Viral Video: ಶಿಲ್ಪಾ ಶೆಟ್ಟಿಯ ಈ ಫಿಟ್ನೆಸ್ ಸವಾಲಿಗೆ ನೀವು ಸಿದ್ಧರೇ?
Shilpa Shetty Fitness: ಅನೇಕರಿಗೆ ಫಿಟ್ನೆಸ್ ಬಗ್ಗೆ ಆಸಕ್ತಿ ಹುಟ್ಟಿಸಿದ ನಟಿ ಶಿಲ್ಪಾ ಶೆಟ್ಟಿ ತನ್ನ ಫಾಲೋವರ್ಸ್ಗೆ ಇನ್ಸ್ಟಾಗ್ರಾಂನಲ್ಲಿ ಬೈಸೆಪ್ಸ್ ಮತ್ತು ರಿಸ್ಟ್ ಮೊಬಿಲಿಟಿ ಚಾಲೇಂಜ್ ಹಾಕಿದ್ದಾರೆ. ಅನೇಕರು ಈ ಸವಾಲನ್ನು ಸ್ವೀಕರಿಸಿ ಫಲಿತಾಂಶವನ್ನು ತಿಳಿಸುತ್ತಿದ್ದಾರೆ. ಕೆಲ ನೆಟ್ಟಿಗರಿಗೆ ಇದು ಸಾಧ್ಯವಾಗಿದೆ ಇನ್ನೂ ಕೆಲವರಿಗೆ ಆಗಿಲ್ಲ. ನೀವೂ ಈ ಸವಾಲಿನಲ್ಲಿ ಪಾಲ್ಗೊಳ್ಳುವಿರೇ?
Fitness: ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ (Shilpa Shetty) ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಫಿಟ್ನೆಸ್ ಸವಾಲನ್ನು ಪೋಸ್ಟ್ ಮಾಡಿದ್ದಾರೆ. ಬೈಸೆಪ್ಸ್ ಮತ್ತು ರಿಸ್ಟ್ನ ಚಲನಶೀಲತೆಯನ್ನು ಹೆಚ್ಚಿಸುವ ವ್ಯಾಯಾಮತಂತ್ರ ಇದಾಗಿದೆ. ನೀವು ಇದನ್ನು ಮಾಡಬಹುದಾ? ಎಂಬ ಸವಾಲನ್ನು ಅವರು ತಮ್ಮ ಫಾಲೋವರ್ಸ್ಗೆ ಎಸೆದಿದ್ದಾರೆ. #SSKs ಫಿಟ್ನೆಸ್ ಚಾಲೆಂಜ್: Biceps-&-wrists mobility ಅನ್ನು ಈ ವಿಡಿಯೋದಲ್ಲಿ @clubrpm ಎನ್ನುವವರಿಗೆ ಶಿಲ್ಪಾ ಸವಾಲು ಹಾಕಿದ್ದಾರೆ. ಆದರೆ ಅವರಿಗೆ ಸಾಧ್ಯವಾಗಿಲ್ಲ. ಏಕೆಂದರೆ ವೇಟ್ ಟ್ರೇನಿಂಗ್ನಲ್ಲಿರುವವರಿಗೆ ಇದು ಸಾಧ್ಯವಾಗುವುದಿಲ್ಲ.
ಇದನ್ನೂ ಓದಿ : Viral Video: 406 ಚಿತ್ರಗಳು 26 ದಿನಗಳು; 65 ಮಿಲಿಯನ್ ಜನರು ನೋಡಿದ ಚಮ್ಮಕ್ ಚಲ್ಲೋ ಡ್ಯಾನ್ಸ್
5 ಗಂಟೆಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೋ ಅನ್ನು ಈತನಕ ಸುಮಾರು 20 ಲಕ್ಷ ಜನರು ನೋಡಿದ್ದಾರೆ. 1 ಲಕ್ಷಕ್ಕಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಈ ಸವಾಲನ್ನು ಸ್ವೀಕರಿಸಿ ಬಂದ ಫಲಿತಾಂಶವನ್ನು ಹಂಚಿಕೊಂಡಿದ್ದಾರೆ.
ಶಿಲ್ಫಾ ಶೆಟ್ಟಿ ಫಿಟ್ನೆಸ್ ಸವಾಲು ಇಲ್ಲಿದೆ
View this post on Instagram
ನಿಮ್ಮ ಸವಾಲನ್ನು ಸ್ವೀಕರಿಸಿದ್ದೇನೆ, ನಾನಿದನ್ನು ಮಾಡಿದೆ ಎಂದಿದ್ಧಾರೆ ಒಬ್ಬರು. ನಾನೂ ಪ್ರಯತ್ನಿಸುತ್ತೇನೆ ಎಂದಿದ್ದಾರೆ ಇನ್ನೊಬ್ಬರು. ಅದ್ಭುತವಾಗಿದೆ ನಾನೂ ಪ್ರಯತ್ನಿಸುತ್ತೇನೆ ಎಂದಿದ್ದಾರೆ ಮತ್ತೊಬ್ಬರು. ನಾನಿದನ್ನು ಪ್ರತೀದಿನ ಮಾಡುತ್ತೇನೆ ಎಂದಿದ್ದಾರೆ ಮಗದೊಬ್ಬರು. ಹೌದು ನಾ ಮಾಡಿದೆ ಎಂದಿದ್ದಾರೆ ಇನ್ನೂ ಒಬ್ಬರು. ಅಪ್ರತಿಮ ಚೆಲುವೆ ಶಿಲ್ಪಾ ಶೆಟ್ಟಿ! ಎಂಬ ಉದ್ಗಾರ ಹೊಮ್ಮಿಸಿದ್ದಾರೆ ಅನೇಕರು.
ಇದನ್ನೂ ಓದಿ : Viral Video: ನ್ಯೂಯಾರ್ಕ್; ಜಗತ್ತಿನ ಅತ್ಯಂತ ಶಕ್ತಿಶಾಲಿ ಕುತ್ತಿಗೆ ಹೊಂದಿದ ವ್ಯಕ್ತಿ ಇಲ್ಲಿದ್ದಾನೆ!
ಸಾವಿರ ಸಲ ಪ್ರಯತ್ನಿಸಿದೆ ಸಾಧ್ಯವಾಗಲಿಲ್ಲ ಎಂದಿದ್ದಾರೆ ಒಬ್ಬರು. ನಾನಿದನ್ನು ಅತ್ಯಂತ ಆರಾಮಾಯಕವಾಗಿ ಮಾಡಿದೆ ಮೇಡಮ್ ಎಂದಿದ್ದಾರೆ ಇನ್ನೊಬ್ಬರು. ವಯಸ್ಸಾದವರು ಇದನ್ನು ಮಾಡಬೇಡಿ ಎಂದಿದ್ದಾರೆ ಮತ್ತೊಬ್ಬರು. ಬೊಜ್ಜು ಇಳಿಸಿಕೊಳ್ಳಲು ಏನಾದರೂ ಸಲಹೆ ನೀಡಿ ಎಂದಿದ್ದಾರೆ ಮತ್ತೊಬ್ಬರು. ಅನೇಕರು ನೀವು ನಮ್ಮ ಫಿಟ್ನೆಸ್ ಸ್ಫೂರ್ತಿ ಎಂದಿದ್ದಾರೆ. ನಿಮ್ಮ ವಿಡಿಯೋಗಳನ್ನು ನೋಡಿಯೇ ನಾನು ಫಿಟ್ನೆಸ್ನಲ್ಲಿ ಆಸಕ್ತಿ ಪಡೆದುಕೊಂಡೆ ಎಂದಿದ್ದಾರೆ ಕೆಲವರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
