OTT platform

ಭಾರತದಲ್ಲಿ ಹಾಗೂ ವಿಶ್ವಾದ್ಯಂತ ಒಟಿಟಿ ಪ್ಲಾಟ್​ಫಾರ್ಮ್​ಗಳು ಜನಪ್ರಿಯತೆ ಪಡೆದುಕೊಂಡಿದೆ. ಲಾಕ್​ಡೌನ್​ ಬಳಿಕ ಜನರು ಒಟಿಟಿಯನ್ನು ಹೆಚ್ಚು ಬಳಸಲು ಆರಂಭಿಸಿದರು. ಸಿನಿಮಾ, ಸೀರಿಯಲ್​, ಕ್ರೀಡೆ, ಕಾಮಿಡಿ ಶೋ, ನ್ಯೂಸ್​ ಸೇರಿದಂತೆ ಅನೇಕ ಕಂಟೆಂಟ್​ಗಳನ್ನು ಬಿತ್ತರಿಸುವ ಹಲವು ಜನಪ್ರಿಯ ಆನ್‌ಲೈನ್ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳಿವೆ. ‘ನೆಟ್‌ಫ್ಲಿಕ್ಸ್ ’ ಪ್ರಪಂಚದಾದ್ಯಂತದ ವಿವಿಧ ರೀತಿಯ ಕಂಟೆಂಟ್​ ಬಿತ್ತರಿಸುವ ಮೂಲಕ ಹೆಸರುವಾಸಿಯಾಗಿದೆ. ಕೆಲವು ದೊಡ್ಡ ಸಿನಿಮಾಗಳು ಸೇರಿದಂತೆ ಜಾಗತಿಕ ಮತ್ತು ಭಾರತೀಯ ಪೇಕ್ಷಕರು ಮೆಚ್ಚುವಂತಹ ಶೋಗಳ ಪ್ರಸಾರದಿಂದ ‘ಅಮೇಜಾನ್​ ಪ್ರೈಂ ವೀಡಿಯೋ’ ಜನಮನ ಗೆದ್ದಿದೆ. ‘ಡಿಸ್ನಿ ಪ್ಲಸ್​ ಹಾಟ್‌ಸ್ಟಾರ್’ ಸಿನಿಮಾ ಜೊತೆಗೆ ಕ್ರೀಡೆಗಳ ಪ್ರಸಾರಕ್ಕೆ ಫೇಮಸ್​ ಆಗಿದೆ. ವಿವಿಧ ಭಾಷೆಗಳಲ್ಲಿ ವೈವಿಧ್ಯಮಯ ಕಂಟೆಂಟ್​ ಪ್ರದರ್ಶನ ಮಾಡುವ ಕಾರಣಕ್ಕೆ ‘ಜೀ5’ ಜನಮನ ಗೆದ್ದಿದೆ. ALTBalaji ಮತ್ತು Voot ಕೂಡ ತಮ್ಮದೇ ಆದ ಭಾರತೀಯ ಕಂಟೆಂಟ್​ಗಳ ನಿರ್ಮಾಣ ಮತ್ತು ಪ್ರಸಾರವನ್ನು ಮಾಡುತ್ತಿವೆ. SonyLIV ಒಟಿಟಿ ಕೂಡ ಭಾರತದಲ್ಲಿ ಜನಪ್ರಿಯತೆ ಪಡೆದಿದೆ. ಈ ಪ್ಲಾಟ್​ಫಾರ್ಮ್​ಗಳು ಭಾರತೀಯ ಪ್ರೇಕ್ಷಕರ ಮನರಂಜನೆಯ ದೊಡ್ಡ ಭಾಗವಾಗಿದೆ.