Bank holidays February 2021: RBIನಿಂದ ಬ್ಯಾಂಕ್ ರಜೆ ಪಟ್ಟಿ ಪ್ರಕಟ, ಫೆಬ್ರವರಿಯಲ್ಲಿ 6 ದಿನ ರಜೆ ಸೇರ್ಪಡೆ

ಈ ತಿಂಗಳ ನಾಲ್ಕು ಭಾನುವಾರಗಳು ಮತ್ತು ಎರಡು ಶನಿವಾರಗಳಂದು ಬ್ಯಾಂಕ್ ರಜೆಯಾಗಿರುತ್ತದೆ. ಜೊತೆಗೆ, ಆರು ಪ್ರಾದೇಶಿಕ ರಜೆಗಳು ಕೂಡ ಬ್ಯಾಂಕ್​ಗಳಿಗಿವೆ.

Bank holidays February 2021: RBIನಿಂದ ಬ್ಯಾಂಕ್ ರಜೆ ಪಟ್ಟಿ ಪ್ರಕಟ, ಫೆಬ್ರವರಿಯಲ್ಲಿ 6 ದಿನ ರಜೆ ಸೇರ್ಪಡೆ
ಸಾಂದರ್ಭಿಕ ಚಿತ್ರ
TV9kannada Web Team

| Edited By: ganapathi bhat

Apr 06, 2022 | 8:25 PM

ವರ್ಷದ ಆರಂಭದಲ್ಲಿ 2021ರ ಬ್ಯಾಂಕ್​ಗಳ ರಜಾದಿನವನ್ನು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಪ್ರಕಟಿಸಿತ್ತು. ಯಾವೆಲ್ಲಾ ದಿನಗಳಲ್ಲಿ ಬ್ಯಾಂಕ್​ಗಳು ಜನರ ಸೇವೆಗೆ ಲಭ್ಯವಿರುವುದಿಲ್ಲ ಎಂದು ಅಧಿಕೃತ ಪ್ರಕಟಣೆ ಕೊಟ್ಟಿತ್ತು. ಅದರಂತೆ ಫೆಬ್ರವರಿ ತಿಂಗಳಿನಲ್ಲಿ ಬ್ಯಾಂಕ್​ಗಳು 12 ರಜಾದಿನಗಳನ್ನು ಹೊಂದಿದೆ. ನಾಲ್ಕು ಭಾನುವಾರಗಳು, ಎರಡು ಶನಿವಾರಗಳ ಜೊತೆಗೆ ಆರು ಇತರೆ ರಜಾದಿನಗಳನ್ನು ಭಾರತದ ವಿವಿಧ ಪ್ರದೇಶದ ಬ್ಯಾಂಕ್​ಗಳು ಪಡೆಯಲಿವೆ.

ಆರ್​ಬಿಐ ಸೂಚನೆಯಂತೆ, ಸಾರ್ವಜನಿಕ ರಜಾದಿನಗಳಂದು ಬ್ಯಾಂಕ್​ಗಳು ಮುಚ್ಚಿರಲಿವೆ. ಕೆಲವು ರಜಾದಿನಗಳು ರಾಜ್ಯದಿಂದ ರಾಜ್ಯಕ್ಕೆ ವ್ಯತ್ಯಾಸವಾಗಿರುತ್ತದೆ. ಪ್ರಾದೇಶಿಕವಾಗಿ ರಜಾದಿನಗಳಲ್ಲಿ ವ್ಯತ್ಯಾಸ ಇರುತ್ತದೆ. ಗಣರಾಜ್ಯೋತ್ಸವ (ಜ.26), ಸ್ವಾತಂತ್ರ್ಯ ದಿನಾಚರಣೆ (ಆ.15), ಗಾಂಧಿ ಜಯಂತಿ (ಅ.2), ಕ್ರಿಸ್​ಮಸ್ (ಡಿ.25) ಇಂತಹ ರಜಾದಿನಗಳು ಇಡೀ ದೇಶಕ್ಕೆ ಒಂದೇ ಆಗಿರುತ್ತದೆ. ಆದರೆ, ಉಳಿದ ಕೆಲವು ಹಬ್ಬಗಳಿಗೆ ಪ್ರದೇಶಾವಾರು ವ್ಯತ್ಯಾಸವಿರುತ್ತದೆ.

ಫೆಬ್ರವರಿ ತಿಂಗಳ ಕೆಲವು ದಿನಗಳಲ್ಲಿ ಬ್ಯಾಂಕ್​ಗಳು ಕಾರ್ಯನಿರ್ವಹಿಸುವುದಿಲ್ಲ. ನಾಲ್ಕು ಭಾನುವಾರಗಳು ಮತ್ತು ಎರಡು ಶನಿವಾರಗಳಂದು ಬ್ಯಾಂಕ್ ರಜೆಯಾಗಿರುತ್ತದೆ. ಜೊತೆಗೆ, ಆರು ಪ್ರಾದೇಶಿಕ ರಜೆಗಳು ಕೂಡ ಬ್ಯಾಂಕ್​ಗಳಿಗಿವೆ. ಆದರೆ, ಈ ರಜೆಗಳು ಕರ್ನಾಟಕಕ್ಕೆ ಅನ್ವಯಿಸುವುದಿಲ್ಲ.

ಫೆಬ್ರವರಿ ತಿಂಗಳ ಬ್ಯಾಂಕ್ ರಜೆ ಪಟ್ಟಿ: ಫೆಬ್ರವರಿ 12: ಲೋಸರ್/ ಸೋನಮ್ ಲೊಚ್ಚರ್ (ಗ್ಯಾಂಗ್ಟಾಕ್) ಫೆಬ್ರವರಿ 15: Lui-Ngai-Ni (ಇಂಫಾಲ್) ಫೆಬ್ರವರಿ 16: ಸರಸ್ವತಿ ಪೂಜಾ/ ಶ್ರೀ ಪಂಚಮಿ (ಅಗರ್ತಲ, ಭುವನೇಶ್ವರ್ ಮತ್ತು ಕೋಲ್ಕತ್ತಾ) ಫೆಬ್ರವರಿ 19: ಛತ್ರಪತಿ ಶಿವಾಜಿ ಮಹಾರಾಜ್ ಜಯಂತಿ (ಬೆಲಾಪುರ್, ನಾಗ್ಪುರ್ ಮತ್ತು ಮುಂಬೈ) ಫೆಬ್ರವರಿ 20: ಸ್ಟೇಟ್ ಡೇ (ಐಜಾವ್ಲ್) ಫೆಬ್ರವರಿ 26: ಹಜರತ್ ಅಲಿ ಹುಟ್ಟುಹಬ್ಬ (ಲಕ್ನೋ ಮತ್ತು ಕಾನ್ಪುರ್)

ಪ್ರದೇಶವಾರು ಹಬ್ಬ-ಹರಿದಿನಗಳಲ್ಲಿ ಪ್ರಾದೇಶಿಕ ಬ್ಯಾಂಕ್​ಗಳ ರಜೆಯಾಗಿರುತ್ತದೆ. ಉಳಿದ ಪ್ರದೇಶ ಅಥವಾ ರಾಜ್ಯಗಳಲ್ಲಿ ಬ್ಯಾಂಕ್​ಗಳು ಎಂದಿನಂತೆ ಕಾರ್ಯನಿರ್ವಹಿಸುತ್ತದೆ. ಬ್ಯಾಂಕ್​ಗಳು ರಜೆ ಇದ್ದರೂ, ಮೊಬೈಲ್ ಮತ್ತು ಇಂಟರ್​ನೆಟ್ ಬ್ಯಾಂಕ್​ಗಳು ಸಾಮಾನ್ಯವಾಗಿ ಈ ವೇಳೆಯೂ ಕಾರ್ಯನಿರ್ವಹಿಸುತ್ತವೆ. ಆದರೆ ಯಾವುದೇ ಅಡಚಣೆ ಉಂಟಾಗದಂತೆ ಮೊದಲೇ ಎಚ್ಚರಿಕೆ ವಹಿಸುವುದು ಒಳ್ಳೆಯದು.

Budget 2021 | ಷೇರುಪೇಟೆ ಭಾರೀ ಏರಿಕೆ: ಬ್ಯಾಂಕ್​, ಆಟೊಮೊಬೈಲ್​ ವಲಯ ಜಿಗಿತ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada