Relationship: ಹೀಗೆ ನಡೆದುಕೊಳ್ಳಿ, ನಿಮ್ಮ ಮಕ್ಕಳಿಗೆ ನಿಮ್ಮ ಮೇಲಿನ ಗೌರವ ಮತ್ತಷ್ಟು ಹೆಚ್ಚುತ್ತೆ

Relationship: ಹೀಗೆ ನಡೆದುಕೊಳ್ಳಿ, ನಿಮ್ಮ ಮಕ್ಕಳಿಗೆ ನಿಮ್ಮ ಮೇಲಿನ ಗೌರವ ಮತ್ತಷ್ಟು ಹೆಚ್ಚುತ್ತೆ
Relationship

ಪ್ರತಿ ಪೋಷಕರಿಗೂ ತಮ್ಮ ಮಕ್ಕಳು ಹಾಗೂ ತಮ್ಮ ನಡುವಿನ ಬಾಂಧವ್ಯ ಉತ್ತಮವಾಗಿರಬೇಕು, ಮಕ್ಕಳು ತಮಗೆ ಗೌರವ ಕೊಡಬೇಕು, ನಮ್ಮ ಮಾತು ಕೇಳಬೇಕು, ನಂಬಿಕೆಯಿಟ್ಟು ತಮ್ಮ ಸಮಸ್ಯೆಗಳನ್ನು ನಮ್ಮೊಂದಿಗೆ ಹಂಚಿಕೊಳ್ಳುಬೇಕು ಎಂದು ಬಯಸುವುದು ಸಾಮಾನ್ಯ.

TV9kannada Web Team

| Edited By: Nayana Rajeev

Jun 23, 2022 | 2:32 PM

ಪ್ರತಿ ಪೋಷಕರಿಗೂ ತಮ್ಮ ಮಕ್ಕಳು ಹಾಗೂ ತಮ್ಮ ನಡುವಿನ ಬಾಂಧವ್ಯ ಉತ್ತಮವಾಗಿರಬೇಕು, ಮಕ್ಕಳು ತಮಗೆ ಗೌರವ ಕೊಡಬೇಕು, ನಮ್ಮ ಮಾತು ಕೇಳಬೇಕು, ನಂಬಿಕೆಯಿಟ್ಟು ತಮ್ಮ ಸಮಸ್ಯೆಗಳನ್ನು ನಮ್ಮೊಂದಿಗೆ ಹಂಚಿಕೊಳ್ಳುಬೇಕು ಎಂದು ಬಯಸುವುದು ಸಾಮಾನ್ಯ.

ನೀವು ಡೈನಿಂಗ್​ ಟೇಬಲ್ ಮುಂದೆ ಕುಳಿತು ಮಕ್ಕಳ ಏಳು, ಬೀಳು ಕುರಿತು ಮಾತನಾಡುವಾಗ ಮಕ್ಕಳನ್ನು ಯಾವ ವಿಷಯಕ್ಕೂ ಹಂಗಿಸದೆ ದರ್ಪ ತೋರದೆ ಪ್ರೀತಿಯಿಂದ ನಡೆದುಕೊಳ್ಳಿ, ಹಾಗೂ ಯಾವುದೇ ಕಾರಣಕ್ಕೂ ಬೇರೆಯ ಮಕ್ಕಳ ಜತೆ ನಿಮ್ಮ ಮಕ್ಕಳನ್ನು ಹೋಲಿಕೆ ಮಾಡಿ ಮಾತನಾಡಬೇಡಿ.

ಮಕ್ಕಳ ಇಷ್ಟವೇನು, ಓದಿನ ಕಡೆಗೆ ಮಕ್ಕಳಿಗೆ ಆಸಕ್ತಿ ಬರಲು ಏನು ಮಾಡಬೇಕು, ಮಕ್ಕಳಿಗೆ ಯಾವ ಚಟುವಟಿಕೆಗಳೆಂದರೆ ಇಷ್ಟ, ಯಾವ ಕ್ಷೇತ್ರದಲ್ಲಿ ಆಸಕ್ತಿ ಎಂಬುದೆಲ್ಲದರ ಬಗ್ಗೆಯೂ ನೀವು ಗಮನವಿಡಬೇಕು.

ಮಕ್ಕಳ ಮಾತನ್ನು ಆಲಿಸಿ: ನಿಮ್ಮ ಮಕ್ಕಳ ಭಾವನೆಯನ್ನು ಅರ್ಥಮಾಡಿಕೊಳ್ಳಿ ಹಾಗೂ ಮಕ್ಕಳ ಭಾವನೆಗಳಿಗೆ ಸ್ಪಂದಿಸಿ, ನಿಮ್ಮ ನಂಬಿಕೆಗಳನ್ನು ಅವರ ಮೇಲೆ ಹೇರಬೇಡಿ.

ಮಕ್ಕಳನ್ನು ಮಕ್ಕಳಾಗಿಯೇ ನೋಡಿ: ಮಕ್ಕಳನ್ನು ನೀವು ಮಕ್ಕಳ ದೃಷ್ಟಿಯಿಂದಲೇ ನೋಡಿ, ಅವರ ಸಮಸ್ಯೆಗಳಿಗೆ ಕಿವಿಯಾಗಿ, ಮಕ್ಕಳನ್ನು ಅವರಂತೆಯೇ ಬದುಕಲು ಬಿಡಿ.

ಮಕ್ಕಳೊಂದಿಗೆ ಸಮಯ ಕಳೆಯಿರಿ: ಕುಟುಂಬಕ್ಕಾಗಿ ಸಮಯ ಕೊಡಿ, ಮಕ್ಕಳ ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳಿ, ಮಕ್ಕಳಿಗೆ ಇಷ್ಟವಾಗುವ ವಿಷಯದ ಕುರಿತು ಮಾತನಾಡಿ ಅದರಿಂದ ನೀವು ಹಾಗೂ ನಿಮ್ಮ ಮಕ್ಕಳ ನಡುವೆ ಸಂಬಂಧ ಉತ್ತಮವಾಗಿರುತ್ತದೆ.

ಪ್ರೀತಿ ತೋರಿ: ಮಕ್ಕಳಿಗೆ ಪ್ರೀತಿ ತೋರಿಸಿ, ನಿಮ್ಮ ಒಂದು ಆತ್ಮೀಯ ಹಗ್ ನೀವು ಹಾಗೂ ನಿಮ್ಮ ಮಕ್ಕಳ ನಡುವೆ ಸಂಬಂಧವನ್ನು ವೃದ್ಧಿಸುತ್ತದೆ.

ಬೇರೆ ಮಕ್ಕಳೊಂದಿಗೆ ಹೋಲಿಕೆ ಬೇಡ: ಓದು, ಚಟುವಟಿಕೆ, ಗುಣ ಇತ್ಯಾದಿ ವಿಷಯಗಳಲ್ಲಿ ಬೇರೆ ಮಕ್ಕಳೊಂದಿಗೆ ನಿಮ್ಮ ಮಕ್ಕಳನ್ನು ಹೋಲಿಕೆ ಮಾಡುವುದನ್ನು ಬಿಡಿ, ನಿಮ್ಮ ಮಕ್ಕಳು ಉತ್ತಮ ವಿದ್ಯಾಭ್ಯಾಸ ಮಾಡಬೇಕೆಂದಿದ್ದರೆ ಅವರಿಗೆ ಚೆನ್ನಾಗಿ ಓದುವಂತೆ ಹೇಳಿ, ಬೇಕಾದ ಸೌಲಭ್ಯಗಳನ್ನು ಒದಗಿಸಿಕೊಡಿ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Follow us on

Related Stories

Most Read Stories

Click on your DTH Provider to Add TV9 Kannada