Viral Video: ಮುಂಬೈ ಲೋಕಲ್ ಟ್ರೇನ್; ಸ್ವಯಂಚಾಲಿತ ಬಾಗಿಲು ತೆರೆಯುವ ಮೊದಲೇ ನುಗ್ಗಿದ ಪ್ರಯಾಣಿಕರು
Local Train: ಸ್ವಯಂಚಾಲಿತ ಬಾಗಿಲುಗಳನ್ನು ಹೀಗೆ ಆಕ್ರಮಣಕಾರಿಯಾಗಿ ತೆರೆದು ಒಳನುಗ್ಗುತ್ತಿರುವ ಮುಂಬೈಕರ್ ದೃಶ್ಯ ನಿಜಕ್ಕೂ ಭಯ ತರಿಸುವಂತಿದೆ ಎಂದಿದ್ದಾರೆ ನೆಟ್ಟಿಗರಲ್ಲಿ ಕೆಲವರು. ನಿತ್ಯವೂ ನಾವೂ ಹೀಗೆಯೇ ಪ್ರಯಾಣಿಸುವುದು ಗತ್ಯಂತರವಿಲ್ಲ. ನಮ್ಮ ಕೈಕಾಲು ಹೊಟ್ಟೆ ಬೆನ್ನು ಬಿದ್ದು ಹೋಗುತ್ತವೆ ಎಂದಿದ್ದಾರೆ ಕೆಲ ಮುಂಬೈಕರ್ಗಳು. ಈ ವಿಡಿಯೋ ನೋಡಿದ ನೀವೇನಂತೀರಿ?
Mumbai: ಮುಂಬೈ ಲೋಕಲ್ ಟ್ರೇನಿನಲ್ಲಿ (Local Train) ಒಂದರ ಮೇಲೊಂದು ಘಟನೆಗಳು ನಡೆಯುತ್ತಲೇ ಇರುತ್ತವೆ. ಸೀಟಿಗಾಗಿ ಜಗಳಾಡುವುದು, ಹೊಡೆದಾಡುವುದಂತೂ ತೀರಾ ಸಾಮಾನ್ಯ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿದರೆ ನಿಮಗೆ ಕಿರಿಕಿರಿಯಾಗುವುದು ಗ್ಯಾರಂಟಿ. ಏಕೆಂದರೆ ಮುಂಬೈ ಲೋಕಲ್ ಟ್ರೇನಿನ ಸ್ವಯಂಚಾಲಿತ ಬಾಗಿಲು ತೆರೆಯುವ ಮೊದಲೇ ಪ್ರಯಾಣಿಕರು ಒಳಪ್ರವೇಶಿಸಲು ಅಪಾರ ಸಾಹಸ ಮೆರೆದಿದ್ದಾರೆ. ವಿಡಿಯೋ ವೈರಲ್ ಆಗುತ್ತಿದ್ದು ನೆಟ್ಟಿಗರು ಈ ಬಗ್ಗೆ ಗಂಭೀರವಾದ ಚರ್ಚೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ : Viral Video: ಶಿಲ್ಪಾ ಶೆಟ್ಟಿಯ ಈ ಫಿಟ್ನೆಸ್ ಸವಾಲಿಗೆ ನೀವು ಸಿದ್ಧರೇ?
ರೈಲು ನಿಲ್ದಾಣದಲ್ಲಿ ನಿಲ್ಲುತ್ತಿದ್ದಂತೆ ಜನರು ರೈಲಿನ ಬಾಗಿಲನ್ನು ಬಡಿಯತೊಡಗುತ್ತಾರೆ. ಸ್ವಲ್ಪೇ ತೆಗೆದ ಬಾಗಿಲಿನೊಳಗೆ ಕೈ ಹಾಕಿ ಬಲಪ್ರಯೋಗ ಮಾಡಿ ಪೂರ್ತಿ ತೆರೆದು ಅದರೊಳಗೆ ನುಗ್ಗಲು ನೋಡುತ್ತಾರೆ. ಮುಂಬೈಕರ್ಗಳು ಯಾವಾಗಲೂ ಇಂಥ ಅಪಾಯಕಾರಿ ಸಾಹಸಗಳನ್ನು ಮಾಡುತ್ತಲೇ ಇರುತ್ತಾರೆ ಎನ್ನುವುದನ್ನು ಈ ವಿಡಿಯೋ ಸೂಚಿಸುತ್ತಿದೆ. ಈತನಕ ಸುಮಾರು 20,000 ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ.
ಮುಂಬೈಕರ್ ಸಾಹಸ ದೃಶ್ಯ
Automatic door in Mumbai trains byu/Novel_Swimmer_8284 inDamnthatsinteresting
ಈ ವಿಡಿಯೋ ನೋಡಿದ ನೆಟ್ಟಿಗರು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ. ರೈಲಿಗೆ ಹೀಗೆ ನುಗ್ಗುವುದನ್ನು ಬಿಟ್ಟು ಬೇರೆ ದಾರಿ ಇಲ್ಲ ಎಂದು ಕೆಲವರು. ಇದು ಬಹಳ ಅಪಾಯಕಾರಿ, ರೈಲ್ವೆ ಇಲಾಖೆ ಈ ಬಗ್ಗೆ ಗಮನ ಹರಿಸಬೇಕು ಎಂದು ಇನ್ನೂ ಕೆಲವರು. ಕೆಲಸಕ್ಕೆ ಹೋಗಲು, ಶಾಲಾಕಾಲೇಜಿಗೆ ಹೋಗಲು ಎಲ್ಲದಕ್ಕೂ ಇದೇ ರೈಲು ಏನು ಮಾಡುವುದು ಎಂದಿದ್ದಾರೆ ಮತ್ತಷ್ಟು ಜನ.
ಇದನ್ನೂ ಓದಿ : Viral Video: ಸಾಬೂನು ತಿನ್ನುತ್ತಿರುವ ಯುವತಿ; ಹೊಟ್ಟೆಯಲ್ಲಿ ನೊರೆಗುಳ್ಳೆಗಳೆದ್ದವೋ? ಎಂದ ನೆಟ್ಟಿಗರು
ಪ್ರತೀ ದಿನ ನಾನು ಹೀಗೆಯೇ ಪ್ರಯಾಣಿಸುತ್ತೇನೆ. ರಾತ್ರಿಯಾಗುತ್ತಿದ್ದಂತೆ ನನ್ನ ಕೈಕಾಲುಗಳು ಬಿದ್ದು ಹೋಗುತ್ತವೆ. ಹಿಂದೆ ಮುಂದೆ ಆತುಕೊಂಡು ನಿಲ್ಲುವವರಿಂದಾಗಿ ಬೆನ್ನು ಮತ್ತು ಹೊಟ್ಟೆ ನೊಯುತ್ತದೆ ಎಂದಿದ್ದಾರೆ ಒಬ್ಬರು. ಮುಂಬೈನಲ್ಲಿ ಇದು ಎಂದಿಗೂ ಬಗೆಹರಿಯದ ಸಮಸ್ಯೆಯಾಗಿದೆ. ಅಲ್ಲಿಯ ಸರ್ಕಾರ ಇದಕ್ಕೆ ಯಾಕೆ ಸರಿಯಾದ ಮಾರ್ಗ ಕಂಡುಕೊಳ್ಳುತ್ತಿಲ್ಲವೋ ಕಾಣೆ ಎಂದಿದ್ದಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
