ಮೇಕೆಮರಿಗಳ ಹುಟ್ಟುಹಬ್ಬ; ‘ನಮಗೆ ಮಕ್ಕಳಿಲ್ಲ, ಇವರೇ ನಮಗೆ ಎಲ್ಲ’
Birthday Of Their Goat Kids : ‘ಕುಬೇರ್, ಲಕ್ಷ್ಮೀ ಎಂದು ನಾಮಕರಣ ಮಾಡಿದ್ದೇವೆ. ಇವರಿಬ್ಬರನ್ನೂ ಆಗಾಗ ರಿಕ್ಷಾದಲ್ಲಿ ವಿಹಾರಕ್ಕಾಗಿ ಕರೆದೊಯ್ಯುತ್ತೇವೆ’ ರಾಜಾ. ಹುಟ್ಟುಹಬ್ಬದಲ್ಲಿ ಏರ್ಪಡಿಸಿದ್ದ ಡಿಜೆ ಪಾರ್ಟಿ ವಿಡಿಯೋ ನೋಡಿ.
Updated on:Nov 09, 2022 | 4:39 PM
Viral : ಉತ್ತರಪ್ರದೇಶದ ಬಾಂದಾದಲ್ಲಿ ದಂಪತಿ ಇತ್ತೀಚೆಗೆ ತಮ್ಮ ಮೇಕೆ ಮರಿಗಳ ಹುಟ್ಟುಹಬ್ಬವನ್ನು ಭರ್ಜರಿಯಾಗಿ ಆಚರಿಸಿದ್ದಾರೆ. ಕಾನ್ಶೀರಾಮ್ ಕಾಲೋನಿಯಲ್ಲಿ ವಾಸಿಸುತ್ತಿರುವ ಈ ದಂಪತಿ ತಮ್ಮ ಸಂಬಂಧಿಕರು, ಬಂಧು ಬಳಗದವರು ಮತ್ತು ಸ್ನೇಹಿತರನ್ನು ಆಹ್ವಾನಿಸಿ ಕೇಕ್ ಕತ್ತರಿಸಿ ಈ ಹುಟ್ಟುಹಬ್ಬವನ್ನು ಯಶಸ್ವಿಗೊಳಿಸಿದ್ದಾರೆ. ಇಷ್ಟೇ ಅಲ್ಲ, ಕೇಕ್ ಕತ್ತರಿಸಿದ ನಂತರ ಡಿಜೆಗೂ ವ್ಯವಸ್ಥೆ ಮಾಡಿದ್ದರು. ಈ ಪಾರ್ಟಿಯ ವಿಡಿಯೋ ಇದೀಗ ವೈರಲ್ ಆಗಿದೆ.
ಅನೇಕ ವರ್ಷಗಳಿಂದ ಈ ದಂಪತಿಗೆ ಮಕ್ಕಳಿಲ್ಲ. ಹಾಗಾಗಿ ಒಂದು ಮೇಕೆಯನ್ನು ಸಾಕಿಕೊಂಡರು. ಅದು ಎರಡು ಮರಿಗಳಿಗೆ ಜನ್ಮ ನೀಡಿತು. ಆಗ ಹೇಗಾದರೂ ಇದನ್ನು ಸಂಭ್ರಮಿಸಬೇಕು ಎಂದು ಉದ್ದೇಶಿಸಿ ಬರ್ತಡೇ ಪಾರ್ಟಿ ಏರ್ಪಸಿದರು.
‘ನಾವು ಈ ಮರಿಗಳನ್ನು ನಮ್ಮ ಮಕ್ಕಳಂತೆಯೇ ನೋಡಿಕೊಳ್ಳುತ್ತಿದ್ದೇವೆ. ಕುಬೇರ್ ಮತ್ತು ಲಕ್ಷ್ಮೀ ಎಂದು ಇವುಗಳಿಗೆ ನಾಮಕರಣ ಮಾಡಿದ್ದೇವೆ. ನಾನು ಇವರಿಬ್ಬರನ್ನೂ ಆಗಾಗ ರಿಕ್ಷಾದಲ್ಲಿ ವಿಹಾರಕ್ಕಾಗಿ ಕರೆದೊಯ್ಯುತ್ತೇವೆ’ ಎನ್ನುತ್ತಾರೆ ರಾಜಾ.
ಹುಟ್ಟುಹಬ್ಬಕ್ಕೆ ಬಂದ ಆಹ್ವಾನಿತರು ಈ ಮರಿಗಳಿಗೆ ಹೊದಿಕೆ ಮತ್ತು ಇತರೇ ಉಡುಗೊರೆಗಳನ್ನು ಕೊಟ್ಟಿದ್ದಾರೆ.
ಖುಷಿ, ನೆಮ್ಮದಿಯನ್ನು ನಮಗೆ ಬೇಕಾದ ಹಾಗೆ ರೂಪಿಸಿಕೊಳ್ಳಬಹುದು ಎನ್ನುವುದಕ್ಕೆ ಈ ವರದಿ ಸಾಕ್ಷಿ.
ನೀವೇನಂತೀರಿ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 4:34 pm, Wed, 9 November 22
