GT vs PBKS IPL 2026 Highlights: ಪಂಜಾಬ್ ವಿರುದ್ಧ ಗುಜರಾತ್ಗೆ 4 ವಿಕೆಟ್ ಜಯ
Gujarat Titans vs Punjab Kings, IPL 2026 Highlights: ಐಪಿಎಲ್ 2026 ರಲ್ಲಿ ಸತತ ಮೂರನೇ ಗೆಲುವಿನೊಂದಿಗೆ ಗುಜರಾತ್ ಟೈಟಾನ್ಸ್ ಪ್ಲೇಆಫ್ ರೇಸ್ ಅನ್ನು ರೋಮಾಂಚನಗೊಳಿಸಿದೆ. ಶುಭ್ಮನ್ ಗಿಲ್ ನಾಯಕತ್ವದ ಗುಜರಾತ್, ಪಂಜಾಬ್ ಕಿಂಗ್ಸ್ ತಂಡವನ್ನು ಕಡಿಮೆ ಸ್ಕೋರ್ನ ರೋಮಾಂಚಕ ಪಂದ್ಯದಲ್ಲಿ ನಾಲ್ಕು ವಿಕೆಟ್ಗಳಿಂದ ಸೋಲಿಸಿತು.
Updated on:May 03, 2026 | 11:32 PM
ಐಪಿಎಲ್ 2026 ರಲ್ಲಿ ಸತತ ಮೂರನೇ ಗೆಲುವಿನೊಂದಿಗೆ ಗುಜರಾತ್ ಟೈಟಾನ್ಸ್ ಪ್ಲೇಆಫ್ ರೇಸ್ ಅನ್ನು ರೋಮಾಂಚನಗೊಳಿಸಿದೆ. ಶುಭ್ಮನ್ ಗಿಲ್ ನಾಯಕತ್ವದ ಗುಜರಾತ್, ಪಂಜಾಬ್ ಕಿಂಗ್ಸ್ ತಂಡವನ್ನು ಕಡಿಮೆ ಸ್ಕೋರ್ನ ರೋಮಾಂಚಕ ಪಂದ್ಯದಲ್ಲಿ ನಾಲ್ಕು ವಿಕೆಟ್ಗಳಿಂದ ಸೋಲಿಸಿತು. ವಾಷಿಂಗ್ಟನ್ ಸುಂದರ್ ಅಂತಿಮ ಓವರ್ನಲ್ಲಿ ಸಿಕ್ಸರ್ ಬಾರಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು. ಇತ್ತ ಜೇಸನ್ ಹೋಲ್ಡರ್ ನಾಲ್ಕು ವಿಕೆಟ್ ಕಬಳಿಸಿ ಪಂಜಾಬ್ ತಂಡದ ಸೋಲಿಗೆ ಪ್ರಮುಖ ಕಾರಣರಾದರು. ಪ್ರಸ್ತುತ ಲೀಗ್ನಲ್ಲಿ ನಂಬರ್ ಒನ್ ಸ್ಥಾನದಲ್ಲಿರುವ ಪಂಜಾಬ್ ಕಿಂಗ್ಸ್ ತಂಡಕ್ಕೆ ಇದು ಸತತ ಎರಡನೇ ಸೋಲು.
LIVE NEWS & UPDATES
-
GT vs PBKS IPL 2026: 4 ವಿಕೆಟ್ಗಳ ಜಯ
ಕೊನೆಯ ಓವರ್ನಲ್ಲಿ ಗುಜರಾತ್ ಟೈಟಾನ್ಸ್ಗೆ 11 ರನ್ಗಳು ಬೇಕಾಗಿದ್ದವು. ಮಾರ್ಕಸ್ ಸ್ಟೊಯಿನಿಸ್ ಬೌಲಿಂಗ್ನಲ್ಲಿ ಅರ್ಷದ್ ಖಾನ್ಗೆ ಬೌನ್ಸರ್ ಎಸೆದರು. ಚೆಂಡು ವೈಡ್ ಆಗಿತ್ತು. ಮುಂದಿನ ಎಸೆತ ಲೆಗ್ ಸ್ಟಂಪ್ನಲ್ಲಿ ಯಾರ್ಕರ್ ಆಗಿತ್ತು, ಅದರಲ್ಲಿ ಅರ್ಷದ್ ಬೌಂಡರಿ ಹೊಡೆದರು. ಮುಂದಿನ ಎಸೆತದಲ್ಲಿ 2 ರನ್ಗಳು ಬಂದವು. ಮುಂದಿನ ಎಸೆತದಲ್ಲಿ ಯಾವುದೇ ರನ್ ಬರಲಿಲ್ಲ. ಅದ್ಭುತ ಯಾರ್ಕರ್ನಲ್ಲಿ ಒಂದು ರನ್ ಬಂದಿತು. ವಾಷಿಂಗ್ಟನ್ ಸುಂದರ್ ಸ್ಟ್ರೈಕ್ನಲ್ಲಿ ಬಂದರು. 2 ಎಸೆತಗಳಲ್ಲಿ 3 ರನ್ಗಳು ಬೇಕಾಗಿದ್ದವು. ಸುಂದರ್ ಸಿಕ್ಸರ್ನೊಂದಿಗೆ ಪಂದ್ಯವನ್ನು ಮುಗಿಸಿದರು. ಗುಜರಾತ್ ಟೈಟಾನ್ಸ್ 4 ವಿಕೆಟ್ಗಳಿಂದ ಗೆದ್ದಿತು.
-
GT vs PBKS IPL 2026: ಗೆಲ್ಲಲು 12 ಎಸೆತಗಳಲ್ಲಿ 17 ರನ್ಗಳ ಅವಶ್ಯಕತೆ
ಗುಜರಾತ್ ಟೈಟಾನ್ಸ್ 18 ಓವರ್ಗಳಲ್ಲಿ 5 ವಿಕೆಟ್ಗೆ 147 ರನ್ ಗಳಿಸಿದೆ. ಗೆಲ್ಲಲು 12 ಎಸೆತಗಳಲ್ಲಿ 17 ರನ್ಗಳು ಬೇಕಾಗಿವೆ. ವಾಷಿಂಗ್ಟನ್ ಸುಂದರ್ 32 ಮತ್ತು ಜೇಸನ್ ಹೋಲ್ಡರ್ 2 ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ.
-
-
GT vs PBKS IPL 2026: ನಿಶಾಂತ್ ಸಿಂಧು ಔಟ್
ಮಾರ್ಕಸ್ ಸ್ಟೊಯಿನಿಸ್ ನಿಶಾಂತ್ ಸಿಂಧು ಅವರನ್ನು 15 ರನ್ಗಳಿಗೆ ಔಟ್ ಮಾಡಿದರು. ವಾಷಿಂಗ್ಟನ್ ಸುಂದರ್ (5) ಮತ್ತು ಸಾಯಿ ಸುದರ್ಶನ್ (41) ಕ್ರೀಸ್ನಲ್ಲಿದ್ದಾರೆ. ಗುಜರಾತ್ ಟೈಟಾನ್ಸ್ 12 ಓವರ್ಗಳಲ್ಲಿ 99/3 ಗಳಿಸಿದೆ. ಗೆಲ್ಲಲು 48 ಎಸೆತಗಳಲ್ಲಿ 65 ರನ್ಗಳ ಅವಶ್ಯಕತೆಯಿದೆ.
-
GT vs PBKS IPL 2026: ಬಟ್ಲರ್ ಔಟ್
26 ರನ್ ಗಳಿಸಿದ್ದಾಗ ವಿಜಯ್ ಕುಮಾರ್ ವೈಶಾಖ್ ಬೌಲಿಂಗ್ನಲ್ಲಿ ಜೋಶ್ ಬಟ್ಲರ್ ಔಟ್ ಆದರು. ಸಾಯಿ ಸುದರ್ಶನ್ (31) ಮತ್ತು ನಿಶಾಂತ್ ಸಂಧು (1) ಕ್ರೀಸ್ ನಲ್ಲಿದ್ದಾರೆ. ಗುಜರಾತ್ ಟೈಟಾನ್ಸ್ 8.2 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 70 ರನ್ ಗಳಿಸಿದೆ. ಗೆಲ್ಲಲು 70 ಎಸೆತಗಳಲ್ಲಿ 94 ರನ್ ಗಳ ಅಗತ್ಯವಿದೆ.
-
GT vs PBKS IPL 2026: ಪವರ್ ಪ್ಲೇ ಅಂತ್ಯ
ಗುಜರಾತ್ ಟೈಟಾನ್ಸ್ 6 ಓವರ್ಗಳಲ್ಲಿ 1 ವಿಕೆಟ್ಗೆ 58 ರನ್ ಗಳಿಸಿದೆ. ಗೆಲ್ಲಲು 85 ಎಸೆತಗಳಲ್ಲಿ 107 ರನ್ಗಳ ಅವಶ್ಯಕತೆಯಿದೆ. ಸಾಯಿ ಸುದರ್ಶನ್ 26 ರನ್ ಮತ್ತು ಜೋಸ್ ಬಟ್ಲರ್ 21 ರನ್ಗಳೊಂದಿಗೆ ಕ್ರೀಸ್ನಲ್ಲಿದ್ದಾರೆ. ಅವರಿಬ್ಬರು 27 ಎಸೆತಗಳಲ್ಲಿ 42 ರನ್ಗಳ ಜೊತೆಯಾಟ ನಡೆಸಿದ್ದಾರೆ.
-
-
GT vs PBKS IPL 2026: ಗಿಲ್ ಔಟ್
ಶುಭಮನ್ ಗಿಲ್ ಅವರನ್ನು ಅರ್ಶ್ದೀಪ್ ಸಿಂಗ್ ಔಟ್ ಮಾಡಿದರು. ಸಾಯಿ ಸುದರ್ಶನ್ 11 ರನ್ ಗಳಿಸಿ ಕ್ರೀಸ್ ನಲ್ಲಿದ್ದಾರೆ. ಗುಜರಾತ್ ಟೈಟಾನ್ಸ್ 1.3 ಓವರ್ ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 16 ರನ್ ಗಳಿಸಿದೆ. ಗೆಲ್ಲಲು 148 ರನ್ ಗಳ ಅವಶ್ಯಕತೆಯಿದೆ.
-
GT vs PBKS IPL 2026: 163 ರನ್ ಕಲೆಹಾಕಿದ ಪಂಜಾಬ್
ಪಂಜಾಬ್ ಕಿಂಗ್ಸ್ ಪರ ಸೂರ್ಯಾಂಶ್ ಶೆಡ್ಜ್ 29 ಎಸೆತಗಳಲ್ಲಿ 57 ರನ್ ಗಳಿಸಿದರೆ, ಮಾರ್ಕಸ್ ಸ್ಟೊಯಿನಿಸ್ 31 ಎಸೆತಗಳಲ್ಲಿ 40 ರನ್ ಗಳಿಸಿದರು. ಗುಜರಾತ್ ಟೈಟಾನ್ಸ್ ಪರ ಜೇಸನ್ ಹೋಲ್ಡರ್ 4 ವಿಕೆಟ್ ಪಡೆದರೆ, ಮೊಹಮ್ಮದ್ ಸಿರಾಜ್ ಮತ್ತು ಕಗಿಸೊ ರಬಾಡ ತಲಾ 2 ವಿಕೆಟ್ ಪಡೆದರು. ರಶೀದ್ ಖಾನ್ 1 ವಿಕೆಟ್ ಪಡೆದರು.
-
GT vs PBKS IPL 2026: ಒಂದೇ ಓವರ್ನಲ್ಲಿ 2 ವಿಕೆಟ್
ಜೇಸನ್ ಹೋಲ್ಡರ್ ಒಂದೇ ಓವರ್ನಲ್ಲಿ ಮಾರ್ಕಸ್ ಸ್ಟೊಯಿನಿಸ್ ಮತ್ತು ಕ್ಸೇವಿಯರ್ ಬಾರ್ಟ್ಲೆಟ್ ಅವರನ್ನು ಔಟ್ ಮಾಡಿದರು. ಸ್ಟೊಯಿನಿಸ್ 31 ಎಸೆತಗಳಲ್ಲಿ 40 ರನ್ ಗಳಿಸಿದರು. ಪಂಜಾಬ್ ಕಿಂಗ್ಸ್ 17.5 ಓವರ್ಗಳಲ್ಲಿ 8 ವಿಕೆಟ್ಗೆ 141 ರನ್ ಗಳಿಸಿದೆ.
-
GT vs PBKS IPL 2026: ಸೂರ್ಯಾಂಶು ಶೆಡ್ಜ್ ಅರ್ಧಶತಕ
ಸೂರ್ಯಾಂಶು ಶೆಡ್ಜ್ 24 ಎಸೆತಗಳಲ್ಲಿ 50 ರನ್ ಗಳಿಸಿದರು. ಮಾರ್ಕಸ್ ಸ್ಟೊಯಿನಿಸ್ 28 ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ. ಪಂಜಾಬ್ ಕಿಂಗ್ಸ್ 15 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 118 ರನ್ ಗಳಿಸಿದೆ.
-
GT vs PBKS IPL 2026: ಶ್ರೇಯಸ್ ಅಯ್ಯರ್ ಔಟ್
ಶ್ರೇಯಸ್ ಅಯ್ಯರ್ 21 ಎಸೆತಗಳಲ್ಲಿ 19 ರನ್ ಗಳಿಸಿ ಔಟ್ ಆದರು. ಪಂಜಾಬ್ ಕಿಂಗ್ಸ್ 8.4 ಓವರ್ಗಳಲ್ಲಿ 5 ವಿಕೆಟ್ಗೆ 47 ರನ್ ಗಳಿಸಿದೆ. ಸೂರ್ಯಾಂಶು ಶೆಡ್ಜ್ 8 ರನ್ಗಳೊಂದಿಗೆ ಕ್ರೀಸ್ನಲ್ಲಿದ್ದಾರೆ.
-
GT vs PBKS IPL 2026: 4ನೇ ವಿಕೆಟ್ ಪತನ
ಜೇಸನ್ ಹೋಲ್ಡರ್ ನೆಹಲ್ ವಾಧೇರಾ ಅವರನ್ನು ಔಟ್ ಮಾಡಿದರು. ಪಂಜಾಬ್ ಕಿಂಗ್ಸ್ 6.4 ಓವರ್ಗಳಲ್ಲಿ 4 ವಿಕೆಟ್ಗೆ 37 ರನ್ ಗಳಿಸಿದೆ. ಶ್ರೇಯಸ್ ಅಯ್ಯರ್ (16) ಮತ್ತು ಸೂರ್ಯಾಂಶು ಶೆಡ್ಜ್ (1) ಕ್ರೀಸ್ನಲ್ಲಿದ್ದಾರೆ.
-
GT vs PBKS IPL 2026: 3 ಓವರ್ ಪೂರ್ಣ
ಪಂಜಾಬ್ ಕಿಂಗ್ಸ್ 3 ಓವರ್ಗಳಲ್ಲಿ 2 ವಿಕೆಟ್ಗೆ 23 ರನ್ ಗಳಿಸಿದೆ. ಶ್ರೇಯಸ್ ಅಯ್ಯರ್ 6 ರನ್ ಮತ್ತು ಪ್ರಭ್ಸಿಮ್ರಾನ್ ಸಿಂಗ್ 14 ರನ್ಗಳೊಂದಿಗೆ ಕ್ರೀಸ್ನಲ್ಲಿದ್ದಾರೆ.
-
GT vs PBKS IPL 2026: ಮೊದಲ ಓವರ್ನಲ್ಲಿ 2 ವಿಕೆಟ್
ಪಂಜಾಬ್ ಕಿಂಗ್ಸ್ ಆರಂಭಿಕ ಆಘಾತ ಎದುರಿಸಿತು. ಮೊಹಮ್ಮದ್ ಸಿರಾಜ್ ಬೌಲಿಂಗ್ನಲ್ಲಿ ಪ್ರಿಯಾಂಶ್ ಮತ್ತು ಕೂಪರ್ ಕೊನೊಲಿ ಔಟಾದರು. ಗುಜರಾತ್ ಟೈಟಾನ್ಸ್ ಮೊದಲ ಓವರ್ನಲ್ಲಿ 2 ವಿಕೆಟ್ಗೆ 6 ರನ್ ಗಳಿಸಿತು.
-
GT vs PBKS IPL 2026: ಗುಜರಾತ್ ಟೈಟಾನ್ಸ್ ಪ್ಲೇಯಿಂಗ್ XI
ಶುಭಮನ್ ಗಿಲ್ (ನಾಯಕ), ಸಾಯಿ ಸುದರ್ಶನ್, ಜೋಸ್ ಬಟ್ಲರ್ (ವಿಕೆಟ್ ಕೀಪರ್), ವಾಷಿಂಗ್ಟನ್ ಸುಂದರ್, ನಿಶಾಂತ್ ಸಿಂಧು, ಜೇಸನ್ ಹೋಲ್ಡರ್, ರಶೀದ್ ಖಾನ್, ಅರ್ಷದ್ ಖಾನ್, ಕಗಿಸೊ ರಬಾಡ, ಮೊಹಮ್ಮದ್ ಸಿರಾಜ್, ಮಾನವ್ ಸುತಾರ್.
-
GT vs PBKS IPL 2026: ಪಂಜಾಬ್ ಕಿಂಗ್ಸ್ ಪ್ಲೇಯಿಂಗ್ XI
ಪ್ರಭಾಸಿಮ್ರಾನ್ ಸಿಂಗ್ (ವಿಕೆಟ್ ಕೀಪರ್), ಪ್ರಿಯಾಂಶ್ ಆರ್ಯ, ಕೂಪರ್ ಕೊನೊಲಿ, ಶ್ರೇಯಸ್ ಅಯ್ಯರ್ (ನಾಯಕ), ಮಾರ್ಕಸ್ ಸ್ಟೊಯಿನಿಸ್, ಸೂರ್ಯಾಂಶ್ ಶೆಡ್ಜ್, ನೆಹಾಲ್ ವಧೇರಾ, ಮಾರ್ಕೊ ಯಾನ್ಸನ್, ಕ್ಸೇವಿಯರ್ ಬಾರ್ಟ್ಲೆಟ್, ಅರ್ಶ್ದೀಪ್ ಸಿಂಗ್, ಯುಜ್ವೇಂದ್ರ ಚಾಹಲ್.
-
GT vs PBKS IPL 2026: ಟಾಸ್ ಗೆದ್ದ ಗುಜರಾತ್
ಈ ಪಂದ್ಯದಲ್ಲಿ ಟಾಸ್ ಗೆದ್ದ ಗುಜರಾತ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದೆ.
Published On - May 03,2026 7:02 PM
