Trending : ಓಹೋ ನೀನೊಬ್ಬನೇ ಇಲ್ಲಿ ಮಲಗಬೇಕಾ?
Golden Retriever : ನೀನೊಬ್ಬನೇ ಯಾಕೆ? ನಾನೂ ತೂಗಿಕೊಂಡು ನಿನ್ನೊಂದಿಗೆ ಮಲಗಬೇಕು ಎಂದು ತನ್ನ ಅಪ್ಪನೊಂದಿಗೆ ಹಠ ಮಾಡಿ ಮಲಗಿದ ಈ ವಿಡಿಯೋ ಎಂಥ ಮುದ್ದು ತರುವಂತಿದೆ. 2.7 ಲಕ್ಷ ಜನರು ವೀಕ್ಷಿಸಿದ್ದಾರೆ.
Updated on:Sep 08, 2022 | 11:40 AM
Trending : ‘ನನಗೂ ನಿನ್ನಂತೆ ಆರಾಮಾಗಿ ತೂಗಿಕೊಂಡು ಮಲಗಬೇಕು ಅಪ್ಪಾ, ನನ್ನನ್ನೂ ಕರೆದುಕೋ’ ಎನ್ನುತ್ತ ಕೊನೆಗೂ ಅಪ್ಪನೊಂದಿಗೆ ಅಪ್ಪಿಕೊಂಡು ಮಲಗಿದೆ ಈ ಗೋಲ್ಡನ್ ರಿಟ್ರೈವರ್. ಈ ನಾಯಿಗಳು ಹೀಗೇ ಮುದ್ದಿನಿಂದಲೇ ನಮ್ಮನ್ನು ಮೆತ್ತಗಾಗಿಸುವಂಥವು. ಈ ಗೋಲ್ಡನ್ ರಿಟ್ರೈವರ್ ಹೆಸರು ಫಿನ್. ಗೋಲ್ಡನ್ ಕ್ಸೆನಾ ಎಂಬ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈ ಖಾತೆಯಲ್ಲಿ ಫಿನ್ಳ ಸಹೋದರನ ವಿಡಿಯೋಗಳೂ ಇವೆ. ಇವರಿಬ್ಬರ ಸಾಕಷ್ಟು ಮೋಜು, ಮಸ್ತಿ ಮತ್ತು ಸಾಹಸಮಯ ವಿಡಿಯೋಗಳನ್ನು ಇಲ್ಲಿ ನೋಡಬಹುದಾಗಿದೆ. ಪ್ರಸ್ತುತ ವಿಡಿಯೋ ಆಗಸ್ಟ್ 29ರಂದು ಪೋಸ್ಟ್ ಮಾಡಲಾಗಿದ್ದು ಸುಮಾರು 32,000 ಲೈಕ್ಗಳು ಬಂದಿವೆ. 2.7 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ವೀಕ್ಷಿಸಿದ್ದಾರೆ.
View this post on Instagram
ಈ ಅಪ್ಪ-ಮಗನ ವಿಡಿಯೋ ನೆಟ್ಟಿಗರ ಮನಸನ್ನು ಆರ್ದ್ರಗೊಳಿಸಿದೆ. ಸಾಕಷ್ಟು ಪ್ರೀತಿತುಂಬಿದ ಪ್ರತಿಕ್ರಿಯೆಗಳಿಂದ ಈ ಪೋಸ್ಟ್ ಮುಳುಗಿದೆ. ಮಕ್ಕಳಿಗೂ ಈ ಗೋಲ್ಡನ್ ರಿಟ್ರೈವರ್ ನಾಯಿಗಳಿಗೂ ಅಂಥಾ ಏನೂ ವ್ಯತ್ಯಾಸವಿಲ್ಲ. ಒಂದು ಕ್ಷಣವೂ ಪೋಷಕರನ್ನು ಇವು ಬಿಟ್ಟು ತಮ್ಮದೇ ಲೋಕದಲ್ಲಿ ಖಂಡಿತ ಇರಲಾರವು. ಅಷ್ಟು ಸಾಮಿಪ್ಯ, ಸಾನಿಧ್ಯ, ಸ್ಪರ್ಶವನ್ನು ಇವು ನಿರೀಕ್ಷಿಸುತ್ತವೆ. ತಾವೂ ಭದ್ರಭಾವ ಪಡೆದು ಸಾಕಿದವರಿಗೂ ನೆಮ್ಮದಿಯ ಕ್ಷಣಗಳನ್ನು ಇವು ರೂಪಿಸುತ್ತವೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:40 am, Thu, 8 September 22
