Google Pay: ಬ್ಯಾಂಕುಗಳಂತೆ ಗೂಗಲ್​ ಪೇನಲ್ಲೂ ಸ್ಥಿರ ಠೇವಣಿ: 1 ವರ್ಷದಲ್ಲಿ ಹೆಚ್ಚಿನ ಬಡ್ಡಿ

ನೀವು ಗೂಗಲ್ ಪೇ (Google Pay) ಬಳಕೆದಾರರೇ? ಹಾಗಾದರೆ ನಿಮಗಾಗಿ ಇಲ್ಲಿದೆ ಸಿಹಿ ಸುದ್ದಿ. ಬ್ಯಾಂಕುಗಳು ಮತ್ತು ಬ್ಯಾಂಕೇತರ ಸಂಸ್ಥೆಗಳಂತೆ ಇನ್ಮುಂದೆ ಗೂಗಲ್ ಕೂಡ ಸ್ಥಿರ ಠೇವಣಿ (FD) ಯೋಜನೆಯನ್ನು ಆರಂಭಿಸಿಲಿದೆ. ಭಾರತದ ಗ್ರಾಹಕರಿಗಾಗಿ ಗೂಗಲ್ ಈ ವಿಶೇಷ ಯೋಜನೆಯನ್ನು ಆರಂಭಿಸಲಿದ್ದು, ಅದರಂತೆ ಗ್ರಾಹಕರು ಗೂಗಲ್ ಪೇನಲ್ಲಿ ಫಿಕ್ಸೆಡ್ ಡಿಪಾಸಿಟ್ ಖಾತೆ ಹೊಂದಬಹುದು. ಫಿನ್‌ಟೆಕ್ ಕಂಪನಿ ಜೊತೆಗೂಡಿ ಗೂಗಲ್ ತನ್ನ ಬಳಕೆದಾರರಿಗೆ ಇಂತಹದೊಂದು ಸೇವೆ ಒದಗಿಸಲು ಕೆಲಸ ಮಾಡುತ್ತಿದೆ.

ಗೂಗಲ್ FD ಯೋಜನೆಯನ್ನು ಆರಂಭಿಸಲು API ಸೇವೆಗಳನ್ನು ಒದಗಿಸುವ ಫಿನ್‌ಟೆಕ್ ಕಂಪನಿ ಜೊತೆ ಗೂಗಲ್ ಒಪ್ಪಂದ ಮಾಡಿಕೊಂಡಿದೆ. ನಿಶ್ಚಿತ ಠೇವಣಿ ಯೋಜನೆಯನ್ನು ಗ್ರಾಹಕರಿಗೆ Google Pay ಮೂಲಕ ನೀಡಲಾಗುತ್ತದೆ. ಮಿಂಟ್ ವರದಿ ಪ್ರಕಾರ, ಗೂಗಲ್ ತನ್ನದೇ ಆದ ಎಫ್‌ಡಿ ಯೋಜನೆಯನ್ನು ಮಾರಾಟ ಮಾಡುವುದಿಲ್ಲ. ಆದರೆ ಇತರ ಬ್ಯಾಂಕ್‌ಗಳ ಎಫ್‌ಡಿಗಳನ್ನು ಗೂಗಲ್ ಪೇ ಮೂಲಕ ಗ್ರಾಹಕರಿಗೆ ನೀಡುತ್ತದೆ. ಆರಂಭದಲ್ಲಿ ಇಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ FD ಅನ್ನು ಗ್ರಾಹಕರಿಗೆ ನೀಡಲಾಗುತ್ತದೆ ಎಂದು ತಿಳಿಸಲಾಗಿದೆ.

ಎಷ್ಟು ಬಡ್ಡಿ ಸಿಗುತ್ತದೆ? ಇಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ FD ಅನ್ನು 1 ವರ್ಷಕ್ಕೆ ನೀಡಲಾಗುತ್ತದೆ. ಗ್ರಾಹಕರಿಗೆ ಇದರ ಮೇಲೆ ಗರಿಷ್ಠ ಶೇಕಡಾ 6.35 ರಷ್ಟು ಬಡ್ಡಿ ಸಿಗಲಿದೆ. Google ನ ಈ FD ಯೋಜನೆಯನ್ನು ತೆಗೆದುಕೊಳ್ಳಲು, ಗ್ರಾಹಕರು ತಮ್ಮ ಆಧಾರ್ ಸಂಖ್ಯೆಯನ್ನು ನೀಡುವ ಮೂಲಕ KYC ಮಾಡಬೇಕಾಗುತ್ತದೆ. ಆಧಾರ್ ಸಂಖ್ಯೆಯ ಆಧಾರದ ಮೇಲೆ, ಮೊಬೈಲ್ ನಲ್ಲಿ OTP ಬರುತ್ತದೆ. ಇದಕ್ಕಾಗಿ, ‘ಸೇತು’ ಎಪಿಐಗಾಗಿ ಬೀಟಾ ಆವೃತ್ತಿಯನ್ನು ಸಿದ್ಧಪಡಿಸಿದ್ದು, ಶೀಘ್ರದಲ್ಲೇ ಈ ಸೇವೆ ಗ್ರಾಹಕರಿಗೆ ಲಭ್ಯವಿರಲಿದೆ.

ಮೊಬೈಲ್‌ನಿಂದ ಎಫ್‌ಡಿ ತೆಗೆದುಕೊಳ್ಳಬಹುದು: ಇದು ಸಂಪೂರ್ಣ ಮೊಬೈಲ್ ಆಧಾರಿತವಾಗಿರುವುದರಿಂದ ಗ್ರಾಹಕರಿಗೆ ಇದೊಂದು ಉತ್ತಮ ಸೌಲಭ್ಯ ಎಂದು ಹೇಳಲಾಗುತ್ತಿದೆ. ಸ್ಮಾರ್ಟ್‌ಫೋನ್‌ಗಳಲ್ಲಿ ಗೂಗಲ್ ಪೇ ಹೆಚ್ಚಿರುವ ವಿಧಾನವನ್ನು ಪರಿಗಣಿಸಿ, ಎಫ್‌ಡಿ ಯೋಜನೆ ಅತ್ಯುತ್ತಮ ಆಯ್ಕೆ ಎಂದು ಪರಿಗಣಿಸಲಾಗಿದೆ. ಏಕೆಂದರೆ ನೀವು FD ಗಾಗಿ ಬ್ಯಾಂಕುಗಳು ಅಥವಾ ಬ್ಯಾಂಕೇತರ ಸಂಸ್ಥೆಗಳನ್ನು ಮಾತ್ರ ಅವಲಂಬಿಸಬೇಕಾಗಿಲ್ಲ. ಎಫ್‌ಡಿಗಾಗಿ ಬ್ಯಾಂಕ್‌ಗಳಿಗೆ ಹೋಗುವುದು ಸಹ ಅನಿವಾರ್ಯವಲ್ಲ. ಈಗ ಈ ಕೆಲಸವನ್ನು ಮೊಬೈಲ್‌ನಿಂದ ಮಾಡಬಹುದು. ಅದನ್ನೂ ಕೂಡ Google Pay ನಂತಹ ಮೊಬೈಲ್ ವ್ಯಾಲೆಟ್‌ನೊಂದಿಗೆ ಮಾಡಬಹುದು ಎಂಬುದು ವಿಶೇಷ. ಹಾಗೆಯೇ ಗೂಗಲ್ ನ ಎಫ್ ಡಿ ಯಲ್ಲಿ ಮುಖ್ಯವಾದ ವಿಷಯವೆಂದರೆ ಗ್ರಾಹಕರು ಇಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ನಲ್ಲಿ ಖಾತೆ ಹೊಂದಿರುವುದು ಅನಿವಾರ್ಯವಲ್ಲ.

Google ನ FD ಯಲ್ಲಿ, ಗ್ರಾಹಕರು Google Pay ನಿಂದ FD ಯಲ್ಲಿ ಹಣವನ್ನು ಜಮಾ ಮಾಡಲಾಗುತ್ತದೆ. ಇದರಲ್ಲಿ, ಗ್ರಾಹಕರು ಗೂಗಲ್ ಮತ್ತು ಗೂಗಲ್ ಪೇ ಜೊತೆ ನೇರ ಸಂಬಂಧ ಹೊಂದಿರುತ್ತಾರೆ ಮತ್ತು ಇಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಅಲ್ಲ. ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮತ್ತು ಎಯು ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ನಲ್ಲೂ ಇದೇ ರೀತಿ ನಡೆಯುತ್ತಿದೆ. ನಂತರ ಅವರ ಎಫ್‌ಡಿ ಯೋಜನೆಗಳನ್ನು ಗೂಗಲ್ ಮೂಲಕವೂ ಖರೀದಿಸಬಹುದು. ಈ ವ್ಯವಸ್ಥೆಯು ಯಶಸ್ವಿಯಾದರೆ ಅದು ಇತರ ಪಾವತಿ ಅಪ್ಲಿಕೇಶನ್‌ಗಳಿಗೂ ಅನ್ವಯಿಸಬಹುದು.

15 ಕೋಟಿ ಸಕ್ರಿಯ ಬಳಕೆದಾರರು: ಭಾರತದಲ್ಲಿ, ಹೂಡಿಕೆಯ ವಿಷಯದಲ್ಲಿ ಜನರ ಹೆಚ್ಚಿನ ಗಮನವು ಮ್ಯೂಚುವಲ್ ಫಂಡ್‌ಗಳು ಮತ್ತು ಸ್ಟಾಕ್‌ಗಳ ಮೇಲೆ ಇದೆ. ಆದರೆ ಉಳಿತಾಯದ ವಿಷಯಕ್ಕೆ ಬಂದರೆ, ಫಿಕ್ಸೆಡ್ ಡೆಪಾಸಿಟ್ ಎಫ್‌ಡಿಗಳು ಅತ್ಯಂತ ವಿಶ್ವಾಸಾರ್ಹವಾಗಿವೆ. ಆದಾಗ್ಯೂ, FD ಯೋಜನೆಯಲ್ಲಿ ಲಭ್ಯವಿರುವ ಪ್ರಯೋಜನಗಳ ಹೊರತಾಗಿಯೂ, ಅದನ್ನು ಯಾರೂ ಗಂಭೀರವಾಗಿ ಪರಿಗಣಿಸಿಲ್ಲ. ಜನರು ಉಳಿತಾಯ ಖಾತೆಯಲ್ಲಿ ಹಣವನ್ನು ಇರಿಸುತ್ತಾರೆ ಹೊರತು, ಅದನ್ನು ಎಫ್‌ಡಿಯಲ್ಲಿ ಹೂಡಿಕೆ ಮಾಡುವುದಿಲ್ಲ. ಹೀಗಾಗಿ ಇದೀಗ Google ತನ್ನ Google Pay ಆ್ಯಪ್​ ಮೂಲಕ FD ಖಾತೆಗಳ ಸಂಪೂರ್ಣ ಮಾಹಿತಿಯನ್ನು ಒದಗಿಸಲು ಮುಂದಾಗಿದೆ.

ಗೂಗಲ್​ನ ಎಪಿಐನ ಬೀಟಾ ಆವೃತ್ತಿಯಲ್ಲಿ 7-29 ದಿನಗಳು, 30-45 ದಿನಗಳು, 46-90 ದಿನಗಳು, 91-180 ದಿನಗಳು, 181-364 ದಿನಗಳು ಮತ್ತು 365 ದಿನಗಳ ಎಫ್‌ಡಿ ಯೋಜನೆಯನ್ನು ನೀಡಲಾಗುತ್ತದೆ. ಕಡಿಮೆ ದಿನದ ಎಫ್‌ಡಿಗೆ 3.5% ಮತ್ತು 1 ವರ್ಷದ ಎಫ್‌ಡಿಗೆ 6.35 ಶೇಕಡಾ ಬಡ್ಡಿಯನ್ನು ನೀಡಲಾಗುತ್ತದೆ. ಒಂದು ವರದಿಯ ಪ್ರಕಾರ, ಭಾರತದಲ್ಲಿ Google Pay ನ 15 ಕೋಟಿ ಸಕ್ರಿಯ ಬಳಕೆದಾರರಿದ್ದು, ಇದರಿಂದ ಗೂಗಲ್ ಫಿಕ್ಸೆಡ್ ಡೆಪಾಸಿಟ್​ ಕ್ಷೇತ್ರದಲ್ಲಿ ಹೊಸ ಸಂಚಲನ ಸೃಷ್ಟಿಸಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಇದನ್ನೂ ಓದಿ: IPL 2021: ಮಾಜಿ RCB ಆಟಗಾರ, ವಿಶ್ವದ ನಂಬರ್ 1 ಬೌಲರ್ ರಾಜಸ್ಥಾನ್ ರಾಯಲ್ಸ್ ಪಾಲು

ಇದನ್ನೂ ಓದಿ: George Garton: RCB ತಂಡಕ್ಕೆ ಎಂಟ್ರಿ ಕೊಟ್ಟಿರುವ ಜಾರ್ಜ್ ಗಾರ್ಟನ್ ಯಾರು..?

ಇದನ್ನೂ ಓದಿ: Video: ಒಂದೇ ಒಂದು ಬೌನ್ಸರ್ ಎಸೆದು ರಾಷ್ಟ್ರೀಯ ತಂಡದಲ್ಲಿ ಸ್ಥಾನ ಪಡೆದ!

ಇದನ್ನೂ ಓದಿ: Crime News: ಅಶ್ಲೀಲ ವೀಡಿಯೋ ಕಳುಹಿಸುತ್ತಿದ್ದ ಆಂಟಿ ಅರೆಸ್ಟ್..!

(Now you can open fixed deposits on Google Pay)