Lizards Problem : ಹಲ್ಲಿ ಕಾಟಕ್ಕೆ ಈ ಮನೆ ಮದ್ದನ್ನು ಬಳಸಿ
ಕೆಲವರ ಮನೆಯಲ್ಲಿ ಹಲ್ಲಿಗಳ ಕಾಟವೇ ಹೆಚ್ಚಾಗಿರುತ್ತದೆ. ಮನೆಯ ಗೋಡೆಗಳ ಮೇಲೆ ಹಲ್ಲಿಗಳು ಲೋಚಗೊಟ್ಟುತ್ತ ಕ್ರಿಮಿ ಕೀಟಗಳನ್ನು ತಿನ್ನುತ್ತವೇನೋ ಸರಿಂ ಆದರೆ ಅದುವೇ ಹಲ್ಲಿ ಅಡುಗೆಯ ಪಾತ್ರೆಗಳಿಗೆ ಬಿದ್ದರೇನು ಗತಿ ಎನ್ನುವ ಚಿಂತೆಯೊಂದು ಕಾಡುತ್ತವೆ. ಹೀಗಾದಾಗ ಮನೆಯಲ್ಲಿರುವ ಹಲ್ಲಿಗಳನ್ನು ಈ ಸರಳ ಮನೆ ಮದ್ದಿನ ಮೂಲಕ ಓಡಿಸುವುದು ಕಷ್ಟವೇನಲ್ಲ.
Updated on: Apr 29, 2024 | 3:10 PM
ಮನೆಯ ಗೋಡೆಗಳ ಮೇಲೆ ಅತ್ತಿಂದ ಇತ್ತ ಓಡಾಡುವ ಹಲ್ಲಿಗಳು ಕಂಡರೆ ಹೆಚ್ಚಿನವರಿಗೆ ಭಯ. ಒಂದು ವೇಳೆ ಸುಮ್ಮನೆ ಕುಳಿತುಕೊಂಡಾಗ ಹಲ್ಲಿಗಳು ಮೈ ಮೇಲೆ ಬಿದ್ದು ಬಿಟ್ಟರೆ ಕಿರುಚಾಡಲು ಶುರು ಮಾಡುತ್ತಾರೆ. ಬೆಚ್ಚಗಿನ ಕೊಠಡಿಗಳಲ್ಲಿ ಕಂಡು ಬರುವ ಈ ಜೀವಿಗಳು ಗೋಡೆಗಳ ಸಂಧಿಯಲ್ಲಿ ಹೆಚ್ಚಾಗಿ ಇರುತ್ತವೆ. ಮನೆಯಲ್ಲಿ ಹಲ್ಲಿಕಾಟ ಹೆಚ್ಚಾಗಿದ್ದರೆ ಸುಲಭವಾಗಿ ಈ ಹಲ್ಲಿಗಳನ್ನು ಓಡಿಸಿ ಟೆನ್ಶನ್ ಫ್ರೀ ಆಗಬಹುದು.
ಹಲ್ಲಿಗಳನ್ನು ಓಡಿಸಲು ಸುಲಭ ಮನೆ ಮದ್ದುಗಳಿವು
* ಹಲ್ಲಿಗಳಿರುವ ಸ್ಥಳಗಳಲ್ಲಿ ಮೊಟ್ಟೆಯ ಚಿಪ್ಪನ್ನು ನೇತು ಹಾಕುವುದು ಒಳ್ಳೆಯದು. ಈ ಚಿಪ್ಪಿನ ವಾಸನೆಗೆ ಹಲ್ಲಿಗಳು ಅಲ್ಲಿಂದ ಓಡಿ ಹೋಗುತ್ತವೆ.
* ಮನೆಯಲ್ಲಿ ಹಲ್ಲಿಗಳ ಹಿಂಡೆಯಿದ್ದರೆ ಐಸ್‌ ನೀರನ್ನು ಬಳಸಬಹುದು. ಹಲ್ಲಿಗಳ ಮೇಲೆ ತಣ್ಣನೆಯ ನೀರನ್ನು ಎರಚಿದರೆ, ಅವುಗಳಿಗೆ ಬೇಗನೆ ಓಡಲು ಆಗುವುದಿಲ್ಲ. ಆ ತಕ್ಷಣವೇ ಅದನ್ನು ಗುಡಿಸಿ ಹೊರಗೆ ಹಾಕಬಹುದು.
* ಹೊಗೆ ಸೊಪ್ಪಿನ ರಸವನ್ನು ಮನೆಯ ಮೂಲೆಗೆ ಸ್ಪ್ರ್ರೇ ಮಾಡಿದರೆ, ಅದರ ವಾಸನೆಗೆ ಹಲ್ಲಿಗಳು ನಿಲ್ಲುವುದೇ ಇಲ್ಲ.
* ಈರುಳ್ಳಿ ಮತ್ತು ಬೆಳ್ಳುಳ್ಳಿ ಸಿಪ್ಪೆಗಳನ್ನು ಮನೆಯ ಮೂಲೆಯಲ್ಲಿ ಇಟ್ಟರೆ, ಅದರ ವಾಸನೆಗೆ ಹಲ್ಲಿಗಳು ಬರುವುದೇ ಇಲ್ಲ.
* ಕಾಫಿ ಹುಡಿಗೆ ತಂಬಾಕು ಸೇರಿಸಿ, ಅದನ್ನು ಉಂಡೆ ಕಟ್ಟಿ ಮನೆಯ ಮೂಲೆ ಮೂಲೆಯಲ್ಲಿ ಇಡುವುದರಿಂದ ಹಲ್ಲಿಗಳ ಕಾಟದಿಂದ ಮುಕ್ತಿ ಹೊಂದಬಹುದು.
ಇದನ್ನೂ ಓದಿ: 90ರ ದಶಕದಲ್ಲಿ ಫ್ಯಾಷನ್ ಪ್ರಿಯರ ಮನಸ್ಸು ಗೆದ್ದ ಉಡುಪುಗಳಿವು
* ಮನೆಯ ಮೂಲೆ ಮೂಲೆಯಲ್ಲಿ ನ್ಯಾಫ್ತಲೀನ್ ಇಟ್ಟರೆ, ಇದರ ವಾಸನೆಗೆ ಹಲ್ಲಿ ಮತ್ತೆ ಆ ಕಡೆ ಸುಳಿಯುವುದೇ ಇಲ್ಲ.
* ಹಲ್ಲಿಗಳು ಇರುವ ಸ್ಥಳಗಳಲ್ಲಿ ಕರ್ಪೂರವನ್ನು ಇಟ್ಟರೆ, ಕರ್ಪೂರದ ಪರಿಮಳಕ್ಕೆ ಹಲ್ಲಿಗಳು ಅಲ್ಲಿಂದ ದೂರ ಹೋಗುತ್ತವೆ.
* ಕಾಳುಮೆಣಸಿನ ಪುಡಿಯನ್ನು ನೀರಿನಲ್ಲಿ ಮಿಶ್ರಣ ಮಾಡಿ ಹಲ್ಲಿಗಳು ಇದ್ದಲ್ಲಿ ಸ್ಪ್ರೇ ಮಾಡುವುದರಿಂದ ಹಲ್ಲಿಗಳು ಅಲ್ಲಿಂದ ಓಡಿಹೋಗುತ್ತವೆ.
* ಸೀಮೆಎಣ್ಣೆಯನ್ನು ಸ್ಪ್ರೇ ಮಾಡುವುದರಿಂದ ಹಲ್ಲಿಗಳ ಕಾಟದಿಂದ ಸುಲಭವಾಗಿ ಮುಕ್ತಿ ಹೊಂದಬಹುದು.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
