Viral: ಬಾತ್ರೂಮ್ಗೆ ಹೋಗುವಾಗಲೂ ಉದ್ಯೋಗಿಗಳು ಸೈನ್ಔಟ್ ಮಾಡಬೇಕೆನ್ನುತ್ತಿರುವ ಮೇಲಧಿಕಾರಿ
Harassing Employee : ಶೌಚಾಲಯ ಮತ್ತು ಊಟದ ವಿರಾಮಗಳಿಗೂ ಸೈನೌಟ್ ಮಾಡಬೇಕೆಂದು ಹೊಸ ಮೇಲಧಿಕಾರಿಯು ಹೇಳುತ್ತಿದ್ದಾರೆ. ಇಲ್ಲವಾದಲ್ಲಿ ಕ್ರಮ ಕೈಗೊಳ್ಳುವುದಾಗಿ ಬೆದರಿಕೆ ನೀಡುತ್ತಿದ್ದಾರೆ, ಕೆಲಸವನ್ನು ತೊರೆಯಲೇ? ಆದರೆ ನನಗೆ ಮನಸ್ಸಿಲ್ಲ ಎನ್ನುತ್ತಿದ್ದಾರೆ ರೆಡ್ಡಿಟ್ ಖಾತೆದಾರರೊಬ್ಬರು. ಈ ವಿಷಯವಾಗಿ ನೆಟ್ಟಿಗರು ಮೇಲಧಿಕಾರಿಯ ನಡೆಗೆ ಕಾರಣವನ್ನೂ ವಿವರಿಸಿದ್ದಾರೆ ಮತ್ತು ಸಲಹೆಗಳನ್ನೂ ನೀಡಿದ್ದಾರೆ.
Office : ‘ನಾನು 18 ವರ್ಷಗಳಿಂದ ಈ ಕಂಪೆನಿಯಲ್ಲಿ ಕೆಲಸ ಮಾಡುತ್ತಿದ್ದೇನೆ. ನನ್ನ ಟೀಮ್ನಲ್ಲಿ ಉತ್ತಮವಾಗಿ ಕಾರ್ಯ ನಿರ್ವಹಿಸುವ ಹಿರಿಯ ಉದ್ಯೋಗಿಯೂ ಆಗಿದ್ದೇನೆ. ಆದರೆ ಇದೀಗ ಹೊಸ ಮೇಲಧಿಕಾರಿಯು (Boss) ಬಂದಾಗಿನಿಂದ ಶೌಚಾಲಯ ಮತ್ತು ಊಟದ ವಿರಾಮಕ್ಕೂ ನಮ್ಮಿಂದ ಸೈನ್ಔಟ್ ಮಾಡಬೇಕೆಂದು ನಿರೀಕ್ಷಿಸುತ್ತಿದ್ದಾರೆ. ಅಂದರೆ ಸದಾಕಾಲ ನಾವು ಎಲ್ಲಿದ್ದೇವೆ ಏನು ಮಾಡುತ್ತಿದ್ದೇವೆ ಎನ್ನುವುದನ್ನು ಅವರು ತಿಳಿದುಕೊಳ್ಳಲು ಬಯಸುತ್ತಿದ್ದಾರೆ. ಆದರೆ ಅವರ ಈ ಅನವಶ್ಯಕ ನಿಯಮವನ್ನು ನಾನು ನಿರಾಕರಿಸಿದ್ದೇನೆ. ಈ ಕುರಿತು ಕ್ರಮ ಕೈಗೊಳ್ಳುವುದಾಗಿ ಬೆದರಿಕೆ ಹಾಕುತ್ತಿದ್ದಾರೆ’ ಎಂದು ರೆಡ್ಡಿಟ್ನಲ್ಲಿ ಈ ವ್ಯಕ್ತಿ ಪೋಸ್ಟ್ ಮಾಡಿದ್ದಾರೆ.
ಇದನ್ನೂ ಓದಿ : Viral Video: ‘ಯಾರು ನ್ಯೂಸ್ ನೋಡುತ್ತಿದ್ದಾರೆಂದು ನೆನಪಿಸಬಹುದೆ?’ ಆ್ಯಂಕರ್ ಲೈವ್ನಲ್ಲಿ ತಡವರಿಸಿದ ಆ ಕ್ಷಣಗಳು
ಮುಂದುವರಿದ ಅವರು, ‘ಪತ್ರ ನನಗೀಗ ವಯಸ್ಸು 40. ನಾನೀಗ ಅವರ ಚೇಂಬರಿನೆದುರು ಕೂಡ ಓಡಾಡುತ್ತಿಲ್ಲ. ಆದರೆ ಶೌಚಾಲಯಕ್ಕೆ ಹೋಗುವಾಗ ಸಿಗ್ನಲ್ ಸೆಟ್ ಮಾಡಿ ಹೋಗುತ್ತೇನೆ. ಇನ್ನು ಊಟದ ವಿರಾಮ 30ನಿಮಿಷ ತೆಗೆದುಕೊಳ್ಳುತ್ತೇನೆ. ಈ ವಿರಾಮ ಸಮಯದಲ್ಲಿ ನಾನು ಸೈನ್ಔಟ್ ಆಗದೇ ಇರುವ ಕಾರಣ ಅಸಹಕಾರ ಮತ್ತು ಸೂಚನೆಗಳನ್ನು ಅನುಸರಿಸುವಲ್ಲಿ ವಿಫಲನಾಗಿದ್ದೇನೆ ಎಂಬ ಕಾರಣ ನೀಡಿ ಕ್ರಮ ಕೈಗೊಳ್ಳುವುದಾಗಿ ಹೇಳುತ್ತಿದ್ದಾರೆ.’ ಎಂದಿದ್ದಾರೆ.
ರೆಡ್ಡಿಟ್ನಲ್ಲಿಯ ಈ ಪೋಸ್ಟ್
My new boss wants us to sign out anytime we go to bathroom or take lunch. I refuse to do so and have been threatened to be written up. What do I do? by u/Maleficent_Ad7033 in antiwork
‘ಈ ಕಾರಣದಿಂದಾಗಿ ಕೆಲಸವನ್ನೇ ತೊರೆಯುವ ಬಗ್ಗೆ ಯೋಚಿಸುತ್ತಿದ್ದೇನೆ. ಆದರೆ ಡಿಸೈನ್ ಎಂಜಿನಿಯರಿಂಗ್ ನನ್ನ ಆಸಕ್ತಿಕರ ಕ್ಷೇತ್ರ ಹೆಚ್ಚಿನದನ್ನು ಸಾಧಿಸಲು ಇಷ್ಟಪಡುತ್ತೇನೆ, ಈಗಾಗಲೇ ಸಾಕಷ್ಟು ಪ್ರಯೋಜನಗಳನ್ನು ಪಡೆದುಕೊಂಡಿದ್ದೇನೆ. ಹಾಗಾಗಿ ಎಚ್ಆರ್ ಬಳಿ ಮಾತನಾಡಬೇಕು ಎಂದುಕೊಂಡಿದ್ದೇನೆ. ಈ ವಿಷಯವಾಗಿ ನೀವು ಏನು ಸಲಹೆ ನೀಡುತ್ತೀರಿ?’ ಎಂದು ನೆಟ್ಟಿಗರಲ್ಲಿ ಕೇಳಿದ್ದಾರೆ.
ಇದನ್ನೂ ಓದಿ : Viral Video: 13 ಗಂಟೆಗಳಲ್ಲಿ 73 ಕಿಮೀ ನಡೆದು ಬೆಂಗಳೂರಿನಲ್ಲಿ ‘ಭಾರತದ ನಕ್ಷೆ’ ಗುರುತಿಸಿದ ಈ ವ್ಯಕ್ತಿ
ಈ ತನಕ ಸುಮಾರು 22,000 ಜನರು ಈ ಪೋಸ್ಟ್ ಅನ್ನು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಇವರಿಗೆ ತಮ್ಮ ಅಭಿಪ್ರಾಯ ಮತ್ತು ಸಲಹೆಗಳನ್ನು ನೀಡಿದ್ದಾರೆ. ನೀವು 18 ವರ್ಷಗಳಿಂದ ಈ ಕಂಪೆನಿಯಲ್ಲಿಯೇ ಕೆಲಸ ಮಾಡುತ್ತಿದ್ದೀರಿ. ಅಂದರೆ ಹೆಚ್ಚು ಸಂಬಳ ಪಡೆಯುವವರಲ್ಲಿ ಒಬ್ಬರಾಗಿದ್ದೀರಿ. ಕಂಪೆನಿಯ ಲಾಭ ಲೆಕ್ಕಾಚಾರದ ಹಿನ್ನೆಲೆಯಲ್ಲಿ ನಿಮ್ಮನ್ನು ಕೆಲಸದಿಂದ ತೆಗೆಯುವುದು ಅವರ ಆಲೋಚನೆಯಾಗಿರಬಹುದು ಎಂದಿದ್ದಾರೆ ಒಬ್ಬರು.
ಇದನ್ನೂ ಓದಿ : Viral: ಬೆಂಗಳೂರು; ನಾಯಿಮಾಂಸ ಕಾನೂನುಬದ್ಧಗೊಳಿಸಿ; ಭಿತ್ತಿಫಲಕ ಹಿಡಿದ ಯುವಕನ ವಿರುದ್ಧ ನೆಟ್ಟಿಗರ ಆಕ್ರೋಶ
ಎಚ್ಆರ್ ಪಾಲಿಸಿಗೂ ನಿಮ್ಮ ಮೇಲಧಿಕಾರಿಯ ಈ ಹೊಸ ನಿಯಮಗಳಿಗೂ ಸಂಬಂಧವೇ ಇಲ್ಲ. ಬೇರೆ ಕಂಪೆನಿಯಲ್ಲಿ ಕೆಲಸ ಹುಡುಕಿಕೊಳ್ಳುವುದು ಸೂಕ್ತ, ಸಾಮಾನ್ಯವಾಗಿ ಮೇಲಧಿಕಾರಿಯು ಎಚ್ಆರ್ನೊಂದಿಗೆ ಚರ್ಚಿಸಿಯೇ ಮತ್ತು ತಮ್ಮ ಕಾರ್ಯರೂಪಯೋಜನೆಗೆ ಪೂರಕವಾಗಿ ಇಂಥ ನಿಯಂತ್ರಣಾ ತಂತ್ರವನ್ನು ರೂಪಿಸಿರುತ್ತಾರೆ ಎಂದಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral Video: ಕಾನ್ಫಿಡೆನ್ಸ್ ಈಸ್ ಸೆಕ್ಸಿ; ಮಾಡೆಲಿಂಗ್ ಕ್ಷೇತ್ರಕ್ಕೆ ಈಕೆ ಕಾಲಿಟ್ಟಾಗ ವಯಸ್ಸು 50!
ಬಾತ್ರೂಮ್ ಬ್ರೇಕ್, ಲಂಚ್ ಬ್ರೇಕ್, ಕಾಫೀ ಬ್ರೇಕ್ ಅನ್ನು ನಿಯಂತ್ರಿಸುವುದರಿಂದ ಉದ್ಯೋಗಿಗಳಿಂದ ಪರಿಣಾಮಕಾರಿಯಾಗಿ ಕೆಲಸವನ್ನು ಮಾಡಿಸಲು ಸಾಧ್ಯ ಎಂದು ನಿಮ್ಮ ಮೇಲಧಿಕಾರಿ ತಿಳಿದುಕೊಂಡಿದ್ದರೆ ಅದು ಶುದ್ಧ ಮೂರ್ಖತನ. ಇದು ಅವರ ಅಸಾಮರ್ಥ್ಯವನ್ನು ತೋರಿಸುತ್ತದೆ. ಆಗ ಅಸಹಾಯಕತೆಯಿಂದ ಅವರು ವಿನಾಕಾರಣ ನಿಯಂತ್ರಿಸಲು ಶುರುಮಾಡುತ್ತಾರೆ ಎಂದು ಹೇಳಿದ್ದಾರೆ ಮತ್ತೊಬ್ಬರು.
ಈ ವಿಡಿಯವಾಗಿ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:52 am, Thu, 24 August 23
