Jeera Rice Recipe : ಹತ್ತೇ ನಿಮಿಷದಲ್ಲಿ ಮನೆಯಲ್ಲಿ ಮಾಡಿ ರೆಸ್ಟೋರೆಂಟ್ ಸ್ಟೈಲ್ ಜೀರಾ ರೈಸ್, ರೆಸಿಪಿ ಇಲ್ಲಿದೆ

ದಿನಾಲೂ ಬೆಳಗ್ಗೆ ಒಂದೇ ಬಗೆಯ ತಿಂಡಿ ತಿಂದು ಬೋರ್ ಆಗಿರುತ್ತದೆ. ಕೆಲವರು ವಿಭಿನ್ನವಾಗಿ ಏನನ್ನಾದರೂ ಮಾಡಲು ಪ್ರಯತ್ನಿಸುತ್ತಾರೆ. ಪಲಾವ್, ಚಿತ್ರಾನ್ನದಂತಹ ರೈಸ್ ಐಟಂಗಳನ್ನು ಮನೆಯ ಸದಸ್ಯರು ಇಷ್ಟ ಪಡುತ್ತಿದ್ದರೆ ಸ್ಪೆಷಲ್ ಆಗಿ ಜೀರಾ ರೈಸ್ ಮಾಡಬಹುದು. ಉತ್ತರ ಭಾರತದ ಫೇಮಸ್ ಖಾದ್ಯವಾಗಿರುವ ಈ ಜೀರಾ ರೈಸ್ ರೆಸಿಪಿಯನ್ನು ಹೆಚ್ಚು ಖರ್ಚುಯಿಲ್ಲದೇ ಮಾಡಬಹುದಾಗಿದೆ. ಮನೆಯಲ್ಲಿರುವ ಈ ಕೆಲವು ಸಾಮಗ್ರಿಗಳಿಂದ ಆರೋಗ್ಯಕರ ಹಾಗೂ ರುಚಿಕರ ಜೀರಾ ರೈಸ್ ಮಾಡಿ ಮನೆ ಮಂದಿಯೆಲ್ಲಾ ಸವಿಯಬಹುದು.

ಜೀರಾ ರೈಸ್ ಮಾಡಲು ಬೇಕಾಗುವ ಸಾಮಗ್ರಿಗಳು

* ಅಕ್ಕಿ- 1ಕಪ್

* ತುಪ್ಪ- 1/2 ಕಪ್

* ಪಲಾವ್ ಎಲೆ

* ಚಕ್ಕೆ

* ಲವಂಗ

* ಜೀರಿಗೆ- 4 ಚಮಚ

* ಹಸಿಮೆಣಸಿನಕಾಯಿ- 2

* ಕೊತ್ತಂಬರಿ ಸೊಪ್ಪು

* ರುಚಿಗೆ ತಕ್ಕಷ್ಟು ಉಪ್ಪು

ಜೀರಾ ರೈಸ್ ಮಾಡುವ ವಿಧಾನ

* ಅಕ್ಕಿಯನ್ನು ಚೆನ್ನಾಗಿ ತೊಳೆದು ಇಪ್ಪತ್ತು ನಿಮಿಷಗಳ ಕಾಲ ನೆನೆಸಿಟ್ಟುಕೊಳ್ಳಿ.

* ಬಾಣಲೆಗೆ ತುಪ್ಪ ಹಾಕಿ ಬಿಸಿಯಾಗುತ್ತಿದ್ದಂತೆ ಪಲಾವ್ ಎಲೆ, ಚಕ್ಕೆ, ಲವಂಗ, ಜೀರಿಗೆ, ಕತ್ತರಿಸಿಟ್ಟ ಹಸಿಮೆಣಸಿನಕಾಯಿಯನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ.

* ಆ ಬಳಿಕ ಈಗಾಗಲೇ ನೆನೆಸಿಟ್ಟ ಅಕ್ಕಿಯನ್ನು ಹಾಕಿ ಸ್ವಲ್ಪ ಸಣ್ಣ ಉರಿಯಲ್ಲಿ ಫ್ರೈ ಮಾಡಿಕೊಳ್ಳಿ.

* ಅಕ್ಕಿ ಬೇಯಲು ಬೇಕಾಗುವಷ್ಟು ನೀರು ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಒಮ್ಮೆ ಕೈಯಾಡಿಸಿ. ಆ ಬಳಿಕ ಕೊತ್ತಂಬರಿ ಸೇರಿಸಿ ಬೇಯಿಸಿಕೊಂಡರೆ ರುಚಿಯಾದ ಜೀರಾ ರೈಸ್ ಸವಿಯಲು ಸಿದ್ಧ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ