Viral Video: ವಾಟ್ ಝುಮ್ಕಾ ತಮಿಳು ವರ್ಷನ್; ‘ಸದ್ಯದಲ್ಲೇ ಜಾಕ್ಪಾಟ್ ಹೊಡೆಯುತ್ತೀರಿ ಮೇಡಮ್!’
Aliya Bhat : ಕಾವಾಲಾ ಹಾಡಿನೊಂದಿಗೆ ಇದೀಗ ವಾಟ್ ಝಮ್ಕಾ ಹಾಡು ಕೂಡ ಟ್ರೆಂಡ್ನಲ್ಲಿದೆ. ವಾಟ್ ಝುಮ್ಕಾ ಹಾಡಿನ ಕೆಲ ಸಾಲುಗಳನ್ನು ತಮಿಳಿಗೆ ಅನುವಾದಿಸಿ ಹಾಡಿದ್ದಾರೆ ಕಲಾವಿದೆ ಶ್ರುತಿ ಶಂಕರ್. ಇವರ ಸುಶ್ರಾವ್ಯ ಕಂಠಕ್ಕೆ, ಅನುವಾದಕ್ಕೆ ಮತ್ತು ಭಾವಾಭಿವ್ಯಕ್ತಿಗೆ ನೆಟ್ಟಿಗರು ಮಾರುಹೋಗುತ್ತಿದ್ದಾರೆ. ಈ ಹಾಡನ್ನು ಪೂರ್ತಿಯಾಗಿ ತಮಿಳಿಗೆ ಅನುವಾದಿಸಿ ಹಾಡಿ ಎನ್ನುತ್ತಿದ್ದಾರೆ.
Updated on: Aug 18, 2023 | 4:11 PM
What Jhumka : ಆಲಿಯಾ ಭಟ್ ಮತ್ತು ರಣವೀರ್ ಸಿಂಗ್ (Aliya Bhat and Ranveer Singh) ಅಭಿನಯದ ರಾಕಿ ಔರ್ ರಾಣಿ ಕೀ ಪ್ರೇಮ್ ಕಹಾನಿಯಲ್ಲಿನ ಹಾಡು ‘ವಾಟ್ ಝುಮ್ಕಾ’. ಈ ಹಾಡು ಇದೀಗ ಟ್ರೆಂಡ್ನಲ್ಲಿದೆ. ನಿನ್ನೆಯಷ್ಟೇ ವಧುವೊಬ್ಬಳು ತನ್ನ ಸ್ನೇಹಿತೆಯರೊಂದಿಗೆ ಈ ಹಾಡಿಗೆ ನರ್ತಿಸಿದ್ದನ್ನು ನೋಡಿದಿರಿ. ಇದೀಗ ಇದೇ ಹಾಡಿಗೆ ತಮಿಳು ಸಾಹಿತ್ಯವನ್ನು ಸಂಯೋಜಿಸಿ ಹಾಡಿದ್ದಾರೆ ತಮಿಳು ಕಲಾವಿದೆ ಶ್ರುತಿ ಶಂಕರ್. ಗಿಟಾರ್ ಸಾಥಿಯೊಂದಿಗೆ ಈ ಹಾಡನ್ನು ಹಾಡಿದ್ದಾರೆ. ನೆಟ್ಟಿಗರು ಇವರ ಈ ರೀಲ್ ಅನ್ನು ಮೆಚ್ಚಿಕೊಂಡಿದ್ದಾರೆ. ನಿಮ್ಮ ಈ ಆಲೋಚನೆ ಮತ್ತು ಪ್ರಸ್ತುತಿ ಅದ್ಭುತವಾಗಿದೆ ಎನ್ನುತ್ತಿದ್ದಾರೆ.
ಇದನ್ನೂ ಓದಿ : Viral: ತಾತ್ಕಾಲಿಕ ಸಂಗಾತಿಗಳ ಆಯ್ಕೆಯತ್ತ ಒಲವು ತೋರಿಸಿದ ಚೀನಾದ ಯುವಜನತೆ
ಈ ಪೋಸ್ಟ್ ಅನ್ನು ಆ. 9ರಂದು ಶ್ರುತಿ ಶಂಕರ್ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ. ಕರಣ್ ಜೋಹರ್, ಆಲಿಯಾ ಭಟ್, ರಣವೀರ್ ಸಿಂಗ್, ಸಂಯು ಮೋಹನ್ ಮತ್ತು ಪ್ರೀತಮ್ ಅವರನ್ನು ಟ್ಯಾಗ ಮಾಡಿದ್ದಾರೆ. ಈತನಕ ಈ ವಿಡಿಯೋ ಅನ್ನು 1 ಲಕ್ಷಕ್ಕಿಂತಲೂ ಹೆಚ್ಚು ಜನರು ನೋಡಿದ್ದಾರೆ. ಸಾವಿರಾರು ಜನರು ಮೆಚ್ಚಿ ಪ್ರತಿಕ್ರಿಯಿಸಿದ್ದಾರೆ.
ವಾಟ್ ಝುಮ್ಕಾ! ಶ್ರುತಿ ಶಂಕರ್ ಅವರ ತಮಿಳು ವರ್ಷನ್ ಕೇಳಿ
View this post on Instagram
ನೀವು ಮಸ್ತ್ ಹಾಡಿದ್ದೀರಿ, ಇಷ್ಟರಲ್ಲಿಯೇ ಜಾಕ್ಪಾಟ್ ಹೊಡೆಯುತ್ತೀರಿ ಎಂದಿದ್ದಾರೆ ಒಬ್ಬರು. ನಿಮ್ಮ ಈ ವರ್ಷನ್ ಅನ್ನು ಪ್ರೀತಿಸುತ್ತಿದ್ದೇನೆ ಎಂದಿದ್ದಾರೆ ಇನ್ನೊಬ್ಬರು. ಮೂಲಹಾಡಿಗಿಂತ ಈ ಹಾಡು ಚೆನ್ನಾಗಿದೆ ಎಂದಿದ್ದಾರೆ ಮತ್ತೊಬ್ಬರು. ಆಹಾ ಎಂಥ ಮಧುರ ಧ್ವನಿ ಎಂದಿದ್ದಾರೆ ಮಗದೊಬ್ಬರು. ಸಿಹಿಯಾದ ಪ್ರಸ್ತುತಿ ಎಂದಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral Video: ದಕ್ಷಿಣ ಕೊರಿಯಾದಿಂದ ಕಾವಾಲಾ ಕಾವಿನೊಂದಿಗೆ ಊ ಅಂಟಾವಾ ಮ್ಯಾಷಪ್
ಮೇಡಮ್ ದಯವಿಟ್ಟು ಈ ಹಾಡನ್ನು ಪೂರ್ತಿ ತಮಿಳು ವರ್ಷನ್ನಲ್ಲಿ ಹಾಡಿ, ನಿಮ್ಮ ಮಧುರ ಧ್ವನಿಗೆ ಶರಣಾಗಿದ್ದೇನೆ ಎಂದಿದ್ದಾರೆ ಒಬ್ಬರು. ನಿಮ್ಮ ಧ್ವನಿ, ನಿಮ್ಮ ಅನುವಾದ, ನಿಮ್ಮ ಭಾವಾಭಿವ್ಯಕ್ತಿ ಎಲ್ಲವೂ ತುಂಬಾ ಹಿಡಿಸಿತು, ನೀವೊಬ್ಬ ನಟಿಯೂ ಹೌದು ಎಂದಿದ್ದಾರೆ ಮತ್ತೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
