Viral Video: ‘ಮಗಳ ಗೆಲುವಿಗೆ ಅಪ್ಪನೇ ಮುನ್ನುಡಿ’; ಭಾವುಕ ವಿಡಿಯೋ ಇಲ್ಲಿದೆ ನೋಡಿ

ಅಪ್ಪ ಮಗಳ ನಡುವೆ ವಿಶೇಷ ಸಂಬಂಧವಿರುತ್ತದೆ. ಮಗಳಿಗಂತೂ ಅಪ್ಪನೇ ಸೂಪರ್​​ ಹೀರೋ. ಯಾಕೆಂದರೆ ಅಮ್ಮ ಹೆತ್ತಿದ್ದರೂ ಸಹ ಬಾಲ್ಯದಿಂದಲೂ ಮಗಳನ್ನು ಮಹಾರಾಣಿಯಂತೆ ಸಾಕಿರುತ್ತಾನೆ. ಮಗಳ ಗೆಲುವಿಗೆ ಅಪ್ಪನೇ ಮುನ್ನುಡಿ ಎಂಬುದಕ್ಕೆ ಉತ್ತಮ ಉದಾಹರಣೆಯಾಗಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​ ಆಗಿದೆ. ಈ ವಿಡಿಯೋ ಒಂದು ಕ್ಷಣ ನಿಮ್ಮ ಕಣ್ಣಲ್ಲಿ ಕಣ್ಣೀರು ಬರಿಸುವುದಂತೂ ಖಂಡಿತಾ. ವಿಡಿಯೋ ಹಂಚಿಕೊಂಡ ಕೇವಲ ಒಂದೇ ದಿನದಲ್ಲಿ ಮಿಲಿಯನ್​​​ ವೀಕ್ಷಣೆಯನ್ನು ಪಡೆದುಕೊಂಡಿದೆ.

ವೈರಲ್​​ ವಿಡಿಯೋವನ್ನು ‘ಅಗಮ್ಯ ಭಾವನೆಗಳು'(@agamya_bhavanegalu) ಎಂಬ ಇನ್ಸ್ಟಾಗ್ರಾಮ್​​​ ಖಾತೆಯಲ್ಲಿ ಫೆಬ್ರವರಿ 19ರಂದು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋ ಒಂದೇ ದಿನದಲ್ಲಿ 10 ಲಕ್ಷಗಿಂತಲೂ ಹೆಚ್ಚಿನ ವೀಕ್ಷಣೆಯನ್ನು ಪಡೆದುಕೊಂಡಿದೆ. ‘ಮಗಳ ಸೋಲನ್ನೇ ಗೆಲುವಾಗಿಸಿದ ಅಪ್ಪ, ಪುಟ್ಟ ಮಗಳ ಬೆಟ್ಟದಂತಹ ಖುಷಿಗೆ ಅಪ್ಪನೇ ಮುನ್ನುಡಿ’ ಎಂದು ವಿಡಿಯೋಗೆ ಕ್ಯಾಪ್ಷನ್​​ ಬರೆಯಾಗಿದೆ.

ವೈರಲ್​​ ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: ಅನಂತ್ ಅಂಬಾನಿ-ರಾಧಿಕಾ ಮದುವೆ; ದೃಷ್ಟಿಹೀನ ಕುಶಲಕರ್ಮಿಗಳಿಂದ ತಯಾರಾಗುತ್ತಿದೆ ವಿಶೇಷ ಉಡುಗೊರೆ

ವಿಡಿಯೋ ಎಲ್ಲೆಡೆ ವೈರಲ್​​ ಆಗುತ್ತಿದ್ದಂತೆ ಸಾಕಷ್ಟು ನೆಟ್ಟಿಗರು ಕಾಮೆಂಟ್​​ ಮೂಲಕ ತಂದೆಯ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ. ‘ಮಗಳಿಗೋಸ್ಕರ ಏನ್ ಬೆಕ್ಕದ್ದನ್ನ ಮಾಡೋ ವ್ಯಕ್ತಿ ಅಪ್ಪ ಮಾತ್ರ, ಅವಳಿಗೋಸ್ಕರ ಚಿಕ್ಕೋನು ಆಗ್ತಾನೆ, ಅವಳ ಗೆಲುವಿಗೆ ಯಾವತ್ತೂ ಸಿದ್ಧ’ ಎಂದು ನೆಟ್ಟಿಗರೊಬ್ಬರು ಬರೆದುಕೊಂಡಿದ್ದಾರೆ. ‘ಅಪ್ಪಾ ಅಂದ್ರೆ ಹಾಗೆ ಅತ ತನ್ನ ಮಕ್ಕಳ ಯಶಸ್ಸಿಗೆ ಶ್ರಮಿಸುತ್ತೇನೆ ಐ ಲವ್ ಯು ಅಪ್ಪಾ ಜಿ’ ಮತ್ತೊಬ್ಬರು ಬರೆದುಕೊಂಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ