೆ ಬಳಸಿ!

ಮೆಂತ್ಯ ಕಾಳು ಗುಣದಲ್ಲಿ ಕಹಿಯಾದರೂ ಅಡುಗೆಯ ರುಚಿಯನ್ನು ಹೆಚ್ಚಿಸುತ್ತದೆ. ಈ ಮೆಂತ್ಯ ಕಾಳಿನಲ್ಲಿ ಕ್ಯಾಲರಿ, ಕಾರ್ಬೋಹೈಡ್ರೇಟ್, ಫೈಬರ್, ಪ್ರೊಟೀನ್ ಸೇರಿದಂತೆ ಅನೇಕ ಫೋಷಕಾಂಶಗಳು ಹೇರಳವಾಗಿವೆ. ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ರಾಮಬಾಣವಾಗಿದೆ. ಕೂದಲಿನ ಆರೈಕೆಗೂ ಈ ಸಣ್ಣ ಸಣ್ಣ ಕಾಳುಗಳು ಬಹಳಷ್ಟು ಪ್ರಯೋಜನಕಾರಿಯಾಗಿದೆ. ಈ ಮೆಂತ್ಯವು ಕೂದಲಿನ ಅನೇಕ ಸಮಸ್ಯೆಗಳನ್ನು ಪರಿಹರಿಸಿ ಕೂದಲು ಉದ್ದ ಹಾಗೂ ದಪ್ಪವಾಗಿ ಬೆಳೆಯುವಂತೆ ಮಾಡುತ್ತದೆ.

• ಮೆಂತ್ಯ ಕಾಳುಗಳನ್ನು ತೆಗೆದುಕೊಂಡು ರಾತ್ರಿಯಿಡೀ ನೀರಿನಲ್ಲಿ ನೆನೆಸಿಟ್ಟು, ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಈ ನೀರನ್ನು ಕುಡಿದರೆ ಇದರಲ್ಲಿರುವ ಪೋಷಕಾಂಶಗಳು ಕೂದಲಿನ ಆರೈಕೆ ಮಾಡುತ್ತದೆ.
• ರಾತ್ರಿಯಿಡೀ ನೆನೆಸಿದ ಮೆಂತ್ಯ ಬೀಜಗಳನ್ನು ಸಲಾಡ್‌ಗಳಲ್ಲಿಯೂ ತಿನ್ನಬಹುದು. ಇಲ್ಲವಾದರೆ ದಿನನಿತ್ಯ ಅಡುಗೆಯಲ್ಲಿ ಈ ಮೆಂತ್ಯೆ ಕಾಳನ್ನು ಉಪಯೋಗಿಸಿ ಕೂದಲಿನ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.
• ನೆನೆಸಿದ ಮೆಂತ್ಯ ಕಾಳುಗಳ ನೀರನ್ನು ಸೋಸಿ ಸ್ಪ್ರೇ ಬಾಟಲಿಯಲ್ಲಿ ತುಂಬಿಸಿ ಬೆಳಿಗ್ಗೆ ಕೂದಲಿಗೆ ಹೇರ್ ಸ್ಪ್ರೇ ರೀತಿಯಲ್ಲಿ ಬಳಸಬಹುದು. ಸ್ವಲ್ಪ ಸಮಯದ ನಂತರ ಕೂದಲನ್ನು ತೊಳೆದರೆ ಕೂದಲು ಉದುರುವಿಕೆ ಸಮಸ್ಯೆಯು ದೂರವಾಗುತ್ತದೆ.
• ತೆಂಗಿನೆಣ್ಣೆಗೆ ಮೆಂತ್ಯೆ ಕಾಳನ್ನು ಹಾಕಿ ಕುದಿಸಿ ಈ ಎಣ್ಣೆಯನ್ನು ಹಚ್ಚುತ್ತ ಬಂದರೆ ಕೂದಲು ಕಪ್ಪಾಗಿ ಹಾಗೂ ಸೊಂಪಾಗಿ ಬೆಳೆಯುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ