ಅದು ನೋ ಬಾಲ್: ​ಅಂಪೈರ್​ ತೀರ್ಪಿಗೆ CSK ಫ್ಯಾನ್ಸ್ ಆಕ್ರೋಶ

IPL 2025: ಐಪಿಎಲ್​ನ 22ನೇ ಪಂದ್ಯವು ರಣರೋಚಕ ಹೋರಾಟಕ್ಕೆ ಸಾಕ್ಷಿಯಾಗಿತ್ತು. ಮುಲ್ಲನ್​ಪುರ್​ನ ಪಿಸಿಎ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಪಂಜಾಬ್ ಕಿಂಗ್ಸ್ (PBKS) ತಂಡವು 20 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 219 ರನ್ ಕಲೆಹಾಕಿತು. ಈ ಗುರಿಯನ್ನು ಬೆನ್ನತ್ತಿದ ಚೆನ್ನೈ ಸೂಪರ್ ಕಿಂಗ್ಸ್ (CSK) ತಂಡವು 17.5 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 171 ರನ್ ಕಲೆಹಾಕಿತು. ಈ ಹಂತದಲ್ಲಿ ಕಣಕ್ಕಿಳಿದ ಮಹೇಂದ್ರ ಸಿಂಗ್ ಧೋನಿ ಬಿರುಸಿನ ಬ್ಯಾಟಿಂಗ್ ಪ್ರದರ್ಶಿಸಿದರು.

ಅದರಲ್ಲೂ ಲಾಕಿ ಫರ್ಗುಸನ್ ಎಸೆದ 18ನೇ ಓವರ್​ನ 5ನೇ ಮತ್ತು 6ನೇ ಎಸೆತಗಳಲ್ಲಿ  ಧೋನಿ ಭರ್ಜರಿ ಸಿಕ್ಸ್ ಸಿಡಿಸಿದ್ದರು. ಆದರೆ 6ನೇ ಎಸೆತವು ಫುಲ್ ಟಾಸ್ ಆಗಿದ್ದರಿಂದ ಫೀಲ್ಡ್ ಅಂಪೈರ್ ನೋ ಬಾಲ್​ ನೀಡಿದ್ದರು.

ಮಹೇಂದ್ರ ಸಿಂಗ್ ಧೋನಿ ಸಿಕ್ಸ್ ವಿಡಿಯೋ:

ಆದರೆ ಮೂರನೇ ಅಂಪೈರ್ ಪರಿಶೀಲನೆ ವೇಳೆ ಚೆಂಡು ಧೋನಿಯ ಸೊಂಟದ ಭಾಗಕ್ಕಿಂತ ಕೆಳಗಿಳಿನಲ್ಲಿರುವುದು ಕಂಡು ಬಂದಿದೆ. ಅದು ಸಹ 0.03 ಮಿಲಿ ಮೀಟರ್​ಗಳ ಅಂತರದಲ್ಲಿ. ಅಂದರೆ ಮಹೇಂದ್ರ ಸಿಂಗ್ ಧೋನಿ ಅವರ ಸೊಂಟದರೆಗಿನ ಎತ್ತರ 1.01 ಆಗಿತ್ತು. ಲಾಕಿ ಫರ್ಗುಸನ್ ಎಸೆದ ಚೆಂಡು 0.98 ಎತ್ತರದಲ್ಲಿತ್ತು. ಹೀಗಾಗಿ ಥರ್ಡ್​ ಅಂಪೈರ್ ನೋ ಬಾಲ್ ನೀಡಿರಲಿಲ್ಲ.

Ms Dhoni

ಮೂರನೇ ಅಂಪೈರ್​ನ ಈ ನಿರ್ಧಾರಕ್ಕೆ ಇದೀಗ ಚೆನ್ನೈ ಸೂಪರ್ ಕಿಂಗ್ಸ್ ಅಭಿಮಾನಿಗಳು ಆಕ್ರೋಶಗಳನ್ನು ಹೊರಹಾಕುತ್ತಿದ್ದಾರೆ. ಅಲ್ಲದೆ ಈ ಎಸೆತವು ನೋ ಬಾಲ್ ಆಗಿದ್ದರೆ ಸಿಎಸ್​ಕೆ ತಂಡಕ್ಕೆ ಗೆಲ್ಲುವ ಅವಕಾಶಗಳು ದೊರೆಯುತ್ತಿದ್ದವು ಎಂದು ಅನೇಕರು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.

ಒಟ್ಟಿನಲ್ಲಿ ಮೂರನೇ ಅಂಪೈರ್ ನೀಡಿದ ತೀರ್ಪಿನ ವಿರುದ್ಧ ಇದೀಗ ಚೆನ್ನೈ ಸೂಪರ್ ಕಿಂಗ್ಸ್ ಅಭಿಮಾನಿಗಳು ತಿರುಗಿ ನಿಂತಿದ್ದು, ಈ ಮೂಲಕ ಆಕ್ರೋಶಗಳನ್ನು ಹೊರಹಾಕುತ್ತಿದ್ದಾರೆ.