ದಿನವೂ ಸ್ವೀಟ್ ತಿಂದರೆ ನಮ್ಮ ದೇಹದಲ್ಲಿ ಏನೆಲ್ಲ ಬದಲಾವಣೆಯಾಗುತ್ತದೆ?
ನೀವು ದಿನವೂ ಊಟವಾದ ನಂತರ ಅಥವಾ ಆಗಾಗ ಸ್ವೀಟ್ ತಿನ್ನುತ್ತೀರಾ? ನಿಯಮಿತವಾಗಿ ಸಿಹಿತಿಂಡಿಗಳನ್ನು ಸೇವಿಸಿವುದರಿಂದ ನಮ್ಮ ದೇಹದಲ್ಲಿ ಯಾವೆಲ್ಲ ಬದಲಾವಣೆಗಳು ಆಗುತ್ತವೆ. ಅದರಿಂದ ನಮ್ಮ ಆರೋಗ್ಯದ ಮೇಲೆ ಯಾವೆಲ್ಲ ರೀತಿಯ ಪ್ರಭಾವ ಉಂಟಾಗುತ್ತದೆ ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.
Updated on: Dec 28, 2023 | 5:12 PM
ಊಟದ ನಂತರ ಸಿಹಿ ತಿನ್ನುವುದು ಅನೇಕರ ಅಭ್ಯಾಸ. ಮದುವೆ, ಮುಂಜಿ ಮುಂತಾದ ಕಾರ್ಯಕ್ರಮಗಳು, ಹಬ್ಬಗಳಲ್ಲಿ ಊಟದ ಜೊತೆಗೆ ಸ್ವೀಟ್ ಇರುವುದು ಸಾಮಾನ್ಯ. ಆದರೆ, ಕೆಲವರು ದಿನವೂ ಸ್ವೀಟ್ ತಿನ್ನುವ ಅಭ್ಯಾಸ ರೂಢಿಸಿಕೊಂಡಿರುತ್ತಾರೆ. ಈ ರೀತಿಯ ಸಿಹಿಪ್ರಿಯರ ದೇಹದಲ್ಲಿ ಅವರ ಈ ಅಭ್ಯಾಸದಿಂದ ಏನೆಲ್ಲ ಬದಲಾವಣೆಗಳಾಗುತ್ತವೆ? ಯಾವ ರೀತಿಯ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತವೆ? ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.
ತೂಕ ಹೆಚ್ಚಳ:
ದಿನವೂ ಸ್ವೀಟ್ ತಿನ್ನುವ ಅಭ್ಯಾಸವು ನಿಮ್ಮ ದೇಹದ ಮೇಲೆ ಬೀರುವ ಮೊದಲ ಮತ್ತು ಮುಖ್ಯ ಪರಿಣಾಮವೆಂದರೆ ನಿಮ್ಮ ತೂಕದಲ್ಲಿನ ಹೆಚ್ಚಳ. ನಿಯಮಿತವಾಗಿ ಸಿಹಿತಿಂಡಿಗಳನ್ನು ಸೇವಿಸುವುದು, ಅದರಲ್ಲೂ ವಿಶೇಷವಾಗಿ ರಾತ್ರಿಯ ನಂತರ ಸ್ವೀಟ್ ತಿನ್ನುವುದರಿಂದ ದೇಹಕ್ಕೆ ಹೆಚ್ಚಿನ ಕ್ಯಾಲೋರಿ ಸೇರಿಕೊಳ್ಳುತ್ತದೆ. ಅನೇಕ ಸಿಹಿತಿಂಡಿಗಳು ಸಕ್ಕರೆ ಮತ್ತು ಕೊಬ್ಬುಗಳಿಂದ ಕೂಡಿರುತ್ತವೆ. ಇದು ಹೆಚ್ಚುವರಿ ಕ್ಯಾಲೊರಿಗಳಿಗೆ ಕಾರಣವಾಗಬಹುದು. ಕ್ರಮೇಣ ನಮ್ಮ ದೇಹ ಈ ಹೆಚ್ಚುವರಿ ಶಕ್ತಿಯನ್ನು ಕೊಬ್ಬಿನಂತೆ ಸಂಗ್ರಹಿಸಿಕೊಳ್ಳುತ್ತದೆ. ಇದು ತೂಕ ಹೆಚ್ಚಾಗಲು ಕಾರಣವಾಗುತ್ತದೆ.
ಇದನ್ನೂ ಓದಿ: ನಿದ್ರಾಹೀನತೆಯಿಂದ ಮಹಿಳೆಯರಲ್ಲಿ ಡಯಾಬಿಟಿಸ್ ಹೆಚ್ಚಳ; ಅಧ್ಯಯನದಲ್ಲಿ ಬಯಲು
ರಕ್ತದಲ್ಲಿನ ಸಕ್ಕರೆ ಅಂಶದ ಏರಿಳಿತ:
ಸಾಮಾನ್ಯವಾಗಿ ಸಕ್ಕರೆ ಮತ್ತು ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌ಗಳಿಂದ ತುಂಬಿದ ಸಿಹಿತಿಂಡಿ ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸುತ್ತದೆ. ಆರಂಭದ ಹಂತದಲ್ಲಿ ಇನ್ಸುಲಿನ್ ಉತ್ಪಾದನೆಯನ್ನು ಸಕ್ರಿಯಗೊಳಿಸುತ್ತದೆ, ಸಕ್ಕರೆಯನ್ನು ನಿಮ್ಮ ಜೀವಕೋಶಗಳಿಗೆ ಸೇರಿಸಲು ಸಹಾಯ ಮಾಡುತ್ತದೆ. ಆದರೆ, ನಂತರ ನಿಮ್ಮ ದೇಹ ಹೆಚ್ಚು ಸಕ್ಕರೆಯನ್ನು ಹಂಬಲಿಸುತ್ತದೆ. ಇದು ಕ್ರಮೇಣ ಇನ್ಸುಲಿನ್ ಪ್ರತಿರೋಧಕ್ಕೆ ಕಾರಣವಾಗಬಹುದು.
ಜೀರ್ಣಕಾರಿ ಸಮಸ್ಯೆ:
ಸಮೃದ್ಧ ಮತ್ತು ಸಕ್ಕರೆಯ ಸಿಹಿತಿಂಡಿಗಳು ಜೀರ್ಣಾಂಗ ವ್ಯವಸ್ಥೆಗೆ ತೊಂದರೆ ಉಂಟುಮಾಡಬಹುದು. ಈ ಭಾರವಾದ ಆಹಾರವನ್ನು ಜೀರ್ಣಿಸಿಕೊಳ್ಳಲು ನಮ್ಮ ದೇಹವು ಹೆಚ್ಚು ಶ್ರಮಿಸಬೇಕು. ಆದರೆ, ನಾವು ಹೆಚ್ಚು ಕೆಲಸ ಮಾಡದೆ ಸ್ವೀಟ್ ತಿಂದಾಗ ಅದು ಗ್ಯಾಸ್, ಅಜೀರ್ಣದಂತಹ ಅನೇಕ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡುತ್ತದೆ.
ಇದನ್ನೂ ಓದಿ: ರಾತ್ರಿ ತಡವಾಗಿ ಮಲಗುವುದರಿಂದ ಡಯಾಬಿಟಿಸ್ ಬರಬಹುದು ಎಚ್ಚರ!
ಆರೋಗ್ಯ ಸಮಸ್ಯೆಗಳ ಹೆಚ್ಚಿದ ಅಪಾಯ:
ಸಿಹಿತಿಂಡಿಗಳ ನಿರಂತರ ಸೇವನೆ ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತದೆ. ಇದು ಟೈಪ್ 2 ಮಧುಮೇಹ, ಹೃದ್ರೋಗ ಮತ್ತು ಮೆಟಾಬಾಲಿಕ್ ಸಿಂಡ್ರೋಮ್‌ನ ಬೆಳವಣಿಗೆಗೆ ಕಾರಣವಾಗಬಹುದು.
ಹಲ್ಲಿನ ಆರೋಗ್ಯ ಸಮಸ್ಯೆ:
ಸಿಹಿತಿಂಡಿಗಳು ಬಾಯಿಯ ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮಗಳನ್ನು ಬೀರಬಹುದು. ಸಕ್ಕರೆ ಬಾಯಿಯಲ್ಲಿ ಹಾನಿಕಾರಕ ಬ್ಯಾಕ್ಟೀರಿಯಾಗಳಿಗೆ ಆಹಾರದ ಮೂಲವನ್ನು ಒದಗಿಸುತ್ತವೆ. ಇದು ಹಲ್ಲಿನ ದಂತಕವಚವನ್ನು ನಾಶಮಾಡುವ ಆಮ್ಲಗಳ ಉತ್ಪಾದನೆಗೆ ಕಾರಣವಾಗುತ್ತದೆ. ಈ ಪ್ರಕ್ರಿಯೆಯು ಕುಳಿಗಳು, ಹಲ್ಲಿನ ಕೊಳೆತ ಮತ್ತು ಇತರ ಹಲ್ಲಿನ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತದೆ.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
