ನ್ಯೂಯಾರ್ಕ್​ನಲ್ಲಿ ಸ್ಟೀಲ್​ ಡಬ್ಬ ಹಿಡಿದು ಆಫೀಸಿಗೆ ತೆರಳುತ್ತಿರುವ ಮಹಿಳೆಯ ಪೋಟೋ ಹಂಚಿಕೊಂಡ ಆನಂದ ಮಹೀಂದ್ರ; ಟ್ವಿಟರ್​ ಪ್ರತಿಕ್ರಿಯೆ ಏನಿತ್ತು ನೋಡಿ

ಉದ್ಯಮಿ ಆಗಿರುವ ಆನಂದ ಮಹೀಂದ್ರಾ ಆಗಾಗ ಕುತೂಹಲ ಮೂಡಿಸುವ ಕೆಲವು ಪೋಸ್ಟ್​ಗಳನ್ನು ಟ್ವಿಟರ್​ನಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಕೆಲವು ಅಚ್ಚರಿಯ ಸಂದೇಶಗಳನ್ನು ಹೇಳುತ್ತಾ ತಮ್ಮ ಟ್ವಿಟರ್ ಹಿಂಬಾಲಕರ ಗಮನ ಸೆಳೆಯುತ್ತಿರುತ್ತಾರೆ. ನ್ಯೂಯಾರ್ಕ್​ನಲ್ಲಿ ಮಹಿಳೆಯೊಬ್ಬಳು ಸ್ಟೀಲ್ ಡಬ್ಬ ಹಿಡಿದು ಆಫೀಸ್​ಗೆ ತೆರಳುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದು, ಫುಲ್ ವೈರಲ್ ಆಗಿದೆ. ನೆಟ್ಟಿಗರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಕೆಲವರು ತಮ್ಮ ಬಾಲ್ಯದ ನೆನಪುಗಳಿವು ಎಂದು ಪ್ರತಿಕ್ರಿಯಿಸಿದ್ದಾರೆ.

ಸ್ಟೀಲ್ ಡಬ್ಬಾಗಳು ( ಬಾಕ್ಸ್) ಅಥವಾ ಟಿಫಿನ್ ಬಾಕ್ಸ್​ಗಳು ಭಾರತೀಯರ ಜೀವನೋಪಾಯದ ಒಂದು ಭಾಗವಾಗಿದೆ. ಆದರೆ ನ್ಯೂಯಾರ್ಕ್​ನಲ್ಲಿ ಮಹಿಳೆಯು ಸ್ಟೀಲ್ ಟಿಫಿನ್ ಬಾಕ್ಸ್ ಹಿಡಿದು ಆಫೀಸ್​ಗೆ ತೆರಳುತ್ತಿರುವ ದೃಶ್ಯವನ್ನು ಎಂದಾದರೂ ನೋಡಿದ್ದೀರಾ? ಇಂತಹ ಒಂದು ಅಪರೂಪದ ದೃಶ್ಯವನ್ನು ಆನಂದ ಮಹೀಂದ್ರ ಹಂಚಿಕೊಂಡಿದ್ದಾರೆ.

New York, Central Park. Dabba walli pic.twitter.com/vMZmToLbOH

— anand mahindra (@anandmahindra) August 19, 2021

ಆನಂದ್ ಮಹೀಂದ್ರ ಫೋಟೊವನ್ನು ಆಗಸ್ಟ್ 20ರಂದು ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ಆಗಿನಿಂದ 16,000 ಕ್ಕೂ ಹೆಚ್ಚು ಲೈಕ್ಸ್​ಗಳನ್ನು ಪಡೆದಿದೆ. ಜನರು ಪೋಸ್ಟ್ ನೋಡಿ ವಿಬಿಧ ಪ್ರತಿಕ್ರಿಯೆಗಳನ್ನು ಹಂಚಿಕೊಂಡಿದ್ದಾರೆ. ಕೆಲವರು ಇದೇ ರೀತಿಯ ಇನ್ನಷ್ಟು ಚಿತ್ರಗಳನ್ನೂ ಸಹ ಹಂಚಿಕೊಂಡಿದ್ದಾರೆ.

ಟಿಫಿನ್ ಡಬ್ಬಗಳ ಮೇಲಿನ ಪ್ರೀತಿ ಶಾಶ್ವತವಾದದ್ದು ಎಂದು ಓರ್ವರು ಪ್ರತಿಕ್ರಿಯೆ ನೀಡಿದ್ದಾರೆ. ಟಿಫಿನ್ ಬಾಕ್ಸ್​ನ ಒಳಗೆ ಏನಿದೆ ಎಂಬುದು ತುಂಬಾ ಕುತೂಹಲ ಹುಟ್ಟಿಸುತ್ತಿದೆ, ದಾಲ್.. ರೋಟಿ, ಬರ್ಗರ್ ಅಥವಾ ಸ್ಯಾಂಡ್​ವಿಚ್​? ಎಂದು ಮತ್ತೋರ್ವರು ಪ್ರತಿಕ್ರಿಯಿಸಿದ್ದಾರೆ. ವಿದೇಶದಲ್ಲಿ ಭಾರತದ ಜನರು ವಾಸಿಸುತ್ತಿದ್ದರೂ ಸಂಸ್ಕೃತಿ ಎಂದಿಗೂ ಬದಲಾಗುವುದಿಲ್ಲ ಎಂದು ಇನ್ನೋರ್ವರು ಅಭಿಪ್ರಾಯಪಟ್ಟಿದ್ದಾರೆ.

New York, Central Park. Dabba walli pic.twitter.com/vMZmToLbOH

— anand mahindra (@anandmahindra) August 19, 2021

ಇದನ್ನೂ ಓದಿ:

ರೋಬೋಟ್​ಗಿಂತ ವೇಗವಾಗಿ ದೋಸೆ ಮಾಡ್ತಾನೆ ಈತ! ಆನಂದ್ ಮಹೀಂದ್ರ ಹಂಚಿಕೊಂಡ ವಿಡಿಯೋ ವೈರಲ್

ಮುಂಬೈ ತಾಜ್​ ಹೋಟೆಲ್​ನಲ್ಲಿ ಒಂದು ರಾತ್ರಿ ತಂಗಲು 6 ರೂಪಾಯಿ; ಆನಂದ್ ಮಹೀಂದ್ರಾ ಟ್ವೀಟ್ ನೋಡಿದರಾ?

(Anand Mahindra post in social media women carrying steel dabba in new york)

Published On - 3:33 pm, Sun, 22 August 21