Viral Video : ಈ ಚಮ್ಮಾರಪ್ಪ ಕಾಳು ಕೊಡುತ್ತಾನೆಂದು ಈ ಹಕ್ಕಿಗಳಿಗೆ ಗೊತ್ತು
Cobbler feeds birds : ಈತ ಹೀಗೆ ಅಂಗಡಿಯನ್ನು ದಿನವೂ ಹರವಿ ಕುಳಿತುಕೊಳ್ಳುತ್ತಾನೆ. ಅವನಿಗಾಗಿ ಕಾಯುವಂತೆ ಈ ಹಕ್ಕಿಗಳು ಕುಳಿತುಕೊಳ್ಳುತ್ತವೆ. 2.2 ಮಿಲಿಯನ್ ನೆಟ್ಟಿಗರು ಈತನ ಶ್ರೀಮಂತಿಕೆಗೆ ಶರಣಾಗಿದ್ದಾರೆ.
Viral Video : ಕೊಡುತ್ತ ಹೋಗಬೇಕು, ಪಡೆಯುವುದರ ಬಗ್ಗೆ ಆಲೋಚನೆ ಇರಬಾರದು ಎನ್ನುವುದಕ್ಕೆ ಸಾಕ್ಷಿ ಈ ಚಮ್ಮಾರ. ತನ್ನ ಅಂಗಡಿಯನ್ನು ಹರವಿಕೊಂಡು ಕುಳಿತಿದ್ದಾನೆ. ಅವನು ಹಾಕುವ ಕಾಳಿಗಾಗಿ ಪಕ್ಷಿಗಳು ಸುತ್ತುವರಿದು ಕುಳಿತಿವೆ. ಕಾಳಿನ ಚೀಲವನ್ನು ಬಿಚ್ಚಿ ಇಡುತ್ತಿದ್ದಂತೆ ಎಲ್ಲ ಪಕ್ಷಿಗಳೂ ಬಂದು ಮುತ್ತುತ್ತವೆ. ಇದು ನಿತ್ಯವೂ ನಡೆಯುವಂಥ ಸುಂದರ ಪ್ರಕ್ರಿಯೆ. ಯಾರಿಗಾದರೂ ನಾವು ಏನನ್ನಾದರೂ ಕೊಡಬೇಕೆಂದರೆ, ದೊಡ್ಡ ಶ್ರೀಮಂತರಾಗಬೇಕಿಲ್ಲ ಎನ್ನುವುದಕ್ಕೆ ಈ ವಿಡಿಯೋ ಸಾಕ್ಷಿಯಾಗಿದೆ. ಈತನ ಹೃದಯವೈಶಾಲ್ಯಕ್ಕೆ ನೆಟ್ಟಿಗರು ಮನಸೋತಿದ್ದಾರೆ.
ಆಗಸ್ಟ್ 15ರಂದು ಉಮ್ಮರ್ ಹುಸೇನ್ ಎನ್ನುವ ಇನ್ಸ್ಟಾಗ್ರಾಂ ಖಾತೆದಾರರು ಈ ವಿಡಿಯೋ ಪೋಸ್ಟ್ ಮಾಡಿದ್ದಾರೆ. ಇವರೊಬ್ಬ ವಿಡಿಯೋ ಕಂಟೆಂಟರ್. ಹೃದಯದಿಂದ ಯೋಚಿಸುವಂಥ ಅನೇಕ ಸಂಗತಿಗಳುಳ್ಳ ವಿಡಿಯೋಗಳನ್ನು ಇವರು ಅಪ್ಲೋಡ್ ಮಾಡುತ್ತಾರಾದ್ದರಿಂದ ಲಕ್ಷಾಂತರ ಮಂದಿ ಇವರ ಖಾತೆಯನ್ನು ಫಾಲೋ ಮಾಡುತ್ತ ಬಂದಿದ್ದಾರೆ. ಪ್ರಸ್ತುತ ವಿಡಿಯೋ ಅನ್ನು ಈತನಕ 2.2 ಮಿಲಿಯನ್ ಜನರು ವೀಕ್ಷಿಸಿದ್ದಾರೆ. ಇನ್ನೇನು ಇದನ್ನು ಮೆಚ್ಚಿದವರ ಸಂಖ್ಯೆ ಒಂದೂವರೆ ಲಕ್ಷಕ್ಕೆ ಏರಲಿದೆ. ಈ ಚಮ್ಮಾರನ ಅಂತಃಕರಣ ನೆಟ್ಟಿಗರನ್ನು ಬಹಳ ಆಪ್ತವಾಗಿ ಹಿಡಿದಿಟ್ಟಿದೆ ಎನ್ನುವುದಕ್ಕೆ ಈ ಅಂಕಿಸಂಖ್ಯೆಗಳೂ ಕಾರಣ.
View this post on Instagram
ನಿಜಕ್ಕೂ ಈತ ಶ್ರೀಮಂತನೇ. ಇಂಥವರ ಸಂತತಿ ಹೆಚ್ಚಲಿ ಎಂದು ನೆಟ್ಟಿಗರೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ಇಂಥ ಕಾರ್ಯದಲ್ಲಿ ತೊಡಗಿಕೊಂಡಿರುವ ನೀವು ನಿಜಕ್ಕೂ ದೊಡ್ಡವರು ಎಂದು ಮತ್ತೊಬ್ಬರು ಹರ್ಷ ವ್ಯಕ್ತಪಡಿಸಿದ್ದಾರೆ.
ಹೃದಯವನ್ನು ಹಗೂರಾಗಿಟ್ಟುಕೊಳ್ಳುವುದು ನಮ್ಮ ವೈಯಕ್ತಿಕ ಆಯ್ಕೆ ಅಲ್ಲವೆ?
ಮತ್ತಷ್ಟು ವೈರಲ್ ಆದ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 12:51 pm, Tue, 13 September 22
