PM-WANI: ರೈಲ್​ಟೆಲ್​ನಿಂದ 100 ರೈಲ್ವೆ ನಿಲ್ದಾಣಗಳಲ್ಲಿ ವೈಫೈ ಆಧಾರಿತ ಪಿಎಂ ವಾಣಿ ಯೋಜನೆಗೆ ಚಾಲನೆ

ನವದೆಹಲಿ: ರೈಲ್ವೆ ಸಚಿವಾಲಯದಿಂದ ಮಿನಿ ರತ್ನ ಪಿಎಸ್‌ಯು ರೈಲ್‌ಟೆಲ್​ಗೆ (RainlTel) ಚಾಲನೆ ನೀಡುವ ಮೂಲಕ ಹೊಸ ಮೈಲುಗಲ್ಲು ಸ್ಥಾಪಿಸಲಾಗಿದೆ. ದೇಶದಾದ್ಯಂತ 22 ರಾಜ್ಯಗಳ 100 ರೈಲು ನಿಲ್ದಾಣಗಳಲ್ಲಿ ತನ್ನ ಸಾರ್ವಜನಿಕ ವೈಫೈ ಸೇವೆಗಳಿಗೆ ಪ್ರಧಾನ ಮಂತ್ರಿ ವೈ-ಫೈ ಆಕ್ಸೆಸ್ ನೆಟ್‌ವರ್ಕ್ ಇಂಟರ್‌ಫೇಸ್ (PM WANI) ಯೋಜನೆ ಆಧಾರಿತ ಪ್ರವೇಶವನ್ನು ಈಗಾಗಲೇ ಪ್ರಾರಂಭಿಸಲಾಗಿದೆ. ಭಾರತದ 100 ರೈಲು ನಿಲ್ದಾಣಗಳಲ್ಲಿ ತನ್ನ ವೈ-ಫೈಗೆ PM-WANI ಆಧಾರಿತ ಪ್ರವೇಶವನ್ನು ರೈಲ್‌ಟೆಲ್ ಪ್ರಾರಂಭಿಸಿದೆ ಎಂದು ಮೂಲಗಳು ತಿಳಿಸಿವೆ.

ಈ ಸಾರ್ವಜನಿಕ ಸ್ನೇಹಿ ಸೇವೆಗೆ ರೈಲ್‌ಟೆಲ್ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಪುನೀತ್ ಚಾವ್ಲಾ ನಿನ್ನೆ ಚಾಲನೆ ನೀಡಿದ್ದಾರೆ. ಈ ವೈಫೈ ನೆಟ್‌ವರ್ಕ್ ಅನ್ನು ಪ್ರವೇಶಿಸಲು ಆಂಡ್ರಾಯ್ಡ್ ಬಳಕೆದಾರರು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಲಭ್ಯವಿರುವ ‘ವೈ-ಡಾಟ್’ ಮೊಬೈಲ್ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬಹುದು. ಈ ಅಪ್ಲಿಕೇಶನ್ ಅನ್ನು C-DOTನೊಂದಿಗೆ ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ.

PM-WANI ಎಂಬುದು ಟೆಲಿಕಾಂ ಇಲಾಖೆಯ (DoT) ಮಹತ್ವಾಕಾಂಕ್ಷೆಯ ಕಾರ್ಯಕ್ರಮವಾಗಿದ್ದು, ಎಲ್ಲಾ ವೈ-ಫೈ ನೆಟ್‌ವರ್ಕ್‌ಗಳನ್ನು ಸುಲಭವಾಗಿ ಬಳಸಲು ಮತ್ತು ಜನಸಾಮಾನ್ಯರಿಗೆ ಬ್ರಾಡ್‌ಬ್ಯಾಂಡ್ ಬಳಕೆಯನ್ನು ವೃದ್ಧಿಸಲು ಸಂಪರ್ಕಿಸುತ್ತದೆ. 2022ರ ಜೂನ್ ಅಂತ್ಯದ ವೇಳೆಗೆ ಹಂತ ಹಂತವಾಗಿ ಎಲ್ಲಾ 6,102 ರೈಲು ನಿಲ್ದಾಣಗಳಿಗೆ ರೈಲ್‌ಟೆಲ್‌ನ ಸಾರ್ವಜನಿಕ ವೈ-ಫೈ ಸೇವೆಗಳ PM-WANI ಆಧಾರಿತ ಪ್ರವೇಶವನ್ನು ವಿಸ್ತರಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.

ಇದನ್ನೂ ಓದಿ

Cyclone Asani: ಅಸಾನಿ ಚಂಡಮಾರುತದ ಅಬ್ಬರ; 22 ವರ್ಷಗಳಲ್ಲೇ ಅತ್ಯಂತ ಚಳಿಯ ದಿನ ದಾಖಲು

Fact Check ಅಸನಿ ಚಂಡಮಾರುತದ ನಡುವೆ ಆಂಧ್ರ ಕರಾವಳಿಗೆ ತೇಲಿ ಬಂದಿದ್ದು ಚಿನ್ನದ ರಥವೇ?; ಬಣ್ಣ ಮಾತ್ರ ಬಂಗಾರದ್ದು, ತೇರು ಸ್ಟೀಲಿನದ್ದು

ರೈಲ್‌ಟೆಲ್ ವೈ-ಫೈ ಹಾಟ್‌ಸ್ಪಾಟ್‌ಗಳನ್ನು ಸ್ಥಾಪಿಸಲು 7000ಕ್ಕೂ ಹೆಚ್ಚು ಸೇವಾ ಪೂರೈಕೆದಾರರೊಂದಿಗೆ ತನ್ನ ಸಹಭಾಗಿತ್ವವನ್ನು ಹೆಚ್ಚಿಸುವ ಮೂಲಕ ರೈಲ್ವೇ ನಿಲ್ದಾಣಗಳ ಆಚೆಗೆ ತನ್ನ ವೈ-ಫುಟ್‌ಪ್ರಿಂಟ್‌ಗಳನ್ನು ವಿಸ್ತರಿಸುತ್ತದೆ ಎಂದು ಚವಾಲಾ ಹೇಳಿದ್ದಾರೆ. ಡಿಜಿಟಲ್ ಇಂಡಿಯಾ ಮಿಷನ್‌ನ ಭಾಗವಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ಬ್ರಾಡ್‌ಬ್ಯಾಂಡ್ ಸಂಪರ್ಕ ಕಲ್ಪಿಸಲು ಸರ್ಕಾರ ಮುಂದಾಗಿದೆ. ಪ್ರಸ್ತುತ, 22 ರಾಜ್ಯಗಳಲ್ಲಿ 2384 ವೈ-ಫೈ ಹಾಟ್‌ಸ್ಪಾಟ್‌ಗಳನ್ನು ಹೊಂದಿರುವ 100 ರೈಲು ನಿಲ್ದಾಣಗಳಲ್ಲಿ PM-WANI ಸೇವೆಗಳನ್ನು ಪ್ರಾರಂಭಿಸಿದೆ. ಈ 100 ರೈಲು ನಿಲ್ದಾಣಗಳಲ್ಲಿ, 71 ಎ1 ಮತ್ತು ಎ ವರ್ಗಗಳ ಅಡಿಯಲ್ಲಿ ಬರುತ್ತವೆ ಮತ್ತು 29 ನಿಲ್ದಾಣಗಳು ಇತರ ವರ್ಗಗಳ ರೈಲ್ವೆಗಳ ಅಡಿಯಲ್ಲಿ ಬರುತ್ತವೆ.

ರೈಲ್ವೇ ನಿಲ್ದಾಣಗಳಲ್ಲಿ ಈ PM-WANI ವೈ-ಫೈ ಸೇವೆಯನ್ನು ಪಡೆಯಲು ಗೂಗಲ್ ಪ್ಲೇ ಸ್ಟೋರ್​​ನಿಂದ ಆ್ಯಂಡ್ರಾಯ್ಡ್​ ಆಧಾರಿತ ಅಪ್ಲಿಕೇಶನ್ Wi-DOT ಅನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ.  ರೈಲ್‌ಟೆಲ್ ರೈಲ್ವೇ ನಿಲ್ದಾಣಗಳಲ್ಲಿ ಮೊದಲ 30 ನಿಮಿಷಗಳ ಕಾಲ ಉಚಿತ ವೈಫೈ ನೀಡುತ್ತದೆ, ಅದನ್ನು ಮೀರಿ ಆನ್‌ಲೈನ್ ಡಿಜಿಟಲ್ ಚಾನೆಲ್‌ಗಳ ಮೂಲಕ ಪಾವತಿಸಿದ ವೈಫೈ ಬಳಕೆಯನ್ನು ಖರೀದಿಸಬಹುದು.

ಪ್ರಸ್ತುತ ಭಾರತೀಯ ರೈಲ್ವೆಯಾದ್ಯಂತ Wi-Fi ನೆಟ್‌ವರ್ಕ್ ದೇಶದ 6,102 ರೈಲ್ವೆ ನಿಲ್ದಾಣಗಳಲ್ಲಿ 17,792 ವೈ-ಫೈ ಹಾಟ್‌ಸ್ಪಾಟ್‌ಗಳೊಂದಿಗೆ ಹರಡಿದೆ. 6,012 ರೈಲು ನಿಲ್ದಾಣಗಳಲ್ಲಿ ರೈಲ್‌ಟೆಲ್‌ನ ವೈ-ಫೈ ಸೇವೆಗಳ PM-WANI ಆಧಾರಿತ ಪ್ರವೇಶವು ಈ ವರ್ಷ ಜೂನ್ 30ರೊಳಗೆ ಪೂರ್ಣಗೊಳ್ಳಲಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 8:22 pm, Wed, 11 May 22