Navaratri 2024: ನವರಾತ್ರಿ ಎರಡನೇ ದಿನ ದೇವಿಗೆ ಹೆಸರು ಬೇಳೆ ಹಲ್ವಾ ನೈವೇದ್ಯ ಅರ್ಪಿಸಿ, ಸುಲಭ ಪಾಕವಿಧಾನ ಇಲ್ಲಿದೆ

ಮಕ್ಕಳಿಂದ ಹಿಡಿದು ವಯಸ್ಕರವರೆಗೂ ಎಲ್ಲರೂ ಕೂಡ ಸಿಹಿ ತಿಂಡಿಯನ್ನು ಇಷ್ಟ ಪಡುತ್ತಾರೆ. ಈ ಹಬ್ಬಗಳು ಬಂತೆಂದರೆ ಸಾಕು, ಮನೆಯಲ್ಲಿ ವಿವಿಧ ಬಗೆಯ ರುಚಿಕರವಾದ ತಿಂಡಿ ತಿನಿಸುಗಳು ಸವಿಯಲು ಸಿದ್ಧವಾಗುತ್ತದೆ. ಈ ಬಾರಿಯ ನವರಾತ್ರಿಗೆ ದೇವಿಗೆ ನೈವೇದ್ಯವಿಡಲು ವಿಶೇಷವಾದ ತಿನಿಸು ಮಾಡಲು ಹೊರಟಿದ್ದರೆ ಹೆಸರು ಬೇಳೆ ಹಲ್ವಾವನ್ನು ಟ್ರೈ ಮಾಡಬಹುದು. ರಾಜಸ್ಥಾನದ ವಿಶೇಷವಾದ ಸಿಹಿತಿಂಡಿಯಾದ ಇದನ್ನು ತುಪ್ಪ, ಬೆಲ್ಲದಿಂದ ಮಾಡಲಾಗುತ್ತದೆ. ಪ್ರೊಟೀನ್ಯುಕ್ತವಾಗಿರುವ ಈ ಸಿಹಿ ತಿನಿಸು ಆರೋಗ್ಯಕ್ಕೂ ತುಂಬಾನೇ ಒಳ್ಳೆಯದು.

ಹೆಸರು ಬೇಳೆ ಹಲ್ವಾ ಮಾಡಲು ಬೇಕಾಗುವ ಸಾಮಗ್ರಿಗಳು

* ಒಂದು ಕಪ್ ಹೆಸರು ಬೇಳೆ

* ತುಪ್ಪ

* ರವೆ

* ಬೆಲ್ಲ

* ಏಲಕ್ಕಿ ಪುಡಿ

* ಬಾದಾಮಿ

* ನೀರು

* ಉಪ್ಪು

* ತೆಂಗಿನ ತುರಿ

ಹೆಸರು ಬೇಳೆ ಹಲ್ವಾ ಮಾಡುವ ವಿಧಾನ

* ಒಂದು ಪಾತ್ರೆಯಲ್ಲಿ ಹೆಸರು ಬೇಳೆಯನ್ನು ಹಾಕಿ 3-4 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಬೇಕು.

* ನೆನೆದ ಬೇಳೆಯನ್ನು ನೀರಿನಿಂದ ಬೇರ್ಪಡಿಸಿ, ಕುಕ್ಕರ್ ಬೇಳೆ ಹಾಗೂ ನೀರು ಹಾಕಿ ಚೆನ್ನಾಗಿ ಬೇಯಿಸಿಕೊಳ್ಳಿ.

* ಒಂದು ಬಾಣಲೆಗೆ ತುಪ್ಪವನ್ನು ಹಾಕಿ ಒಂದೆರಡು ಚಮಚ ರವೆ ಹಾಕಿ ಹುರಿದುಕೊಳ್ಳಿ. ಆ ಬಳಿಕ ರುಬ್ಬಿಟ್ಟ ತೆಂಗಿನ ತುರಿ ಹಾಕಿ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ.

* ಆ ಬಳಿಕ ಈಗಾಗಲೇ ಚೆನ್ನಾಗಿ ಬೆಂದಿರುವ ಹೆಸರು ಬೇಳೆಯನ್ನು ಹಾಕಿ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

* ತದನಂತರದಲ್ಲಿ ಸಿದ್ಧಪಡಿಸಿಕೊಂಡ ಬೆಲ್ಲದ ಪಾಕವನ್ನು ಸೇರಿಸಿ ಸಾಧಾರಣ ಉರಿಯಲ್ಲಿ ಇದನ್ನು ಬೇಯಿಸಕೊಳ್ಳಿ.

* ಈ ಮಿಶ್ರಣ ಗಂಟು-ಗಂಟಾಗದಂತೆ ನಿರಂತರವಾಗಿ ಕೈ ಆಡಿಸುತ್ತಲೇ ಇರಬೇಕು.

* ಬಣ್ಣ ಬದಲಾಗಿ ಮಿಶ್ರಣವು ಗಟ್ಟಿಯಾಗುತ್ತಿದ್ದಂತೆ ಏಲಕ್ಕಿ ಪುಡಿ ಹಾಗೂ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿದರೆ ಹೆಸರು ಬೇಳೆ ಹಲ್ವಾ ಸವಿಯಲು ಸಿದ್ಧ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ