ಒನ್​​ಪ್ಲಸ್​ ನಾರ್ಡ್ 2 5ಜಿ ಫೋನ್ ಸ್ಟೋಟ ಪ್ರಕರಣ; ಫೋನ್‌ ನಂತರ ಈ ಬಾರಿ ಚಾರ್ಜರ್ ಬ್ಲಾಸ್ಟ್​; ಕಂಪನಿ ಪ್ರತಿಕ್ರಿಯೆ ಏನಿತ್ತು ಗೊತ್ತಾ?

ಇತ್ತೀಚೆಗಷ್ಟೇ ದೆಹಲಿಯ ಮೂಲದ ವಕೀಲರ ಒನ್​ಪ್ಲಸ್​ ನಾರ್ಡ್ 2 5ಜಿ ಸ್ಮಾರ್ಟ್ ಫೋನ್ ಜೇಬಿನಲ್ಲಿ ಸ್ಟೋಟಗೊಂಡ ಪ್ರಕರಣ ಬೆಳಕಿಗೆ ಬಂದಿತ್ತು. ಇದೀಗ ಮತ್ತೋರ್ವ ಗ್ರಾಹಕರ ಮೊಬೈಲ್​ ಚಾರ್ಜರ್​ ಬ್ಲಾಸ್ಟ್​ ಆಗಿದೆ. ಈ ಬಾರಿ ಕೇರಳ ಮೂಲದ ಸಾಫ್ಟ್​ವೇರ್​ ಎಂಜಿನಿಯರ್ ಸ್ಮಾರ್ಟ್ ಫೋನ್ ಚಾರ್ಜರ್​ ಸ್ಟೋಟಗೊಂಡಿದೆ. ಈ ಕುರಿತಂತೆ ಜಿಮ್ಮಿ ಜೋಸ್ ಒನ್​ಪ್ಲಸ್​ ನಾರ್ಡ್ 2 5ಜಿ ಚಾರ್ಜರ್ ಇದ್ದಕ್ಕಿದ್ದಂತೆ ಸ್ಟೋಟಗೊಂಡಿತು ಎಂದು ಟ್ವಿಟರ್​ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.

ಇದ್ದಕ್ಕಿದ್ದಂತೆಯೇ ಮೊಬೈಲ್ ಚಾರ್ಜರ್ ಸ್ಟೋಟಗೊಂಡಿತು ಬಳಕೆದಾರರಿಗೆ ಯಾವುದೇ ಗಂಭೀರ ಗಾಯಗಳಾಗಿಲ್ಲ ಆದರೆ ಮೊಬೈಲ್ ಚಾರ್ಜರ್ ಇದ್ದಕ್ಕಿದ್ದಂತೆ ಸ್ಟೋಟಗೊಂಡಿದ್ದರಿಂದ ಆಘಾತದಲ್ಲಿದ್ದಾರೆ ಎಂಬುದನ್ನು ತಿಳಿಸಿದ್ದಾರೆ. ಸಾಫ್ಟ್​ವೇರ್​ ಎಂಜಿನಿಯರ್ ಒನ್​ಪ್ಲಸ್​ ಕಂಪನಿಯನ್ನು ಸಂಪರ್ಕಿಸಿ ಮಾತನಾಡಿದಾಗ, ಗ್ರಾಹಕ ಸೇವಾ ಕೇಂದ್ರಕ್ಕೆ ಭೇಟಿ ನೀಡುವಂತೆ ಕಂಪನಿಯು ಕೇಳಿದೆ ಎಂದು ಅವರು ವಿವರಿಸಿದ್ದಾರೆ. ಸ್ಟೋಟಗೊಂಡ ಚಾರ್ಜರ್​ಅನ್ನು ಪರಿಶೀಲಿಸಿದ ಬಳಿಕ ವಿದ್ಯುತ್ ಏರಿಕೆಯಿಂದಾಗಿ ಈ ಸ್ಟೋಟ ಸಂಭವಿಸಿರಬಹುದು ಎಂದು ವಿವರಿಸಿದರು. ಬಹುಶಃ ನನ್ನ ಫೋನನ್ನು ಚಾರ್ಜ್ ಮಾಡಲು ನಾನು ವೋಲ್ಟೇಜ್ ಸ್ಟೆಬಿಲೈಜರ್ ಪಡೆಯಬೇಕು ಎಂದು ಬಳಕೆದಾರರು ಹೇಳಿದ್ದಾರೆ.

I wanted to get this to your immediate attention. My OnePlus Nord 2 warp charger blasted with a huge sound and it blew up the socket. Luckily I’m alive to make this tweet. The Nord 2 is working. but this is scary af. I’m still in shock?@OnePlus_IN @oneplus @OnePlus_Support pic.twitter.com/K3fXCyGzNp

— Jimmy Jose (@TheGlitchhhh) September 25, 2021

ಒನ್​ಪ್ಲಸ್ ನ್ಯೂಸ್ 18ಗೆ ಹೇಳಿದ ಹೇಳಿಕೆಯಲ್ಲಿ, ಇಂತಹ ವಿಷಯಗಳನ್ನು ಬಹಳ ಗಂಭೀರವಾಗಿ ಪರಿಗಣಿಸಲಾಗುತ್ತದೆ. ಜತೆಗೆ ಬಳಕೆದಾರರಿಗೆ ಬದಲಿ ಅವಕಾಶಗಳನ್ನು ನೀಡಲಾಗಿದೆ. ಸಮಸ್ಯೆಗಳು ಹೇಗೆ ಉದ್ಭವಿಸಬಹುದು ಎಂಬುದಕ್ಕೆ ಉತ್ತರಿಸಿದ ಕಂಪನಿಯು, ಒನ್​ಪ್ಲಸ್​ ಚಾರ್ಜರ್​ಗಳು ಅಂತರ್ನಿರ್ಮಿತ ಕೆಪಾಸಿಟರ್ಗಳನ್ನು ಹೊಂದಿದ್ದು, ಅದು ಪವರ್​ಅನ್ನು (ವಿದ್ಯುತ್​) ನಿಯಂತ್ರಿಸುತ್ತದೆ. ಜತೆಗೆ ಬೇಕಾದಷ್ಟು ಮಾತ್ರ ಸಂಗ್ರಹಿಸುತ್ತದೆ. ವೋಲ್ಟೇಜ್ ಏರಿಳಿತಗಳಿಂದ ಇಂತಹ ಘಟನೆಗಳು ನಡೆಯಬಹುದು ಎಂದು ಕಂಪನಿ ಉತ್ತರಿಸಿದೆ. ಬಳಕೆದಾರರು ಸುರಕ್ಷತಾ ಮುನ್ನೆಚ್ಚರಿಕೆಗಳನ್ನು ಅನುಸರಿಸುವಂತೆ ಒನ್​ಪ್ಲಸ್​ ಬಳಕೆದಾರರಿಗೆ ಒತ್ತಾಯಿಸಿದೆ. ದೆಹಲಿ ಮೂಲದ ವಕೀಲರ ಒನ್​ಪ್ಲಸ್​ ನಾರ್ಡ್ 2 ಸ್ಮಾರ್ಟ್ ಫೋನ್ ಜೇಬಿನಲ್ಲಿ ಸ್ಟೋಟಗೊಂಡ ಕೆಲವೇ ವಾರಗಳಲ್ಲಿ ಈ ಘಟನೆ ನಡೆದಿದೆ. ಈ ಘಟನೆಯಲ್ಲಿಯೂ ಸಹ ಬಳಕೆದಾರರು ಕಂಪನಿಯ ಸ್ಪಷ್ಟೀಕರಣದಿಂದ ತೃಪ್ತಿ ಹೊಂದಿಲ್ಲ.

ಈ ಹಿಂದೆ ದೆಹಲಿ ಮೂಲದ ವಕೀಲರು ತಮ್ಮ ಒನ್​ಪ್ಲಸ್​ ನಾರ್ಡ್ 2 5ಜಿ ಸ್ಟೋಟಗೊಂಡ ನಂತರ ಗಾಯಗೊಂಡರು. ನಂತರ ಒನ್​ಪ್ಲಸ್​ ದೆಹಲಿ ಮೂಲದ ವಕೀಲರಿಗೆ ಕಾನೂನು ನೋಟೀಸ್ ಕಳುಹಿಸಿತು. ಜತೆಗೆ ಸಾಮಾಜಿಕ ಮಾಧ್ಯಮದಿಂದ ಪೋಸ್ಟ್​ಗಳನ್ನು ತೆಗೆದು ಹಾಕುವಂತೆ ಕೇಳಿತು. ಈ ಹಿಂದೆ ಬೆಂಗಳೂರಿನಲ್ಲಿಯೂ ಇದೇ ರೀತಿಯ ಘಟನೆ ನಡೆದಿತ್ತು. ಒನ್ ಪ್ಲಸ್ ನಾರ್ಡ್ 2 5ಜಿ ಮಹಿಳೆಯೋರ್ವರ ಬ್ಯಾಗ್​ನಲ್ಲಿ ಸ್ಪೋಟಗೊಂಡಿತ್ತು. ಇದು ಉತ್ಪಾದನೆ ಅಥವಾ ವಿನ್ಯಾಸದ ಸೋಷಗಳಿಂದಲ್ಲ ಎಂದು ಒನ್​ಪ್ಲಸ್​ ಹೇಳಿತ್ತು.

ಇದನ್ನೂ ಓದಿ:

ಕೋರ್ಟ್​ ಆವರಣದಲ್ಲೇ ವಕೀಲರ ಸ್ಮಾರ್ಟ್​ಫೋನ್ ಬ್ಲಾಸ್ಟ್: ಭಯ ಹುಟ್ಟಿಸಿದ ಒನ್​ಪ್ಲಸ್​ನ ಈ ಫೋನ್

(Another oneplus nord 2 5G blast This time user charging brick explodes company reactions full story)

Published On - 11:32 am, Wed, 29 September 21