13 ಬೌಂಡರಿ, 8 ಸಿಕ್ಸರ್‌, 21 ಎಸೆತಗಳಲ್ಲಿ ಶತಕ; ಈ ದಕ್ಷಿಣ ಆಫ್ರಿಕಾ ಬ್ಯಾಟರ್ ಅಬ್ಬರಕ್ಕೆ ಎದುರಾಳಿ ಉಡೀಸ್

ಡಿಸೆಂಬರ್ 26 ರಿಂದ ಭಾರತದ ದಕ್ಷಿಣ ಆಫ್ರಿಕಾ ಪ್ರವಾಸ ಆರಂಭವಾಗಲಿದೆ. ಆದರೆ ಅದಕ್ಕೂ ಮುನ್ನ ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್‌ಮನ್‌ ರನ್‌ಗಳ ಪಟಾಕಿ ಸಿಡಿಸಿದ್ದಾರೆ. ಕ್ಷಣಾರ್ಧದಲ್ಲಿ ಶತಕ ಸಿಡಿಸಿ ತಂಡಕ್ಕೆ ಗೆಲುವು ತಂದಿತ್ತಿದ್ದಾರೆ. ಆದಾಗ್ಯೂ, ಈ ಬ್ಯಾಟ್ಸ್‌ಮನ್‌ಗೆ ದಕ್ಷಿಣ ಆಫ್ರಿಕಾದವರಾಗಿದ್ದರೂ ಭಾರತದ ವಿರುದ್ಧದ ಸರಣಿಯೊಂದಿಗೆ ಯಾವುದೇ ಸಂಬಂಧವಿಲ್ಲ. ಏಕೆಂದರೆ ಈ 33ರ ಹರೆಯದ ಬ್ಯಾಟ್ಸ್‌ಮನ್‌ಗೆ ದಕ್ಷಿಣ ಆಫ್ರಿಕಾ ತಂಡದಲ್ಲಿ ಸ್ಥಾನ ಸಿಕ್ಕಿಲ್ಲ. ಈ ಬ್ಯಾಟ್ಸ್‌ಮನ್ ದಕ್ಷಿಣ ಆಫ್ರಿಕಾ ಪರ ಇದುವರೆಗೆ ಆಡಿಲ್ಲ. ಮಾರ್ಟಿನ್ ಕೊಯೆಟ್ಜೆ ಎಂಬ ಈ ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್‌ಮನ್ ಹಾಂಗ್ ಕಾಂಗ್ ಆಲ್ ಸ್ಟಾರ್ಸ್ 50 ಓವರ್‌ಗಳ ಸರಣಿಯಲ್ಲಿ ತಮ್ಮ ಬಿರುಸಿನ ಶತಕದ ಸ್ಕ್ರಿಪ್ಟ್ ಅನ್ನು ಬರೆದಿದ್ದಾರೆ. ಕೇವಲ 21 ಎಸೆತಗಳಲ್ಲಿ ಶತಕ ಸಿಡಿಸಿದ್ದಾರೆ.

ಹಾಂಗ್ ಕಾಂಗ್ ಆಲ್ ಸ್ಟಾರ್ಸ್ 50 ಓವರುಗಳ ಸರಣಿಯ ಪಂದ್ಯವು ಕೌಲೂನ್ ಲಯನ್ಸ್ ಮತ್ತು ಹಾಂಗ್ ಕಾಂಗ್ ಐಲ್ಯಾಂಡರ್ಸ್ ನಡುವೆ ನಡೆಯಿತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಕೌಲೂನ್ ಲಯನ್ಸ್ 50 ಓವರ್‌ಗಳಲ್ಲಿ 6 ವಿಕೆಟ್‌ಗೆ 299 ರನ್ ಗಳಿಸಿತು. ಕೌಲೂನ್ ಲಯನ್ಸ್ ಪರ ವಕಾಸ್ ಖಾನ್ 122 ರನ್ ಗಳಿಸಿದರೆ, ಐಜಾಜ್ ಖಾನ್ 104 ರನ್ ಗಳಿಸಿದರು. ಈ ಇಬ್ಬರು ಬ್ಯಾಟ್ಸ್‌ಮನ್‌ಗಳ ನೆರವಿನಿಂದ ಕೌಲೂನ್ ಲಯನ್ಸ್ ಹಾಂಗ್ ಕಾಂಗ್ ಐಲ್ಯಾಂಡ್‌ನವರಿಗೆ 300 ರನ್‌ಗಳ ಗುರಿಯನ್ನು ನೀಡಲು ಯಶಸ್ವಿಯಾಯಿತು.

ಮಾರ್ಟಿನ್ ಕೊಯೆಟ್ಜೆ 21 ಎಸೆತಗಳಲ್ಲಿ ಶತಕ ಮಾರ್ಟಿನ್ ಕೊಯೆಟ್ಜೆ ಹಾಂಗ್ ಕಾಂಗ್ ಐಲ್ಯಾಂಡರ್ಸ್ ಪರ ಇನ್ನಿಂಗ್ಸ್ ಆರಂಭಿಸಿದರು. ಕ್ರೀಸ್‌ಗೆ ಇಳಿದ ತಕ್ಷಣ ರನ್‌ಗಳ ಪಟಾಕಿ ಸಿಡಿಸಿದರು. ಆರಂಭಿಕ ವಿಕೆಟ್‌ಗೆ ತಮ್ಮ ಜೊತೆಗಾರ ಆದಿತ್ ಗೊರ್ವಾರ ಅವರೊಂದಿಗೆ 123 ರನ್ ಸೇರಿಸಿದರು. ನಂತರ ಆದಿತ್ ಔಟಾದರು ಆದರೆ ಮಾರ್ಟಿನ್ ಒಂದು ತುದಿಯಿಂದ ರನ್ ಮಳೆ ಮುಂದುವರೆಸಿದರು. ಇದರ ಪರಿಣಾಮವಾಗಿ ಅವರು 21 ಎಸೆತಗಳಲ್ಲಿ ಶತಕ ಗಳಿಸಿದರು. ಒಟ್ಟಾರೆ 120 ಎಸೆತಗಳಲ್ಲಿ 157 ರನ್‌ಗಳ ಅಜೇಯ ಇನ್ನಿಂಗ್ಸ್‌ಗಳನ್ನು ಆಡಿದರು. ಮಾರ್ಟಿನ್ ಕೋಟ್ಜರ್ ಅವರ ಇನ್ನಿಂಗ್ಸ್ 13 ಬೌಂಡರಿಗಳು ಮತ್ತು 8 ಸಿಕ್ಸರ್‌ಗಳನ್ನು ಒಳಗೊಂಡಿತ್ತು.

67 ಎಸೆತಗಳಲ್ಲಿ 81 ರನ್ ಗಳಿಸಿ ತಮ್ಮ ಸ್ಫೋಟಕ ಇನ್ನಿಂಗ್ಸ್‌ ಆಡಿದ ನಾಯಕ ಬಾಬರ್ ಹಯಾತ್ ಅವರ ಅತ್ಯುತ್ತಮ ಪ್ರದರ್ಶನವನ್ನು ನೀಡಿದರು. ಇವರಿಬ್ಬರ ನಡುವೆ ಮೂರನೇ ವಿಕೆಟ್‌ಗೆ ಅಮೋಘ ಶತಕದ ಜೊತೆಯಾಟವಿತ್ತು. ಈ ಜೊತೆಯಾಟದ ಫಲವಾಗಿ ಹಾಂಕಾಂಗ್ ಐಲ್ಯಾಂಡರ್ಸ್ ಕೇವಲ 44 ಓವರ್‌ಗಳಲ್ಲಿ ಪಂದ್ಯವನ್ನು ಗೆದ್ದುಕೊಂಡಿತು.