ಔರಂಗಜೇಬನನ್ನು ಬೆಂಬಲಿಸುವವರನ್ನು ಮಹಾರಾಷ್ಟ್ರದಲ್ಲಿ ಯಾರೂ ಸಹಿಸುವುದಿಲ್ಲ; ನಾಗಪುರ ಹಿಂಸಾಚಾರದ ಕುರಿತು ಏಕನಾಥ್ ಶಿಂಧೆ

ಮುಂಬೈ, ಮಾರ್ಚ್ 18: ಮಹಾರಾಷ್ಟ್ರದ ಉಪಮುಖ್ಯಮಂತ್ರಿ ಏಕನಾಥ್ ಶಿಂಧೆ ಇಂದು ನಾಗ್ಪುರ ಹಿಂಸಾಚಾರಕ್ಕೆ ಪ್ರತಿಕ್ರಿಯಿಸಿದ್ದಾರೆ. ಔರಂಗಜೇಬನನ್ನು ಇನ್ನೂ ಹೊಗಳುತ್ತಿರುವ ಜನರು “ದೇಶದ್ರೋಹಿಗಳು” ಎಂದು ಹೇಳಿದ್ದಾರೆ. ಮೊಘಲ್ ಚಕ್ರವರ್ತಿ ಮಾಡಿದ ದೌರ್ಜನ್ಯಗಳನ್ನು ಅವರು ಎತ್ತಿ ತೋರಿಸಿದ್ದಾರೆ. ‘ಔರಂಗಜೇಬನನ್ನು ಬೆಂಬಲಿಸುವವರನ್ನು ಮಹಾರಾಷ್ಟ್ರದಲ್ಲಿ ಯಾರೂ ಸಹಿಸುವುದಿಲ್ಲ’ ಎಂದು ಅವರು ಪುನರುಚ್ಛರಿಸಿದ್ದಾರೆ. ನಾಗ್ಪುರ ಹಿಂಸಾಚಾರದ ಒಂದು ದಿನದ ನಂತರ ಉಪಮುಖ್ಯಮಂತ್ರಿ ಏಕನಾಥ್ ಶಿಂಧೆಯವರ ಈ ಹೇಳಿಕೆ ಬಂದಿದೆ.

ಮರಾಠಾ ರಾಜನ ಪರಂಪರೆ, ಅವರ ಧೈರ್ಯ ಮತ್ತು ನಾಯಕತ್ವವನ್ನು ಗೌರವಿಸಲು ಸ್ಥಾಪಿಸಲಾದ ಶಿವಾಜಿ ಮಹಾರಾಜರ ಕುದುರೆ ಸವಾರಿ ಪ್ರತಿಮೆಯ ಅನಾವರಣ ಸಮಾರಂಭದಲ್ಲಿ ಏಕನಾಥ್ ಶಿಂಧೆ ಮಾತನಾಡಿದ್ದಾರೆ. ಮರಾಠಾ ರಾಜ ಛತ್ರಪತಿ ಶಿವಾಜಿ ಮಹಾರಾಜರು ಶೌರ್ಯ, ತ್ಯಾಗ ಮತ್ತು ಹಿಂದುತ್ವದ ಮನೋಭಾವಕ್ಕಾಗಿ ನಿಂತ ದೈವಿಕ ಶಕ್ತಿ. “ಔರಂಗಜೇಬ ಮಹಾರಾಷ್ಟ್ರವನ್ನು ವಶಪಡಿಸಿಕೊಳ್ಳಲು ಬಂದನು, ಆದರೆ ಅವನು ಶಿವಾಜಿ ಮಹಾರಾಜನ ದೈವಿಕ ಶಕ್ತಿಯನ್ನು ಎದುರಿಸಿದನು. ಇನ್ನೂ ಅವನ ಸ್ತುತಿಗಳನ್ನು ಹಾಡುವವರು ದೇಶದ್ರೋಹಿಗಳು” ಎಂದು ಶಿಂಧೆ ಹೇಳಿದ್ದಾರೆ.

VIDEO | On Nagpur violence: Maharashtra Deputy CM Eknath Shinde (@mieknathshinde) says, “Such kind of a brutal incident was never witnessed before. The protestors are protesting for the pride of Chhatrapati Sambhaji Maharaj… Those who support Aurangzeb should read history and… pic.twitter.com/CizmWttiJi

— Press Trust of India (@PTI_News) March 18, 2025

ಇದನ್ನೂ ಓದಿ: ಮಹಾರಾಷ್ಟ್ರ: ಮಕ್ಕಳು ಆಟವಾಡುತ್ತಿದ್ದಾಗ ಕಣ್ಣಿಗೆ ಬಿದ್ದ ಸೂಟ್​ಕೇಸ್​ನಲ್ಲಿತ್ತು ಮಹಿಳೆಯ ರುಂಡ

“ನಾಗ್ಪುರದಲ್ಲಿ ನಡೆದ ಕ್ರೂರ ಘಟನೆಯನ್ನು ಹಿಂದೆಂದೂ ನೋಡಿರಲಿಲ್ಲ. ಪ್ರತಿಭಟನಾಕಾರರು ಛತ್ರಪತಿ ಸಂಭಾಜಿ ಮಹಾರಾಜರ ಹೆಮ್ಮೆಗಾಗಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಔರಂಗಜೇಬನನ್ನು ಬೆಂಬಲಿಸುವವರು ಇತಿಹಾಸವನ್ನು ಓದಬೇಕು ಮತ್ತು ‘ಛಾವಾ’ ಚಲನಚಿತ್ರವನ್ನು ನೋಡಬೇಕು. ನಿಜವಾದ ದೇಶಭಕ್ತ ಮುಸ್ಲಿಮರು ಸಹ ಔರಂಗಜೇಬನನ್ನು ಬೆಂಬಲಿಸುವುದಿಲ್ಲ ಎಂದು ನಾನು ನಂಬುತ್ತೇನೆ.” ಎಂದು ಏಕನಾಥ್ ಶಿಂಧೆ ಹೇಳಿದ್ದಾರೆ.

ಇದನ್ನೂ ಓದಿ: Nagpur Violence: ನಾಗ್ಪುರ ಹಿಂಸಾಚಾರ, ಶಾಂತಿ ಕಾಪಾಡುವಂತೆ ಸಿಎಂ ದೇವೇಂದ್ರ ಫಡ್ನವಿಸ್ ಮನವಿ

ನಾಗ್ಪುರ ಹಿಂಸಾಚಾರ:

ಔರಂಗಜೇಬನ ಸಮಾಧಿಯನ್ನು ತೆಗೆದುಹಾಕಲು ಬಲಪಂಥೀಯ ಸಂಘಟನೆಯೊಂದು ನಡೆಸಿದ ಆಂದೋಲನದ ಸಂದರ್ಭದಲ್ಲಿ ಒಂದು ಸಮುದಾಯದ ಪವಿತ್ರ ಪುಸ್ತಕವನ್ನು ಸುಟ್ಟುಹಾಕಲಾಗಿದೆ ಎಂಬ ವದಂತಿಗಳ ನಂತರ ಸೋಮವಾರ ಮಧ್ಯ ನಾಗ್ಪುರದಲ್ಲಿ ಹಿಂಸಾಚಾರ ಭುಗಿಲೆದ್ದಿತು. ರಾಜ್ಯದ ಛತ್ರಪತಿ ಸಂಭಾಜಿನಗರ ಜಿಲ್ಲೆಯಲ್ಲಿರುವ ಔರಂಗಜೇಬನ ಸಮಾಧಿಯನ್ನು ತೆಗೆದುಹಾಕಲು ಕೆಲವು ಬಲಪಂಥೀಯ ಸಂಘಟನೆಗಳ ಬೇಡಿಕೆಗಳ ಮಧ್ಯೆ ಏಕನಾಥ್ ಶಿಂಧೆ ಅವರ ಹೇಳಿಕೆಗಳು ಬಂದಿವೆ. ನಾಗ್ಪುರದಲ್ಲಿ ನಡೆದ ಹಿಂಸಾಚಾರಕ್ಕೆ ಸಂಬಂಧಿಸಿದಂತೆ ಕನಿಷ್ಠ 45 ಜನರನ್ನು ಬಂಧಿಸಲಾಗಿದೆ. ಸೋಮವಾರ ಸಂಜೆ ನಾಗ್ಪುರದ ಮಧ್ಯಭಾಗದಲ್ಲಿ ಹಿಂಸಾಚಾರ ಭುಗಿಲೆದ್ದಿತು. ಈ ಹಿಂಸಾಚಾರದಲ್ಲಿ 34 ಪೊಲೀಸ್ ಸಿಬ್ಬಂದಿ ಮತ್ತು ಇತರ ಐದು ಜನರು ಗಾಯಗೊಂಡರು. ಇದಲ್ಲದೆ, ಹಿಂಸಾಚಾರದ ಸಮಯದಲ್ಲಿ 45 ವಾಹನಗಳನ್ನು ಸಹ ಧ್ವಂಸಗೊಳಿಸಲಾಯಿತು.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ