Spa Treatment: ಈ ಚಳಿಗಾಲದಲ್ಲಿ ನಿಮ್ಮ ತ್ವಚೆಯ ರಕ್ಷಣೆಗಾಗಿ ಈ ಕೆಳಗಿನ 5 ಟಿಪ್ಸ್ ಪಾಲಿಸಿ

ಈ ಚಳಿಗಾಲದಲ್ಲಿ ನಿಮ್ಮ ತ್ವಚೆಯ ರಕ್ಷಣೆಗಾಗಿ ಉತ್ತಮ ಚಿಕಿತ್ಸೆ ಪಡೆಯಿರಿ. ತ್ವಚೆ ಒಣಗಿವುದು ಬಿರುಕು ಬಿಡುವುದು ಇಂತಹ ಸಮಸ್ಯೆಯಿಂದ ನೀವು ಬಳಲುತ್ತಿದ್ದರೆ ಈ ಕೆಳಗಿನ 5 ಟಿಪ್ಸ್ ರೂಢಿಸಿಕೊಳ್ಳಿ. ಚಳಿಗಾಲದ ಪ್ರಮುಖ ಐದು ಸ್ಪಾ ಚಿಕಿತ್ಸೆಗಳು ಇಲ್ಲಿವೆ.

1. ಬಿಸಿ ಚಾಕೊಲೇಟ್ ಮಸಾಜ್: ಈ ಚಳಿಗಾಲದಲ್ಲಿ ನಿಮ್ಮ ತ್ವಚೆಗೆ ಹಿತವಾದ ಪೋಷಣೆ ನೀಡಲು ಬಿಸಿ ಚಾಕೊಲೇಟ್ ಮಸಾಜ್ ಒಂದು ಉತ್ತಮ ಆಯ್ಕೆಯಾಗಿದೆ. ಇದು ನಿಮಗೆ ವಿಶ್ರಾಂತಿಯ ಅನುಭವವನ್ನು ನೀಡುತ್ತದೆ. ಉತ್ಕರ್ಷಣ ನಿರೋಧಕ, ಆಂಟಿ-ಏಜಿಂಗ್ ಮತ್ತು ಆಂಟಿ-ಸೆಲ್ಯುಲೈಟ್ ಗುಣಲಕ್ಷಣಗಳೊಂದಿಗೆ ಪ್ಯಾಕ್ ಮಾಡಲಾದ ಈ ಬಿಸಿ ಚಾಕೊಲೇಟ್ ಮಸಾಜ್, ನಿಮ್ಮ ದೇಹದ ರಕ್ತ ಪರಿಚಲನೆ ಸುಧಾರಿಸುತ್ತದೆ ಮತ್ತು ಸ್ನಾಯು ಸೆಳೆತವನ್ನು ಸಡಿಲಗೊಳಿಸುತ್ತದೆ ಮತ್ತು ನಿಮಗೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ.

2. ಅಭ್ಯಂಗ ಚಿಕಿತ್ಸೆ: ಇದು ರೀತಿಯ ಆಯುರ್ವೇದ ಮಸಾಜ್ ಚಿಕಿತ್ಸೆಯಾಗಿದೆ. ಱಈ ಸ್ಪಾ ಚಿಕಿತ್ಸೆಯು ನಿಮಗೆ ನಯವಾದ, ತೇವಭರಿತ ಮತ್ತು ಹೊಳೆಯುವ ಚರ್ಮವನ್ನು ನೀಡುವುದಲ್ಲದೆ ಚಳಿಗಾಲದಲ್ಲಿ ಸೋಂಕಿನ ಅಪಾಯವನ್ನು ತಡೆಯುತ್ತದೆ. ಈ ಚಿಕಿತ್ಸೆಯಲ್ಲಿ ನಿಮ್ಮ ದೇಹವನ್ನು ಮಸಾಜ್ ಮಾಡಲು ವಿವಿಧ ಬೆಚ್ಚಗಿನ ಸಾರಭೂತ ತೈಲಗಳು ಅಥವಾ ಗಿಡಮೂಲಿಕೆಗಳಿಂದ ತುಂಬಿದ ಆಯುರ್ವೇದ ತೈಲಗಳನ್ನು ಬಳಸಲಾಗುತ್ತದೆ. ಈ ಚಿಕಿತ್ಸೆಯು ನಿಮ್ಮ ಕೀಲುಗಳನ್ನು ನಯಗೊಳಿಸುತ್ತದೆ, ರಕ್ತ ಪರಿಚಲನೆ ಹೆಚ್ಚಿಸುತ್ತದೆ, ದೇಹದಿಂದ ಕಲ್ಮಶಗಳನ್ನು ನಿವಾರಿಸುತ್ತದೆ, ಸ್ನಾಯುಗಳ ಬಿಗಿತವನ್ನು ಶಮನಗೊಳಿಸುತ್ತದೆ ಮತ್ತು ಒತ್ತಡ ಮತ್ತು ಆತಂಕವನ್ನು ಕಡಿಮೆ ಮಾಡುತ್ತದೆ.

3. ಬಟರ್ ಹೆಡ್ ಮಸಾಜ್: ಚಳಿಗಾಲದಲ್ಲಿ ನಿಮ್ಮ ಕೂದಲು ಹೊಳೆಯುವ, ಮೃದುವಾದ, ನಯವಾದ ಮತ್ತು ಆರೋಗ್ಯಕರವಾಗಿರಲು ನೀವು ಬಯಸಿದರೆ, ನೀವು ಈ ಶಾಂತಗೊಳಿಸುವ ಬಟರ್ ಹೆಡ್ ಮಸಾಜ್ ಅನ್ನು ಪ್ರಯತ್ನಿಸಬೇಕು. ಬೆಣ್ಣೆಯು ನೈಸರ್ಗಿಕ ತೈಲಗಳನ್ನು ಹೊಂದಿರುವುದ್ದರಿಂದ ನಿಮ್ಮ ತಲೆಯ ನೆತ್ತಿಯ ಮೇಲಿನ ಉರಿಯನ್ನು ಕಡಿಮೆ ಮಾಡಿ ತೇವಾಂಶ ನೀಡುತ್ತದೆ. ನಿಮ್ಮ ನೆತ್ತಿಯ ಮೇಲೆ ಸ್ವಲ್ಪ ಬೆಣ್ಣೆಯನ್ನು ಮಸಾಜ್ ಮಾಡಿ ಮತ್ತು 30 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ನಂತರ ನೀವು ಪ್ರತಿದಿನ ಬಳಸುವ ಶಾಂಪೂ ಬಳಸಿ ತೊಳೆಯಿರಿ.

4.ಶುದ್ಧಿ ಸ್ನಾನ: ಆಯುರ್ವೇದ ಗಿಡಮೂಲಿಕೆಗಳನ್ನು ಬಳಸಿ ಮಾಡುವ ಸ್ಪಾಗಳಲ್ಲಿನ ಶುದ್ಧಿ ಸ್ನಾನವು ಒಂದಾಗಿದೆ. ಈ ಚಿಕಿತ್ಸೆಯಲ್ಲಿ ದಾಲ್ಚಿನ್ನಿ ಮತ್ತು ಏಲಕ್ಕಿಯಂತಹ ವಿವಿಧ ಸಾಂಪ್ರದಾಯಿಕ ಮಸಾಲೆಗಳೊಂದಿಗೆ ಆಯುರ್ವೇದ ಗಿಡಮೂಲಿಕೆಗಳನ್ನು ಬಳಸುತ್ತದೆ. ಇದು ನಿಮಗೆ ಒತ್ತಡದಿಂದ ಮುಕ್ತಿ ನೀಡುತ್ತದೆ. ಇದು ನಿಮ್ಮ ಚರ್ಮದ ರಂಧ್ರಗಳನ್ನು ತೆರವುಗೊಳಿಸುತ್ತದೆ, ನೈಸರ್ಗಿಕ ಹೊಳಪನ್ನು ನೀಡುತ್ತದೆ ಮತ್ತು ಶೀತ ಚಳಿಗಾಲದ ತಿಂಗಳುಗಳಲ್ಲಿ ನಿಮ್ಮನ್ನು ಬೆಚ್ಚಗಾಗಿಸುತ್ತದೆ.

5. ಪಿಜಿಚಿಲ್ ತೈಲ ಚಿಕಿತ್ಸೆ: ಇದು ಚಳಿಗಾಲದಲ್ಲಿ ನಿಮ್ಮ ತ್ವಚೆಯನ್ನು ಕಾಪಾಡುವ ಒಂದು ಉತ್ತಮ ಸ್ಪಾ ಚಿಕಿತ್ಸೆಯಾಗಿದೆ. ಪಿಝಿಚಿಲ್ ಔಷಧೀಯ ತೈಲಗಳನ್ನು ಬಳಸಿ ಮಾಡಲಾಗುತ್ತದೆ. ಬಿಸಿಮಾಡಿ ನಂತರ ನಿಮ್ಮ ದೇಹದ ಮೇಲೆ ಸುರಿದು ಮೃದುವಾಗಿ ಮಸಾಜ್ ಮಾಡಲಾಗುತ್ತದೆ. ಸರಿಯಾದ ತಾಪಮಾನದಲ್ಲಿ ಬಿಸಿ ಮಾಡುವ ಮೂಲಕ ನೀವು ಸುಲಭವಾಗಿ ಈ ಸ್ಪಾ ಚಿಕಿತ್ಸೆಯನ್ನು ಮನೆಯಲ್ಲಿಯೇ ಮಾಡಬಹುದು. ಈ ಚಿಕಿತ್ಸೆಯು ಸ್ನಾಯು ಮತ್ತು ಕೀಲುಗಳ ಬಿಗಿತದಿಂದ ಪರಿಹಾರವನ್ನು ಪಡೆಯಲು ಸಹಾಯ ಮಾಡುತ್ತದೆ ಮತ್ತು ಚರ್ಮದ ಕಲ್ಮಶಗಳನ್ನು ತೆಗೆದುಹಾಕುತ್ತದೆ.

ಇದನ್ನು ಓದಿ: ಮಲಗುವ ಮುನ್ನ ಸ್ನಾನ ಮಾಡುವುದು ಎಷ್ಟು ಒಳ್ಳೆಯದು? ಚಳಿಗಾಲದಲ್ಲೂ ಅಗತ್ಯವಿದೆಯೇ?

ಆದ್ದರಿಂದ ಈ ಮೇಲಿನ ಪ್ರಮುಖ 5 ಸ್ಪಾ ಚಿಕಿತ್ಸೆಯು ಮೂಲಕ ಚಳಿಗಾಲದಲ್ಲಿ ನಿಮ್ಮ ತ್ವಚೆಯನ್ನು ಆರೋಗ್ಯವಾಗಿ ಕಾಪಾಡಿಕೊಳ್ಳಿ. ನಿಮ್ಮ ಸೌಂದರ್ಯವನ್ನು ಇನ್ನಷ್ಟು ಹೆಚ್ಚಿಸಿ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: