Viral Video: 406 ಚಿತ್ರಗಳು 26 ದಿನಗಳು; 65 ಮಿಲಿಯನ್ ಜನರು ನೋಡಿದ ಚಮ್ಮಕ್ ಚಲ್ಲೋ ಡ್ಯಾನ್ಸ್
Chammak Challo: ಅಭಿರಾಮ ಎಂಬ ಕಲಾವಿದರು 26 ದಿನಗಳಲ್ಲಿ 406 ಫ್ರೇಮ್ಗಳಲ್ಲಿ ಈ ಬೆಡಗಿಯನ್ನು ಹಿಡಿದಿಟ್ಟಿದ್ದಾರೆ. ನಂತರ ಚಮ್ಮಕ್ ಚಲ್ಲೋ ಡ್ಯಾನ್ಸ್ಗೆ ಈಕೆಯಿಂದ ಹೆಜ್ಜೆ ಹಾಕಿಸಿದ್ದಾರೆ. ಹತ್ತು ಮಿಲಿಯನ್ ಜನರು ಈ ವಿಡಿಯೋ ಲೈಕ್ ಮಾಡಿದ್ದು ಲಕ್ಷಾಂತರ ಜನರು ಕಲಾವಿದರ ಶ್ರಮ, ತಾಳ್ಮೆಯನ್ನು ಅಪಾರವಾಗಿ ಶ್ಲಾಘಿಸಿದ್ದಾರೆ. ಈ ವಿಡಿಯೋ ನೋಡಿದ ನೀವು ಏನಂತೀರಿ?
Updated on: Oct 09, 2023 | 1:37 PM
Art: ಈ ಹಾಡು ಕೇಳಿದ ಮೇಲೆ ಮತ್ತು ಈ ಕಲೆಯನ್ನು ನೋಡಿದ ಮೇಲೆ ನಿಮ್ಮಷ್ಟಕ್ಕೆ ನೀವು ಗಂಭೀರವಾಗಿರಲು ಸಾಧ್ಯವೇ ಇಲ್ಲ ಎಂದಿದ್ಧಾರೆ ಈ ವಿಡಿಯೋ ನೋಡಿದ ನೆಟ್ಟಿಗರೊಬ್ಬರು. ಕಲಾವಿದರೊಬ್ಬರು 406 ಫ್ರೇಮ್ಗಳನ್ನು 26 ದಿನಗಳ ಕಾಲ ರಚಿಸಿ ಚಿತ್ರದೊಳಗಿನ ಬೆಡಗಿ ಚಮ್ಮಕ್ ಚಲ್ಲೋ ಟ್ರ್ಯಾಕ್ಗೆ (Chammak Challo Track) ಡ್ಯಾನ್ಸ್ ಮಾಡುವಂತೆ ಮಾಡಿದ್ದಾರೆ. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದ ನೆಟ್ಟಿಗರು ಕಲಾವಿದನ ಜಾಣ್ಮೆಯನ್ನು ಶ್ಲಾಘಿಸುತ್ತಿದ್ದಾರೆ. ಚಮ್ಮಕ್ ಚಲ್ಲೋ ಹಾಡು ರಾ ಒನ್ ಸಿನೆಮಾದ್ದು. ಶಾರುಖ್ ಖಾನ್ ಮತ್ತು ಕರೀನಾ ಕಪೂರ್ ಈ ಚಿತ್ರದಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ : Viral Video: ನ್ಯೂಯಾರ್ಕ್; ಜಗತ್ತಿನ ಅತ್ಯಂತ ಶಕ್ತಿಶಾಲಿ ಕುತ್ತಿಗೆ ಹೊಂದಿದ ವ್ಯಕ್ತಿ ಇಲ್ಲಿದ್ದಾನೆ!
ಈ ವಿಡಿಯೋ ಅನ್ನು ಸೆ. 30ರಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾಗಿದ್ದು, ಈ ತನಕ 65 ಮಿಲಿಯನ್ ಜನರು ನೋಡಿದ್ದಾರೆ. 10 ಮಿಲಿಯನ್ ಜನರು ಲೈಕ್ ಮಾಡಿದ್ದಾರೆ. ಲಕ್ಷಾಂತರ ಜನರು ಕಲಾವಿದನ ಪ್ರತಿಭೆಗೆ ಶಭಾಷ್ ಹೇಳಿದ್ದಾರೆ. ಇದು ಶ್ರಮದಿಂದ ಮಾಡಿದ ಕಲೆ, ಕಲಾವಿದನ ತಾಳ್ಮೆಗೆ ಶರಣು ಎಂದಿದ್ದಾರೆ ಅನೇಕರು.
ಚಮ್ಮಕ ಚಲ್ಲೋ ಬೆಡಗಿಯನ್ನು ನೋಡಿ
View this post on Instagram
ಕಲಾವಿದ ಅಭಿರಾಮ್ ಇನ್ಸ್ಟಾಗ್ರಾಮ್ನಲ್ಲಿ ಈ ವಿಡಿಯೋ ಹಂಚಿಕೊಂಡು, ‘ಚಮ್ಮಕ್ ಚಲ್ಲೋ ಆರ್ಟಿಸ್ಟ್ ವರ್ಷನ್’ ಎಂಬ ಒಕ್ಕಣೆ ಬರೆದಿದ್ದಾರೆ. 406 ಫ್ರೇಮ್ಗಳನ್ನು 26 ದಿನಗಳಲ್ಲಿ ಮುಗಿಸಿ ನಂತರ ಈ ಸ್ಥಿರ ಚಿತ್ರಗಳಿಗೆ ಚಲನೆ ಒದಗಿಸಲಾಗಿದೆ. ಈ ವಿಡಿಯೋ ಅನ್ನು ಸೆ. 30 ರಂದು Instagram ನಲ್ಲಿ ಹಂಚಿಕೊಳ್ಳಲಾಗಿದೆ. ಅದ್ಭುತವಾದ ಕಲೆ ಇದು ಎಂದಿದ್ದಾರೆ ಒಬ್ಬರು. ಇಂದಿನ ಪ್ರಭಾವಿ ಕಲಾವಿದರ ಕಲೆಗಿಂತ ನಿಮ್ಮ ಕಲೆ ಬಹಳ ಚೆನ್ನಾಗಿದೆ ಎಂದಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral Video: ಸಾಬೂನು ತಿನ್ನುತ್ತಿರುವ ಯುವತಿ; ಹೊಟ್ಟೆಯಲ್ಲಿ ನೊರೆಗುಳ್ಳೆಗಳೆದ್ದವೋ? ಎಂದ ನೆಟ್ಟಿಗರು
ನನ್ನ ಕಣ್ಣು ನೋಯುವಷ್ಟು ಸಲ ನಾನು ಈ ವಿಡಿಯೋ ನೋಡಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು. ಎಂಥಾ ಪ್ರತಿಭೆ ಸಹೋದರ ಎಂದಿದ್ದಾರೆ ಇನ್ನೊಬ್ಬರು. ನಿಜಕ್ಕೂ ಈ ಕಲೆಯನ್ನು ನೋಡಿ ನನ್ನ ದಿನ ಸಾರ್ಥಕವಾಯಿತು ಎಂದಿದ್ದಾರೆ ಇನ್ನೂ ಒಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
