BCCI AGM festival match: ಸೌರವ್ ಗಂಗೂಲಿ ತಂಡಕ್ಕೆ ಸೋಲುಣಿಸಿ ಮಿಂಚಿದ ಜಯ್ ಶಾ

ಪ್ರೆಸಿಡೆಂಟ್ ಇಲೆವೆನ್ ಉತ್ತಮ ಆರಂಭ ಪಡೆಯಿತು. ಆದರೆ ಕಂಬ್ಯಾಕ್ ಮಾಡಿದ ಸೆಕ್ರೆಟರಿ ಇಲೆವೆನ್ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಪಡೆದರು. ಈ ಹಂತದಲ್ಲಿ 6ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ನಾಯಕ ಸೌರವ್ ಗಂಗೂಲಿ, 20 ಎಸೆತಗಳಲ್ಲಿ 35 ರನ್ ಬಾರಿಸಿದರು.

BCCI AGM festival match: ಸೌರವ್ ಗಂಗೂಲಿ ತಂಡಕ್ಕೆ ಸೋಲುಣಿಸಿ ಮಿಂಚಿದ ಜಯ್ ಶಾ
BCCI AGM festival match

ಕೊಲ್ಕತ್ತಾದ ಈಡನ್ ಗಾರ್ಡನ್​ ಮೈದಾನದಲ್ಲಿ ನಡೆದ ಭಾರತೀಯ ಕ್ರಿಕೆಟ್ ಮಂಡಳಿ ಎಜಿಎಂ ಫೆಸ್ಟಿವಲ್ ಪಂದ್ಯವು ರೋಚಕ ಹೋರಾಟಕ್ಕೆ ಸಾಕ್ಷಿಯಾಗಿತ್ತು. ಬಿಸಿಸಿಐ ಪ್ರೆಸಿಡೆಂಟ್ ಇಲೆವೆನ್ ಹಾಗೂ ಬಿಸಿಸಿಐ ಸೆಕ್ರೆಟರಿ ಇಲೆವೆನ್ ನಡುವಣ ಪಂದ್ಯದಲ್ಲಿ ಸೌರವ್ ಗಂಗೂಲಿ ಹಾಗೂ ಜಯ್ ಶಾ ನೇತೃತ್ವದ ತಂಡಗಳು ಮುಖಾಮುಖಿಯಾಗಿತ್ತು. 15 ಓವರ್​ಗಳ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಜಯ್ ಶಾ ನಾಯಕತ್ವದ ಸೆಕ್ರೆಟರಿ ಇಲೆವೆನ್ ಜಯದೇವ್ ಶಾ (40) ಹಾಗೂ ಅರುಣ್ ಧುಮಾಲ್ (36) ಅವರ ಉತ್ತಮ ಬ್ಯಾಟಿಂಗ್​ನಿಂದಾಗಿ 3 ವಿಕೆಟ್ ನಷ್ಟಕ್ಕೆ 128 ರನ್​ ಕಲೆಹಾಕಿತ್ತು.

ಈ ಗುರಿಯನ್ನು ಬೆನ್ನತ್ತಿದ ಪ್ರೆಸಿಡೆಂಟ್ ಇಲೆವೆನ್ ಉತ್ತಮ ಆರಂಭ ಪಡೆಯಿತು. ಆದರೆ ಕಂಬ್ಯಾಕ್ ಮಾಡಿದ ಸೆಕ್ರೆಟರಿ ಇಲೆವೆನ್ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಪಡೆದರು. ಈ ಹಂತದಲ್ಲಿ 6ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ನಾಯಕ ಸೌರವ್ ಗಂಗೂಲಿ, 20 ಎಸೆತಗಳಲ್ಲಿ 35 ರನ್ ಬಾರಿಸಿದರು. ಈ ಇನಿಂಗ್ಸ್​ನಲ್ಲಿ ಗಂಗೂಲಿ ಬ್ಯಾಟ್​ನಿಂದ ಎರಡು ಸಿಕ್ಸರ್ ಮತ್ತು ನಾಲ್ಕು ಬೌಂಡರಿಗಳು ಮೂಡಿಬಂದಿತು. 35 ರನ್​ಗಳಿಸಿ ರಿಟ್ಲೆರ್ಡ್ ಆಗಿ ಗಂಗೂಲಿ ಹೊರನಡೆದರು.

ಆ ಬಳಿಕ ಪಂದ್ಯದ ಮೇಲೆ ಸೆಕ್ರೆಟರಿ ಇಲೆವೆನ್ ಹಿಡಿತ ಸಾಧಿಸಿದರು. ಅದರಲ್ಲೂ ನಾಯಕ ಜಯ್ ಶಾ 3 ಪ್ರಮುಖ ವಿಕೆಟ್ ಪಡೆದರು. ಟೀಮ್ ಇಂಡಿಯಾ ಮಾಜಿ ನಾಯಕ ಮೊಹಮ್ಮದ್ ಅಜರುದ್ದೀನ್, ಸೂರಜ್ ಲೊಟ್ಲಿಕರ್ ಅವರನ್ನು ಔಟ್ ಮಾಡಿದ ಶಾ ಅಂತಿಮವಾಗಿ 7 ಓವರ್​ಗಳಲ್ಲಿ 58 ರನ್​ ನೀಡಿ 3 ವಿಕೆಟ್ ಪಡೆದರು.

ಇನ್ನು 128 ರನ್​ ಟಾರ್ಗೆಟ್ ಬೆನ್ನತ್ತಿದ ಪ್ರೆಸಿಡೆಂಟ್ ಇಲೆವೆನ್ ಅಂತಿಮವಾಗಿ 15 ಓವರ್​ನಲ್ಲಿ 127 ರನ್​ಗಳಿಸಲಷ್ಟೇ ಶಕ್ತರಾದರು. ಇದರೊಂದಿಗೆ ಜಯ್ ಶಾ ನೇತೃತ್ವದ ಸೆಕ್ರೆಟರಿ ಇಲೆವೆನ್ 1 ರನ್​ಗಳ ರೋಚಕ ಜಯ ಸಾಧಿಸಿತು.

ಇದನ್ನೂ ಓದಿ: IPL 2022: ದುಡ್ಡಿಗಿಂತ RCB ತಂಡವೇ ಮುಖ್ಯ: ವಿರಾಟ್ ಕೊಹ್ಲಿಗೆ ಅಭಿಮಾನಿಗಳಿಂದ ಬಹುಪರಾಕ್

ಇದನ್ನೂ ಓದಿ: 8 ಫ್ರಾಂಚೈಸಿ ಉಳಿಸಿಕೊಂಡ ಆಟಗಾರರ ಪಟ್ಟಿ ಹೀಗಿದೆ

ಇದನ್ನೂ ಓದಿ: IPL 20222: ಇವರೇ RCB ತಂಡದ ಮುಂದಿನ ಕ್ಯಾಪ್ಟನ್ ಎಂದ ಮಾಜಿ ಆರ್​ಸಿಬಿ ನಾಯಕ

(BCCI AGM festival match: Jay Shah wrecker-in-chief, Team Ganguly falls short by one run)

Click on your DTH Provider to Add TV9 Kannada