ಮೋದಿ ಅಧಿಕಾರಕ್ಕೆ ಬಂದಾಗಿನಿಂದ ದೇಶದಲ್ಲಿ ಗಲಭೆಗಳ ಪ್ರಮಾಣದಲ್ಲಿ ತೀವ್ರ ಕುಸಿತ: ಎನ್‌ಸಿಆರ್‌ಬಿ ಡೇಟಾ

ರಾಷ್ಟ್ರೀಯ ಅಪರಾಧ ದಾಖಲೆಗಳ ಬ್ಯೂರೋ (NCRB) ಯ ಇತ್ತೀಚಿನ ವಿಶ್ಲೇಷಣೆಯ ಪ್ರಕಾರ, ದೇಶದಲ್ಲಿ ಗಲಭೆಗಳ (riots)ಪ್ರಮಾಣವು ಕಳೆದ 50 ವರ್ಷಗಳಲ್ಲೇ ಅತ್ಯಂತ ಕಡಿಮೆಯಾಗಿದೆ. ಸಮುದಾಯದಲ್ಲಿ ಧಾರ್ಮಿಕ ದ್ವೇಷವನ್ನು ಆಡಳಿತಾರೂಢ ಬಿಜೆಪಿ ಹುಟ್ಟುಹಾಕುತ್ತದೆ ಎಂದು ಪ್ರತಿಪಕ್ಷಗಳು  ಟೀಕಿಸುತ್ತಿದ್ದರೂ ದೇಶದಲ್ಲಿ ಗಲಭೆಗಳಲ್ಲಿ ಕುಸಿತ ಕಂಡು ಬಂದಿದೆ ಎಂದು ಎನ್‌ಸಿಆರ್‌ಬಿ ಗ್ರಾಫ್ (NCRB graph) ತೋರಿಸಿದೆ. ಭಾರತದ ಪ್ರಧಾನ ಮಂತ್ರಿಯ ಆರ್ಥಿಕ ಸಲಹಾ ಮಂಡಳಿಯ ಸದಸ್ಯರಾದ ಪ್ರೊಫೆಸರ್ ಶಮಿಕಾ ರವಿ ಅವರು ಟ್ವೀಟ್ ಮಾಡಿದ ಗ್ರಾಫ್ ಪ್ರಕಾರ 2014 ರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅಧಿಕಾರಕ್ಕೆ ಬಂದಾಗಿನಿಂದ ದೇಶದಲ್ಲಿ ಗಲಭೆಗಳು ತೀವ್ರವಾಗಿ ಕಡಿಮೆಯಾಗಿದೆ. 2021 ರಲ್ಲಿ ಒಟ್ಟು ದಂಗೆ ಪ್ರಕರಣಗಳ ಸಂಖ್ಯೆಯೂ ಅತೀ ಕಡಿಮೆ ಆಗಿದೆ.

1980 ರ ದಶಕದಲ್ಲಿ ಗಲಭೆ ಮತ್ತು ಹಿಂಸಾಚಾರವು ಸಾರ್ವಕಾಲಿಕ ಗರಿಷ್ಠ ಮಟ್ಟದಲ್ಲಿತ್ತು, ನಂತರ 1990 ರ ದಶಕದ ಉತ್ತರಾರ್ಧದಲ್ಲಿ ಬಿಜೆಪಿ ನೇತೃತ್ವದ ಎನ್‌ಡಿಎ ಸರ್ಕಾರದ ಮೊದಲ ಅಧಿಕಾರಾವಧಿಯಲ್ಲಿ ತೀವ್ರ ಕುಸಿತವನ್ನು ಕಂಡಿದೆ ಎಂದು NCRB ಹೇಳಿದೆ.

Riots (violence) in India is on a steady decline. The country is most peaceful in 50 years. Here’s the updated analysis using NCRB data: https://t.co/RT5ppFdW20 pic.twitter.com/ko9FpA8g21

— Prof. Shamika Ravi (@ShamikaRavi) June 15, 2023

ಎನ್‌ಸಿಆರ್‌ಬಿ ಅಂಕಿಅಂಶಗಳನ್ನು ತೋರಿಸುವ ಗ್ರಾಫ್ ಪ್ರಕಾರ, ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರ ಅಧಿಕಾರಾವಧಿಯಲ್ಲಿ ಇದು ಏರಿಕೆಯಾಗಿದ್ದು ಪ್ರಧಾನಿ ಮೋದಿಯವರ ಅಧಿಕಾರಾವಧಿಯಲ್ಲಿ ಗಲಭೆ ಪ್ರಕರಣಗಳ ಸಂಖ್ಯೆ ಕಡಿಮೆಯಾಗಿದೆ.

ಈ ಬಗ್ಗೆ ಟ್ವೀಟ್ ಮಾಡಿದ ಪ್ರೊಫೆಸರ್ ಶಮಿಕಾ ರವಿ ಭಾರತದಲ್ಲಿ ಗಲಭೆಗಳು (ಹಿಂಸಾಚಾರ) ಇಳಿಮುಖವಾಗುತ್ತಿದೆ. ದೇಶವು 50 ವರ್ಷಗಳಲ್ಲಿ ಅತ್ಯಂತ ಶಾಂತಿಯುತವಾಗಿದೆ ಎಂದಿದ್ದಾರೆ. ಹೇಳಿದ ಕೇಳಿದ ಕತೆಗಳು ಏನೇ ಇರಬಹುದು ಆದರೆ ವಸ್ತುನಿಷ್ಠ ಡೇಟಾ ವಿಶ್ಲೇಷಣೆಯನ್ನು ಬದಲಿಸುವುದಿಲ್ಲ. ಭಾರತದಲ್ಲಿ ಗಲಭೆಗಳು 1998 ರಿಂದ ತೀವ್ರವಾಗಿ ಕಡಿಮೆಯಾಗುತ್ತಿವೆ ಎಂದು ಡೇಟಾ ನಮಗೆ ಹೇಳುತ್ತದೆ. (1981 ರಲ್ಲಿ ಗರಿಷ್ಠ ಗಲಭೆಗಳು: 110361) ಎಂದು ಅವರು ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: ಗುಜರಾತ್‌ನಲ್ಲಿ ಒಂದು ತಿಂಗಳ ಹೆಣ್ಣು ಮಗುವಿಗೆ ಬಿಪೋರ್‌ಜಾಯ್ ಎಂದು ಹೆಸರಿಟ್ಟ ದಂಪತಿ

ಕೊನೆಯ ಭಾರಿ ಹಿಂಸಾಚಾರ ಮತ್ತು ಗಲಭೆಗಳು 2020 ರಲ್ಲಿ ಕಾಣಿಸಿಕೊಂಡವು, ಈಶಾನ್ಯ ದೆಹಲಿಯಲ್ಲಿ ನಡೆದ ಗಲಭೆಗಳಲ್ಲಿ 53 ಜನರು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 5:49 pm, Thu, 15 June 23