ಕೊವಿಡ್ ಮತ್ತು ಚಂಡಮಾರುತದಿಂದ ತತ್ತರಿಸಿದ ಸುಂದರಬನ; ಬದುಕು ನಿರ್ವಹಣೆಗಾಗಿ ಹರಸಾಹಸ ಪಡುತ್ತಿದ್ದಾರೆ ಜನ

ಕೊಲ್ಕತ್ತಾ: ಹತ್ತಿರದ ಕೊಳಗಳು ಉಪ್ಪುನೀರಿನೊಂದಿಗೆ ಒಡ್ಡುಗಳನ್ನು ಮುರಿಯುತ್ತಿವೆ, ಸತ್ತ ಮೀನುಗಳಿಂದ ತೇಲುತ್ತಿರುವ ಬೆಳೆಭೂಮಿಯ ವಿಶಾಲ ಪ್ರದೇಶಗಳನ್ನು ತೋರಿಸುತ್ತಾ ಮಾಣಿಕ್ ಪ್ರಧಾನ್ ಅವರು ‘ದೇವರು ನಮ್ಮ ಮೇಲೆ ಯಾಕೆ ಕೋಪಗೊಂಡಿದ್ದಾರೆ’ ಎಂದು ಕೇಳಿದರು. ಕೋಲ್ಕತ್ತಾದ ಸಗಟು ಮಾರುಕಟ್ಟೆಗಳಲ್ಲಿ 1,000-1,500 ರೂ.ಗಳ ನಡುವೆ  ಸಿಗಬಹುದಾದ ದೊಡ್ಡ ಸತ್ತ ‘ಕಟ್ಲಾ’ ಮೀನುಗಳನ್ನು ಎತ್ತಿಕೊಂಡು ಬಂದ ಪ್ರೋನಾಬ್ ಮೊಂಡಾಲ್, ನಮ್ಮ ಸ್ಥಿತಿಯೂ ಈ ಮೀನಿನಂತೆಯೇ ಇದೆ, ಲವಣಯುಕ್ತ ನೀರು ಕೊಳಕ್ಕೆ ಪ್ರವೇಶಿಸುತ್ತಿದ್ದಂತೆ ಅದು ಸತ್ತುಹೋಯಿತು ಮತ್ತು ನಾವು ಒಂದರ ಬೆನ್ನಲ್ಲೇ ಮತ್ತೊಂದು ವಿಪತ್ತುಗಳನ್ನು ಸಹಿಸುತ್ತಾ ಸತ್ತವರಂತೆಯೇ ಆಗಿಬಿಟ್ಟಿದ್ದೀವೆ . ಮೊದಲಿಗೆ, ಆಂಫಾನ್ ಚಂಡಮಾರುತ, ನಂತರ ಕೊವಿಡ್ ಮತ್ತು ಈಗ ಯಾಸ್… ಪಶ್ಚಿಮ ಬಂಗಾಳದ ಸುಂದರಬನ ಸೇರಿದಂತೆ ಬಹುತೇಕ ಭಾಗಗಳು ಚಂಡಮಾರುತದಿಂದ ತತ್ತರಿಸಿಹೋಗಿದೆ. ಅಲ್ಲಿನ ಜನ ಜೀವನ, ಕಷ್ಟ ಕಾರ್ಪಣ್ಯಗಳ ಬಗ್ಗೆ ಇಂಡಿಯನ್ ಎಕ್ಸ್​ಪ್ರೆಸ್ ವರದಿ ಹೀಗಿದೆ.

ನಾಮ್ಖಾನಾ ಬ್ಲಾಕ್‌ನಲ್ಲಿ ವಾಸಿಸುತ್ತಿರುವ ಸಾವಿರಾರು ಜನರಲ್ಲಿ ಜನಾ ಮತ್ತು ಮೊಂಡಾಲ್ ಸೇರಿದ್ದಾರೆ. ಪಶ್ಚಿಮ ಬಂಗಾಳದ ದಕ್ಷಿಣ 24 ಪರಗಣ ಜಿಲ್ಲೆಯ ಸುಂದರ್‌ಬನ್ಸ್ ಪ್ರದೇಶದಲ್ಲಿ ಹೆಚ್ಚು ಹಾನಿಗೊಳಗಾಗಿದ್ದು ಚಂಡಮಾರುತದಿಂದಾಗಿ ಮನೆ ಮತ್ತು ಜೀವನೋಪಾಯವನ್ನು ಕಳೆದುಕೊಂಡಿದ್ದಾರೆ. ನಾರಾಯಣಪುರ ಗ್ರಾಮದ ನಿವಾಸಿ ಜನಾ, ಈ ಬೇಸಿಗೆಯಲ್ಲಿ ಸರ್ಕಾರ ನೀಡಿದ ಅನುದಾನದೊಂದಿಗೆ ತಮ್ಮ ಮನೆಯ ಮೇಲ್ಛಾವಣಿಯನ್ನು ಹಾಕಲು ಯೋಚಿಸುತ್ತಿದ್ದರು.

ನಾನು ಕಳೆದ ವರ್ಷ ಮನೆಯಕೆಲಸ ಮಾಡಲು ಪ್ರಾರಂಭಿಸಿದೆ. ಕಟ್ಟಡ ಪೂರ್ಣಗೊಳಿಸಿದೆ ಮತ್ತು ಅನುದಾನದ ಮೊದಲ ಕಂತು 60,000 ರೂ ಸಿಕ್ಕಿತು. ಕೆಲವು ವಾರಗಳ ಹಿಂದೆ, ನಾನು ನಿರ್ಮಾಣ ಸಾಮಗ್ರಿಗಳನ್ನು ಖರೀದಿಸಿದೆ ಮತ್ತು ಮೇಲ್ಛಾವಣಿ ಹಾಕಬೇಕೆಂದು ಆಶಿಸಿದ್ದೆ. ಆದರೆ ಚಂಡಮಾರುತ ಅಪ್ಪಳಿಸಿತು. ಎಲ್ಲವೂ ನೀರಿನಲ್ಲಿ ಕೊಚ್ಚಿ ಹೋಯಿತು ಅಂತಾರೆ ಜನಾ.

“ನಾನು ಈ ಋತುವಿನಲ್ಲಿ ಬದನೆಕಾಯಿ ಮತ್ತು ಹೀರೇಕಾಯಿ ನೆಟ್ಟಿದ್ದೆ, ಎಲ್ಲವೂ ನಾಶವಾಗಿದೆ. ಮುಂದಿನ ಒಂದು ವರ್ಷ ನಾವು ಏನು ಮಾಡಬೇಕೆಂದು ನನಗೆ ತಿಳಿದಿಲ್ಲ ಎಂದು  ಕಣ್ಣೀರು ತಡೆಹಿಡಿದು ಬಿಕ್ಕಳಿಸಿದರು.

ನಾಮ್ಖಾನಾಗೆ ಹೋಗುವ ದಾರಿ ಮತ್ತು ಬಖಾಲಿಯ ಕಡಲತೀರದಲ್ಲಿ ಕೊನೆಗೊಳ್ಳುವ ಹೆದ್ದಾರಿಯು ಟ್ರಕ್‌ಗಳು ಮತ್ತು ಪಿಕ್-ಅಪ್ ವ್ಯಾನ್‌ಗಳಿಂದ ಕೂಡಿದ್ದು, ಅವುಗಳು ದೂರದಿಂದ ಪರಿಹಾರ ಸಾಮಗ್ರಿಗಳೊಂದಿಗೆ ಬರುತ್ತವೆ. ಈ ಕಾರ್ಯಗಳನ್ನು ಹೆಚ್ಚಾಗಿ ಸಮುದಾಯ ಕ್ಲಬ್‌ಗಳೇ ನೇತೃತ್ವ ವಹಿಸಿವೆ.

ತಪಸ್ ಬ್ಯಾನರ್ಜಿ ಅಂತಹ ಒಂದು ಗುಂಪಿನ ಭಾಗವಾಗಿದ್ದು, ಆಹಾರ ಮತ್ತು ಇತರ ಪರಿಹಾರ ಸಾಮಗ್ರಿಗಳೊಂದಿಗೆ ಸುಮಾರು 300 ಕಿ.ಮೀ ದೂರದಲ್ಲಿರುವ ಅಸನ್ಸೋಲ್‌ನಿಂದ ಬಂದಿದ್ದರು. ನಾವು ಬರ್ನ್‌ಪುರದ ನಮ್ಮ ಪ್ರದೇಶದ ಜನರಿಂದ ಪರಿಹಾರ ಸಾಮಗ್ರಿಗಳನ್ನು ಸಂಗ್ರಹಿಸಿ ಇಲ್ಲಿಗೆ ಬಂದಿದ್ದೇವೆ. ನಬಬಿಕಾಶ್ ಕ್ಲಬ್‌ನ ಭಾಗವಾಗಿ, ನಾವು ವರ್ಷದುದ್ದಕ್ಕೂ ಜನರಿಗೆ ಸಹಾಯ ಮಾಡಲು ಪ್ರಯತ್ನಿಸುತ್ತೇವೆ. ಅಲ್ಲದೆ, ಪರಿಹಾರ ಕಾರ್ಯಗಳಿಗಾಗಿ ನಾವು ರಾಜ್ಯ ಸರ್ಕಾರಕ್ಕೆ ಒಂದು ಲಕ್ಷ ರೂ.ಗಳನ್ನು ನೀಡಿದ್ದೇವೆ ಎಂದು ಅವರು ಹೇಳಿದರು.ಹೊದಳು,ಅವಲಕ್ಕಿ ಮತ್ತು ಬೇಬಿ ಫುಡ್ ಪ್ಯಾಕೆಟ್​ಗಳಿಗಾಗಿ ಒಟ್ಟುಗೂಡಿದ ಜನರ ದೊಡ್ಡ ಸಾಲನ್ನು ಅವರು ನಿರ್ವಹಿಸುತ್ತಿದ್ದರು.

“ಮೊದಲಿಗೆ, ನಾವು ಮೌಸುನಿ ದ್ವೀಪಕ್ಕೆ ಹೋದೆವು. ಅಲ್ಲಿ ನಾವು ಕಂಡದ್ದು ಭಯಾನಕವಾಗಿದೆ – ಏನೂ ಉಳಿದಿಲ್ಲ. ಪ್ರವಾಸಿ ಶಿಬಿರಗಳನ್ನು ಕಸಿದುಕೊಳ್ಳಲಾಗಿದೆ. ಸೀಗಡಿಗಳನ್ನು ಬೆಳೆಸುತ್ತಿದ್ದ ಜಲಮೂಲಗಳಿಗೆ ಸಮುದ್ರದ ನೀರು ಪ್ರವೇಶಿಸಿದ್ದರಿಂದ ಎಲ್ಲವೂ ನಾಶವಾಯಿತು.

“ಈ ಜನರು ಹೇಗೆ ಬದುಕುಳಿಯುತ್ತಾರೆಂದು ನಿಜವಾಗಿಯೂ ತಿಳಿದಿಲ್ಲ” “ನಾವು 15 ಕೆಜಿ ಸಿಗಡಿಯನ್ನು ಕೆಜಿಗೆ 150 ರೂರಂತೆ ಖರೀದಿಸಿದೆವು, ಈ ಗಾತ್ರದ ಸೀಗಡಿಗಳು ಸಾಮಾನ್ಯವಾಗಿ ಪ್ರತಿ ಕೆಜಿಗೆ 600-650 ರೂ ಇರುತ್ತವೆ ಎಂದು ಬ್ಯಾನರ್ಜಿ ಹೇಳಿದರು.

ವರ್ಷಗಳಲ್ಲಿ ಜನಪ್ರಿಯ ಕ್ಯಾಂಪಿಂಗ್ ತಾಣವಾಗಿ ಮಾರ್ಪಟ್ಟಿರುವ ಮೌಸುನಿ ದ್ವೀಪವು ನಾಮ್‌ಖಾನಾದ ಏಳು ಪಂಚಾಯತ್ ಪ್ರದೇಶಗಳಲ್ಲಿ ಹೆಚ್ಚು ಹಾನಿಗೊಳಗಾಗಿದೆ ಎಂದು ಬ್ಲಾಕ್ ಅಭಿವೃದ್ಧಿ ಅಧಿಕಾರಿ ಶಾಂತನು ಸಿಂಘಾ ಠಾಕೂರ್ ಪಿಟಿಐಗೆ ತಿಳಿಸಿದ್ದಾರೆ.

“2011 ರ ಜನಗಣತಿಯ ಪ್ರಕಾರ ಬ್ಲಾಕ್ ನಲ್ಲಿ ಜನಸಂಖ್ಯೆಯು ಸುಮಾರು 2 ಲಕ್ಷ ಮತ್ತು ಜನಸಂಖ್ಯೆಯ ಸುಮಾರು 50 ಪ್ರತಿಶತದಷ್ಟು ಜನರಜೀವನಕ್ಕೆ ಸಮಸ್ಯೆಯಾಗಿದೆ. ಚಂಡಮಾರುತಕ್ಕಿಂತ ಹೆಚ್ಚಾಗಿ, ಆ ದಿನ ಹುಣ್ಣಿಮೆಯಿಂದ ಉಂಟಾದ ಖಗೋಳ ಉಬ್ಬರವಿಳಿತವು ಈ ಪ್ರದೇಶದ ಮೇಲೆ ಪರಿಣಾಮ ಬೀರಿದೆ. ಇದು ಈಗ ನಿಯಂತ್ರಣದಲ್ಲಿದೆ ಮತ್ತು ಇಡೀದಿನ ಕೆಲಸ ಮಾಡುತ್ತಿದ್ದೇವೆ, ”ಎಂದು ಅವರು ಹೇಳಿದರು.

“ನಾವು ಎಲ್ಲಾ ಕೊವಿಡ್ ಪ್ರೋಟೋಕಾಲ್ ಗಳನ್ನು ಪಾಲಿಸಿ ಚಂಡಮಾರುತಕ್ಕಿಂತ ಮುಂಚೆ 62,000 ಜನರನ್ನು ರಕ್ಷಣಾ ಕೇಂದ್ರಗಳಿಗೆ ಸ್ಥಳಾಂತರಿಸಿದ್ದೇವೆ. ದಿನಕ್ಕೆ ಎರಡು ಬಾರಿ ಬೇಯಿಸಿದ ಆಹಾರವನ್ನು ಒದಗಿಸಲು ನಾವು ಪ್ರಸ್ತುತ 162 ಸಮುದಾಯ ಅಡಿಗೆಮನೆಗಳನ್ನು ನಿರ್ವಹಿಸುತ್ತಿದ್ದೇವೆ ಮತ್ತು ಅವರಿಗೆ ತಿಂಡಿಗಳನ್ನು ಸಹ ನೀಡುತ್ತಿದ್ದೇವೆ ”ಎಂದು ಠಾಕೂರ್ ಹೇಳಿದರು. ರಕ್ಷಣೆ ಮತ್ತು ಪರಿಹಾರ ಕಾರ್ಯಗಳಿಗಾಗಿ ಬಳಸುವ ಠಾಕೂರ್ ಅವರ ಕಚೇರಿ ಎರಡು ದಿನಗಳ ಹಿಂದೆಯೇ ನೀರಿನ ಅಡಿಯಲ್ಲಿತ್ತು. “ಕಳೆದ ಒಂದು ವಾರದಲ್ಲಿ, ಹಗಲು ಅಥವಾ ರಾತ್ರಿಯೆನ್ನದೆ ನಾವು ಕಾರ್ಯನಿರತರಾಗಿದ್ದೇವೆ. ನಾವು ಇಲ್ಲಿ ಕೆಲಸ ಮಾಡುತ್ತಿದ್ದೇವೆ, ತಿನ್ನುತ್ತಿದ್ದೇವೆ ಮತ್ತು ನಿದ್ರಿಸುತ್ತಿದ್ದೇವೆ ”ಎಂದು ಅಧಿಕಾರಿಯೊಬ್ಬರು ತಮ್ಮ ಕ್ಯಾಬಿನ್‌ನಲ್ಲಿರುವ ತಾತ್ಕಾಲಿಕ ಹಾಸಿಗೆಯನ್ನು ತೋರಿಸಿದರು.

“ನಾವು ಸಾಧ್ಯವಾದಷ್ಟು ವೇಗವಾಗಿ ಜನರಿಗೆ ಸಹಾಯ ತಲುಪಿಸಲು ಪ್ರಯತ್ನಿಸುತ್ತಿದ್ದೇವೆ. ‘ಮೊರಾ ಕೋಟಾಲ್’ ಅಥವಾ ಕಡಿಮೆ ಉಬ್ಬರವಿಳಿತದ ಬದಲಾವಣೆಯಂತೆ ಪರಿಸ್ಥಿತಿ ಸುಧಾರಿಸುತ್ತದೆ ಎಂದು ಆಶಿಸುತ್ತೇವೆ, ”ಎಂದು ಅವರು ಹೇಳಿದರು, ಮಾಧ್ಯಮಗಳೊಂದಿಗೆ ಮಾತನಾಡಲು ಅವರಿಗೆ ಅಧಿಕಾರವಿಲ್ಲದ ಕಾರಣ ಹೆಸರಿಸಲು ನಿರಾಕರಿಸಿದರು.

ಸಂಭಾಷಣೆಯನ್ನು ಕೇಳಿದ ಬಿಡಿಒ ಕಚೇರಿಯಲ್ಲಿ ಕೆಲಸ ಮಾಡುತ್ತಿದ್ದ ವ್ಯಕ್ತಿಯೊಬ್ಬರು, “ಪ್ರತಿ ಬಾರಿಯೂ ಅಂತಹ ಪರಿಸ್ಥಿತಿ ಏಕೆ ಇದೆ ಎಂದು ನೀವು ಕೇಳಬೇಕು. ಒಡ್ಡುಗಳನ್ನು ಕಾಂಕ್ರೀಟ್ನಿಂದ ಏಕೆ ಮಾಡಬಾರದು? “ಅವರು ಪ್ರತಿವರ್ಷ ಮಣ್ಣಿನ ಒಡ್ಡುಗಳನ್ನು ನಿರ್ಮಿಸುತ್ತಾರೆ, ಅವುಗಳು ಕೊಚ್ಚಿಹೋಗುತ್ತವೆ. ಏನು ಪ್ರಯೋಜನ? ನಮ್ಮ ಜೀವನದುದ್ದಕ್ಕೂ ನಾವು ಈ ರೀತಿ ಬದುಕುತ್ತಲೇ ಇರುತ್ತೇವೆ, ”ಎಂದು ಅವರು ಹೇಳಿದರು.

ಸಂಕೀರ್ಣದ ಹೊರಗೆ, ಕುಡಿಯುವ ನೀರಿನ ಚೀಲಗಳನ್ನು ಮಾಡುವಯಂತ್ರದೊಂದಿಗೆ ಟ್ರಕ್ ನಿಂತಿದೆ. ಬೆಳಿಗ್ಗೆ 7 ರಿಂದ ರಾತ್ರಿ 11 ರವರೆಗೆ ಕಾರ್ಯನಿರ್ವಹಿಸಿದರೆ, ಅದು ತಲಾ 200 ಮಿಲಿ 80-90,000 ಚೀಲಗಳನ್ನು ಉತ್ಪಾದಿಸಬಹುದು. ಇದು ಬುರ್ದ್ವಾನ್‌ನಿಂದ ರೀತಿಯಿಂದ ಬಂದಿದೆ ಎಂದು ಮೇಲ್ವಿಚಾರಕನು ಒಂದು ಲಾಗ್ ಬುಕ್ ಇಟ್ಟುಕೊಂಡು ನೀರು ವ್ಯರ್ಥವಾಗದಂತೆ ಖಚಿತಪಡಿಸಿಕೊಳ್ಳಲು ಕಾರ್ಮಿಕರನ್ನು ಪ್ರಚೋದಿಸುತ್ತಿದ್ದನು. ಅಲ್ಲದೆ, ಕುಡಿಯುವ ನೀರಿನ ಬಿಕ್ಕಟ್ಟು ಈ ಪ್ರದೇಶವನ್ನು ಆವರಿಸಿರುವ ಕಾರಣ 2 ಸಾವಿರ ಲೀಟರ್ ಟ್ಯಾಂಕರ್‌ಗಳನ್ನು ಮೋಟಾರ್ ಚಾಲಿತ ವ್ಯಾನ್‌ಗಳಲ್ಲಿ ಗ್ರಾಮಗಳಿಗೆ ಕಳುಹಿಸಲಾಗುತ್ತಿದೆ.

ಅಂತಹ ಒಂದು ವ್ಯಾನ್ ಅನ್ನು ಚಾಲನೆ ಮಾಡುವ ಶಿಬ್ಶಂಕರ್ ಮೊಂಡಾಲ್, ಕೆಲಸವ ಕಷ್ಟಕರವಾಗಿದ್ದರೂ, ಅಂತಹ ಕಷ್ಟಗಳನ್ನು ಎದುರಿಸುತ್ತಿರುವ ಜನರಿಗೆ ಅವರು ಸಹಾಯ ಮಾಡುತ್ತಿರುವುದು ಸ್ವಲ್ಪ ತೃಪ್ತಿಯನ್ನು ನೀಡುತ್ತೆ ಅಂದರು.

“ನಾನು ಕಾಕ್‌ಡ್ವಿಪ್ ಬ್ಲಾಕ್‌ನಲ್ಲಿ ವಾಸಿಸುತ್ತಿದ್ದೇನೆ ಮತ್ತು ನನ್ನ ಮನೆ ಕೂಡ ನೀರಿನ ಅಡಿಯಲ್ಲಿದೆ. ಆದರೆ, ನನ್ನ ವ್ಯಾನ್ ಅನ್ನು ಉಳಿಸಿದೆ ”ಎಂದು ಮೊಂಡಾಲ್ ಹೇಳಿದರು.

“ಈ ಟ್ಯಾಂಕ್‌ಗಳನ್ನು ಗಂಗಾಸಾಗರ ಮೇಳದಲ್ಲಿ ಬಳಸಲಾಗುತ್ತದೆ.ಈಗ ಅದನ್ನು ಬಳಸುವ ಬಗ್ಗೆ ಯಾರಾದರೂ ಯೋಚಿಸುತ್ತಿರುವುದು ಒಳ್ಳೆಯದು, ”ಎಂದು ಅವರು ಹೇಳಿದರು. ಅವರಿಗೆ ಸಾಕಷ್ಟು ಪೆಟ್ರೋಲ್ ಜೊತೆಗೆ ದಿನಕ್ಕೆ 1,500 ರೂ ಸಂಬಳ ಸಿಗುತ್ತದೆ. ಈ ಹಿಂದೆ 700-800 ಸಂಪಾದಿಸುತ್ತಿದ್ದ ಇವರು ಲಾಕ್ ಡೌನ್ ನಿಂದಾಗಿ ಸಂಪಾದನೆ ನಿಂತುಹೋಯ್ತು ಅಂತಾರೆ.

ಉಪ್ಪುನೀರಿನ ಕಾರಣದಿಂದಾಗಿ ಕೊಳವೆ ಬಾವಿಗಳು ಹಾನಿಗೀಡಾಗಿರುವುದರಿಂದ ಶೇಕಡಾ 60-70ರ ಪ್ರದೇಶಕ್ಕೆ ಕುಡಿಯುವ ನೀರನ್ನು ಒದಗಿಸಲಾಗುತ್ತಿದೆ ಎಂದು ಠಾಕೂರ್ ಹೇಳಿದರು.

“ಒಡ್ಡುಗಳ ಮೇಲಿನ ಆರೋಪಗಳು ಸಂಪೂರ್ಣವಾಗಿ ಸುಳ್ಳು ಎಂದು ನಾನು ಹೇಳುವುದಿಲ್ಲ. ಕಾಮಗಾರಿ ನೀರಾವರಿ ಇಲಾಖೆಯಿಂದ ನಡೆಯುತ್ತದೆ. ನಾವು ಅವರಿಗೆ ಸಮಸ್ಯೆಗಳನ್ನು ಹೇಳಿದ್ದೇವೆ. ನಿಜ ಸಂಗತಿಯೆಂದರೆ, ಕಳೆದ ಮೂರು ವರ್ಷಗಳಲ್ಲಿ ಪ್ರತಿ ಆರು ತಿಂಗಳಿಗೊಮ್ಮೆ ಚಂಡಮಾರುತವು ಈ ಪ್ರದೇಶವನ್ನು ಅಪ್ಪಳಿಸುತ್ತದೆ, ಆದ್ದರಿಂದ ದೀರ್ಘಕಾಲೀನ ಪರಿಹಾರವನ್ನು ಕಾರ್ಯಗತಗೊಳಿಸಲು ನಮಗೆ ಕನಿಷ್ಠ ಸಮಯವನ್ನು ಪಡೆಯಲು ಸಾಧ್ಯವಾಗಲಿಲ್ಲ, ”ಎಂದು ಅವರು ಹೇಳಿದರು.

“ಆದಾಗ್ಯೂ, ಹೊಸ ಒಡ್ಡುಗಳು ದೀರ್ಘಕಾಲ ಉಳಿಯಬೇಕು ಎಂದು ಇಲಾಖೆಗೆ ತಿಳಿಸಲಾಗಿದೆ. ಉಬ್ಬರವಿಳಿತದ ಅಲೆಗಳು ತುಂಬಾ ದೊಡ್ಡದಾಗಿದ್ದು, ಹಳ್ಳಿಗಳಲ್ಲಿ ನೀರು ಉಕ್ಕಿ ಹರಿಯಿತು. ಉಬ್ಬರವಿಳಿತದ ಅಲೆಗಳು ಸುಮಾರು 12-13 ಅಡಿ ಎತ್ತರದಲ್ಲಿದ್ದವು, ಮತ್ತು ಅದನ್ನು ನಿಭಾಯಿಸಲು, ನಾವು ಚೀನಾದ ಮಹಾ ಗೋಡೆಯಷ್ಟು ಎತ್ತರದ ಒಡ್ಡುಗಳನ್ನು ನಿರ್ಮಿಸಬೇಕಾಗಿದೆ ”ಎಂದು ಬಿಡಿಒ ಹೇಳಿದೆ.

ಸುಮಾರು 25 ಕಿ.ಮೀ ದೂರದಲ್ಲಿರುವ ಬಖಾಲಿ ಸಮುದ್ರ ಬೀಚ್‌ನಲ್ಲಿ ಹೆದ್ದಾರಿಯ ಕೊನೆಯಲ್ಲಿ, ತಂಪು ಪಾನೀಯಗಳು ಮತ್ತು ಸಿಗರೇಟುಗಳನ್ನು ಮಾರುವ ಕೆಲವು ಅಂಗಡಿಗಳಲ್ಲಿ ಮರಳಲು ದಿಬ್ಬಗಳ ಮರಳಿದೆ. “ಸಮುದ್ರದ ಅಲೆಗಳು ಬಹುತೇಕ ಒಂದು ಕಿಲೋಮೀಟರ್ ದೂರದಲ್ಲಿರುವ ಅಂಗಡಿಗಳನ್ನು ಮುಟ್ಟಿದವು. ಫ್ರಿಜ್ ಒಳಗೆ ಮರಳಿನ ದಿಬ್ಬಗಳನ್ನು ನೋಡಿ. ಇದನ್ನು ಹೇಗೆ ಸ್ವಚ್ಛಗೊಳಿಸಬೇಕು ಎಂದು ನನಗೆ ತಿಳಿದಿಲ್ಲ, ಇದೀಗ ಹಾಳಾಗಿದೆ. “ನಾನು ಫ್ರಿಜ್ ಗಾಗಿ 20,000 ರೂ. ಖರ್ಚು ಮಾಡಿದ್ದೆ.ಅದು ಹಾಳಾದರೆ ನಾನೇನು ಮಾಡಲಿ? ಎಂದು ಅಂಗಡಿಯವರೊಬ್ಬರು ಕೇಳುತ್ತಾರೆ.

ಇದನ್ನೂ ಓದಿ: Cyclone Yaas ಒಡಿಶಾ ಮತ್ತು ಬಂಗಾಳದಲ್ಲಿ ನಾಶನಷ್ಟಕ್ಕೆ ಕಾರಣವಾದ ಯಾಸ್ ಚಂಡಮಾರುತ, ಜಾರ್ಖಂಡ್​ನಲ್ಲಿ ಮುನ್ನೆಚ್ಚರಿಕೆ

Published On - 3:35 pm, Tue, 1 June 21