Pat Cummins: ‘ನಮ್ಮ ಸೋಲಿಗೆ ಇವರೇ ಕಾರಣ’; ಹೀನಾಯ ಸೋಲಿನ ಬಳಿಕ SRH ಕ್ಯಾಪ್ಟನ್ ಏನಂದ್ರು ನೋಡಿ
‘ನಾವು ಅಂದುಕೊಂಡಿದ್ದಕ್ಕಿಂತಲೂ ಹೆಚ್ಚಿನ ರನ್ಗಳನ್ನು ನೀಡಿದೆವು’ ಎಂದು ಪ್ಯಾಟ್ ಕಮಿನ್ಸ್ ಹೇಳಿದ್ದಾರೆ. ಈ ಮೂಲಕ ತಮ್ಮ ಸೋಲಿಗೆ ಬೌಲರ್ಗಳು ನೇರ ಕಾರಣ ಎಂದು ಹೇಳಿದ್ದಾರೆ. ಇಲ್ಲಿ ಗಮನಿಸಬೇಕಾದ ವಿಚಾರ ಎಂದರೆ, ನಿನ್ನೆಯ ಪಂದ್ಯದಲ್ಲಿ ಅತೀ ದುಬಾರಿ ಆಗಿದ್ದು ಪ್ಯಾಟ್ ಕಮಿನ್ಸ್ ಅವರೇ.
Updated on:Apr 26, 2024 | 7:51 AM
ಸನ್ ರೈಸರ್ಸ್ ಹೈದರಾಬಾದ್ (SRH) ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಂದ್ಯದಲ್ಲಿ ನಮ್ಮ ಬೆಂಗಳೂರು ತಂಡ ಗೆದ್ದು ಬೀಗಿದೆ. ಆರ್ಸಿಬಿ ತಂಡದ ಒಗ್ಗಟ್ಟಿನ ಪ್ರದರ್ಶನದಿಂದ ಗೆಲುವು ಸಿಕ್ಕಿದೆ. ಹೋಂಗ್ರೌಂಡ್ನಲ್ಲಿ ಆರ್ಸಿಬಿ ವಿರುದ್ಧ ಸೋಲು ಕಂಡಿರುವುದರಿಂದ ಹೈದರಾಬಾದ್ ತಂಡಕ್ಕೆ ಸಾಕಷ್ಟು ಅವಮಾನ ಆಗಿದೆ. ಹೈದರಾಬಾದ್ನ ವಿಕೆಟ್ಗಳು ಬೀಳುವಾಗ ಇಡೀ ಮೈದಾನ ಸೈಲೆಂಟ್ ಆಗಿತ್ತು. ಸೋಲಿನ ಬಗ್ಗೆ ಹೈದರಾಬಾದ್ ಕ್ಯಾಪ್ಟನ್ ಪ್ಯಾಟ್ ಕಮಿನ್ಸ್ ಮಾತನಾಡಿದ್ದಾರೆ.
‘ಇದು ನಮಗೆ ಒಳ್ಳೆಯ ರಾತ್ರಿ ಆಗಿಲ್ಲ. ನಾವು ಅಂದುಕೊಂಡಿದ್ದಕ್ಕಿಂತಲೂ ಹೆಚ್ಚಿನ ರನ್ಗಳನ್ನು ನೀಡಿದೆವು’ ಎಂದು ಪ್ಯಾಟ್ ಕಮಿನ್ಸ್ ಹೇಳಿದ್ದಾರೆ. ಈ ಮೂಲಕ ತಮ್ಮ ಸೋಲಿಗೆ ಬೌಲರ್ಗಳು ನೇರ ಕಾರಣ ಎಂದು ಹೇಳಿದ್ದಾರೆ. ಇಲ್ಲಿ ಗಮನಿಸಬೇಕಾದ ವಿಚಾರ ಎಂದರೆ, ನಿನ್ನೆಯ ಪಂದ್ಯದಲ್ಲಿ ಅತೀ ದುಬಾರಿ ಆಗಿದ್ದು ಪ್ಯಾಟ್ ಕಮಿನ್ಸ್ ಅವರೇ. ನಾಲ್ಕು ಓವರ್ಗಳಲ್ಲಿ ಬರೋಬ್ಬರಿ 55 ರನ್ಗಳನ್ನು ನೀಡಿದ್ದರು. ಅದೇ ರೀತಿ ಮಾರ್ಕಂಡೆ ಕೂಡ 3 ಓವರ್ಗಳಲ್ಲಿ 42 ರನ್ಗಳನ್ನು ನೀಡಿದ್ದರು.
‘ರನ್ ಚೇಸ್ ವೇಳೆ ನಾವು ಸಾಕಷ್ಟು ವಿಕೆಟ್ ಕಳೆದುಕೊಂಡೆವು. ನಾವು ಎರಡನೇ ಬ್ಯಾಟಿಂಗ್ ಮಾಡಿದ್ದು ಸೋಲಿಗೆ ಕಾರಣ ಎಂದು ನನಗೆ ಅನಿಸುತ್ತಿಲ್ಲ. ಇದು ಟಿ20 ಪಂದ್ಯ. ನಾವು ಎಲ್ಲವನ್ನೂ ಗೆಲ್ಲೋಕೆ ಸಾಧ್ಯವಿಲ್ಲ. ಕೆಲವು ಪಂದ್ಯಗಳು ನಮ್ಮದಾಗಿರುವುದಿಲ್ಲ’ ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: IPL 2024: ಆರ್ಸಿಬಿ ಬೌಲಿಂಗ್ ದಾಳಿಯನ್ನು ಗೇಲಿ ಮಾಡಿ ನಕ್ಕ ಅಯ್ಯರ್..! ವಿಡಿಯೋ ವೈರಲ್
ಟಾಸ್ ಗೆದ್ದ ಆರ್ಸಿಬಿ ತಂಡ ಮೊದಲು ಬ್ಯಾಟಿಂಗ್ ಮಾಡಿತು. ವಿರಾಟ್ ಕೊಹ್ಲಿ ಹಾಗೂ ರಜತ್ ಪಟಿದಾರ್ ಅರ್ಧಶತಕ ಹಾಗೂ ಗ್ರೀನ್ ಅವರ 37 ರನ್ ಕೊಡುಗೆ ತಂಡಕ್ಕೆ ಸಹಕಾರಿ ಆಯಿತು. ಈ ಮೂಲಕ 20 ಓವರ್ಗಳಲ್ಲಿ 206 ರನ್ ಕಲೆ ಹಾಕಿತು. ಬೌಲಿಂಗ್ನಲ್ಲೂ ಆರ್ಸಿಬಿ ಸಾಂಘಿಕ ಪ್ರದರ್ಶನ ನೀಡಿತು. ಸ್ವಪ್ನಿಲ್ ಸಿಂಗ್, ಕರಣ್ ಶರ್ಮಾ, ಗ್ರೀನ್ ತಕಾ ಒಂದು ವಿಕೆಟ್ ತೆಗೆದರು. ಸಿರಾಜ್ ಅವರು ವಿಕೆಟ್ ಕೀಳದೇ ಇದ್ದರೂ ನಾಲ್ಕು ಓವರ್ಗಳಲ್ಲಿ ಕೇವಲ 20 ರನ್ ನೀಡಿ, ಎಕಾನಮಿ ಬೌಲರ್ ಎನಿಸಿಕೊಂಡರು. ಅಂತಿಮವಾಗಿ ಹೈದರಾಬದ್ 20 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 171 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Published On - 7:31 am, Fri, 26 April 24
