Viral Video: ‘ನನಗೆ ಡಿಸ್ಕೌಂಟ್ ಕೊಡಬಹುದೆ?’ ಕ್ಯಾಬ್ ಡ್ರೈವರ್ ಲೆನ್ಸ್ಕಾರ್ಟ್ ಉದ್ಯೋಗಿಗೆ ಕೇಳುತ್ತಾನೆ, ಮುಂದೇನಾಗುತ್ತದೆ ನೋಡಿ
Lenskart : ಈ ಕ್ಯಾಬ್ ಡ್ರೈವರ್ ಕೋಪಿಸಿಕೊಳ್ಳುವುದಿಲ್ಲ. ಫೋನ್ನಲ್ಲಿ ಜೋರಾಗಿ ಮಾತನಾಡುವುದಿಲ್ಲ. ಅನಗತ್ಯವಾಗಿ ನಿಮ್ಮ ವೈಯಕ್ತಿಕ ಕೇಳುವುದಿಲ್ಲ. ತನ್ನ ಪಾಡಿಗೆ ತಾ ಇರುವುದಿಲ್ಲ; ಇವನೊಬ್ಬ ಗ್ರಾಹಕಸ್ನೇಹಿ ಡ್ರೈವರ್. ತನ್ನ ಗ್ರಾಹಕರೊಂದಿಗೆ ಮಾತಿಗಳಿದು ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡುತ್ತಾನೆ. ಹಾಗಿದ್ದರೆ ಇವನ ಈ ವಿಡಿಯೋದ ವೈಶಿಷ್ಟ್ಯ ಏನು?
Cab Driver: ಗ್ರಾಹಕಿ ತನ್ನ ಕ್ಯಾಬ್ ಏರಿ ಕುಳಿತುಕೊಳ್ಳುತ್ತಿದ್ದಂತೆ ಕ್ಯಾಬ್ ಡ್ರೈವರ್ ಗುಡ್ ಮಾರ್ನಿಂಗ್ ಮ್ಯಾಡಮ್, ನಿಮ್ಮ ಪರ್ಫ್ಯೂಮ್ ಗಾಢವಾಗಿದೆ ಎಂದು ಸಹಜವಾಗಿ ಮಾತಿಗಿಳಿಯುತ್ತಾನೆ. ತಾನು ಇನ್ಸ್ಟಾಗ್ರಾಂ ಮತ್ತು ಯೂಟ್ಯೂಬ್ ಚಾನೆಲ್ ಹೊಂದಿದ್ದೇನೆ. ನನ್ನ ಗ್ರಾಹಕರೊಂದಿಗೆ ನಾನು ಸಹಜವಾಗಿ ನಡೆಸುವ ಸಂಭಾಷಣೆಯನ್ನು ರೆಕಾರ್ಡ್ ಮಾಡಿ ಅಪ್ಲೋಡ್ ಮಾಡುತ್ತೇನೆ. ನಿಮಗೇನು ಅಭ್ಯಂತರವಿಲ್ಲ ತಾನೆ? ಎನ್ನುತ್ತಾನೆ. ಖಂಡಿತ ಇಲ್ಲ, ಈ ಹೊಸರೀತಿ ತುಂಬಾ ಆಸಕ್ತಿದಾಯಕವಾಗಿದೆ, ನೋಡುಗರಿಗೆ ಇದು ಸ್ಫೂರ್ತಿಯನ್ನೂ ಕೊಡುತ್ತದೆ ಎನ್ನುತ್ತಾಳೆ. ಹಾಗೆಂದು ಇದಕ್ಕಾಗಿ ನಾನೇನು ಪ್ರಶ್ನೆಪತ್ರಿಕೆ ತಯಾರಿ ಮಾಡಿಕೊಳ್ಳುವುದಿಲ್ಲ ಹಾಗೇ ಸುಮ್ಮನೇ ಮಾತಮಾತಲ್ಲಿ ಎನ್ನುತ್ತಾನೆ. ನೀವು ಎಲ್ಲಿ ಕೆಲಸ ಮಾಡುತ್ತೀರಿ ಎಂದು ಕೇಳುತ್ತಾನೆ. ಲೆನ್ಸ್ಕಾರ್ಟ್ (Lenscart) ಎನ್ನುತ್ತಾಳೆ ಆಕೆ. ಹಾಗಾದರೆ ನನಗೆ ಡಿಸ್ಕೌಂಟ್ ಕೊಡಿಸಬಹುದಾ? ಎಂದು ಕೇಳುತ್ತಾನೆ ಆತ.
ಇದನ್ನೂ ಓದಿ : Viral Optical Illusion: ಈ ಚಿತ್ರದಲ್ಲಿ ಆಮೆಗಳು ಕಾಣುತ್ತಿವೆಯೋ, ಕ್ರಿಕೆಟ್ ಪಟುವೋ?
ಅಂಗಕಿತ್ ಜೋಶಿ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ಅಪ್ಲೋಡ್ ಮಾಡಿದ್ದಾರೆ. ‘ಹಾಂ ಖಂಡಿತ, ನನ್ನ ಬಳಿ ಒಂದಿಷ್ಟು ಸ್ಯಾಂಪಲ್ಸ್ ಇವೆ’ ಎಂದು ಆಕೆ ಹೇಳಿದಾಗ ಕ್ಯಾಬ್ ಡ್ರೈವರ್ ಜೋಶಿ ಅಚ್ಚರಿಯಿಂದ ಧನ್ಯವಾದ ಹೇಳುತ್ತಾನೆ. ಮುಂದೇನಾಗುತ್ತದೆ ಎಂದು ಈ ವಿಡಿಯೋದಲ್ಲಿಯೇ ನೋಡಿ.
ಅಂಗಕಿತ್ ಜೋಶಿಯೊಂದಿಗೆ ಲೆನ್ಸ್ಕಾರ್ಟ್ ಉದ್ಯೋಗಿ
View this post on Instagram
ಈ ಪೋಸ್ಟ್ ಅನ್ನು ಸೆ. 22 ರಂದು ಹಂಚಿಕೊಳ್ಳಲಾಗಿದೆ. ಈತನಕ 4.7 ಲಕ್ಷಕ್ಕಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಇವರಿಬ್ಬರ ವಿನಯವಂತಿಕೆ ಉನ್ನತ ಮಟ್ಟದಲ್ಲಿದೆ ಎಂದಿದ್ದಾರೆ ಒಬ್ಬರು. ಇಂಥ ಸಂಗತಿಗಳನ್ನು ನೋಡಲು ನನಗೆ ಬಹಳ ಖುಷಿ ಎನ್ನಿಸುತ್ತದೆ ಎಂದಿದ್ದಾರೆ ಇನ್ನೊಬ್ಬರು. ಆಕೆ ತುಂಬಾ ಸೌಜನ್ಯಯುತವಾಗಿ ನಡೆದುಕೊಂಡಿದ್ದಾರೆ ಎಂದಿದ್ದಾರೆ ಮತ್ತೊಬ್ಬರು. ಇಂಥ ವಿಷಯಗಳು ನಮಗೆ ಇಂದು ಬೇಕು ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ಮಗುವಿನ ಚಪ್ಪಲಿಯನ್ನು ವಾಪಾಸು ಕೊಟ್ಟ ಆನೆಯ ಹಳೆಯ ವಿಡಿಯೋ ವೈರಲ್
ಡ್ರೈವರ್ ಕಾನ್ಸೆಪ್ಟ್ ಹೊಸದಾಗಿದೆ. ಅವರ ವಿನಮ್ರ ಸ್ವಭಾವ ಮತ್ತು ಪ್ರಾಮಾಣಿಕತೆಯಿಂದ ನಾನು ಪ್ರಭಾವಿತನಾದೆ ಎಂದಿದ್ದಾರೆ ಒಬ್ಬರು. ಇದು ಎಷ್ಟೊಂದು ಸುಂದರ ಮತ್ತು ಗೌರವಾನ್ವಿತ ಸಂಭಾಷಣೆ ಎಂದಿದ್ದಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 12:42 pm, Sat, 30 September 23
