WWDC 2025: ಆಪಲ್ iOS 26 ಬಿಡುಗಡೆ: ಅಪರಿಚಿತ ಸಂಖ್ಯೆಗಳಿಂದ ಕಾಲ್ ಬಂದ್ರೆ ಟೆನ್ಶನ್ ಬೇಡ
ಬಳಕೆದಾರರ ಸುರಕ್ಷತೆ ಮತ್ತು ಗೌಪ್ಯತೆಯನ್ನು ಕಾಪಾಡಿಕೊಳ್ಳಲು ಹೊಸ AI ವೈಶಿಷ್ಟ್ಯಗಳನ್ನು ಒದಗಿಸುತ್ತಿರುವುದಾಗಿ ಕಂಪನಿ ತಿಳಿಸಿದೆ. ಆಪಲ್ ತನ್ನ iOS 7 ಬಗ್ಗೆ ಅನೇಕ ದೊಡ್ಡ ವಿಷಯಗಳನ್ನು ಹೇಳಿದೆ. iOS 7 ವಿನ್ಯಾಸದಲ್ಲಿ ದೊಡ್ಡ ಬದಲಾವಣೆಯನ್ನು ಮಾಡುವುದಾಗಿ ಕಂಪನಿ ಹೇಳಿದೆ. ಇದು ಹಲವಾರು ದಶಕಗಳಲ್ಲಿ ಸಾಫ್ಟ್‌ವೇರ್‌ನಲ್ಲಿನ ಅತಿದೊಡ್ಡ ಬದಲಾವಣೆಯಾಗಿರಬಹುದಂತೆ.
Updated on: Jun 10, 2025 | 10:02 AM
ಬೆಂಗಳೂರು (ಜೂ. 10): ಆಪಲ್‌ನ ಮೆಗಾ ಈವೆಂಟ್ WWDC 2025 ಕ್ಕೆ (Apple Developers Conference) ಭಾರತೀಯ ಕಾಲಮಾನದ ಪ್ರಕಾರ ಸೋಮವಾರ ರಾತ್ರಿ ಚಾಲನೆ ಸಿಕ್ಕಿದೆ. ಆಪಲ್ ಈ ಕಾರ್ಯಕ್ರಮವನ್ನು ಕ್ಯಾಲಿಫೋರ್ನಿಯಾದ ಕ್ಯುಪರ್ಟಿನೊದಲ್ಲಿರುವ ಆಪಲ್ ಪಾರ್ಕ್‌ನಲ್ಲಿ ಆಯೋಜಿಸಿದೆ. ಆಪಲ್ WWDC 2025 ಜೂನ್ 13 ರವರೆಗೆ ನಡೆಯಲಿದೆ. ಈವೆಂಟ್‌ನ ಮೊದಲ ದಿನದಂದು, ಕಂಪನಿಯು ಅನೇಕ ದೊಡ್ಡ ಘೋಷಣೆಗಳನ್ನು ಮಾಡಿತು. ಮುಖ್ಯವಾಗಿ iOS 26 ರ ಬಗ್ಗೆ. ಕಂಪನಿಯು iOS 19 ಬದಲಿಗೆ ನೇರವಾಗಿ iOS 26 ಅನ್ನು ಪರಿಚಯಿಸಿದೆ. ಎಲ್ಲಾ ಉತ್ಪನ್ನಗಳಿಗೆ ಸಂಪೂರ್ಣವಾಗಿ ಹೊಸ ಸಾಫ್ಟ್‌ವೇರ್ ವಿನ್ಯಾಸದಿಂದ ಹೊಸ ಆಪಲ್ ಇಂಟೆಲಿಜೆನ್ಸ್ ವೈಶಿಷ್ಟ್ಯಗಳನ್ನು ಸಹ ಪರಿಚಯಿಸಲಾಯಿತು. ಈ ಕಾರ್ಯಕ್ರಮವು ಸುಮಾರು ಒಂದೂವರೆ ಗಂಟೆಗಳ ಕಾಲ ನಡೆಯಿತು.
iOS 7 ರ ವಿನ್ಯಾಸದಲ್ಲಿ ಬದಲಾವಣೆ
ಬಳಕೆದಾರರ ಸುರಕ್ಷತೆ ಮತ್ತು ಗೌಪ್ಯತೆಯನ್ನು ಕಾಪಾಡಿಕೊಳ್ಳಲು ಹೊಸ AI ವೈಶಿಷ್ಟ್ಯಗಳನ್ನು ಒದಗಿಸುತ್ತಿರುವುದಾಗಿ ಕಂಪನಿ ತಿಳಿಸಿದೆ. ಆಪಲ್ ತನ್ನ iOS 7 ಬಗ್ಗೆ ಅನೇಕ ದೊಡ್ಡ ವಿಷಯಗಳನ್ನು ಹೇಳಿದೆ. iOS 7 ವಿನ್ಯಾಸದಲ್ಲಿ ದೊಡ್ಡ ಬದಲಾವಣೆಯನ್ನು ಮಾಡುವುದಾಗಿ ಕಂಪನಿ ಹೇಳಿದೆ. ಇದು ಹಲವಾರು ದಶಕಗಳಲ್ಲಿ ಸಾಫ್ಟ್‌ವೇರ್‌ನಲ್ಲಿನ ಅತಿದೊಡ್ಡ ಬದಲಾವಣೆಯಾಗಿರಬಹುದಂತೆ. ಈ ಮೂಲಕ ಆಪಲ್ ಬಳಕೆದಾರರು ಕಂಪನಿಯ ಎಲ್ಲಾ ಗ್ಯಾಜೆಟ್‌ಗಳಲ್ಲಿ ಹೊಸ ವಿನ್ಯಾಸವನ್ನು ನೋಡಲಿದ್ದಾರೆ.
iOS 26 ಬಿಡುಗಡೆ
WWDC 2025 ರಲ್ಲಿ, ಆಪಲ್ ಉತ್ಪನ್ನಗಳು OS ಆವೃತ್ತಿ 26 ಅನ್ನು ಬಳಸುತ್ತವೆ ಎಂದು ಘೋಷಿಸಿತು. ಅಂದರೆ ಐಫೋನ್‌ಗಳಿಗೆ iOS 18 ನಂತರ ನೇರವಾಗಿ iOS 26 ಅನ್ನು ಪರಿಚಯಿಸಲಾಗುತ್ತದೆ. ಈ ಹೊಸ OS ನೊಂದಿಗೆ, ಬಳಕೆದಾರರು ಕ್ಯಾಮೆರಾ ಅಪ್ಲಿಕೇಶನ್‌ನಲ್ಲಿ ದೊಡ್ಡ ಬದಲಾವಣೆಯನ್ನು ಸಹ ನೋಡುತ್ತಾರೆ ಎಂದು ಕಂಪನಿ ಹೇಳಿದೆ. ಈ ನವೀಕರಣದ ನಂತರ, ಬಳಕೆದಾರರು ಕೇವಲ ಒಂದು ಕ್ಲಿಕ್‌ನಲ್ಲಿ ಹಲವು ಆಯ್ಕೆಗಳನ್ನು ಪಡೆಯುತ್ತಾರೆ.
ಕಾಲ್ ಸ್ಕ್ರೀನಿಂಗ್ ವೈಶಿಷ್ಟ್ಯವು iOS ನಲ್ಲಿ ಲಭ್ಯ
ಆಪಲ್ ಹೊಸ ಐಒಎಸ್‌ನಲ್ಲಿ ಉತ್ತಮ ವೈಶಿಷ್ಟ್ಯವನ್ನು ತಂದಿದೆ. ಕಂಪನಿಯು ಐಒಎಸ್‌ನಲ್ಲಿ ಕಾಲ್ ಸ್ಕ್ರೀನಿಂಗ್ ವೈಶಿಷ್ಟ್ಯವನ್ನು ಸೇರಿಸಿದೆ. ಈಗ ನೀವು ಅಪರಿಚಿತ ಸಂಖ್ಯೆಯಿಂದ ಕರೆಯನ್ನು ಸ್ವೀಕರಿಸಿದರೆ, ನಿಮ್ಮ ಐಫೋನ್ ಸ್ವಯಂಚಾಲಿತವಾಗಿ ಕರೆಯನ್ನು ಸ್ವೀಕರಿಸುತ್ತದೆ ಮತ್ತು ಕರೆಯ ಕಾರಣವನ್ನು ಕೇಳುತ್ತದೆ. ಇದರ ನಂತರ, ಈ ವೈಶಿಷ್ಟ್ಯವು ಮಾಹಿತಿಯನ್ನು ಪ್ರದರ್ಶಿಸಿ ನಂತರ ನೀವು ಆ ಕರೆಯನ್ನು ಸ್ವೀಕರಿಸಬೇಕೆ ಅಥವಾ ಬೇಡವೇ ಎಂಬುದನ್ನು ನಿರ್ಧರಿಸಬಹುದು.
Tech Tips: ಲ್ಯಾಪ್‌ಟಾಪ್ ಅನ್ನು ಮಾನಿಟರ್‌ಗೆ ಸಂಪರ್ಕಿಸುವುದು ಹೇಗೆ?: ಇಲ್ಲಿದೆ ಸುಲಭ ಮಾರ್ಗ
ಸಫಾರಿ ಬ್ರೌಸರ್ಗೆ ಹೊಸ ನೋಟ
ಆಪಲ್ ಸಫಾರಿ ಬ್ರೌಸರ್ಗೆ ಪ್ರಮುಖ ನವೀಕರಣವನ್ನು ನೀಡಿದೆ. ವೆಬ್ ಪುಟಗಳು ಈಗ ಸಫಾರಿಯಲ್ಲಿ ಕೆಳ ಮೂಲೆಯಿಂದ ಮೇಲಿನ ಮೂಲೆಯವರೆಗೂ ಗೋಚರಿಸುತ್ತವೆ. ಇದು ಬಳಕೆದಾರರಿಗೆ ಸ್ಪಷ್ಟವಾಗಿ ಗೋಚರಿಸುವಂತೆ ಮಾಡುತ್ತದೆ. ಬಳಕೆದಾರರು ಈಗ ಪುಟದ ಮೇಲೆ ಟ್ಯಾಬ್ ಬಾರ್ ಅನ್ನು ನೋಡುತ್ತಾರೆ.
CarPlay ಈಗ ಎಂದಿಗಿಂತಲೂ ಸ್ಮಾರ್ಟ್ ಆಗಿದೆ
ಆಪಲ್ ಕಾರ್‌ಪ್ಲೇಗೆ ಹೊಸ ನವೀಕರಣವನ್ನು ನೀಡಿದೆ. ಕಂಪನಿಯು ಕಾರ್‌ಪ್ಲೇನಲ್ಲಿ ಲಿಕ್ವಿಡ್ ಗ್ಲಾಸ್ ವಿನ್ಯಾಸವನ್ನು ಸಹ ಒದಗಿಸಿದೆ. ಹೊಸ ನವೀಕರಣದೊಂದಿಗೆ, ಬಳಕೆದಾರರು ಚಾಲನೆ ಮಾಡುವಾಗ ಹೆಚ್ಚಿನ ನಿಯಂತ್ರಣವನ್ನು ಪಡೆಯುತ್ತಾರೆ ಮತ್ತು ವ್ಯಾಕುಲತೆ ವಿಷಯಗಳನ್ನು ಈಗ ಸಂಪೂರ್ಣವಾಗಿ ತೆಗೆದುಹಾಕಲಾಗಿದೆ.
iOS 26 ಜೊತೆಗೆ iPadOS 26, WatchOS 26, MacOS 26, tvOS 26 ಜೊತೆಗೆ VisionOS 26 ಅನ್ನು ಬಿಡುಗಡೆ ಮಾಡಲಾಯಿತು.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
