200MP ಕ್ಯಾಮೆರಾ, 120W ಚಾರ್ಜರ್: ಬಹುನಿರೀಕ್ಷಿತ ರೆಡ್ಮಿ ನೋಟ್ 13 ಸರಣಿ ಬಿಡುಗಡೆ: ಬೆಲೆ?

Redmi Note 13, Note 13 Pro, Note 13 Pro+ Launched: ರೆಡ್ಮಿ ನೋಟ್ 13, ರೆಡ್ಮಿ ನೋಟ್ 13 ಪ್ರೊ ಮತ್ತು ರೆಡ್ಮಿ ನೋಟ್ 13 ಪ್ರೊ+ ನಾದ ಮಾರುಕಟ್ಟೆಯಲ್ಲಿ ಅನಾವರಣಗೊಂಡಿದೆ. ಇದರಲ್ಲಿ 13 ಪ್ರೊ ಮತ್ತು 13 ಪ್ರೊ+ ಫೋನ್‌ಗಳು OIS ಜೊತೆಗೆ ಬರೋಬ್ಬರಿ 200 ಮೆಗಾ ಪಿಕ್ಸೆಲ್ ಸ್ಯಾಮ್ಸಂಗ್ ISOCELL HP3 ಸೆನ್ಸಾರ್ ಹೊಂದಿದೆ. 120W ವರೆಗೆ ವೇಗದ ಚಾರ್ಜಿಂಗ್ ಸೇರಿದಂತೆ ಆಕರ್ಷಕ ಫೀಚರ್ಗಳಿಂದ ಆವೃತ್ತವಾಗಿದೆ.

Redmi Note 13 Series

Vinay Bhat |
Updated on: Sep 22, 2023 | 12:23 PM

ಬಿಡುಗಡೆಗೂ ಮುನ್ನ ಸಾಕಷ್ಟು ರೋಚಕತೆ ಸೃಷ್ಟಿಸಿದ್ದ ಶವೋಮಿ ಒಡೆತನದ ರೆಡ್ಮಿ ನೋಟ್ 13 ಸರಣಿಯು (Redmi Note 13 Series) ಚೀನಾದ ಮಾರುಕಟ್ಟೆಯಲ್ಲಿ ಅನಾವರಣಗೊಂಡಿದೆ. ಈ ಫೋನಿನಲ್ಲಿ ಒಟ್ಟು ಮೂರು ಮಾದರಿಗಳಿದ್ದು, ರೆಡ್ಮಿ ನೋಟ್ 13, ರೆಡ್ಮಿ ನೋಟ್ 13 ಪ್ರೊ ಮತ್ತು ರೆಡ್ಮಿ ನೋಟ್ 13 ಪ್ರೊ+ ಆಗಿದೆ. ರೆಡ್ಮಿಯ ಈ ಹೊಸ ಸ್ಮಾರ್ಟ್‌ಫೋನ್‌ಗಳು 120Hz ಡಿಸ್‌ಪ್ಲೇ, IP68 ರೇಟಿಂಗ್, 120W ವರೆಗೆ ವೇಗದ ಚಾರ್ಜಿಂಗ್ ಸೇರಿದಂತೆ ಆಕರ್ಷಕ ಫೀಚರ್ಗಳಿಂದ ಆವೃತ್ತವಾಗಿದೆ. ಹಾಗಾದರೆ, ಈ ಫೋನನುಗಳ ಬೆಲೆ ಎಷ್ಟು?, ಏನೆಲ್ಲ ಫೀಚರ್ಸ್ ಇದೆ ಎಂಬುದನ್ನು ನೋಡೋಣ.

ಚೀನಾದಲ್ಲಿ ರೆಡ್ಮಿ ನೋಟ್ 13 ಸರಣಿಯ ಬೆಲೆ:

ರೆಡ್ಮಿ ನೋಟ್ 13 ಬೆಲೆ

6GB + 128GB CNY 1,199 (13,900 ರೂ. ಅಂದಾಜು)
8GB + 128GB CNY 1,299 (15,100 ರೂ. ಅಂದಾಜು)
8GB + 256GB CNY 1,499 (17,400 ರೂ. ಅಂದಾಜು)
12GB + 256GB CNY 1,699 (19,700 ರೂ. ಅಂದಾಜು)

ರೆಡ್ಮಿ ನೋಟ್ 13 ಪ್ರೊ ಬೆಲೆ

8GB + 128GB CNY 1,499 (17,400 ರೂ. ಅಂದಾಜು)
8GB + 256GB CNY 1,699 (19,700 ರೂ. ಅಂದಾಜು)
12GB + 256GB CNY 1,899 (22,000 ರೂ. ಅಂದಾಜು)
12GB + 512GB CNY 1,999 (23,100 ರೂ. ಅಂದಾಜು)
16GB + 512GB CNY 2,099 (24,300 ರೂ. ಅಂದಾಜು)

ರೆಡ್ಮಿ ನೋಟ್ 13 ಪ್ರೊ+ ಬೆಲೆ

12GB + 256GB CNY 1,999 (22,800 ರೂ. ಅಂದಾಜು)
12GB + 512GB CNY 2,199 (25,100 ರೂ. ಅಂದಾಜು)
16GB + 512GB CNY 2,299 (26,200 ರೂ. ಅಂದಾಜು)

ರೆಡ್ಮಿ ನೋಟ್ 13 ಪ್ರೊ+, ರೆಡ್ಮಿ ನೋಟ್ 13 ಪ್ರೊ ಫೀಚರ್ಸ್

ಡಿಸ್‌ಪ್ಲೇ: ರೆಡ್ಮಿ ನೋಟ್ 13 ಪ್ರೊ+ ಮತ್ತು ರೆಡ್ಮಿ ನೋಟ್ 13 ಪ್ರೊಗಳು 6.67-ಇಂಚಿನ 1.5K FHD+ AMOLED ಡಿಸ್ ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ ಮತ್ತು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ ಅನ್ನು ಒಳಗೊಂಡಿವೆ.

ಸೆಪ್ಟೆಂಬರ್ನಲ್ಲಿ 15,000 ರೂ. ಒಳಗೆ ಖರೀದಿಸಬಹುದಾದ ಅತ್ಯುತ್ತಮ ಸ್ಮಾರ್ಟ್‌ಫೋನ್‌ಗಳು ಇಲ್ಲಿದೆ ನೋಡಿ

ಇದನ್ನೂ ಓದಿ

ಪ್ರೊಸೆಸರ್: ರೆಡ್ಮಿ ನೋಟ್ 13 ಪ್ರೊ+ ಮೀಡಿಯಾಟೆಕ್ ಡೈಮೆನ್ಸಿಟಿ 7200 ಆಲ್ಟ್ರಾ SoC ಹೊಂದಿದೆ, ರೆಡ್ಮಿ ನೋಟ್ 13 ಪ್ರೊಗೆ ಸ್ನಾಪ್ಡ್ರಾಗನ್ 7s Gen 2 SoC ಅಳವಡಿಸಲಾಗಿದೆ.

ಕ್ಯಾಮೆರಾಗಳು: ಛಾಯಾಗ್ರಹಣ ವಿಭಾಗದಲ್ಲಿ, ಎರಡೂ ಫೋನ್‌ಗಳು OIS ಜೊತೆಗೆ ಬರೋಬ್ಬರಿ 200 ಮೆಗಾ ಪಿಕ್ಸೆಲ್ ಸ್ಯಾಮ್ಸಂಗ್ ISOCELL HP3 ಸೆನ್ಸಾರ್ ಹೊಂದಿದೆ. ಜೊತೆಗೆ 8MP ಅಲ್ಟ್ರಾ-ವೈಡ್ ಆಂಗಲ್ ಲೆನ್ಸ್ ಮತ್ತು 2MP ಮ್ಯಾಕ್ರೋ ಸಂವೇದಕವನ್ನು ನೀಡಲಾಗಿದೆ. ಸೆಲ್ಫಿಗಾಗಿ, 16MP ಮುಂಭಾಗದ ಕ್ಯಾಮೆರಾ ಇದೆ.

ಬ್ಯಾಟರಿ, ಚಾರ್ಜಿಂಗ್: ರೆಡ್ಮಿ ನೋಟ್ 13 ಪ್ರೊ+ ನಲ್ಲಿ 120W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿ ಇದೆ. ಅದೇ ಪ್ರೊನಲ್ಲಿ ದೊಡ್ಡ 5,100mAh ಬ್ಯಾಟರಿಯನ್ನು ನೀಡಲಾಗಿದ್ದು, 67W ವೇಗದ ಚಾರ್ಜಿಂಗ್ ಹೊಂದಿದೆ.

ಸಾಫ್ಟ್‌ವೇರ್: ಎರಡೂ ಫೋನ್‌ಗಳು ಆಂಡ್ರಾಯ್ಡ್ 13-ಆಧಾರಿತ MIUI 14 ಔಟ್-ಆಫ್-ದಿ-ಬಾಕ್ಸ್ ಮೂಲಕ ರನ್ ಆಗುತ್ತದೆ.

ಬಣ್ಣ ಆಯ್ಕೆಗಳು: ರೆಡ್ಮಿ ನೋಟ್ 13 ಪ್ರೊ+ ಮೂರು ಬಣ್ಣ ಆಯ್ಕೆಗಳಲ್ಲಿ ಬರುತ್ತದೆ: ಬಿಳಿ, ಕಪ್ಪು ಮತ್ತು ಬೆಳ್ಳಿ. ನೀವು ರೆಡ್ಮಿ ನೋಟ್ 13 ಪ್ರೊ ನಾಲ್ಕು ಬಣ್ಣ ಆಯ್ಕೆಗಳಲ್ಲಿ ಪಡೆಯಬಹುದು: ಕಪ್ಪು, ನೀಲಿ, ಬಿಳಿ ಮತ್ತು ಬೆಳ್ಳಿ.