Viral: ಯಾಕಾದರೂ ಮುಳ್ಳುಹಂದಿ ನುಂಗಿದೇನೋ ಎಂದು ಪಶ್ಚಾತ್ತಾಪ ಪಟ್ಟ ಇಸ್ರೇಲಿ ಹಾವು, ಮುಂದೆ?
Porcupine : ಹಸಿವಿನಿಂದ ಕಂಗೆಟ್ಟ ಹಾವೊಂದು ಎದುರಿಗೆ ಸಿಕ್ಕ ಮುಳ್ಳುಹಂದಿಯನ್ನು ಗಬಕ್ಕನೆ ನುಂಗಿದೆ. ಕೊನೆಗೆ ನುಂಗಿದ ಹಂದಿಯನ್ನು ಉಗುಳಿದರೆ ಮಾತ್ರ ತಾನು ಬದುಕುವುದು ಎನ್ನುವುದು ಅದಕ್ಕೆ ಅರಿವಾಗಿದೆ. ಆದರೆ ಹಂದಿಯ ಮುಳ್ಳುಗಳು ಹಾವಿನ ಒಳಶರೀರದಲ್ಲಿ ತೂರಿಕೊಂಡುಬಿಟ್ಟಿವೆ. ಕೊನೆಯಲ್ಲಿ ಎರಡೂ ಪ್ರಾಣಿಗಳು ಜೀವ ಕಳೆದುಕೊಂಡಿವೆ.
Updated on:Aug 09, 2023 | 6:01 PM
Israel : ಇಸ್ರೇಲ್ನ ಶೋಹಮ್ನಲ್ಲಿ ಒಬ್ಬರು ತಮ್ಮ ನಾಯಿಯೊಂದಿಗೆ ಡಾಗ್ ಪಾರ್ಕ್ಗೆ (Dog Park) ಹೋಗಿದ್ದರು. ಅಲ್ಲಿ ಬೃಹತ್ ಗಾತ್ರದ ಹಾವೊಂದನ್ನು ಕಂಡರು. ಆ ಹಾವು ಮುಳ್ಳುಹಂದಿಯನ್ನು ನುಂಗಿ ಮಿಸುಕಾಡದಂತೆ ಮಲಗಿತ್ತು. ನಂತರ ನೇಚರ್ ಅಂಡ್ ಪಾರ್ಕ್ಸ್ ಅಥಾರಿಟಿಯ ಸರೀಸೃಪ ಪರಿಸರಶಾಸ್ತ್ರಜ್ಞ ಏವಿಯಾಡ್ ಬಾರ್ಗೆ ಸುದ್ದಿ ಮುಟ್ಟಿಸಿದರು. ನಂತರ ಅವರು ಈ ಉದ್ಯಾನಕ್ಕೆ ಭೇಟಿ ನೀಡಿದರು. ಇದು ವಿಷರಹಿತ ಕಪ್ಪು ಚಾವಟಿ ಹಾವು ಎಂದು ಏವಿಯಾಡ್ ಗುರುತಿಸಿದರು. ಅಲ್ಲದೆ ಈ ಹಾವು ಮುಳ್ಳುಹಂದಿಯನ್ನು ತಿನ್ನಲು ಪ್ರಯತ್ನಿಸಿದೆ ಎಂಬ ವಿಷಯವನ್ನು ತಿಳಿಸಿದರು.
ಇದನ್ನೂ ಓದಿ : Viral Video: ಸಂಗೀತಪ್ರೇಮಿ ಮಂಗಗಳ ಸಂಗದಲ್ಲಿ ಹೀಗೊಬ್ಬ ಪಿಯಾನೋಸಂತ
‘ಹಾವು ಮುಳ್ಳುಹಂದಿಯನ್ನು ತಿನ್ನಲು ಪ್ರಯತ್ನಿಸಿದೆ ನಿಜ. ಆದರೆ ಅದು ಕಷ್ಟವೆನ್ನಿಸಿದಾಗ ಹಾವು ಮುಳ್ಳುಹಂದಿಯನ್ನು ಉಗುಳಲು ಪ್ರಯತ್ನಿಸಿದೆ. ಆದರೆ ಹಂದಿಯ ಮುಳ್ಳುಗಳು ಈ ಉಗುಳುವಿಕೆಗೆ ಆಸ್ಪದ ಕೊಟ್ಟಿಲ್ಲ. ಹಾವಿನ ಒಳಶರೀರದೊಳಗೇ ತಟಸ್ಥವಾಗಿವೆ. ಕೊನೆಗೆ ಹಾವು ಮತ್ತು ಮುಳ್ಳುಹಂದಿ ಉಸಿರುಗಟ್ಟಿ ಪರಸ್ಪರ ಉಸಿರುಗಟ್ಟಿ ಪ್ರಾಣ ಕಳೆದುಕೊಂಡಿವೆ ಎಂದು ಊಹಿಸಬಹುದು’ ಎಂದು ಏವಿಯಾಡ್ ಬಾರ್ ಹೇಳಿದ್ದಾರೆಂದು ಜೆರುಸಲೆಮ್ ಪೋಸ್ಟ್ ಉಲ್ಲೇಖಿಸಿದೆ.
ಇದನ್ನೂ ಓದಿ : Viral Video: ಇದು ಮಸಾಲೆ ಸುದ್ದಿ; ಇಂದೇ ನೋಡಿ ಈ ‘ಏಲಕ್ಕಿ ಮಹಾತ್ಮೆ’
ನೇಚರ್ ಅಂಡ್ ಪಾರ್ಕ್ಸ್ ಅಥಾರಿಟಿ ಪ್ರಕಾರ, ಕಪ್ಪು ಚಾವಟಿ ಹಾವು ಇಸ್ರೇಲ್ನಲ್ಲಿ ಸಾಮಾನ್ಯವಾಗಿ ಕಂಡುಬರುವ ಹಾವು. ಇದು ಅತೀ ಉದ್ದದ ವಿಷರಹಿತ ಸರೀಸೃಪವೂ ಹೌದು. ಇಲ್ಲಿ ಇಲಿ ಹೆಗ್ಗಣಗಳ ಸಂತತಿ ನಿಯಂತ್ರಣಕ್ಕೆ ಈ ಹಾವು ಸಹಕಾರಿಯಾಗಿದೆ. ಅಲ್ಲದೆ ಇಸ್ರೇಲ್ನಲ್ಲಿ ಸುಮಾರು 41 ಜಾತಿಯ ಹಾವುಗಳು ಜೀವಿಸುತ್ತಿವೆ. ಹೆಚ್ಚಿನವು ವಿಷರಹಿತವಾಗಿವೆ. ಹೀಗಾಗಿ ಮನುಷ್ಯರಿಗೆ ಇವುಗಳಿಂದ ತೊಂದರೆಯಾಗಲಾರದು.
ಇದನ್ನೂ ಓದಿ : Viral: ‘ಭಯ ಒಳ್ಳೆಯದು’; ಸುನೀಲ್ ಶೆಟ್ಟಿ ಲಿಂಕ್ಡ್ಇನ್ ಪೋಸ್ಟ್ ವೈರಲ್
ಆದರೆ ಒಂಬತ್ತು ಜಾತಿಯ ಹಾವುಗಳು ಮಾತ್ರ ವಿಷಕಾರಿಯಾಗಿವೆ. ಈ ವಿಷಪೂರಿತ ಹಾವುಗಳು ಬೇಟೆಯಾಡಲು ಮತ್ತು ತಮ್ಮನ್ನು ರಕ್ಷಿಸಿಕೊಳ್ಳಲು ಮಾತ್ರ ತಮ್ಮ ವಿಷವನ್ನು ಬಳಸಿಕೊಳ್ಳುತ್ತವೆ. ಆದರೆ ವಿಷರಹಿತ ಹಾವುಗಳು ತಮ್ಮ ಬೇಟೆಯನ್ನು ಸಂಪೂರ್ಣವಾಗಿ ನುಂಗುತ್ತವೆ ಅಥವಾ ಅವುಗಳನ್ನು ಹಿಸುಕಿ ಸಾಯಿಸುತ್ತವೆ.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 6:00 pm, Wed, 9 August 23
