Qatar World Cup 2022 Song: ಹಯ್ಯ ಹಯ್ಯ…ವಿಶ್ವಕಪ್ ಫುಟ್​ಬಾಲ್ ಕ್ರೇಜ್ ಶುರು

Qatar World Cup 2022 Song: ಹಯ್ಯ ಹಯ್ಯ...ವಿಶ್ವಕಪ್ ಫುಟ್​ಬಾಲ್ ಕ್ರೇಜ್ ಶುರು
Fifa World Cup 2022

Fifa World Cup 2022: ಈ ಬಾರಿಯ ವಿಶ್ವಕಪ್​ನಲ್ಲಿ ಒಟ್ಟು 32 ತಂಡಗಳು ಕಾಣಿಸಿಕೊಳ್ಳಲಿದ್ದು, ಈ ತಂಡಗಳನ್ನು 8 ಗುಂಪುಗಳಾಗಿ ವಿಂಗಡಿಸಲಾಗಿದೆ. ಪ್ರತಿ ಗ್ರೂಪ್​ನಲ್ಲೂ ತಲಾ 4 ತಂಡಗಳಿರಲಿದೆ.

TV9kannada Web Team

| Edited By: Zahir PY

Apr 02, 2022 | 2:25 PM

ವಿಶ್ವ ಕಾಲ್ಚೆಂಡು ಕದನ ಕತಾರ್ ವರ್ಲ್ಡ್​ಕಪ್​ 2022 (FIFA World Cup 2022) ಕ್ಕೆ ದಿನಗಣನೆ ಶುರುವಾಗಿದೆ. 32 ದೇಶಗಳ ನಡುವೆ ನಡೆಯಲಿರುವ ವಿಶ್ವಕಪ್​ ಫುಟ್​ಬಾಲ್ ಟೂರ್ನಿಗೆ ನವೆಂಬರ್​ 21 ರಿಂದ ಚಾಲನೆ ದೊರೆಯಲಿದೆ. ಅದಕ್ಕೂ ಮುನ್ನ ಇದೀಗ ಫಿಫಾ  ವಿಶ್ವಕಪ್ 2022 ರ ಅಧಿಕೃತ ಗೀತೆಯನ್ನು (Qatar World Cup 2022 Song) ಬಿಡುಗಡೆ ಮಾಡಿದೆ. “ಹಯ್ಯ ಹಯ್ಯ- ಬೆಟರ್ ಟುಗೆದರ್” ಎಂಬ ಸಂದೇಶದೊಂದಿಗೆ ಬಿಡುಗಡೆ ಮಾಡಲಾಗಿರುವ ಈ ಗೀತೆಗೆ ಅಮೇರಿಕನ್ ಗಾಯಕ ಟ್ರಿನಿಡಾಡ್ ಕಾರ್ಡೋನಾ, ನೈಜೀರಿಯನ್ ಗಾಯಕ ಡೇವಿಡೋ ಮತ್ತು ಕತಾರ್‌ನ ಅತ್ಯಂತ ಪ್ರಸಿದ್ಧ ಗಾಯಕಿ ಆಯಿಷಾ ಧ್ವನಿಗೂಡಿಸಿದ್ದಾರೆ.

ಇನ್ನು ಈ ಬಾರಿಯ ವಿಶ್ವಕಪ್​ನಲ್ಲಿ ಒಟ್ಟು 32 ತಂಡಗಳು ಕಾಣಿಸಿಕೊಳ್ಳಲಿದ್ದು, ಈ ತಂಡಗಳನ್ನು 8 ಗುಂಪುಗಳಾಗಿ ವಿಂಗಡಿಸಲಾಗಿದೆ. ಪ್ರತಿ ಗ್ರೂಪ್​ನಲ್ಲೂ ತಲಾ 4 ತಂಡಗಳಿರಲಿದೆ. ಅದರಂತೆ ಈಗಾಗಲೇ ಗ್ರೂಪ್ ಡ್ರಾಗಳನ್ನು ಮಾಡಲಾಗಿದ್ದು, ಮೊದಲ ಪಂದ್ಯದಲ್ಲಿ ಆತಿಥೇಯ ಕತಾರ್ ಈಕ್ವೆಡಾರ್ ತಂಡವನ್ನು ಎದುರಿಸಲಿದೆ. ಇನ್ನು ಪ್ರತಿ ಗ್ರೂಪ್​ನಲ್ಲಿರುವ 4 ತಂಡಗಳು ಪರಸ್ಪರ ಒಂದೊಂದು ಪಂದ್ಯವಾಡಲಿದೆ. ಆ ಬಳಿಕ ಪ್ರತಿ ಗ್ರೂಪ್​ನಲ್ಲಿ ಅಗ್ರಸ್ಥಾನ ಪಡೆಯುವ 2 ತಂಡಗಳು ಮುಂದಿನ ಹಂತಕ್ಕೆ ಪ್ರವೇಶಿಸಲಿದೆ.

ಪ್ರತಿ ಗ್ರೂಪ್​ನ ತಂಡಗಳು ಹೀಗಿವೆ:

ಗ್ರೂಪ್ ಎ
ಕತಾರ್
ನೆದರ್ಲ್ಯಾಂಡ್ಸ್
ಸೆನೆಗಲ್
ಈಕ್ವೆಡಾರ್

ಗ್ರೂಪ್ ಬಿ
ಇಂಗ್ಲೆಂಡ್
ಯುಎಸ್​ಎ
ಇರಾನ್
ವೇಲ್ಸ್ / ಸ್ಕಾಟ್ಲೆಂಡ್ / ಉಕ್ರೇನ್ (ಈ ಮೂರು ತಂಡಗಳಲ್ಲಿ ಒಂದು ತಂಡ)

ಗ್ರೂಪ್ ಸಿ
ಅರ್ಜೆಂಟೀನಾ
ಮೆಕ್ಸಿಕೋ
ಪೋಲೆಂಡ್
ಸೌದಿ ಅರೇಬಿಯಾ

ಗ್ರೂಪ್ ಡಿ
ಫ್ರಾನ್ಸ್
ಡೆನ್ಮಾರ್ಕ್
ಟುನೀಶಿಯಾ
ಆಸ್ಟ್ರೇಲಿಯಾ / ಯುಎಇ / ಪೆರು (ಈ ಮೂರು ತಂಡಗಳಲ್ಲಿ ಒಂದು ತಂಡ)

ಗ್ರೂಪ್ ಇ
ಜರ್ಮನಿ
ಸ್ಪೇನ್
ಜಪಾನ್
ನ್ಯೂಜಿಲ್ಯಾಂಡ್ / ಕೋಸ್ಟರಿಕಾ (ಇದರಲ್ಲಿ ಒಂದು ತಂಡ)

ಗ್ರೂಪ್ ಎಫ್
ಬೆಲ್ಜಿಯಂ
ಕ್ರೊಯೇಷಿಯಾ
ಮೊರಾಕೊ
ಕೆನಡಾ

ಗ್ರೂಪ್ ಜಿ
ಬ್ರೆಜಿಲ್
ಸ್ವಿಜರ್ಲ್ಯಾಂಡ್
ಸೆರ್ಬಿಯಾ
ಕ್ಯಾಮೆರಾನ್

ಗ್ರೂಪ್ ಎಚ್
ಪೋರ್ಚುಗಲ್
ಉರುಗ್ವೆ
ದಕ್ಷಿಣ ಕೊರಿಯಾ
ಘಾನಾ

(ಗ್ರೂಪ್ ಬಿ, ಗ್ರೂಪ್ ಡಿ, ಗ್ರೂಪ್ ಇ ನಲ್ಲಿ ನಾಲ್ಕನೇ ತಂಡಗಳ ಅರ್ಹತಾ ಸುತ್ತು ಇನ್ನಷ್ಟೇ ನಡೆಯಬೇಕಿದ್ದು, ಹೀಗಾಗಿ ಕತಾರ್ ವಿಶ್ವಕಪ್​ನಲ್ಲಿ ಅರ್ಹತೆ ಪಡೆಯುವ ಅವಕಾಶವಿರುವ ತಂಡಗಳನ್ನು ಆ ಗ್ರೂಪ್​ಗಳಲ್ಲಿ ಹೆಸರಿಸಲಾಗಿದೆ)

Follow us on

Most Read Stories

Click on your DTH Provider to Add TV9 Kannada