Explainer: ಕೊವಿಡ್ ನಿರ್ವಹಣೆ ಕೈಪಿಡಿ, ನಿಮ್ಮ ಮನೆಯಲ್ಲಿಯೂ ಇರಲಿ ಈ ಆಪ್ತಮಿತ್ರ

ಕೊರೊನಾ ಸೋಂಕು ದೃಢಪಟ್ಟ ನಂತರ ಏನು ಮಾಡಬೇಕೆಂದು ತೋಚದೇ ಗಾಬರಿ ಆಗುವವರೇ ಹೆಚ್ಚು. ಇಂಥವರಿಗೆ ನೆರವಾಗಲೆಂದೇ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆಯ (All India Institute of Medical Sciences – AIIMS) ಪಾಟ್ನಾ ಘಟಕ ಮಹತ್ವದ ಮಾಹಿತಿಗಳುಳ್ಳ ಕೈಪಿಡಿಯೊಂದನ್ನು ಹೊರತಂದಿದೆ. ಕೋವಿಡ್-19ರ ಚಿಕಿತ್ಸೆ, ಮನೆಯಲ್ಲಿ ವಹಿಸಬೇಕಾದ ಎಚ್ಚರ ಸೇರಿದಂತೆ ಹಲವು ಅತ್ಯಗತ್ಯ ಮಾಹಿತಿ ಇದರಲ್ಲಿದೆ. ಏಮ್ಸ್​ ಪ್ರಕಟಿಸಿರುವ ಈ ಪುಸ್ತಕದ ಸಂಕ್ಷಿಪ್ತ ಮತ್ತು ಸರಳ ಅನುವಾದದ ಮೊದಲ ಕಂತು ಇಲ್ಲಿದೆ. ಏಮ್ಸ್​ನ ವೈದ್ಯರು ಮತ್ತು ಆಡಳಿತಾಧಿಕಾರಿಗಳಾದ ಡಾ.ಲೋಕೇಶ್​ ತಿವಾರಿ, ಡಾ.ಸಿ.ಎಂ.ಸಿಂಗ್, ಡಾ.ಪಿ.ಕೆ.ಸಿಂಗ್ ಈ ಕೈಪಿಡಿಗಾಗಿ ಶ್ರಮಿಸಿದ್ದಾರೆ.

ಈ ಕೈಪಿಡಿಯ ಪ್ರಕಾರ ಕೋವಿಡ್-19 ಆರಂಭದ ಹಂತದಲ್ಲಿ ಶ್ವಾಸನಾಳದ ಮೇಲಿನ ಹಂತದಲ್ಲಿ ಸೋಂಕು, ಉಸಿರಾಡಲು ಕಷ್ಟವಾಗುವುದು, ಜ್ವರ, ಉಸಿರುಕಟ್ಟಿದಂತೆ ಆಗುವ ಲಕ್ಷಣಗಳು ಕಂಡುಬರುತ್ತವೆ.

ಶುಶ್ರೂಷಾ ಕ್ರಮ 1) ಸಾಕಷ್ಟು ನೀರು ಮತ್ತು ಪೌಷ್ಟಿಕಾಂಶಯುಕ್ತ ಆಹಾರ ಸೇವನೆ 2) ವೈಯಕ್ತಿಕ ಶುಚಿತ್ವಕ್ಕೆ ಸಂಬಂಧಿಸಿದ ಎಲ್ಲ ಕ್ರಮಗಳನ್ನು ಅನುಸರಿಸಬೇಕು. 2 ವರ್ಷಕ್ಕೆ ಮೇಲ್ಪಟ್ಟ ಮಕ್ಕಳಾಗಿದ್ದಾರೆ ಮಾಸ್ಕ್ ಧರಿಸಬಹುದು 3) ಪ್ರತಿ 6 ಗಂಟೆಗೆ ಒಮ್ಮೆ ದೇಹದ ತಾಪಮಾನ ಪರಿಶೀಲಿಸಬೇಕು. ಕೊಠಡಿಯ ಉಷ್ಣಾಂಶವಿರುವ ನೀರಿನಲ್ಲಿ (ನಲ್ಲಿ ನೀರು ಬಳಸಿ, ಫ್ರಿಡ್ಜ್​ನಿಂದ ತೆಗೆದ ಕೋಲ್ಡ್​ ವಾಟರ್ ಬೇಡ). ದಪ್ಪ ಬಟ್ಟೆಯನ್ನು ನೆನೆಸಿ ಮೈ ಒರೆಸಿ. 4) ಉಸಿರಾಟದ ಕ್ರಮವನ್ನು ಸೂಕ್ಷ್ಮವಾಗಿ ಗಮನಿಸುತ್ತಿರಿ. 6 ನಿಮಿಷ ಸತತವಾಗಿ ಓಡಾಡಿದ ನಂತರ ಸುಸ್ತು, ಉಸಿರಾಡಲು ಕಷ್ಟ ಎನಿಸಿದರೆ ವೈದ್ಯರನ್ನು ತಕ್ಷಣ ಸಂಪರ್ಕಿಸಿ. 5) ದಿನಕ್ಕೆರೆಡು ಬಾರಿ ಬಿಸಿ ಹಬೆ ತೆಗೆದುಕೊಳ್ಳಿ. 6) ಕ್ಲೊರ್​ಹೆಕ್ಸಿಡೈನ್ (chlorhexidine) ಮೌತ್​ವಾಷ್​ನಿಂದ ಪ್ರತಿ 6 ಗಂಟೆಗೊಮ್ಮೆ ಬಾಯಿ ಮುಕ್ಕಳಿಸಿ.

ಔಷಧೋಪಚಾರ ಸ್ವಯಂ ವೈದ್ಯ ಅಪಾಯಕಾರಿ. ವೈದ್ಯರ ಸಲಹೆ ಪಡೆದೇ ಔಷಧ ಸೇವಿಸಬೇಕು ಎಂದು ಟಿವಿ9 ಎಲ್ಲ ಓದುಗರಲ್ಲಿ ವಿನಂತಿಸುತ್ತದೆ.

1) ಪ್ಯಾರಾಸೆಟಮಾಲ್ 500 ಎಂಜಿ. ಜ್ವರ 100 ಫ್ಯಾರನ್​ಹೀಟ್​ಗಿಂತಲೂ ಹೆಚ್ಚಾಗಿದ್ದರೆ ಪ್ರತಿ 6 ಗಂಟೆಗೊಮ್ಮೆ ತೆಗೆದುಕೊಳ್ಳಬಹುದು. 2) ವಿಟಮಿನ್ ಸಿ 500 ಎಂಜಿ. ದಿನಕ್ಕೆರೆಡು ಮಾತ್ರೆಗಳಂತೆ 15 ದಿನಗಳಿಗೆ. 3) ಜಿಂಕ್ 50 ಎಂಜಿ. ದಿನಕ್ಕೊಂದು ಮಾತ್ರೆಯಂತೆ 15 ದಿನಗಳಿಗೆ. 4) ಗಂಟಲು ಕೆರೆತವಿದ್ದರೆ ಲೆವೊಸಿಟಿರಿಜೈನ್ 5 ಎಂಜಿ ಮತ್ತು ಮೊಂಟೆಲುಕಾಸ್ಟ್​ 8 ಎಂಜಿ (levocetirizine 5 mg + montelukast 8 mg) ಮಲಗುವ ಮೊದಲು 5 ದಿನಗಳ ಅವಧಿಗೆ ತೆಗೆದುಕೊಳ್ಳಬೇಕು.

ಇದರ ಜೊತೆಗೆ ನೀಡಬೇಕಾದ ಪೂರಕ ಔಷಧಿಗಳು ಮತ್ತು ಪ್ರಯೋಗಾಲಯಗಳಲ್ಲಿ ನಡೆಸಬೇಕಾದ ಬೇಕಾದ ಪರೀಕ್ಷೆಗಳ ಬಗ್ಗೆ ವೈದ್ಯರು ಮಾಹಿತಿ, ಮಾರ್ಗದರ್ಶನ ನೀಡುತ್ತಾರೆ.

ಕೋವಿಡ್-19ರ ಲಕ್ಷಣಗಳು ಆರಂಭಿಕ ಹಂತದಲ್ಲಿರುವವರು, ಲಕ್ಷಣಗಳು ಕಾಣಿಸಿಕೊಂಡ ದಿನದಿಂದ ಕನಿಷ್ಠ 10 ದಿನ ಮನೆಯಲ್ಲಿ ಪ್ರತ್ಯೇಕವಾಸ (ಐಸೊಲೇಶನ್) ಮಾಡಬೇಕು. ರೋಗ ಲಕ್ಷಣಗಳು ವಾಸಿಯಾದರೆ, ಜನರ ಇಲ್ಲದಿದ್ದರೆ ಆರ್​ಟಿಪಿಸಿಆರ್ ನೆಗೆಟಿವ್ ರಿಪೋರ್ಟ್​ ಬೇಕಾಗುವುದಿಲ್ಲ.

ಕೋವಿಡ್-19ರ ತೀವ್ರತೆ ಮಧ್ಯಮ ಪ್ರಮಾಣದಲ್ಲಿದ್ದರೆ ಕೋವಿಡ್ ಚಿಕಿತ್ಸೆಗೆ ಮೀಸಲಿರುವ ವಾರ್ಡ್​ಗಳಿಗೆ ದಾಖಲಿಸಿ ಚಿಕಿತ್ಸೆ ಕೊಡಬೇಕು. ಆಮ್ಲಜನಕ ನೀಡಬೇಕಾಗುತ್ತದೆ. ಕೋವಿಡ್-19ರ ತೀವ್ರತೆ ಹೆಚ್ಚಾಗಿದ್ದಾಗ ಮೆಕ್ಯಾನಿಕಲ್ ವೆಂಟಿಲೇಶನ್ ಬೇಕಾಗುತ್ತದೆ. ಕೃತಕ ಉಸಿರಾಟದ ಸೌಲಭ್ಯ ಕಲ್ಪಿಸಬೇಕಾಗುತ್ತದೆ.

ಮಕ್ಕಳಲ್ಲಿ ಕಂಡುಬರುವ ಇತರ ಲಕ್ಷಣಗಳು.. 0-19 ವರ್ಷ ವಯೋಮಾನದ ಮಕ್ಕಳಲ್ಲಿ ಈ ಲಕ್ಷಣಗಳು ಕಂಡುಬರಬಹುದು. ಬಾಯಿಹುಣ್ಣು, ಕೈ ಅಥವಾ ಕಾಲಿನಲ್ಲಿ ಹುಣ್ಣುಗಳು. ಆಘಾತದ ಮನಃಸ್ಥಿತಿ, ಹೃದಯದ ಬಡಿತದಲ್ಲಿ ಅಪಾಯಕಾರಿ ಏರಿಳಿತ, ವಾಂತಿ, ಭೇದಿ, ಹೊಟ್ಟೆನೋವು. ಕೋವಿಡ್-19 ರೋಗಿಗಳ ಸಂಪರ್ಕಕ್ಕೆ ಬಂದಿದ್ದ ಬಗ್ಗೆ ವಿಚಾರಿಸಿಕೊಳ್ಳಬೇಕು. ಆರ್​ಟಿಪಿಸಿಆರ್ ಪರೀಕ್ಷೆ ಮಾಡಬೇಕು.

ಕೊರೊನಾ ಸೋಂಕು ದೃಢಪಟ್ಟ ನಂತರ ಏನು ಮಾಡಬೇಕೆಂದು ತೋಚದೇ ಗಾಬರಿ ಆಗುವವರೇ ಹೆಚ್ಚು. ಇಂಥವರಿಗೆ ನೆರವಾಗಲೆಂದೇ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆಯ (All India Institute of Medical Sciences – AIIMS) ಪಾಟ್ನಾ ಘಟಕ ಮಹತ್ವದ ಮಾಹಿತಿಗಳುಳ್ಳ ಕೈಪಿಡಿಯೊಂದನ್ನು ಹೊರತಂದಿದೆ. #AIIMS #CoronavirusIndia pic.twitter.com/P5RXaTiPDR

— TV9 Kannada (@tv9kannada) April 22, 2021

ಇದನ್ನೂ ಓದಿ: ರೂಪಾಂತರಿ ಕೊರೊನಾ ವೈರಸ್​ ವಿರುದ್ಧವೂ ಕೊವ್ಯಾಕ್ಸಿನ್ ಲಸಿಕೆ ಪರಿಣಾಮಕಾರಿ: ಐಸಿಎಂಆರ್

ಇದನ್ನೂ ಓದಿ: ಕೊವಿಡ್ ಸೋಂಕಿತರಿಗೆ ಚಿಕಿತ್ಸೆ; ಕೇಂದ್ರಕ್ಕೆ ನೊಟೀಸ್ ನೀಡಿದ ಸುಪ್ರೀಂಕೋರ್ಟ್

Published On - 4:00 pm, Thu, 22 April 21