ಮನೆಯ ಮುಖ್ಯ ಬಾಗಿಲಿಗೆ ತೆಂಗಿನಕಾಯಿ ಕಟ್ಟುವುದು ಏಕೆ? ಇದರ ಹಿಂದಿದೆ ಪ್ರಮುಖ ಜ್ಯೋತಿಷ್ಯ ಕಾರಣ!

ಸನಾತನ ಧರ್ಮದಲ್ಲಿ ತೆಂಗಿನಕಾಯಿಯನ್ನು ಅತ್ಯಂತ ಪವಿತ್ರ ಹಾಗೂ ‘ಶ್ರೀಫಲ’ (ಲಕ್ಷ್ಮಿ ದೇವಿಯ ಫಲ) ಎಂದು ಪರಿಗಣಿಸಲಾಗುತ್ತದೆ. ಸಾಮಾನ್ಯವಾಗಿ ಅನೇಕರು ಹೊಸ ಮನೆಗೆ ಪ್ರವೇಶಿಸಿದಾಗ ಅಥವಾ ಹಬ್ಬ-ಹರಿದಿನಗಳಲ್ಲಿ ಮನೆಯ ಮುಖ್ಯ ದ್ವಾರಕ್ಕೆ ಬಟ್ಟೆಯಲ್ಲಿ ಸುತ್ತಿದ್ದ ತೆಂಗಿನಕಾಯಿಯನ್ನು ಕಟ್ಟುವುದು ವಾಡಿಕೆ. ಇದರ ಹಿಂದಿರುವ ಧಾರ್ಮಿಕ ಮತ್ತು ಜ್ಯೋತಿಷ್ಯ ರಹಸ್ಯಗಳು ಇಲ್ಲಿವೆ.

ದೃಷ್ಟಿದೋಷ ಮತ್ತು ನಕಾರಾತ್ಮಕ ಶಕ್ತಿಗಳ ನಿವಾರಣೆ:

ಮನೆಯ ಮುಖ್ಯ ದ್ವಾರಕ್ಕೆ ಕೆಂಪು ಅಥವಾ ಹಳದಿ ಬಟ್ಟೆಯಲ್ಲಿ ಸುತ್ತಿದ್ದ ತೆಂಗಿನಕಾಯಿಯನ್ನು ಕಟ್ಟುವುದರಿಂದ ಮನೆಗೆ ಯಾರ ದೃಷ್ಟಿಯೂ ಬೀಳುವುದಿಲ್ಲ. ಇದು ಹೊರಗಿನಿಂದ ಬರುವ ನಕಾರಾತ್ಮಕ ಶಕ್ತಿಗಳನ್ನು ತಡೆದು, ಧನಾತ್ಮಕ ಶಕ್ತಿಯನ್ನು ಮನೆಯೊಳಗೆ ಆಕರ್ಷಿಸುತ್ತದೆ.

ಲಕ್ಷ್ಮಿ ದೇವಿಯ ಅನುಗ್ರಹ ಮತ್ತು ಐಶ್ವರ್ಯ ವೃದ್ಧಿ:

ತೆಂಗಿನಕಾಯಿಯನ್ನು ‘ಶ್ರೀಫಲ’ ಎಂದು ಕರೆಯಲಾಗುತ್ತಿದ್ದು, ಇದು ಲಕ್ಷ್ಮಿ ದೇವಿಯ ಸಂಕೇತವಾಗಿದೆ. ಮುಖ್ಯ ಬಾಗಿಲಿಗೆ ತೆಂಗಿನಕಾಯಿ ಕಟ್ಟುವುದರಿಂದ ಮನೆಗೆ ವಾಸ್ತು ದೋಷಗಳು ಎದುರಾಗುವುದಿಲ್ಲ ಮತ್ತು ಮನೆಯಲ್ಲಿ ಸದಾ ಧನ-ಧಾನ್ಯ, ಐಶ್ವರ್ಯ ವೃದ್ಧಿಯಾಗುತ್ತದೆ ಎಂಬ ನಂಬಿಕೆ ಇದೆ.

ಇದನ್ನೂ ಓದಿ: ಹಸ್ತಸಾಮುದ್ರಿಕ ಶಾಸ್ತ್ರ: ಅದೃಷ್ಟವಂತರ ಕೈಯಲ್ಲಿ ಮಾತ್ರ ಇರುತ್ತವೆ ಈ ‘ರಾಜಯೋಗ’ ತರುವ ಶುಭ ರೇಖೆಗಳು!

ರಾಹು-ಕೇತು ಮತ್ತು ಶನಿ ದೋಷಗಳ ಶಮನ:

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಮನೆಯ ದ್ವಾರಕ್ಕೆ ತೆಂಗಿನಕಾಯಿ ಕಟ್ಟುವುದರಿಂದ ರಾಹು ಮತ್ತು ಕೇತು ಗ್ರಹಗಳ ನಕಾರಾತ್ಮಕ ಪ್ರಭಾವ ಕಡಿಮೆಯಾಗುತ್ತದೆ. ಅಷ್ಟೇ ಅಲ್ಲದೆ, ಕುಟುಂಬ ಸದಸ್ಯರಿಗೆ ಎದುರಾಗುವ ಆಕಸ್ಮಿಕ ಸಂಕಷ್ಟಗಳು ಹಾಗೂ ಶನಿ ದೋಷದ ತೀವ್ರತೆಯು ಶಮನಗೊಳ್ಳುತ್ತದೆ.

ತೆಂಗಿನಕಾಯಿ ಕಟ್ಟುವ ಸರಿಯಾದ ಕ್ರಮ:

ವಾಸ್ತು ಶಾಸ್ತ್ರದ ಪ್ರಕಾರ, ಶುಭ ಫಲಗಳಿಗಾಗಿ ಕೆಂಪು, ಹಳದಿ ಅಥವಾ ಕೇಸರಿ ಬಟ್ಟೆಯನ್ನು ಬಳಸಬೇಕ ಮಂಗಳವಾರ, ಶುಕ್ರವಾರ ಅಥವಾ ಅಮಾವಾಸ್ಯೆ/ಹುಣ್ಣಿಮೆಯ ದಿನಗಳಲ್ಲಿ ಧೂಪ-ದೀಪ ತೋರಿಸಿ ಕಟ್ಟಿದರೆ ಹೆಚ್ಚಿನ ಫಲ ಸಿಗುತ್ತದೆ ಎಂದು ನಂಬಲಾಗಿದೆ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ