Viral Video: ಜವಾನೀ ಜಾನ್ ಏ ಮನ್; ಮಗಳೇ ತಾಯಿಯಂತೆ ಕಾಣುತ್ತಿದ್ದಾಳೆ ಎಂದ ನೆಟ್ಟಿಗರು
Asha Bhosle: ಅಕ್ಕ ತಂಗಿ ಬಿಡಿ, ನನಗಂತೂ ಇವರಿಬ್ಬರೂ ಅವಳಿಗಳಂತೆ ಕಾಣುತ್ತಿದ್ದಾರೆ ಎಂದು ಕೆಲವರು. ಈ ತಾಯಿ ಇಷ್ಟೊಂದು ತೆಳ್ಳಗೆ ಮೈಕಟ್ಟನ್ನು ಕಾಪಾಡಿಕೊಳ್ಳುವುದರ ಹಿಂದಿನ ಗುಟ್ಟೇನು ಎಂದು ಇನ್ನೂ ಕೆಲವರು. ನಿಜಕ್ಕೂ ನಾನು ಆ ತಾಯಿಯನ್ನೇ ಪದೇಪದೆ ನೋಡುತ್ತಿದ್ದೇನೆ ಎಂದು ಮತ್ತೂ ಕೆಲವರು. ಹಾಗಿದ್ದರೆ ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
Updated on:Oct 09, 2023 | 2:15 PM
Mother Daughter: ಹಳೆಯ ಬಾಲಿವುಡ್ ಸಿನೆಮಾ ‘ನಮಕ್ ಹಲಾಲ್’ನ (Namak Halaal) ‘ಜವಾನಿ ಜಾನ್ ಏ ಮನ್’ ಹಾಡಿಗೆ ಅಮ್ಮ ಮಗಳು ಡ್ಯಾನ್ಸ್ ಮಾಡಿದ್ದು ಇದೀಗ ವೈರಲ್ ಆಗಿದೆ. ಇವರಿಬ್ಬರ ಭಾವಾಭಿವ್ಯಕ್ತಿ ಮತ್ತು ಉತ್ಸಾಹವನ್ನು ಕಂಡು ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋ ಅನ್ನು ಮನ್ನತ್ ಖನ್ನಾ ಸೆ. 27ರಂದು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈತನಕ ಸುಮಾರು 70,000 ಜನರು ಲೈಕ್ ಮಾಡಿದ್ದಾರೆ. ಇವರಿಬ್ಬರ ಕಾಸ್ಟ್ಯೂಮ್ ಕಂಡು ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಾಗೆಯೇ ನೀವಿಬ್ಬರೂ ಅಕ್ಕತಂಗಿಯರಂತೆ ಇದ್ದೀರಿ, ಸ್ನೇಹಿತೆಯರಂತೆ ಇದ್ದೀರಿ, ತಾಯಿ ಮಗಳು ಎನ್ನಿಸುವುದೇ ಇಲ್ಲ ಎಂದಿದ್ದಾರೆ ಅನೇಕರು.
ಇದನ್ನೂ ಓದಿ : Viral Video: 406 ಚಿತ್ರಗಳು 26 ದಿನಗಳು; 65 ಮಿಲಿಯನ್ ಜನರು ನೋಡಿದ ಚಮ್ಮಕ್ ಚಲ್ಲೋ ಡ್ಯಾನ್ಸ್
ಈತನಕ ಸುಮಾರು 3 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. ತುಂಬಾ ಅದ್ಭುತವಾದ ನೃತ್ಯ, ಆಕರ್ಷಕವಾದ ನೃತ್ಯ ಎಂದು ಅನೇಕರು ಹೇಳಿದ್ದಾರೆ. ನಿಜಕ್ಕೂ ಇದು ಅತ್ಯುತ್ತಮವಾದ ಪ್ರದರ್ಶನ ಎಂದು ಕೆಲವರು ಹೇಳಿದ್ದಾರೆ.
ಅಮ್ಮ ಮಗಳ ನೃತ್ಯ
View this post on Instagram
1982ರಲ್ಲಿ ಬಿಡುಗಡೆಯಾದ ಈ ಸಿನೆಮಾದ ಸಂಗೀತವನ್ನು ಬಪ್ಪಿಲಹರಿ ನಿರ್ದೇಶಿಸಿದ್ದಾರೆ. ಶಶಿ ಕಪೂರ್, ಅಮಿತಾಬ್ ಬಚ್ಚನ್, ಪರ್ವೀನ್ ಬಾಬಿ ಮತ್ತು ವಹೀದಾ ರೆಹಮಾನ್ ನಟಿಸಿದ್ದಾರೆ. ಈ ಹಳೆಯ ಸುಂದರವಾದ ಟ್ರ್ಯಾಕ್ ನೆನಪಿಸಿದ್ದಕ್ಕೆ ನಿಮ್ಮಿಬ್ಬರಿಗೂ ಧನ್ಯವಾದ ಎಂದಿದ್ದಾರೆ ಕೆಲ ನೆಟ್ಟಿಗರು. ನಿಮ್ಮಿಬ್ಬರ ಸೌಂದರ್ಯದ ಗುಟ್ಟೇನು? ಎಂದಿದ್ದಾರೆ ಒಬ್ಬರು. ನೀವೆಲ್ಲ ಅಕ್ಕತಂಗಿ ಎನ್ನುತ್ತಿದ್ದೀರಿ, ಆದರೆ ನನಗಿವರು ಅವಳಿಗಳಂತೆ ಕಂಡರು ಎಂದಿದ್ದಾರೆ ಇನ್ನೊಬ್ಬರು.
ಇದನ್ನೂ ಓದಿ : Viral Video: ನ್ಯೂಯಾರ್ಕ್; ಜಗತ್ತಿನ ಅತ್ಯಂತ ಶಕ್ತಿಶಾಲಿ ಕುತ್ತಿಗೆ ಹೊಂದಿದ ವ್ಯಕ್ತಿ ಇಲ್ಲಿದ್ದಾನೆ!
ತಾಯಿಯೇ ಮಗಳು ಎಂದು ನಿಮ್ಮ ಈ ವಿಡಿಯೋದ ಶೀರ್ಷಿಕೆ ಬದಲಾಯಿಸಿ ಎಂದಿದ್ದಾರೆ ಮತ್ತೊಬ್ಬರು. ತಾಯಿ ಇಷ್ಟೊಂದು ತೆಳ್ಳಗಿರುವುದು ವಂಶವಾಹಿಯಿಂದ ಇರಬೇಕು ಎಂದಿದ್ದಾರೆ ಇನ್ನೊಬ್ಬರು. ನನಗಂತೂ ಮಗಳೇ ತಾಯಿ ಎನ್ನಿಸಿದ್ದಾಳೆ ಎಂದಿದ್ದಾರೆ ಇನ್ನೂ ಒಬ್ಬರು. ಅನೇಕರು ನಿಮಗಿಂತ ನಿಮ್ಮ ತಾಯಿಯೇ ಚಿಕ್ಕವರಂತೆ ಕಾಣುತ್ತಾರೆ ಎಂದಿದ್ದಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 2:14 pm, Mon, 9 October 23
