Viral Video: ದಕ್ಷಿಣ ಕೊರಿಯಾದಿಂದ ಕಾವಾಲಾ ಕಾವಿನೊಂದಿಗೆ ಊ ಅಂಟಾವಾ ಮ್ಯಾಷಪ್
Jailer : ಕಾವಾಲಾ ಹಾಡಿನ ಟ್ರೆಂಡ್ ದಿನೇದಿನೇ ಕಾವೇರುತ್ತಿದೆ. ಇದೀಗ ದಕ್ಷಿಣ ಕೊರಿಯಾದ ಕೆ ಪಾಪ್ ಕಲಾವಿದರು ಕಾವಾಲಾ ಮತ್ತು ಊ ಅಂಟಾವಾ ಮ್ಯಾಷಪ್ ಮಾಡಿದ್ದಾರೆ. ನೆಟ್ಟಿಗರು ಬಹುವಾಗಿ ಮೆಚ್ಚಿಕೊಂಡಿದ್ದು, ಭಾರತ ಮತ್ತು ಭಾರತೀಯ ಹಾಡುಗಳ ಬಗ್ಗೆ ಕಲಾವಿದರಿಗೆ ಇರುವ ಪ್ರೀತಿಯ ಬಗ್ಗೆ ಅಭಿಮಾನ ವ್ಯಕ್ತಪಡಿಸುತ್ತಿದ್ದಾರೆ.
Kaavaalaa : ಕಾವಾಲಾ ಹಾಡು ಭರ್ಜರಿ ಟ್ರೆಂಡ್ನಲ್ಲಿದೆ. ರಜಿನಿಕಾಂತ್ (Rajinikanth) ಅಭಿಮಾನಿ ಮತ್ತು ಜಪಾನಿನ ರಾಯಭಾರಿಯಾಗಿರುವ ಹಿರೋಷಿ ಸುಝುಕಿ ಜೈಲರ್ ಸಿನೆಮಾದ ಕಾವಾಲಾ ಹಾಡಿಗೆ ನರ್ತಿಸಿದ್ದನ್ನು ನಿನ್ನೆಯಷ್ಟೇ ನೋಡಿದ್ದಿರಿ. ಇದೀಗ ದಕ್ಷಿಣ ಕೊರಿಯಾದ ಅವೂರಾ ಎಂಬ ಕಲಾವಿದರು ಕಾವಾಲಾದೊಂದಿಗೆ ಊ ಅಂಟಾವಾ ಮಾವಾ ಹಾಡಿನ ಮ್ಯಾಷಪ್ ಮಾಡಿದ್ದಾರೆ. ಎರಡು ಭಾರತೀಯ ಸಿನೆಮಾ ಹಾಡುಗಳಿಗೆ ಈ ಕೊರಿಯನ್ ಕಲಾವಿದರು ನರ್ತಿಸಿದ ರೀತಿಯನ್ನು ನೆಟ್ಟಿಗರು ಬೆರಗಿನಿಂದ ನೋಡುತ್ತಿದ್ದಾರೆ.
ಇದನ್ನೂ ಓದಿ : Viral Video: ಸೂರತ್ನ ಹುರಿದ ಕಡಲೆಕಾಳು ಫ್ಯಾಕ್ಟರಿ; ಕಾರ್ಮಿಕರ ಮೈಕೈ ತುಂಬಾ ಕೊಳಕು ಎಂದ ನೆಟ್ಟಿಗರು
ಕೆ-ಪಾಪ್ ಕಲಾವಿದ ಅವೂರಾ ಇನ್ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿದ್ದಾರೆ. ಜೈಲರ್ನ ಕಾವಾಲಾ ಜೊತೆ ಪುಷ್ಪಾದ ಊ ಅಂಟಾವಾ ಮ್ಯಾಷಪ್ ನಿಜಕ್ಕೂ ಚೆನ್ನಾಗಿ ಸಿಂಕ್ ಆಗಿದೆ ಎನ್ನುವುದು ಅನೇಕರ ಅಭಿಪ್ರಾಯವಾಗಿದೆ. ಆ. 9 ರಂದು ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈತನಕ ಸುಮಾರು 6 ಲಕ್ಷ ಜನರು ನೋಡಿದ್ದಾರೆ. ಸುಮಾರು 97,000 ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ : Viral Video: ಮಹಾರಾಷ್ಟ್ರ; 8 ವರ್ಷದ ಬಾಲಕನ ವಿರುದ್ಧ ಅತ್ಯಾಚಾರ, ಅಟ್ರಾಸಿಟಿ, ಪೋಕ್ಸೋ ಪ್ರಕರಣ ದಾಖಲು; ನೆಟ್ಟಿಗರ ಆಕ್ರೋಶ
ಕೊರಿಯನ್ನರು ಭಾರತೀಯ ಹಾಡುಗಳಿಗೆ ನರ್ತಿಸುತ್ತಿರುವುದು ನಿಜಕ್ಕೂ ನನಗೆ ಹೆಮ್ಮೆ ಎನ್ನಿಸುತ್ತಿದೆ. ಭಾರತ ಮತ್ತು ಭಾರತೀಯ ಹಾಡುಗಳ ಬಗ್ಗೆ ಪ್ರೀತಿ ತೋರಿಸಿದ್ದಕ್ಕೆ ಧನ್ಯವಾದ ಎಂದಿದ್ದಾರೆ ಒಬ್ಬರು. ನಿಜಕ್ಕೂ ಇದು ಬಹಳ ಸುಂದರವಾಗಿ ಮೂಡಿ ಬಂದಿದೆ ಎಂದಿದ್ದಾರೆ ಇನ್ನೊಬ್ಬರು. ನಾನು ಈ ವಿಡಿಯೋ ಅನ್ನು 100ಕ್ಕೂ ಹೆಚ್ಚು ಬಾರಿ ನೋಡಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು.
ಕೇರಳದ ರೂಪದರ್ಶಿ ಪ್ರಿಯಾಂಕಾ ಶೆಣೈ ಮೆನನ್ ಈ ಹಾಡಿಗೆ ಹೆಜ್ಜೆ ಹಾಕಿದಾಗ
View this post on Instagram
ಪ್ರಿಯಾಂಕಾರ ವಿಡಿಯೋ ಅನ್ನು ಈತನಕ 3 ಮಿಲಿಯನ್ಗಿಂತಲೂ ಹೆಚ್ಚು ಜನ ಲೈಕ್ ಮಾಡಿದ್ದಾರೆ. ಇದೇ ಹಾಡಿಗೆ ಸೋನಾ ಎಂಬ ನೃತ್ಯ ಕಲಾವಿದೆ ನರ್ತಿಸಿದ್ದನ್ನು ನೆಟ್ಟಿಗರು ಬಹುವಾಗಿ ಮೆಚ್ಚಿಕೊಂಡಿದ್ದರು. ತಮನ್ನಾಳ ನೆಕ್ಸ್ಟ್ ನೀವೇ ಎಂದು ಕೊಂಡಾಡಿದ್ದರು. ಅಂತೂ ತಮನ್ನಾಳ ಈ ನೃತ್ಯ ಶಿಲ್ಪಾ ರಾವ್ ಹಾಡು ಜಗತ್ತಿನ ತುಂಬಾ ಕಿಚ್ಚು ಹಚ್ಚಿದೆ.
ಏನಂತೀರಿ ನೀವು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 2:31 pm, Fri, 18 August 23
