1985ರ ರೆಸ್ಟೋರೆಂಟ್​ ಬಿಲ್​ ನೋಡಿ ಹೌಹಾರುತ್ತಿರುವ ನೆಟ್ಟಿಗರು

Viral Video : ಹೋಟೆಲ್, ರೆಸ್ಟೋರೆಂಟ್ ಎಂದರೆ ಎರಡು ಹೊಟ್ಟೆಗಳಾಗುತ್ತವೆ ಹೌದು ತಾನೆ? ಮನೆಗಿಂತ ಹೊರತಾದ ರುಚಿ ಅಲ್ಲಿ ಲಭ್ಯ ಎನ್ನುವ ಸತ್ಯವನ್ನು ಯಾರೂ ಮರೆಮಾಚಲು ಸಾಧ್ಯವೇ ಇಲ್ಲ. ಎಷ್ಟೇ ದುಡ್ಡು ತೆತ್ತಾದರೂ ಸರಿ ಆ ರುಚಿಯನ್ನು ಸವಿಯಲೇಬೇಕೆನ್ನುವ ಮನಸ್ಸು ನಿಮ್ಮದಾಗುತ್ತದೆ. ಇದೀಗ ವೈರಲ್ ಆಗಿರುವ ಪೋಸ್ಟ್ ನೋಡಿ, ನಾಲ್ಕು ಐಟಮ್​ಗಳ ಬೆಲೆ ಕೇವಲ ರೂ. 26! ಎಂದರೆ ಈಗಿನ ಚಿಪ್ಸ್​ ಪ್ಯಾಕೇಟಿನ ಬೆಲೆಗೆ ಸಮ. ರೆಸ್ಟೋರೆಂಟ್​ ಒಂದು 1985 ಬಿಲ್​ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ. ನೆಟ್ಟಿಗರು ಹುಬ್ಬೇರಿಸಿ ಇದನ್ನು ನೋಡುತ್ತಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸುತ್ತಿದ್ದಾರೆ.

ಎಷ್ಟೇ ಕಡಿಮೆ ಎಂದರೂ ಇಂದು ಒಂದು ಊಟದ ಬೆಲೆ ರೆಸ್ಟೋರೆಂಟ್​ನಲ್ಲಿ ರೂ. 1,000-2,000. ಆದರೆ 37 ವರ್ಷಗಳ ಹಿಂದೆ ಉತ್ತರ ಭಾರತೀಯ ಊಟದ ಬೆಲೆ ಬರೀ ರೂ. 26. ಅಂದಿಗೂ ಇಂದಿಗೂ ಅಜಗಜಾಂತರ. ಈ ಪೋಸ್ಟ್ ಅನ್ನು 2013ರ ಆಗಸ್ಟ್​ 12ರಂದು ಫೇಸ್​ಬುಕ್​ನಲ್ಲಿ ಹಂಚಿಕೊಳ್ಳಲಾಗಿತ್ತು. ಆದರೆ ಇದೀಗ ಮತ್ತೆ ವೈರಲ್ ಆಗಿದೆ. ದೆಹಲಿಯ ಲಜಪತ್​ನ ಲಾಝೀಜ್​ ರೆಸ್ಟೋರೆಂಟ್​ನಲ್ಲಿ 1985ರ ಡಿಸೆಂಬರ್​ 20ರಂದು ಹರಿಯಲಾದ ಬಿಲ್​ ಇದು. ಈ ಬಿಲ್​ ಅನ್ನು ಸ್ವತಃ ರೆಸ್ಟೋರೆಂಟ್​ ಹಂಚಿಕೊಂಡಿದೆ. ಶಾಹೀ ಪನೀರ್, ದಾಲ್ ಮಖನೀ, ರಾಯ್ತಾ, ಚಪಾತಿಯನ್ನು ಯಾರೋ ಗ್ರಾಹಕರು ಅಂದು ಆರ್ಡರ್ ಮಾಡಿದ್ದರು. ನಾಲ್ಕೂ ಖಾದ್ಯಗಳ ಬೆಲೆ ಎರಡಂಕಿಯನ್ನು ದಾಟಿಲ್ಲ ಎನ್ನುವುದು ಗಮನಿಸಬೇಕಾದ ಸಂಗತಿ.

ಇದನ್ನೂ ಓದಿ

ಮೆನ್ಸ್​ ಡೇ ಪಂಚಾಂಗದಾಗೂ ಇಲ್ಲ ಮತ್ತ ಗೂಗಲ್​ ಡೂಡಲ್​ದಾಗೂ ಇಲ್ಲ; ಸೋನು ವೇಣುಗೋಪಾಲ

20ನೇ ಶತಮಾನದ ಶ್ರೇಷ್ಠ ನಕ್ಷಾಪ್ರವೀಣೆ ಮೇರಿ ಥಾರ್ಪ್​ಗೆ ‘ಗೂಗಲ್ ಡೂಡಲ್’ ಗೌರವ

ಹ್ವಾಯ್ ಇಗಣಿಯೇ, ಇಲ್ಲಿ ಕೇಣಿ ಕಾಂತಾರ ಕಂಡ್ರಿಯಾ; 2 ಮಿಲಿಯನ್ ಜನ ನೋಡಿದ ಈ ವಿಡಿಯೋ

ಭಾರತೀಯ ಸೇನೆಗೆ ಲಗ್ನಪತ್ರಿಕೆ ಕಳಿಸಿದ ಕೇರಳದ ವಧುವರರು; ಸೇನೆಯಿಂದ ಶುಭಹಾರೈಕೆ

ಇದನ್ನೂ ಓದಿ : ‘ಅಭಿಷೇಕ್​ ಆ್ಯಬಿ’ ಭಾರತೀಯ ಮೂಲದ ಈ ಗಾಯಕನ ಕಂಠಸಿರಿಗೆ ಮರುಳಾಗದವರಿಲ್ಲ

1,800 ಜನರು ಈ ಪೋಸ್ಟ್​ ಇಷ್ಟಪಟ್ಟಿದ್ದಾರೆ. ಸುಮಾರು 540 ಜನರು ಇದನ್ನು ಹಂಚಿಕೊಂಡಿದ್ದಾರೆ. ಈತನಕ 287 ಜನರು ಪ್ರತಿಕ್ರಿಯಿಸಿದ್ದಾರೆ. ಇಷ್ಟೊಂದು ಹಳೆಯ ಬಿಲ್​ ಅನ್ನು ಇನ್ನೂ ಇಟ್ಟುಕೊಂಡಿದ್ದೀರಿ ಧನ್ಯವಾದ ಎಂದಿದ್ದಾರೆ ಒಬ್ಬರು. ಆಹಾ ಆ ದಿನಗಳು ಎಂಥ ಚೆಂದ. ನಾನು ಒಂದು ಊಟಕ್ಕೆ ರೂ. 18 ವ್ಯಯಿಸುತ್ತಿದ್ದೆ ಎಂದಿದ್ದಾರೆ ಇನ್ನೂ ಒಬ್ಬರು. ಅನೇಕರು 1970ರ ಮುಂಚಿನ ಪೆಟ್ರೋಲ್ ಬೆಲೆ, ತಮ್ಮ ಸಂಬಳ ಮತ್ತು ಊಟಕ್ಕೆ ಖರ್ಚು ಮಾಡುತ್ತಿದ್ದ ವಿವರವನ್ನು ಹಂಚಿಕೊಂಡಿದ್ದಾರೆ.

ಆ ಕಾಲವೇ ಮತ್ತೆ ಮರಳುವುದೇ ಎಂದು ನೀವು ಕನಸು ಕಾಣುತ್ತಿದ್ದೀರಾ? ಸಾಧ್ಯವೇ ಇಲ್ಲ!

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

Published On - 11:18 am, Wed, 23 November 22