AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ಇನ್ಮುಂದೆ ಡಾರ್ಕ್​ ಮೋಡ್​​ನಲ್ಲೂ ಲಭ್ಯ ಗೂಗಲ್​ ಮ್ಯಾಪ್​; ಆ್ಯಂಡ್ರಾಯ್ಡ್​ ಮೊಬೈಲ್​​ನಲ್ಲಿ ಸಿಂಪಲ್​ ಆಗಿ ಸೆಟ್ಟಿಂಗ್ಸ್​​ ಬದಲಿಸಿಕೊಂಡರೆ ಆಯಿತು..

ಮೊದಲು ಗೂಗಲ್​ ಪ್ಲೇ ಸ್ಟೋರ್​ಗೆ ಹೋಗಿ ಹೊಸ ಆವೃತ್ತಿಯ ಗೂಗಲ್​ ಮ್ಯಾಪ್​ ಡೌನ್​ಲೋಡ್ ಮಾಡಿಕೊಳ್ಳಿ. ಈಗಾಗಲೇ ಡೌನ್​ಲೋಡ್​ ಮಾಡಿಕೊಂಡಿದ್ದರೆ ಅಪ್ಡೇಟ್​ ಮಾಡಿಕೊಳ್ಳಬೇಕು.

ಇನ್ಮುಂದೆ ಡಾರ್ಕ್​ ಮೋಡ್​​ನಲ್ಲೂ ಲಭ್ಯ ಗೂಗಲ್​ ಮ್ಯಾಪ್​; ಆ್ಯಂಡ್ರಾಯ್ಡ್​ ಮೊಬೈಲ್​​ನಲ್ಲಿ ಸಿಂಪಲ್​ ಆಗಿ ಸೆಟ್ಟಿಂಗ್ಸ್​​ ಬದಲಿಸಿಕೊಂಡರೆ ಆಯಿತು..
ಡಾರ್ಕ್​ ಮೋಡ್ ಗೂಗಲ್ ಮ್ಯಾಪ್​
Lakshmi Hegde
|

Updated on:Feb 25, 2021 | 6:42 PM

Share

ಅತಿ ಹೆಚ್ಚು ಬಳಕೆಯಲ್ಲಿರುವ ಆ್ಯಪ್​ಗಳಲ್ಲಿ ಒಂದಾದ ಗೂಗಲ್​ ಮ್ಯಾಪ್​ ಇದೀಗ ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಡಾರ್ಕ್​ ಮೋಡ್​ನಲ್ಲೂ ಲಭ್ಯವಿದೆ. ಮ್ಯಾಪ್​​ಗೆ ಡಾರ್ಕ್​ ಮೋಡ್​ ಸೂಕ್ತವೇ ಎಂಬುದನ್ನು ಕಳೆದ ಸೆಪ್ಟೆಂಬರ್​ನಿಂದಲೂ ಪರೀಕ್ಷೆ ಮಾಡುತ್ತಿತ್ತು. ಇದೀಗ ಅಂತಿಮವಾಗಿ ಮ್ಯಾಪ್​ನ್ನು ಡಾರ್ಕ್​ ಮೋಡ್​ನಲ್ಲಿ ಅಭಿವೃದ್ಧಿಪಡಿಸಿದ್ದಾಗಿ ಮಂಗಳವಾರ ಗೂಗಲ್ ತಿಳಿಸಿದೆ.

ಗೂಗಲ್​ ಮ್ಯಾಪ್​ನ ಬಳಕೆ ಏನು? ಹೇಗೆ ಎಂಬುದನ್ನು ಹೊಸದಾಗಿ ಹೇಳುವುದು ಬೇಡ. ಇತ್ತೀಚಿನ ದಿನಗಳಲ್ಲಂತೂ ಪ್ರತಿಯೊಬ್ಬರೂ ಇದನ್ನ ಬಳಸುತ್ತಾರೆ. ಅಪರಿಚಿತ ಸ್ಥಳಗಳಿಗೆ ಹೋಗುವಾಗ ದಾರಿ ತೋರುವುದಷ್ಟೇ ಅಲ್ಲದೆ, ಆ ಪ್ರದೇಶದಲ್ಲಿ ಎಲ್ಲಿ ಹೋಟೆಲ್​ಗಳಿವೆ? ರೆಸ್ಟೋರೆಂಟ್​, ಪಾರ್ಕ್​, ಲಾಡ್ಜ್​ಗಳು ಎಲ್ಲಿವೆ ಎಂಬುದನ್ನೂ ತೋರಿಸುತ್ತದೆ. ಇದರ ಇನ್ನೂ ಒಂದು ಉಪಯೋಗವೆಂದರೆ ಆದಷ್ಟು ಶಾರ್ಟ್​ಕಟ್​ (ಸನಿಹದ ದಾರಿ)ನ್ನೇ ಮಾರ್ಗದರ್ಶನ ಮಾಡುತ್ತದೆ.

ಇದೀಗ ಗೂಗಲ್ ಮ್ಯಾಪ್​ನ್ನು ಪರಿಷ್ಕರಿಸಲಾಗಿದ್ದು, ಅದರಲ್ಲಿ ಡಾರ್ಕ್ ಮೋಡ್ ಆಯ್ಕೆಯನ್ನೂ ನೀಡಲಾಗಿದೆ. ನಿಮ್ಮ ಮೊಬೈಲ್​ನಲ್ಲೂ ಡಾರ್ಕ್​ ಮೋಡ್​ ಮ್ಯಾಪ್​ ಬೇಕೆಂದರೆ ಏನು ಮಾಡಬೇಕು ಎಂಬ ವಿವರ ಇಲ್ಲಿದೆ.:

  • ಮೊದಲು ಗೂಗಲ್​ ಪ್ಲೇ ಸ್ಟೋರ್​ಗೆ ಹೋಗಿ ಹೊಸ ಆವೃತ್ತಿಯ ಗೂಗಲ್​ ಮ್ಯಾಪ್​ ಡೌನ್​ಲೋಡ್ ಮಾಡಿಕೊಳ್ಳಿ. ಈಗಾಗಲೇ ಡೌನ್​ಲೋಡ್​ ಮಾಡಿಕೊಂಡಿದ್ದರೆ ಅಪ್ಡೇಟ್​ ಮಾಡಿಕೊಳ್ಳಬೇಕು.
  • ನಂತರ ಬಲಬದಿಯಲ್ಲಿ ಕಾಣುವ ಪ್ರೊಫೈಲ್​ ಮೇಲೆ ಕ್ಲಿಕ್ ಮಾಡಿದರೆ ಸೆಟಿಂಗ್ಸ್​ ಆಯ್ಕೆ ಬರುತ್ತದೆ. ಸೆಟಿಂಗ್ಸ್​ ಮೇಲೆ ಕ್ಲಿಕ್ ಮಾಡಿದರೆ ಅದರಲ್ಲಿ ಥೀಮ್ಸ್​ ಎಂಬ ಆಪ್ಷನ್​ ಬರುತ್ತದೆ. ಅದರಲ್ಲಿ ಹೋಗಿ Always in Dark Themeನ್ನು ಟರ್ನ್ ಆನ್ ಮಾಡಬೇಕು. ಆಗ ನಿಮ್ಮ ಗೂಗಲ್​ ಮ್ಯಾಪ್​ ಡಾರ್ಕ್​ ಮೋಡ್​​ಗೆ ಪರಿವರ್ತನೆಯಾಗುತ್ತದೆ.
  • ಇಲ್ಲ, ಮೊದಲಿನಂತೇ ಲೈಟ್​ ಮೋಡ್​ ಇರಲಿ ಎಂದರೆ ಮತ್ತೆ ಇದೇ ಕ್ರಮ ಅನುಸರಿಸಿ ಹೋಗಿ, Always in light Theme ನ್ನು ಟರ್ನ್​ ಆಫ್​ ಮಾಡಿದರಾಯಿತು.

ಲೈಟ್​ ಮೋಡ್​ನಲ್ಲಿದ್ದಾಗ ಗೂಗಲ್​ ಮ್ಯಾಪ್​ ನೋಡಿಕೊಂಡು ವಾಹನ ಓಡಿಸುವುದರಿಂದ ಸಹಜವಾಗಿಯೇ ಕಣ್ಣಿಗೆ ಆಯಾಸ ಆಗುತ್ತದೆ. ಹಾಗಾಗಿ ಡಾರ್ಕ್ ಮೋಡ್​ ಆಯ್ಕೆಯನ್ನು ತಂದಿದ್ದೇವೆ. ಶೀಘ್ರದಲ್ಲೇ ಜಗತ್ತಿನ ಎಲ್ಲ ಆ್ಯಂಡ್ರಾಯ್ಡ್ ಬಳಕೆದಾರರಿಗೂ ಈ ಸೌಲಭ್ಯವನ್ನು ವಿಸ್ತರಿಸಲಾಗುವುದು. ಇದರಿಂದ ಕಣ್ಣಿಗೂ ಹಿತವಾಗಿರುತ್ತದೆ, ಮೊಬೈಲ್​ನ ಬ್ಯಾಟರಿ ಚಾರ್ಜ್​ ಕೂಡ ಉಳಿಯುತ್ತದೆ ಎಂದು ಗೂಗಲ್​ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: Fact Check: India Is Doing It ವಿಡಿಯೊ ಲಿಂಕ್ ತೆರೆದರೆ ನಿಮ್ಮ ಫೋನ್ ಹ್ಯಾಕ್; ವಾಟ್ಸ್​ಆ್ಯಪ್​ನಲ್ಲಿ ಹರಿದಾಡಿದ್ದು ಸುಳ್ಳು ಸಂದೇಶ

Published On - 6:41 pm, Thu, 25 February 21

ಸಿನಿಮಾ ಆರಿಸಿಕೊಂಡಿದ್ದೇಕೆ? ಜನಾರ್ಧನ ರೆಡ್ಡಿ ಪುತ್ರನ ಉತ್ತರ
ಸಿನಿಮಾ ಆರಿಸಿಕೊಂಡಿದ್ದೇಕೆ? ಜನಾರ್ಧನ ರೆಡ್ಡಿ ಪುತ್ರನ ಉತ್ತರ
ಪಕ್ಷದ ಕಾರ್ಯದರ್ಶಿ ಮತ್ತು ಅಧಿಕಾರಿಗಳ ಸಭೆ ರಾಮನಗರದಲ್ಲಿ ನಡೆಯಲಿದೆ: ಶಾಸಕ
ಪಕ್ಷದ ಕಾರ್ಯದರ್ಶಿ ಮತ್ತು ಅಧಿಕಾರಿಗಳ ಸಭೆ ರಾಮನಗರದಲ್ಲಿ ನಡೆಯಲಿದೆ: ಶಾಸಕ
ಸುರ್ಜೇವಾಲಾ ಶಾಸಕರನ್ನು ಭೇಟಿಯಾಗುತ್ತಿರುವುದು ಒಂದು ಪ್ರಕ್ರಿಯೆ: ಲಕ್ಷ್ಮಿ
ಸುರ್ಜೇವಾಲಾ ಶಾಸಕರನ್ನು ಭೇಟಿಯಾಗುತ್ತಿರುವುದು ಒಂದು ಪ್ರಕ್ರಿಯೆ: ಲಕ್ಷ್ಮಿ
ಸರ್ಕಾರೀ ಕೆಲಸದ ನಿಮಿತ್ತ ಸಿಎಂ, ಡಿಸಿಎಂ ದೆಹಲಿ ಹೋಗಿರಬಹುದು: ದೇಶಪಾಂಡೆ
ಸರ್ಕಾರೀ ಕೆಲಸದ ನಿಮಿತ್ತ ಸಿಎಂ, ಡಿಸಿಎಂ ದೆಹಲಿ ಹೋಗಿರಬಹುದು: ದೇಶಪಾಂಡೆ
ಐಶ್ವರ್ಯಾ ಗೌಡ ವಂಚನೆ ಪ್ರಕರಣ: ಮತ್ತೆ ಇಡಿ ವಿಚಾರಣೆಗೆ ಹಾಜರಾದ ಡಿಕೆ ಸುರೇಶ್
ಐಶ್ವರ್ಯಾ ಗೌಡ ವಂಚನೆ ಪ್ರಕರಣ: ಮತ್ತೆ ಇಡಿ ವಿಚಾರಣೆಗೆ ಹಾಜರಾದ ಡಿಕೆ ಸುರೇಶ್
ಊರಿಗೆ ರಸ್ತೆಗಿಂತ ಬಡವನ ಹೊಟ್ಟೆಗೆ ಅನ್ನ ಮತ್ತು ಮೈಗೆ ಬಟ್ಟೆ ಮುಖ್ಯ: ಸವದಿ
ಊರಿಗೆ ರಸ್ತೆಗಿಂತ ಬಡವನ ಹೊಟ್ಟೆಗೆ ಅನ್ನ ಮತ್ತು ಮೈಗೆ ಬಟ್ಟೆ ಮುಖ್ಯ: ಸವದಿ
ಇವತ್ತು ಸಿದ್ದೇಶ್ವರ ಹುಟ್ಟುಹಬ್ಬ, ವಿಶ್ ಮಾಡಲು ಬಂದಿದ್ದೇವೆ: ಹರೀಶ್
ಇವತ್ತು ಸಿದ್ದೇಶ್ವರ ಹುಟ್ಟುಹಬ್ಬ, ವಿಶ್ ಮಾಡಲು ಬಂದಿದ್ದೇವೆ: ಹರೀಶ್
ರೆಬೆಲ್ ನಾಯಕರಲ್ಲಿ ಕುಮಾರ ಬಂಗಾರಪ್ಪ ಉಳಿದವರಿಗಿಂತ ಜಾಸ್ತಿ ಜನಪ್ರಿಯ
ರೆಬೆಲ್ ನಾಯಕರಲ್ಲಿ ಕುಮಾರ ಬಂಗಾರಪ್ಪ ಉಳಿದವರಿಗಿಂತ ಜಾಸ್ತಿ ಜನಪ್ರಿಯ
ಅಘೋಷಿತ ಬಂದ್ ಸ್ಥಿತಿಯಲ್ಲಿ ರಾಜ್ಯದ ಮಹಾನಗರ ಪಾಲಿಕೆಗಳು
ಅಘೋಷಿತ ಬಂದ್ ಸ್ಥಿತಿಯಲ್ಲಿ ರಾಜ್ಯದ ಮಹಾನಗರ ಪಾಲಿಕೆಗಳು
ಮಂತ್ರಿ ಸ್ಥಾನ ಬೇಕಿಲ್ಲ, ಶಿವಕುಮಾರ್ ಮುಖ್ಯಮಂತ್ರಿಯಾದರೆ ಸಾಕು: ಯೋಗೇಶ್ವರ್
ಮಂತ್ರಿ ಸ್ಥಾನ ಬೇಕಿಲ್ಲ, ಶಿವಕುಮಾರ್ ಮುಖ್ಯಮಂತ್ರಿಯಾದರೆ ಸಾಕು: ಯೋಗೇಶ್ವರ್