Viral Video : ಬೇಕಾ ನಿಮಗೂ ಇಂಥ ಸಹಾಯಕ?
Dog : ತರಬೇತಿ ಕೊಟ್ಟರೆ ಯಾವ ಪ್ರಾಣಿಯೂ ಏನನ್ನೂ ಕಲಿಯಬಲ್ಲುದು ಎನ್ನುವುದಕ್ಕೆ ಸಾಕ್ಷಿ ಇಲ್ಲಿರುವ ನಾಯಿ. ಏನೆಲ್ಲ ಕೆಲಸ ಮಾಡುತ್ತದೆ ನೋಡಿ.
Updated on:Sep 02, 2022 | 10:55 AM
Viral Video: ಮ್ಯಾಗ್ನಸ್ ಎಂಬ ನಾಯಿಯು ಪೋಷಕರ ನಿತ್ಯದ ಕೆಲಸಗಳಿಗೆ ಸಹಾಯ ಮಾಡುವ ವಿಡಿಯೋ ಅನ್ನು ಆನ್ಲೈನ್ನಲ್ಲಿ ಪೋಸ್ಟ್ ಮಾಡಿದಾಗಿನಿಂದ ನೆಟ್ಟಿಗರಿಂದ ಪ್ರೀತಿಯ ಮಳೆಯೇ ಸುರಿಯುತ್ತಿದೆ. ಇಲ್ಲಿರುವ ಈ ವಿಡಿಯೋದಲ್ಲಿ ಮ್ಯಾಗ್ನಸ್ ವಾಷಿಂಗ್ ಮಶೀನಿನೊಳಗೆ ಬಟ್ಟೆಗಳನ್ನು ಹಾಕಿ ತನ್ನ ಮೂಗಿನಿಂದ ಮಶೀನಿನ ಬಾಗಿಲನ್ನೂ ಮುಚ್ಚುತ್ತಿದೆ! ಸೂಪರ್‌ಮ್ಯಾನ್ ಪ್ರಿಂಟ್ ಇರುವ ಟೀ-ಶರ್ಟ್ ಅನ್ನು ಬಾಯಿಯಿಂದ ಎತ್ತಿಕೊಂಡು ಮಶೀನ್ಗೆ ಹಾಕುವ ಕ್ಲಿಪ್ಪಿಂಗ್ನಿಂದ ಈ ವಿಡಿಯೋ ಆರಂಭವಾಗುತ್ತದೆ. ನಂತರ ಮಡಿಚಿಟ್ಟ ಶರ್ಟ್ಗಳನ್ನು ಡ್ರಾಯರ್ಗೆ ಹಾಕಲು ಸಹಾಯ ಮಾಡುತ್ತದೆ. ಮೂರು ದಿನಗಳ ಹಿಂದೆ ಪೋಸ್ಟ್ ಮಾಡಲಾದ ಈ ವಿಡಿಯೋವನ್ನು 1.5 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ.
View this post on Instagram
‘ಮ್ಯಾಗ್ನಸ್ ನಮ್ಮ ಮನೆಗೆ ಬಂದು, ನಮ್ಮ ಸ್ಕೈ ಮತ್ತು ಕಾಪರ್ಗೆ ಒಂದೆರಡು ಕೆಲಸಗಳನ್ನು ಕಲಿಸಿಕೊಡಬಹುದೆ? ಎಂದು ನಾಯಿಯ ಪೋಷಕರೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ‘ನೀನು ಒಳ್ಳೆಯ ಹುಡುಗ!’ ಎಂದು ಬೆನ್ನು ತಟ್ಟಿದ್ದಾರೆ ಮತ್ತೊಬ್ಬರು. ನಿಮ್ಮ ಮನೆಯಲ್ಲೂ ಇಂಥ ನಾಯಿ ಬೇಕೆ? ಯೋಚಿಸಿ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 10:54 am, Fri, 2 September 22
