Viral Video: ಅಜ್ಜನನ್ನು ಹುರಿದುಂಬಿಸಲು ಈ ಪಂಜಾಬಿ ಹಾಡಿಗೆ ಕುಣಿದ ಕುಟುಂಬ
Punjabi Dance : ಅಜ್ಜ ಅನಾರೋಗ್ಯದಿಂದ ಮಲಗಿದ್ದಾನೆ. ಇಡೀ ಕುಟುಂಬ ಪಂಜಾಬಿ ಹಾಡಿಗೆ ಡ್ಯಾನ್ಸ್ ಮಾಡಿ ಅಜ್ಜನನ್ನು ಹುರಿದುಂಬಿಸುತ್ತಿದೆ. ವಿಡಿಯೋ ಈಗ ವೈರಲ್.
Updated on:Aug 24, 2022 | 12:36 PM
Dancing : ಅನಾರೋಗ್ಯದಿಂದ ಬಳಲುತ್ತಿರುವ ಅಜ್ಜನನ್ನು ಹುರಿದುಂಬಿಸಲು ಜನಪ್ರಿಯ ಪಂಜಾಬಿ ಹಾಡಿಗೆ ಇಡೀ ಕುಟುಂಬವು ನೃತ್ಯ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋ ಅನ್ನು ಐಪಿಎಸ್ ಅಧಿಕಾರಿ ಎಚ್‌ಜಿಎಸ್ ಧಲಿವಾಲ್ ಅವರು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಶೇರಿ ಮ್ಯಾನ್ ಅವರ 3 ಪೆಗ್ ಹಾಡಿಗೆ ಪೇಟಾ ಧರಿಸಿರುವ ವ್ಯಕ್ತಿಯೊಬ್ಬ ಭಾಂಗ್ರಾ ನೃತ್ಯ ಮಾಡುವುದರೊಂದಿಗೆ ಈ ಕ್ಲಿಪ್ ಪ್ರಾರಂಭವಾಗುತ್ತದೆ. ಅವನೊಂದಿಗೆ ಒಬ್ಬ ಮಹಿಳೆ, ವಯಸ್ಸಾದ ಮಹಿಳೆಯರೂ ಹೆಜ್ಜೆ ಹಾಕುತ್ತಾರೆ. ನಂತರ ಬೆಡ್ ಮೇಲೆ ಮಲಗಿರುವ ಅಜ್ಜನ ಬಳಿ ಕ್ಯಾಮೆರಾ ಫೋಕಸ್ ಆಗುತ್ತದೆ. ಆ ನಗು ನೋಡಬೇಕೆ?
Punjabi’s undying spirit! pic.twitter.com/NwWWs9DGJa
— HGS Dhaliwal (@hgsdhaliwalips) August 22, 2022
ಈ ವಿಡಿಯೋ ನೋಡಿದ ನಿಮಗೆ ವಾರದ ಮಧ್ಯದಲ್ಲಿ ಆವರಿಸಿಕೊಂಡಿರುವ ಬ್ಲ್ಯೂ ಸಂಪೂರ್ಣ ಮಾಯವಾಗುತ್ತದೆ. ಈ ವೀಡಿಯೊ 2.39 ಲಕ್ಷ ವೀಕ್ಷಣೆಗೆ ಒಳಪಟ್ಟಿದೆ. ಸಾವಿರಾರು ಪ್ರತಿಕ್ರಿಯೆ ಪಡೆದುಕೊಂಡಿದೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 12:32 pm, Wed, 24 August 22
